番本日式放題 (旺角)

好耐好耐冇打過食評啦~又好耐冇食過放題wo!!!
所以再次黎到番番番番番本~哈哈!!!
今次都係加左升級之選!!!升級之選既北寄貝刺生~~~YUMMY!!!升級既特大日本赤蝦超正呀!!!
真係好甜一d都唔腥!!!食幾多次都覺得咁正!!!帶子都好鮮甜!!!松露帶子沙拉~哈哈好鍾意松露果種gas味加上帶子&沙律菜好FRESH呀!!!味付三文魚皮~滑嘟嘟嘅三文魚皮加上醬汁!!!
感覺好似平時食開嘅既海蜇差唔多。都幾特別!!!焗蠔更加上沙律醬酸酸甜甜很開胃。賣相都很好!!!炭燒羊架睇個樣已經不得了!!!點知食落出奇咁好味!!!一d都唔會話好so!!!炸物整體都幾好!!!油不多又不肥膩!!!當中個芝士丸子最好咪, 外脆內綿加上芝士香!!!再次食清酒煮蜆依然保持到水準!!!
冇沙又多蜆肉!!!酒味有d重!!!最岩我!!!海膽甜蝦壽司係球狀壽司黎嫁!!!海膽與甜蝦味道好鮮甜!!!而且黏軟適中!!!
黑松露三文魚壽司 ~原來黑松露果種gas味加上三文魚既味道好夾!!!三色花之戀都幾創新!!!但刺身略為薄D!!!
上面既沙律醬同松露亦都令壽司生息不少!!!炸香蕉加朱古力醬好甜，但都幾好味!!!最後當然係食朱古力雪糕為結尾啦~哈哈!!!

Wildfire Pizzabar (西灣河)

約左幾個朋友食飯,又唔知食咩好!!!
之後友人就話不如近近地西灣河食!!!去到西灣河就決定去soho東食!!!
行左一轉,最後決定食wildfire!!!頭盤叫左個凱撒沙律,d沙律菜都幾新鮮少少澀味都冇!!!只係個汁少左dd囉!!!個水牛芝士批就正啦!!!好野味好開胃!!!水牛芝士唔會太咸加上蕃茄醬真係一流!!!個天使麵都幾好味道!!特別在竹筍加上d麵條出奇既夾!!!再加上蕃茄調出味道!!!大蝦亦好爽脆!!!至於個意大利飯就一舨啦!!!竹筍好爽但個飯就唔係好夠松露味!!!

但同3 5知己去開支有汽白酒再暢談一晚真的很寫意既!!!

Dabyida Restaurant and Bar (尖沙咀)

星期天冇野好做就約左個朋友仔去尖沙咀行下街!!!
行到攰攰地就決定去食返個tea先!!!
朋友就話佢之前食過一間Bar既buffet brunch好正但唔知Tea點就想去試試!!!
原來間Bar就係K11隔離!!!都好方便!!! K11好熱鬧繁華都市但一轉角竟然可以如此寧靜!!!
又一個繁華都市中的一點寧靜!!! 餐廳內既裝飾都俾到人一種好舒適既感覺!!!
舒服到差D訓著左~HEHE 我地叫左個Share既Tea Set!!! $268 for 2都ok呀!!!超精美..真係令人唔捨得食佢落肚呀!!!
好啦我就由左下開始食..順住黎食最後先食甜點啦!!!

首先係巴馬腿水牛芝士多士!!!一向都愛吃parma ham既我當然都覺得好好味啦!!!
parma ham加上水牛芝士本來會咸左d,但再加上多士平衡一下個味就岩岩好啦!!!

第2就係布里芝士配黑松醬!!!第一口我就咁食芝士同黑松醬..好似有點重口味!!!
之後加埋d沙律菜一齊食就幾ok!!!

第3係自家鵝肝醬...但我就唔係好覺得佢似醬wo!!!因為好乾好乾好乾!!!感覺一般!!!

第4就係莎樂美腸露筍卷...咸咸既莎樂美腸包住清甜既露筍!!!食落有一種好清新既感覺

第5係海蝦他他配黑魚籽醬...他他醬加上海蝦配上黑魚籽醬，口感特別，最特別的是用蕃茄做器皿!!!好有心思!!!

第6係意式香草蕃茄配水餅!!!新鮮蕃茄配香草再加上餅乾一起食...好fresh好健康!!!

第7係巴馬臣芝士條配蜜糖!!!e個就真係估佢唔到wo!!!本來以為芝士咸咸地加上蜜糖會好怪!!!點知食落又唔係wo!!!巴馬臣芝士比較淡口加上甜甜的蜜糖都幾好味!!!

