提到Macaron，頓時令我想到念念不忘在K11 地下那間Paul Lafayet，因為那個糕餅擺設真係十分美呢！適逢這天是Aunt嘅Birthday，就借個機會品嚐下佢地嘅蛋糕先

一進店內，沒有熱情嘅招付，但有幸被我發現到這個賣相極吸引、內容豐富嘅Macaron Cake，非常Colourful，我二話不說便買下來了！這款Cheese蛋糕上面有5隻不同口味的Macaron，Macaron外層okay脆，內面帶點煙韌，但可惜偏甜了
生果夠新鮮，有Strawberry、紅莓、藍莓、仲有兩款不知名嘅水果 ，師父用料創新匹配，令到個cake色彩非常，使人有開心的感覺，讚！
再吃下一口Cheese cake，味道尚算濃厚，但沒有回味感，過得去吧。

整體美觀感 : 10/10 ㊣
整體味道感 : 6/10

一月廿六日晚，後記。

近排提到拉麵，身邊老友都說 APM 麵屋武藏 啦，愛嘗試新野的我當然要立即去品o嘗品o嘗啦。5:45pm，同友人一齊到達，竟然是人山人海，舖內滿座，要等成十張枱 武藏這兒供應的食品不多，祗有幾款拉麵和小吃，當天我試了這兒人氣的黑武骨叉燒拉麵、武藏炸雞、日式炸蝦卷。叉燒肉質嫩滑，油脂平均、不膩；溏心蛋入口香甜，蛋汁豐富，不錯。至於精緒所在的黑武骨湯底，味香濃但偏咸 ，喝得多有口乾感；麵條呢，很有o爵頭，軟硬適中，回味無窮 ，但份量太少了，如加多個麵餅也不為過。

至於小食方面 :
武藏炸雞 － 內嫩而皮不脆，差，炸雞怎會不脆的呢 ? 可幸係個芥未沙律汁好好味，令整體質素提升返。
炸蝦卷 － 皮薄但可惜冇乜蝦肉味，普通水準。

整體水準比我預期低，吃完再傾了半個小時，埋單，再見出面人龍比前更多了一倍 ！

一月尾嘅星期天，遠足日 ( 由慈雲山經麥徑去望夫石半day遊)，途經呢間小士多買野飲。店主誠意推介呢支紫背天葵茶，話清熱解毒喎 ~其實開頭都諗下買唔買，因為顏色好紫色、名都未聽過、唔知用咩整、古古怪怪的！但經友人說說是行山良品、味不錯，好就買支線黎試下先。

紫背天葵色味似利賓納又似山渣水、甜甜酸酸，好清不太甜，冰凍真的解渴，感覺比開水還好呢

回家翻查網業得知紫背天葵性寒、有清熱、解毒、消腫、散結、利尿等功用 嘩！好利害，估不到$5、$6蚊左右的一支茶有咁强勁的效用呢

今次遠足估不到會知多一樣知識呀 ^ ^

係觀塘匆忙的一個下午，不知不覺去左間很地道、平民式的和食店Lunch；由於時間不多，諗都唔諗就點了個鰻魚飯set (至愛 ) ！

鰻魚飯上枱賣相好吸引，鰻魚頗大件，而且又肥美，口感和味道一流有水準；醬汁豐富，而唔會太甜，配以珍珠米簡直正！這兒的麵豉湯也不錯，可惜美中不足係隨set附上嘅沙津菜又苦又硬，勁差

這處地方比較逼，坐得不太comfort，但有幸Staff服務親切 ，可再來。

早聽聞中環 Holly Brown 有款叫炒Gelato 雪糕，真係未試過，一生人一次，專程去試試先
看看Menu，有成10多款Gelato 雪糕，我2話不說擇了個《黑武士》(Cholocate為主打)。店員從雪柜中取個朱古力Gelato球放在平板枱上炒幾炒加上朱古力醬、朱古力碎、Brownie，撈一撈再加上Waffle 脆筒，完成！未食都見黑漆漆，好choco feel，賣相亦好靚 。 最初幾啖都覺得okay，Gelato 密度足又香滑、朱古力香濃；好在叫杯細size，因為越食越覺好甜，有啲o覺喉感，要立刻飲啖水呢 ，而Waffle 脆筒就出色，脆卜卜

這兒環境一般，比較熱同嘈，唔係一個享受relax吓的地方。 (我會覺得Pacific Coffee... 等會好d)
乾淨度亦麻麻，客人用膳完亦末見店員抹枱及清理呢

以$48一客算okay呀，下次再試另一有名的拉花《卡菲》

從細妹口中得知有一Pizza連鎖店進駐香港，名叫Paisano's ，今午就一試得唔得先！係加連威老道鋪面一大塊一大塊Pizza on show，真係吸引非常，比起 Pizza Hut 、 Pizza Box ..... 等的大塊多倍

Pizza 選擇十分多，眼花暸亂，女店員清一式係外國人，我隨便點了個 【Manhattan Special】$35 plus Coke Light $10。

正午13:00，人客得7成，好容易找到位。起初以為小店係行中檔路線，但其實不論decoration、桌椅都似係快餐Macdonald、KFC style，枱面還是油光面 及餐具等係自取的

