行左陣街.... 唔係好肚餓的時候.....
呢間店開左咁耐都無食過.... 因為.... 朋友間都唔係不太好評 ~
捉左個食過的朋友仔同我去試.....
um .......半熟蛋.... 要落醬油食..... 算係最好味的 ~~ 咖啡.... 好飲，好香..... 可以唔駛落糖，因為人地已經落左煉奶 ~~ XDDD
真係幾香 ~~就係叫左呢舊西多士.... 估唔到真係.....差左D....
以為個多士入邊有d醬.... 點知咩都無..... 真係有d失望....
同埋佢已經切成一件件.... 舊牛油又硬"bun bun"...... 成個配搭都有d問題.....

下次可以試埋d麵... 唔知好唔好食呢 ?!
佢有咖央醬賣... 唔知好唔好食呢 ?!

突然來個飯局 .... 簡單地約朋友 B 一起用膳
用膳地方為APM ....

APM晚飯時間一定多人，其實無BOOK位真係要等好鬼耐....
所以.... 要係APM食飯記得要BOOK位，一係就早D到~~

我同朋友已經算早放工，7點約係APM等
結果.... 2個人都要等成10幾張檯
去禁個機，行左陣返黎都仲有9張要等.....

入到去，揀左陣MENU.....無乜前菜揀，得幾款沙律.....
小食一款都無，全部都係咖哩飯....
最後同朋友B叫左2個飯 SHARE 黎食.....

我揀左焗茄子菠菜咖哩飯朋友B揀左吉列豬扒奄列咖哩飯個人覺得焗既比較好味D..... 不過就好似細兜 D.....
咖哩味道唔差，不過茄子就少左D.....得幾丁舊 ~~
其實 D 咁平的蔬菜，放多幾舊落去都唔會好蝕姐.....

塊吉列豬扒個粉有D厚，我個人唔太喜歡...
好似係度食梗炸粉咁.... 奄列都OK....
奄列飯D咖哩汁好多好好味，真係o岩哂D鍾意汁撈飯既人 !!!

不過..... 呢間餐廳似走快餐形式 .... D野食都黎得幾快.....
好多人食完都會走 ~ 當然有 D 就會坐係度繼續傾下計啦 ~~~
原本都想同朋友B繼續坐低傾下計，點知佢話好大壓力.....
咁就走啦..... 我以為佢見到 D 侍應望住佢....
點知唔係囉，出到門口見到.... 原來門口好多人等梗位囉 ~~ =.=

話說約左朋友去開餐，原本想去大坑食pizzaza，可惜....我地約得太急，所以最後都係揀返係cwb食算喇 ~
諗左好耐，想搵個地方hai...又可以傾到計... 打邊爐?? 星期五晚會等死...
星期五晚真係好難等位食飯... 突然間想到... 2046餐廳.... 所以就行左過去喇 ~

去到....要排隊....前面有3張檯等梗 ~
不過可能d人好早到，所以等左20分鐘到就有檯lu ~~檯面的紙....真係好懷舊坐左係梁朝偉下面... 望住張曼玉食飯，哈哈 !!!
不過整間餐廳都好60年代，連招呼我地入內的侍應都係一個大肚腩的伯伯，
好好人架，又好和善...... 佢見我地3個女仔見到門口張檯面有顏色，就問我地等唔等陣....
結果好快就有張卡位俾我地lu.....

叫左3個扒餐 ..... 都包餐湯、餐包、主菜同餐茶餐包.... 竟然係一塊多士.... 真係好特別 ~~ XDD
不過塊多士係暖的，都好啦，都算係即「叮」丫 !!!!

湯有紅有白，不過因為太餓...無影到 ~
紅湯 - 羅宋湯 - 料好足，好多菜同埋有肉，好清甜 ~
白湯 - 忌廉雞湯 - 湯面放有幾粒脆脆的麵包粒，雞肉都好滑大蝦牛柳餐，蝦大，不過似係雪藏的，唔係好夠鮮.....
但牛柳好正，叫左5成熟，鐵板上.....黎到都唔算話太熟
而且牛柳都好 "林"，好味 ~~

朋友叫左個帶子牛柳餐，有兩粒帶子，一大塊牛柳.... 都係5成熟.....另一個朋友叫左個紐西蘭西冷牛扒，都好有牛肉味，同埋都好鬆軟，呢種軟又唔似落左鬆肉粉喎...
哈哈 ~~ 好味 !!!!

不過呢度的收野速度何其快..... 見你食完，停手.... 佢就眼明手快地問你一句：食完架喇可??
未等你答：眼前碟野已經唔見左囉.... XDD
仲有就係... D 侍應好好記性，唔需要寫單，只係記住....
幫我地落完單跟住就去第二張執檯....執完檯先同你落單.... 不得了 !!!!!

