一家幾口幾飯局....差 d因為一d濕滯野唔成事....

訂左12:30pm檯.....
二家姐話d人成日當左隔離幢豪宅係酒店入口，好搞笑 ~~
但睇真d... 幢豪宅門面又真係幾豪既 ~~

同二家姐先到 ~~
坐低傾下計....等齊人就點餐了 ~~
人人點牛時..... 我卻點了魚....
主菜未上，先上麵包 ~yo ~~ 蒜蓉包超好味.... 食左..... 3塊 ~~
可能係因為二家姐訂檯係關係..... 麵包食完，d侍應就放低第二籃 ~~
直至第三籃.... 終於都俾我地 stop 左..... 免得食包包飽 ~~ XDDDstarter 人人唔同，呢碟係我揀既....
嘩 ~~ 估唔到個沙甸魚幾好味 ~~
其他的都一樣出色 ~我的主菜黎喇.....Fish of the day....
唔記得左係咩魚，但係其實over cook 左.....
唔知係咪 serve 我地果位 waiter 耳仔特別靈....
勁醒目地問我地今日d食物滿唔滿意....
當我地提出問題後，佢好主動咁幫我地換過第二碟.....
但其實.... 舊魚.... 分得返3分1咋..... 我都有d唔好意思.....
但佢再黎的時候.... 舊魚真係好左好多，外脆內滑
佢同我地解釋，就話呢種魚係本身肉質比較實，要煎到外脆內軟係需要時間心機的 ~~
抵讚 !!! 二家姐同姨婆叫的，無試到.....
因為.... 大家姐分左佢一半牛俾我囉......就係呢塊傳說中的牛牛了......
大家姐豪不客氣地切了一半俾我.....驚我餓親咁......
佢就自己留肚食甜品..... 呢架就係我地期待已久的「Dessert Trollery 」
款款都好似好好味，但人人只揀一款.....吸引死人囉 !!!!!我揀左signature 的 Napoleon
wow..... 好鬆化 ~~ 好好味啊 !!!!!
最鍾意佢 d Custard... 唔漏 ~~ 好好味呀 !!!!同場仲有 Crème brûlée..... 其實我都好鍾意食.....
二家姐話呢個 Crème brûlée 係用一塊好熱好熱的大鐵板印落d糖度架，
所以會食到d焦了的味道......係好正宗的焦糖 ~~
umum ~~~ 真係好「焦」味十足...... 好好味 !!!!

結果我地一家幾口係人地餐廳傾到成3點幾先捨得走....
哈哈.... 有 d 阻住人收工的感覺啊...... XDDD

夜晚晚即與食宵夜，朋友推介去佐敦渡船角食，好啦 ~~ 一於奉陪到底 !!!
但.... 真係夜左 d~~ 11點先出到去
而且唔係好就腳，好彩有車出車入

朋友發板 .... 叫左好多蠔，因為我地成班都係「蠔粉」 ~~首先係....蒜蓉燒蠔 ~~
個人最愛，肉汁鮮美，而且夠大隻，推介推介 !!!跟住再來海鹽燒蠔，但我覺得蒜蓉好味 d~
不過蠔肉都係咁大隻，抵食之作，一定要試啊 !!! 再黎鮑魚仔... 其實都唔仔....侍應姐姐話無哂細size...
咁黎到呢隻....係咩size呢 ?! 唔知啊.....
只係知食落口係彈牙的，唔會燒到 "鞋" 哂 ~~
仲有陣鮑魚味... 哈哈.... 唔錯唔錯 !!!招牌廣島蠔湯，奶白色的蠔湯好鮮甜，
而且入面仲有隻肥美的蠔，**唔係蠔屎黎架 ~~
不過.... 太好味，無影到相，物超所值的一個湯 !!!!燒牛牛，每次燒烤不能缺少的..... 好好味 ~~
今次朋友點了美國牛，廚師唔會燒到好"un" ~~燒茄子個人最愛 ~~ 仲要原條燒先好味 !!!
不過呢..... 由於太多油，會好肥膩....
但係呢..... 越肥膩既野呢就越好味....
所以都係多人時 share 一齊黎食會好 d 囉，哈哈 !!! 呢個都 ok，好多芝士，所以食半個已經好流了 ~~
如果食成個.... 應該食飽左好多.... 試唔到其他野 ~~翠肉瓜不過不失，但係有朋友仔話個瓜係爛的，佢果舊係苦的，哈哈 !!!