第8係燈籠腸釀意大利腸肉!!!形狀好得意...相信是廚師好俾心機包的!!!味道有d似火腿包豬肉!!!

第9係煙三文魚撻!!!煙三文魚加上沙律醬...酸既味道配合好脆的撻底!!!好好味!!!我最鍾意食e個!!!

甜點就一般般~~~水蜜桃迷你班戟d水蜜桃太甜好似加左好多糖水!!!而鮮雜果配紅酒汁就好似有苦澀味!!!食完咁多野當然要飲返杯奶茶清清喉嚨啦!!!咁就完滿啦!!!
下次都係試下個buffet brunch先朋友講到咁好!!!

番本日式放題 (旺角)

今日又同幾個朋友出去食飯!!!咁岩講起上次番本真係番到本!!!
所以今日又去番本食飯餐飽啦!!!
真係估唔到咁快就加左價啦!!!但都ok既!!! shocked
可能係平日所以都唔洗點等位!!!
升級之選今日我地都係有升到級既!!!升級之選實在太吸引了!!!剌身依然幾新鮮!!!三文魚油甘魚都好肥美!!
希靈魚今次就腥左d!!!白玉拖羅都係一般般!!!碎帶子軍艦係帶子加上沙律醬!!!加上沙律醬鮮味更出!!!忌廉藍青口都係升級之選!!!味道都ok!!!
但忌廉有點多!!!食少少ok!!!食多幾隻就有d膩!!!花之戀滿是沙律醬!!!好味!!!
花之戀上既三文魚比三文魚刺生還要肥美!!!
真係可以叫做食落啖啖肉!!!牛油蒜蓉炒帶子一啖一粒!!!帶子同牛油蒜香既味道真係好夾!!!升級既特大日本赤蝦就係超正!!!
真係好甜一d都唔腥!!!食幾多次都覺得咁正!!!炭燒羊架睇個樣好似一般!!!仲好似有d熟得滯!!!
點知食落出奇咁好味!!!一d都唔會話好so!!!清酒煮蜆平時都成日食!!!但成日都會有沙同得返d殼!!!
今日食到的就一d都冇沙又多蜆肉!!!
酒味有d重!!!最岩我e d酒鬼嫁啦!!!
食左2次都覺得番本很不錯!!!次次都要抱住個肚走
番本真係可以番到本的

薄荷葉泰國菜 (元朗)

今晚要去元朗朋友屋企團年!!!晏晝冇咩好做就早左入元朗!!!
行行下又肚餓但又冇咁早食得飯!!!咁就我地又去展開我地既搵食之旅啦!!!
最後朋友話好記掛住上次食果個燒豬脾仔!!!所以都係食返Mint Thai!!!哈~都已經1月尾竟然仲可以見到聖誕樹!!!
氣氛好似仍然停留左係12月咁!!!首先當然係黎返個泰式生蝦!虎蝦非常非常新鮮!!!
肉勁有口感,個醬汁酸酸辣辣咁好開胃!
每隻蝦上都放左一片蒜!!!令辣味升級!!!正呀!!!菠蘿泰式特飲有椰果之餘!!!仲有微微的菠蘿肉!!!口感不錯!!!
味道有d酸酸甜甜!!!都幾解渴!!!再黎一個馬拉盞炒通菜!!!份量十足!!!
蝦醬味濃但都唔會話太過鹹!!!通菜新鮮好爽口!!!食泰國菜當然要食咖喱啦!!!但我又唔係好食得辣!!!所以叫左個斑蘭咖喱!!!
食咖喱當然又要食薄餅品!!咖喱好有椰香味!!!
再加入斑蘭葉增添左不少既香草的清新!!!甜而不膩!!肉味都好濃郁像!!切得都大件!!!唔會搵唔到!!!
份量都幾多!!!用薄餅夾住黎食都食唔哂!!!
薄餅一碟四件片!!!新鮮即制!!!拎上手仲熱辣辣!!!油都唔算多!!!
微微帶d麵粉香，夾住咖喱黎食真係一流!!!泰式春卷
春卷既外型同一般街見到既唔同!!!比較幼身長長既!!!放係杯入面好似藝術品咁!!!
春卷炸得鬆脆又香口!!!再配上泰式辣醬已經好好味!!!再捲係生菜入面食就更加爽脆!!!菠蘿海鮮炒飯係用原個菠蘿上菜既!!!賣相都唔錯!!!
炒飯配上脆口腰果再鋪滿肉鬆仲有大蝦!!!
但飯就炒得濕左少少咁囉!!!大蝦都係得2-3隻!!!

下次入去元朗拜年再食過先得!!!