朋友介紹，去左呢間.....
睇門面初初以為我好貴，但其實都唔算太貴 ~~
不過店內的座位擺設有D怪 ..... 無啦啦有張2人檯係2張4人檯後面......
去果日落雨 .... 而佢又無位揀 .... 而我又得2個人 .... 結果就係坐左係果張係2張4人檯後面的檯喇 !!!! >.<
不過好彩咁o岩有張檯走，所以就可以調檯喇 !!! =]

佢地有 set 有散叫.... 主打 sushi 同燒物...... 不過果晚我地叫左2個 set ~
一個金菇牛肉卷定食，一個鹽燒鯖魚定食，定食包湯、前菜、甜品
湯 -- 係普通的味噌湯，有 d 咸，不過味噌湯一向都唔係我喜愛的 ~ 呢個味噌牛脷，未食前唔知係咩...... 朋友試左話似牛肉，我一試就覺得似牛脷，
之後再同侍應姐姐confirm一下，yea ~~ 中了 !!!
佢個做法幾特別，味噌原來都幾襯牛脷，佢整細粒厚切，配青瓜食好味，唔會太咸。呢幾件刺身係跟定食的，切得厚身，都幾有魚味 芝麻醬豆腐脆脆沙律，左邊係未加醬樣，右邊係已加醬樣
因為佢醬係另上，而且我都無倒哂落沙律到 ~
d菜好新鮮，好爽脆，仲有青瓜絲，車厘茄，當然仲有主角 -- 豆腐啦 !!!!燒鯖魚個人覺得煮得有 D 過火，搞到肉質有少少 "鞋"
知道 "燒野" 應該係難的，不過仍有改善的空間呀 !!!! 金菇牛肉卷，呢碟好味好多......
佢個汁同個牛肉卷好夾，而且牛肉卷唔肥唔瘦，包埋d金菇簡直 prefect 呀 !!!
而且仲有少少什菜伴碟，唔錯唔錯，幾好幾好 !!!

兩星期光顧左兩次，每次都令我好回味 ~~~~
第一次同朋友，第二次同媽媽
其實搵到呢間鋪係一個意外...... 但最後竟然係意外的好味
黑木堂係一間小店，但內裡竟然「臥虎藏龍」，不得了呢 !!!!
我估佢主要係做街坊生意，但都有人 (*好似我咁) 專誠來拜訪 ~喜歡店內的燈塔畫.... 好靚 !!!menu.... 圖畫已經好吸引，真係款款都好想食，主要都係食丼，價錢由 $48 - $2xx 都有，豐儉由人。呢個就係我叫的海膽三文魚帆立貝丼
見到幅圖已經好想叫，其實真係有好多款揀，但係就覺得食丼無海膽就梗係爭梗d ~
海膽好鮮甜，無苦味，而且一碗飯就有3舊仔海膽，真係好正 !!!!
三文魚子粒粒都好飽滿，唔會係 "林滋滋" 的，而且唔會太咸，撈飯一流，可以唔駛落咁多鼓油 tim 喎 !!!!
講到帆立貝喎......好新鮮同大件，而且有d甜 tim 呀我覺得，真係好正 !!!!!

其實仲叫左個「蟹肉蟹籽沙律」，不過因為掛住食無影相
個沙律好好味，而且都好足料，青瓜絲好爽脆 ~~最後 .... 因為海膽太好味 .... 額外 order 左2件海膽軍艦
真係... 不得了 !!!!!
個人覺得真係好好食，比一般sushi旗艦店更好味，手作滿分 !!!!!
好耐無食過 d 上檯影左陣相 d 紫菜都仲係脆的軍艦壽司了 !!!! =]

不過..... 可能我地真係好 lucky .....
叫完之後 ...... 已經無哂海膽了 ~~ XDD
但果陣只係 7點幾 ......
如果黎到無海膽食，我都唔知應該叫咩丼食好囉 ~~~ XDD

約左人8:30pm食飯.... 仲要係佐敦食.....
時間非常充足，所以決定先到tst走一轉先 !!!!
由於好耐無見呢位朋友，所以決定要買返d見面禮
[[**其實係純粹俾自己一個好藉口去買]]
想試好耐架喇，不過見開張之後蛇餅勁長，所以先唔朝聖住 ~~
不過近排聽人講話.... 間野已經唔係好駛排隊，所以先去碰碰運氣 ~~
果然..... 店外無人，不過店內有條龍仔 ~~ 不過都係等3,4個姐 !!!!

好快就到我揀，無揀禮盒裝，寧願慳多幾蚊去買多個啦 ~~
相信朋友都唔會介意既 ~~~ 呢個馬卡龍蛋糕.... 真係想一試 ~~
如果有人肯買俾我就好喇 ......另一邊就賣茶葉同埋香薰.....登登 ~~~ 到手了 !!!!
唔知咩味打咩味，純粹為名字而揀......但焦糖係一定要試，因為我喜歡焦糖 !!!!!
雖然它名叫海鹽焦糖，但都唔算話太咸，反而係甜的，
不過個人喜歡食焦糖，好正啊，個餡好好焦糖味 ~~~
仲有隻 marie - antoinette .... 被它的顏色吸引了 ~~
有一陣淡淡茶香，值得一試啊 !!!
仲有仲有 rose 的顏色都好靚 !!!!
玫瑰味爭少少.... 不過都幾清新.... 可以試下 !!!!
仲有粒唔記得咩咩棉花糖....
呢粒真係麻麻地，好棉花糖, 果個餅有d唔係好夾 ~~~

真係忍唔住想食，但係又要等食飯.....
結果都係返屋企先食，正呀 !!!!!!