食甜品 .... 想試呢間好耐，可惜一直未有機會
因為地方較為偏遠 ~
而今次就有幸係附近食完野，所以就隨便過埋黎搵「瀰月屋」喇 !!!

唔食物住，講下環境先 ~
其實內在真係幾日式，搞到我好似去左日本咁，唔錯唔錯 !!!look.... 無論係收銀處還是檯檯櫈櫈，都係滿具日本風的 !!!!

一入到店，店員就問想坐 tatami 定係普通檯 ~
一場黎到，梗係坐 tatami 啦 ~~~
同場仲有2位男士，除鞋的速度竟然比我慢......坐低左梗係要睇下餐牌，唔錯唔錯 ~~
不過花多眼亂，樣樣都好似好好食，搞到樣樣都好想食 !!!!先黎 round 1 -- 泡泡啤 + 葛軟糍 + 宇治醬抹奶酪燒

「泡泡啤」其實係蘋果梳打，都幾甜下..... 真係要分開黎飲，如果唔係會食唔落其他野 ~
不過個包裝真係幾得意，佢支支唔同款 (*即係張招紙唔同樣)
今次佢俾左支「萬人滿足」過我，哈哈 ~~ 飲完之後又真係幾滿足 ~~
「葛軟糍」都幾特別，朋友叫左原味，以為好似荀篛咁，點知又唔係喎....
加埋 d 黃豆粉一齊食，越食越滋味啊 !!!!
「宇治醬抹奶酪燒」佢黎到我仲以為有雪糕食 (*果兜仔呢....)
好彩..... 無為食，無"不"一匙入口食.... 如果唔係，會嘔的....
因為其實佢係抹茶芝士醬，哈哈，係用黎搽係塊格仔餅度食的，不過店員無特別同我地講，
搞到我誤會左，哈哈.... 真係好彩無一匙入口咋 ~~~ XDDD
不過呢個麻麻地，個芝士醬有 d "漏" ..... 係塊格仔餅好味 d ~再黎 round 2 -- 三色奶凍，一盤有3味，包括紅豆、芝麻同埋薑汁
個人認為「芝麻」好味，因為佢真係好「芝麻」味，個味好重，好正 !!!!
「薑味」就.... 個人麻麻，但如果是「薑味愛好者」呢.... 呢個值得一試，因為都幾薑下 !!!
「紅豆」呢... 相信都用左日本的紅豆蓉，因為都幾起沙 ~ 正 !!!round 3 -- 蘋果批
呢個蘋果批係原個焗的，焗完出黎有陣蘋果香 ~
食的時候一定會夾埋層酥皮一齊食，如果唔係就會硬係....失去左少少感覺 ~~~last round -- 花見丸子
呢個推介，真係好食 ~~
其實都係粉團，但係加埋佢外層的焦糖同埋芝麻醬，
加埋咁多樣野就真係好食 ~
下次再去的時候，一定會 encore 呢個 !!!!!

yo ~ 第一次的食評就俾左巴別橋 ~ 恭喜哂 !!!
串燒唔係第一次食，但巴別橋就係第一次食喇 !!!
食左咩就逐一話同大家分享下啦 !!!

牛脷 燒到好乾.... 麻麻地 ~
不過佢真係厚切既 ~炸蝦多士.... 配芝麻醬 ~
好油... 食唔到炸蝦 ~
不過愛芝麻醬，哈 ~清酒煮白蜆，份量足，不過味道可能爭少少 ~~金菇肥牛卷 n 燒雞腎 [[推介]]
肥牛卷做得出色..... 肉汁滿滿的，而且滿滿的把金菇包著 ~
好味呀 ~~燒白鱔都好好味 !!! 燒完仲保持肉質鮮嫩，唔會"鞋"口的 ~
讚 ~~ 燒叉燒....
食到叉燒的醬汁.... 但舊肉就.....魷魚筒飯 ~ 好味 !!!
真係好味呀 !!!
飯也充滿魷魚香，正 ~~ [[推介]]鵝肝多士就一般啦，燒得有d乾
好彩只係叫左一份，哈哈 !!!!最後叫左個芝士丸 n 磨菇丸
芝士丸同平時食開的唔同就係.....
呢粒芝士丸真係有好多芝士流出，正 !!!!!!
[[推介]] 芝士丸 ~~
反而磨菇丸就係因為俾店內的「磨菇丸有磨菇味」的一張留言呃左 ~
哈哈...... 我覺得粒磨菇丸 d 磨菇俾d白汁搶走哂d味 ~

雖然叫的款式唔多，但總算一嚐過 ~~
下次可以去第二間再試過 ~~