【Manhattan Special】送到來，材料有 Italian Sausage、Pepper、Onion with Cheese Sauce。餅底做得香脆鬆化，但圍邊偏Un，Pizza Hut 出色啲，但呢個又冇 Pizza Hut 的那麼油膩，各有各好；論材料 : Sausage 香口好味但肉量不足、Cheese Sauce 係 Mozzarella，唔覺有乜特別，還反而覺冇乜芝士味，我要加多d芝士粉tim。整體合格70分，身為Pizza Fans嘅我會再來，因為可以散叫、可以堂食、Simply 方便！價錢合理

一個平日嘅夜晚同老友黎到MegaBox逛一逛揾野食，眼見呢間【味吉】嘅門面同豬頭造形唔錯，就入去試一試，睇下掂唔掂先。

鋪內裝潢好日Feel，人客算多了，7成滿，以MegaBox交通咁不便，【味吉】有此人流，算好，心諗此店應該好野o瓜。 我地安排坐Bar枱，此店以拉麵為主打，我地不容置疑就叫左2客拉麵，試下便知龍與鳳！

友人叫左個豉油拉麵，而我就叫左個『赤吉豚王拉麵』，看到枱面個Advertisment，呢個肯定係主打 – 係用1比1豬骨濃湯熬製18小時，咁堅？等左10分鐘上枱，賣相比相中差左一截，份量亦比實際小了一半，麵餅比一個公仔麵還少呢。豬骨湯底okay，做到香濃而乳白色，再加上芝麻同微辣，搭上拉麵黎食係正嘅，湯底肯定無(乜)味精，食完亦都無口渴之感 。 但麵條造得真係普通貨色，唔夠彈牙，偏淋，比起正宗嘅日本麵還差些少呢。

配料有半隻温泉蛋、3片叉燒、一舊肥瘦肉、紫菜等。印象中叉燒同肥瘦肉真係一般，偏 ”鞋” 口，都係本地叉燒好食好多。温泉蛋我第一次食到係連蛋白都係流心，同蛋黃一樣，而蛋皮係好薄而 ”un un” 地，口感一流，出色；紫菜可能已少少漏左氣，不太脆。

好快已食完，actually太細碗了；飯後喝杯茶，好飲，係清烏龍，入口唔”鞋”而清淳，真係估唔到呀 ，我都喝左2、3杯呢！

整體可以，但埋單以八十幾蚊一碗麵來講算唔太值了。

享受完行山嘅樂趣後的一餐，不知不覺來到尚德邨商場，係二樓見到呢間餐廳，名叫汶萊咁古怪 ，眼見人流都8成滿，差極有限，於是入去試下。

2:10pm 剛好係下午茶時段，Menu 上有好多Choice，主要都係其它茶餐廳菜色，lum lum 汶萊食物會唔會咖喱、喇沙等會出色d ?? 好就叫個炒貴刁同凍啡試試 汶萊餐廳環境普通帶暗沉，地板同枱面亦不大乾靜，服務可以。 等左10分鐘左右有野食，首先黎杯凍啡，我望望個樣都知唔太差，冰塊、奶、咖啡分開三層，肯定新鮮即整。飲起來好重奶同啡味，夠凍好飲！ 無幾耐貴刁也上枱，碟頭一般，可能下午茶關係。貴刁色水吸引，即炒熱辣辣，但可惜唔夠咖喱香味，得個辣字；幸好蝦仔、牙菜、肉絲、蛋絲等材料都足，口感okay，河粉又無碎濕濕之感，都接受啦 。

埋單看看原來要加一。。。 呢樣我覺得奇怪law，普通屋邨餐廳都要加一，又無乜出色service過，扣分！

同友人二人APM看戲前的晚餐，甘味讚岐真係最好選擇 － 一個字 【近】

由於得返半粒鐘食野，看到我心頭好之一 『吉烈豬排蕃茄湯烏冬』，於是立刻call待應落單吧 !

10 mins ，湯烏冬上枱，賣相吸引主角吉烈豬排炸得香脆，色水一洗，肉質還keep得鮮嫰，唔乾有肉汁，唔點跟上的salad醬仲好味；唯一係細塊law，我2、3口都食哂了。

蕃茄湯味濃，蕃茄滿佈碗中，口感開胃清新，喝左半碗都不覺口乾呢，正！烏冬亦都算彈牙，但印象中自家烏冬仲彈d ；，烏冬份量適中，唔錯。滿意 ，十分滿值七分。

估唔到闊別一排嘅糖朝己轉型主打中菜，我都奇怪，那晚9:00pm左右吃完晚餐上糖朝食個甜品，竟見每圍枱的食物都是茶、小炒、炒麵飯等... 心想我們叫甜品會唔會好異相呢？ 哈哈

環境同我2年前是一樣的，坐得舒服，服務還是佷不錯，唯一大變便是客人(由以往港人為多到依家外國人佔主導了)，成9成人係遊客呢

望望Menu，甜品款式甚多，就講講我的黑珠芒果西米露啦 賣相層次分明，黑珠、芒果、西米露間段擺放；黑珠很有o趙頭，唔錯。芒果肉份量亦不少，新鮮但偏酸了 。再說西米露，稀結度適中，但又略為偏甜。整體感覺上水準下降左，唔通下次要lai食中菜先得？

我們4人用饍完後吹水閒聊好耐，職員亦無趕客走之舉，真係值得俾糖朝 一個《LIKE》喇！