放工已經十點幾，趕去試新野。因為差不多關門原故，好多野食都賣曬唔再出。

最後叫左個豬頸肉湯天使面和芝士撈面。

湯天使面無味，亦亳無口感!芝士撈面就唔夠乾身，面質亦唔夠彈，因為6得太耐原故。值得一讚的是每個餐都有生果附送，感覺好清新，亦適合經常外出食飯的都市人。
埋單加埋$82，平!希望下次早d去食果時,食物質素會好點!

一直想搵間唔止睇得仲食得既英式下午茶酒店。收到DBS白金信用咭的優惠於是去食。

當日是星期六，我們坐每半小時一班接駁車由東涌地鐵A出口坐去酒店(15分鐘)車程。
到達酒店果一刻感覺好似離開香港咁，因為沿路行都見到飛機在上空飛過，地方廣闊，空間感十足，唔似香港~哈哈~

3:30去到café，經理安排我地坐已訂位的海景沙發位，雖然餐廳地方不大，所謂海景亦名不副實，但整體感覺都幾舒服。

Order左兩份下午茶之後開始選擇茶類，我選左蜜桃茶，男朋友選左甘菊茶，味道正常。寧靜的環境飲杯熱茶……減壓不少!!^^等左大約20分鐘，終於送上主角，頂層是咸點，第二及底層是甜點。賣相非常好，不過甜點太甜。咸點反而有驚喜，煙三文魚卷口感豐富，主要呢度星期六、日下午茶是無限添加，所以我地再叫多次咸點食。黎之前以為2個鐘有排坐，但坐坐下原來時間過得咁快! 哈哈~建議準時3點好去到開始食野。
今次有DBS白金卡優惠所以半價，折實每人$130。覺得好抵，不過如果是正價，要坐咁耐車由九龍黎呢度，我諗我會選擇去第二間。

在朋友的FACEBOOK度留意到呢間野，經餐廳的小姐提醒下7:15準時到達。一入到去只見到幾張的枱，同想像中的大型放題/自助餐唔同。

最值得話俾大家聽既係長腳蟹，雪味唔算重，肉質亦唔乾

我地坐得近自助吧枱，一有食物我們就出去拿! 拿左好多野食,哈哈!紅酒燴牛柳粒鐵板好味!打邊爐食的皇帝蟹棒就無限量供應!! GD GD!

剛剛去完荃新天地分店，食物價錢都幾抵，$35以上一個餐都有，午市時間無加一之餘，1點前結帳仲可以平兩蚊。

今日食我最喜歡的"卡邦尼意粉"，味道OK，不過個汁太水，白汁濃稠度不足，足以影響全碟意粉既口感>.<