金鳳的大名已聽過不少次，往時6:00pm許在那長沙灣舖已見大排長龍 『係咪咁正呀』: 心諗

這天中午不期然行過山林道，又見到金鳳了，但呢次係無人的，好奇怪；兼且午餐價錢竟然只須$30大元，一間咁出名而坐落尖咀地區嘅餐廳竟会如此便宜，我當然唔會放過此機會喇 。

7成滿座，入去無侍應招呼，無所謂便找個位坐下去。望望Menu，見有牛仔柳餐，lum 住大餐廳的牛仔柳一定唔差，so 便 order 一份。

眼見待應手腳非常〝那西〞，餐具排都不排好，一手一渣放哂係枱，枱面又唔抹，好不乾淨呢

有野食了，個餐其實好豐富 : 餐包、羅宋湯、牛仔柳薯菜、凍Lemon Tea 餐包 - 全餐最好，估唔到超軟又熱辣辣，好味
羅宋湯 - 味可以，材料亦十足，但敗筆在唔夠熱，及唔夠濃，一般
牛仔柳薯菜 - 賣相好吸引，但牛仔柳肉一切落去已覺唔掂；霉霉淋淋的，一啲肉質感也無，味道還接受到，但點可以上抬架 。薯條偏淋、無味又唔脆；大白菜整得過耐，好 un 呀！

呢間真的傳說中的金鳳？點解會咁差勁架 ，可能真的一分$$一分貨，「糊口可以」，但我真的 prefer 賣貴o的做好o的喇，呢間無下次 law。

放午飯時候了，已經吃厭了集團式快餐店，咁啱KT東Mall開左間上海野，一於試下。

忘不了舖子好細，但尚算整潔，看看餐牌點左個鎮江骨菜飯配上酸辣湯、黑豆漿。菜飯 Set 賣相不俗 - 酸辣湯不辣不大酸，味尚算可以，湯料＋足。主打鎮江骨肉汁豐富而淋，可惜醬料偏咸，要配上飯吃才剛好呢。

飯後細味黑豆漿，竟然是無豆味的，開水一般，差！ 尤幸這店每人再奉上一舊桂花糕作甜品 - 桂花糕清甜而滿是桂花香味，唔錯！

用餐完畢已要急不及待埋單，坐多陣都唔好意思 ... 因為門外實在太多人喇

整體滿意分數 7.0 / 10

好久之前已試過B仔(大坑渠)那間有3次之多，感覺好迫夾，而涼粉甜品等又不凍唔新鮮的，點食呀！？印象真的麻麻。

今天遠度而來探親友，吃飽一頓豐富味美嘅晚餐後來一個B仔涼粉，今次唔係大坑渠那間了，而係試試又新街那間。

估唔到依家B仔人氣仲咁旺，簡樸風味依舊，舖外全街都係摺枱 ，我們7人好不容易才等到位子呢。

B仔涼粉果真名不虛傳，一大個鮮果涼粉放在眼前，足夠我們分享了。涼粉唔算有乜特別，但尚算冰凍！生果賣相十足 : 有奇異果、香蕉、哈密瓜、西瓜、椰果、蜜瓜、木瓜、士多啤梨、火龍果、大樹菠蘿等。生果鮮甜，配上少許淡奶，好味！每人可以分到足一碗，幾抵食啦。

Overall黎講，B仔涼粉冇咩驚喜，只係合格 ( 比起之前已進步返多少)。環境其實不大好也不乾淨 (因在馬路邊)，背後亦很多人等位，而服務員態度亦一般，但一家人可以坐埋分享大甜品、吹下水，feel so good！

2個月前買入團購自助餐飛，終於訂了位。上week一行6人依時11:30到達，誰知門外已排了長龍，職員11:30先慢慢check飛後入座，不知為得不預早讓人入座？！我們等了15多分鐘才可入內。進入後己覺不妥，餐廳並不闊落，根本不適宜做自助餐場地。原來並不是100%自助形式，勁似工廠canteen開放式廚房，有人配給那種 (配給二字並無那過)！到了排隊取食物，足足排了10分鐘才取了一Round。食品方面選擇非常少，所謂的海鮮自助餐，海鮮只有幾款：
龍虾仔 – 入口即吐，肉霉兼帶有腥味 。
巨型翡翠螺 – 肉Un又無鮮味 。
生蠔 – 店員第三輪先拿出來，每次排隊每人只可分2隻。不過不吃也罷，蠔穀只有拇指般size，無肉可食，都不管它來自什麽出產地了。

