HungrySheep 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2013-06-27
因為朋友推介既關係, 所以先有機會試下依度既叉燒. 外賣左半斤叉燒返屋企加餸, 未食之先, 一睇個外賣盒, d字係由右至左寫, 感覺好耐歷史呢! 打開之後, 發現原來沒有加蜜汁係盒入面的, 還好我對依d唔係太在意. 反正蜜汁都比較多油, 又容易係運送過程中倒瀉, 最重要還是叉燒的味道吧! 一試~其實佢地較味都幾好~算係好食個類~不過可惜叉燒頭尾都比較多肥肉(係一半肥, 一半肉), 我唔太鐘意, 我比較鐘意食中間個d全瘦叉燒. 另外, 唯一失色左d既係, 佢地d叉燒並唔係鬆化個種. 結論~其實d叉燒叮熱配飯食唔錯, 水準算得上係above average, 但唔係好值得特登去試.
評分: 味道 3 環境 3 服務 3 衛生 3 抵食 2
2013-06-27
平時都係去開元朗分店, 係旺角小肥羊飲茶都係第一次. 估唔到, 旺角咁多人, 上到黎竟然無乜人, 好多空台, 到走個陣都仲有好多台. 唔通真係旺角太多食肆, 太大競爭? 講返食物, 其實佢地d點心都算ok(但唔算係好出色個隻, 一般酒樓水準)~而且下午茶有孖寶, 18.8 2個點心, 都算係抵既...一行4人, 我地一共order左10個點心+1個干炒牛河: 蝦餃 - 幾大粒, 足料, 幾好味 燒賣 - 麻麻地, 同埋幾細粒 牛河 - 正常水準, 唔錯 蒙古煎餅(個名好似係咁) - d餡幾有羊味~ok的, 不過個餡少左d, 個餅又好似爭d咁, 但算係比較特別d既點心 (如果同清真牛肉館d牛肉餅比, 我覺得清真牛肉館做得出色好多) 咖哩羊肉飽 - 又係見佢特別先叫, 佢地d羊真係整得幾好ge~夠晒羊味, 佢地係個餡加左dd咖哩 (咖哩魷魚個種), 我又唔覺得係味覺上有好大突破, 又係ok la. 另外, 上台個陣其中一個包有d流汁既情況, 賣相唔好, 減分 牛腸 - 我無食, 比唔到意見 炸兩 - d油炸鬼唔脆, 唔得 叉燒腸 - 皮厚少叉燒, 都係唔得 咸水角 - 正常水準 馬拉糕 - 佢地整到1個圓型, 我比較欣賞傳統個隻多d, 麻麻地 奶黃包 - 唔流沙, 傳統, 但調味都幾ok 我覺得佢地點心d調味係整得幾好, 但好多時個餡都少左d...所以我只係會比ok水平, 算唔上出色...不過其實食左咁多野先~$150..都可以接受~ 另外, 唔知係咪附近有人打邊爐同外面曬, 佢地個冷氣又開得細, 一d都唔涼快, 環境唔太舒適
評分: 味道 3 環境 2 服務 3 衛生 2 抵食 3
2013-06-24
由於稻香成日都會推出唔同優惠, 小妹不時都會上佢地網頁睇睇~(依樣真係要讚, 佢地個網真係updated, 有時有埋menu+價錢, 真係做得好好!!) 今次, 就係比佢地既筷樂孖寶吸引而黎! 由於係雙日, 所以優惠係$98 1條老虎斑仔+半隻燒雞, 另外再加左海皇賽磅蟹+野菌浸時蔬 燒雞 - 我一向都鐘意食佢地既燒雞, 個皮好脆, D味又較得好, 係略嫌細隻 野菌浸時蔬 - 由於我唔食菌類, 所以只係食左D菜. 佢係用左菜膽個D菜, 好大條, 又無乜味, 麻麻地...食佢都只係為左健康D 海皇賽磅蟹 - 海皇佢就係加左D蝦同蟹子, 味道幾好~另外都幾大碟~用黎撈飯~正 老虎斑仔 - 都真係斑仔, 唔大條, 應該唔夠1斤, 但都幾滑同幾好食 計埋茶錢, 飯錢等~最後~$350, 每人唔使$90, 可接受. 會有下次~ 順帶一提, 其實稻香D水準唔太穩定, 唔係間間都好食. 但雅蘭中心依間食過好幾次都幾好~所以都會盡量黎依間食! 不過平時都幾多人, 今次好彩早黎, 唔使等位.
評分: 味道 4 環境 3 服務 3 衛生 3 抵食 3
2013-06-24
其實細個個陣, 一直都鐘意東海堂既栗子tart, 好少考慮佢地既麵包. 但近年, 係一次機遇下, 試左佢地既紅豆綠茶包, 只此便一試愛上了. 而今次, 就係因為佢地係店入面焗麵包, 傳出陣陣香味, 就比佢地吸引左入去! 結果最後都係選返紅豆綠茶包. 其實我本身並唔鐘意綠茶, 不過之前試過普通紅豆包, 完全唔夠綠茶紅豆好食!!所以就算唔好綠茶既我都要選返依隻 講返個包~其實佢地綠茶味唔算好重, 但咬落去個陣有陣淡淡既香味~讚! 而佢地d紅豆亦都好靚, 咬到真係幾重紅豆味, 又甜甜地~~同個包真係好夾! 而佢地個包都整得幾好~非常軟熟~而且密度都算高~唔係食完得陣風咁既~ 整體而言, 我對個包好滿意!
評分: 味道 4 環境 4 服務 4 衛生 4 抵食 3
|