每次經過呢度都人山人海，但係由於對咖喱冇乜興趣，一直都冇諗住試

不過今日星期六，我家主人唔0係屋企，就自己一個出左去玩~
Shopping完見倒呢樹依然多人，但又突然想食日式咖喱喎，就試下一個人會唔會快D有位啦!
果然，講完一位，馬上可以直入喇!
哇呵呵呵~~ 確實令一眾等位人士又羨又忌!! (sorry, 有D囂tim~ 呵呵~)有得加$變餐，就最適合一人晚餐喇!
加左$15 要埋湯同野飲應該係溝粉or濃縮液0既味精湯? 不過對餐湯都冇乜要求，濕下個嘴唶~然後到個飯喇~初初見唔係好大碟仲驚唔夠，原來都好飽下，早知叫少飯慳返$5啦!
要左小辣，果然一D都唔辣呀! 由於加左忌廉，感覺好滑好香濃，但如果D蛋厚少少會更好，因為又咖喱又忌廉，已經食唔倒D蛋味，如果可以有埋蛋香就好喇!對比起個飯0既價錢，都幾貴，佢係將D雞粒切半，所以睇起上黎多D，不過炸起熱辣辣，好香脆，確實幾好味另外一提，杯餐飲檸茶好大杯呀~~ 仲諗住呢D日本餐廳通常好細杯架麻，都幾驚喜

服務就正常啦，見D waiter/waitress 都好忙，笑容雖然冇乜，不過都有禮貌，問佢攞野亦快，可以體諒。

又黎排隊買macaron，自從條龍短左之後就忍唔住黎排隊買啦~~
Laduree既macaron真係好好食~~~
尤其係中間棉花糖既，另佢既中間更加煙煙韌韌咁~~~
呢期最鍾意既係bubble gum味~~~
真係想買一盒淨bubble gum呀~~~ 好似食緊beaujolais味macaron咁!!
呢隻味仲好似係季節限定，要快d食多d呀!!

無聊Turbo 突然話食飯
今次揀左新開既Three on Canton!
開頭Turbo話好似得buffet，好在原來都有a la carte，因為閒日都唔想食得太heavy
但係坐落就有d後悔… 因為buffet 既bbq counter 就0係後面，一路等食，一路聞倒陣陣燒烤味，香到呢~~~ 但係又冇得食.. 而且散叫唔係平，應該都係buffet抵食!

食物選擇唔算多，一般酒店餐廳咁西菜﹑中菜﹑亞洲菜﹑扒類各有幾款
酒的選擇似乎比食物多，價錢亦大眾化，都係數百蚊既table wine
見倒竟然有pinotage，馬上叫返支 勁香果味，無論顏色味道都好似利賓納/提子汁，酒身薄，易入口，輕輕鬆鬆食餐飯之選慢煮和牛胸感覺似廋牛腩，係咪慢煮左就會咁?? 係就煎左佢算吧啦~~~ 脆牛脷好似煎乾左既煙肉，幾得意，底既薯蓉好香好好味~~~因為落左好多牛油? 呢碟係搞笑之選~~~ 一路食一路笑，因為好硬到似綱線~~ 叉起時仲識動L!! 勁得意，由於冇汁既關係，乾爭爭，口淡淡，食得出其實d味係好味既，但係由於太淡，味道一閃即逝…不過d蝦就幾好!落左大量我地都唔鍾意既杏仁酒黎點火! 酒多到燒唔哂，變左水浸Alaska >___< 好好好苦呀~~~

唯一要讚既係服務幾好，每碟食完一陣年輕既waiter哥哥都會走上黎問意見，亦有細心聽，希望真係會有收善啦! 唔喊都係因為佢咋!

Turbo想我俾個笑，因為佢唔記得攞電話，waiter哥哥跑出黎俾佢呀~~ so sweet~~~

凍冰冰想食羊腩煲，即刻諗起妹記

兩個人一煲羊腩煲都已經夠，為食再叫多個芥末墨魚丸

羊腩煲一黎到果然好大煲!裡面都好多羊肉，仲有好多馬蹄，可惜我地兩個都唔食 ! 我覺得一d都唔啱味呀，用wasabi同青瓜粒應該會好好多!

下次淨係叫羊腩煲好喇

呢排第二次去八王子，其實呢度0既野食唔係特別好食，但係就係有另你想返去0既吸引力..

酒既選擇不少，都係一d大路價錢相宜0既選擇，不錯!
要左支大既上善如水，抵d嘛，飲唔哂可以拎酒，不過最後飲哂…野食既選擇就更多，每次都花多眼亂
明太子吞拿魚壽司，唔知點解唔係好食倒明太子味，又唔係好食倒吞拿魚味，但係又想再食另外仲要左個牛肉飯，上菜好似碟頭飯，唔係唔好食，不過唔會再叫，都係上次既鵝乾飯好好多~

還是會回來~