一定要再去買過 !!!!!

話說...... 突然俾表姐約去睇戲 ~
見做完 treatment 時間尚可，而且9點幾又有場
所以呢 ...... 就約左去睇戲喇 !!!

睇戲前梗係要去食 d野架啦
tst 無咩特別好食.... 突然又想食韓國野..... 就去韓國街逛逛啦
間間都好多人等，好彩表姐早少少去左等位 ~
原本想食北口，不過條龍有d長....
結果去左人少少，但好似幾好口碑的「秀」喇 ~~

未點菜先罰企，每間餐廳都係要等位的，唔駛等位的..... 應該係有d問題......
罰企時梗係睇下 menu 先啦，呢間都唔算貴，都算叫得落手 ~
好彩既係..... 我地2個都唔係太餓...... 但又想食好多野喎......
終於都有位了......

坐低又睇左陣、研究左陣個 menu.....
order 完就有野食喇.....
登登登 ..... 五色前菜最愛食菠菜 ~~~ 同埋大荳牙 !!!!!

跟住到既就係 ..... 炸年糕好特別，特別在於佢係串住黎炸.....
好似腸粉咁 ~~~
炸完仲要外脆內軟，好好味啊 !!!!!!!呢碟真係不得不提啊..... 芝士蛋卷 .....
d 芝士會漏出黎，個蛋卷好厚身..... 不過原來2個女仔去 ko 呢碟野 + 其他野食，真係有少少難度的 !!!!
不過略嫌 d 芝士唔夠濃，如果佢可以濃味 d.... 再「流沙」d.... 就 prefect 喇 !!! 海鮮煎餅，係我去韓國餐廳最愛點的食物，但又唔係間間餐廳整得好味.....
一係就好厚底，一係就無咩味 ......
今次呢個都還可以接受，佢無咩海鮮，但就夠味道囉.....呢碗麵......其實不外乎係一碗韓式公仔麵，哈哈....
叫左泡菜餃，其實都無咩特別.......
即係.... 其實我係屋企都可以整到果d ~~
原本想叫粉絲架，但表姐話唔好，咁就唯有下次啦.......

情人節要返工，另一半就放假，所以叫佢黎陪我食LUNCH....
揀左去柴灣的青年廣場食，因為一直都好想試呢間，但又因為太隔涉，平時唔會點黎.....
兩口子入到去就坐低，睇左一陣.....又唔係好餓......
想食PIZZA，但另一半就話唔好，er.....咁唯有叫個意大利飯啦 ~
另一半就點左意粉

先上餐湯，侍應話係「南瓜忌廉湯」個湯真係好南瓜，而且仲有粒粒南瓜係入邊，好味 !!! 跟住係SALAD..... 揀左伴「蜜糖芥末子醬」，有另一款「油醋的」，不過我同另一半都無揀意粉先上.... 賣相OK ~~ 而且都幾香，不過食落就咸左少少，可能佢D意大利腸偏咸 ~
不過整碟都算OK意大利飯，侍應落單時都會問你一聲：意大利飯駛唔駛煮淋D ?!
好後悔無叫佢煮淋D，對於果日的狀態的我黎講，佢個飯係硬左少少.....
不過D蝦好爽，好新鮮，但就無挑腸.....

有餐茶跟，甜品要另點.....
重點係 ..... LUNCH食唔到咁多野..... >.<

睇「大四」前夕，去左紅磡搵野食。
爸爸話不如食滷味，當然無問題~ ^_^
因為我地一行4人，一坐低老闆就介紹我地叫半隻滷水鵝，再叫其他外賣小食~
結果就叫左半隻鵝、一隻豬手、一條豬腸，好好味！
隻鵝唔肥又好淋又唔鞋，隻豬手好多肉又好大食，條豬腸都好好味！
總括而言，如果唔係住得遠，我會係常客之一。
除左叫「送」，仲有碟頭飯架，好抵食啊！

到醫院探完朋友，同其他朋友一齊去食飯 ~
8點APM度度都要等位，又想食日本野....
揀左間開左好耐，但係我都未試過的「麺屋武蔵 」等位唔係等左好耐，可能D人都係快食快走先黎一罐可樂降溫... 因為好熱呀 ~~
叫左3個小食餃子都OK ~~ 都算皮薄多餡最鍾意食茄子，呢個茄子做得幾好味 ~
發覺胡麻汁配咩都好味架喎.... XDD主菜.....叫左碗豚角黑武骨 ~
基本上呢間餐廳得3款湯底，白武骨、黑武骨 & 赤武骨
即係...豬骨濃湯、黑芝麻豬骨湯 & 辣豬骨湯
黑芝麻湯底好香，不過......食落好油 ~
食左半碗已經好似滯左咁~~~
但 D 麵係爽既，幾好味 ~~
下次可能叫第二款湯底會好 D ~~