其它食品10隻手指數得哂：
Pizza係切成小方塊serve，味道、餅底只是普通貨色！沒有意粉供應，只有凍的茄汁蝴蝶粉和意大利飯；水牛芝士蕃茄、巴馬火腿水準一般。熱盤只有2盤，放在廚桌最尾的位置，有香草燒雞和羊肉。同樣令人失望！雞肉鞋而淡，羊肉又用鬆肉粉加工，己不用多說了。懷着極度失望心情取甜品，亦都只有3、4種。但全店令我覺得唯一可取的Crème Brulee 與 Chocolate Mousse 都已被人切到爛蓉蓉 。

餐飛連$40服務費 (無餐飲，只供應Water)，每人要$200蚊，雖不是很貴，但這樣的質素，同區其實有很多不錯的Semi-Lunch Buffet選擇。團購了餐飛而還未去用餐的朋友們，我想您們還是抱着填飽肚子的心態才不致換來一肚氣了。

星期三好一個Public Holiday，下午點半左右約埋友人尖沙咀找尋美食，來到 iSquare 就上去試試 Duke's Deli 嘅漢堡包啦

Duke's Deli 環境好舒服，好有美國餐廳feel，由於這裏客人不多，更覺氣氛輕鬆舒服。侍應生清一式係外國人，落order係用英文架

我地二人叫左2個Combo - The Steel City Sausage & Philly Cheese Steak The Steel City Sausage - 厚身美國香腸燒得香脆，芝士同肉醬焗至熔化，香口滿足。飽亦焗得一流脆面，呢個已令人愛不釋手

Philly Cheese Steak - 這薄和牛漢堡很夠熱，芝士夾著頗多洋葱青召，口感一流很配合。 和牛本身亦包含肉汁，肉質嫩滑同入味，都算幾惹味。一人一半的份量剛好！

薯條炸得香脆，味道吸引；伴碟還有酸菜salad，開胃！

由於漢堡以芝士作主打，食完己經好飽好飽，晚飯爭d都食唔到呀

食物質素、環境、服務態度都 okay，在這裡用餐閒談是一個不錯的Choice。價錢來說，以每人約$100蚊黎講可接受

星期日獨自一人行完山黎到啟田商場地下，入去大班Friends 休息下連午飯

呢間茶餐廳算大間，感覺都光鮮多人。我點左個常餐 - 黑椒雞扒火腿飯 加 凍 Lemon Tea 黑椒汁非常"野"味，甜甜辣辣，不太稀，正 ，雞扒火腿都煎得香同入味，但唯一不滿係雞扒得一少塊及末停乾油便上碟，令到一少邊飯吃不下呢 。 奇怪點解星期天d飯餐要多加$2呢(成6%架)？如果keep住$34飯加飲品會合理些少！

味道行先 -- 唔差，可以再試

係旺角吃完dinner，順道揀間比較大嘅許留山飲杯野，貪佢可以坐得舒適 d

三人行我叫了芒椰蘆薈爽 - 賣相色彩唔錯，分開三層 ( 頂頭椰汁加零碎芒果肉、中部芒果汁、底部是蘆薈啫哩 )。份量要加大才等於以前的Size ( 現在真係揾苯左好多 ) 。芒果鮮甜，椰汁尚算香濃，蘆薈啫哩無什特別 ( 但唔明點解會綠色? )，整體okay。唯一有少少不滿係我地喝完想坐多一會，店員就行來行去，好快收哂d杯趕客咁 ( 如早知係咁，外賣好過 ，仲平啲 )。其實無它，實在太多自由行同胞了；如想坐耐d吹下水還是到其他店鋪吧。

適逢細妹生日，係 OR 睇到 Ovenhouse Deluxe 的Cake 好似幾得，就二話不說去左皇室堡啦

5時30分冇乜人客，可以細心挑選心儀的蛋糕... 望見個蛋糕櫃已經被吸引着，不同style而美嘅 cake 盡在眼前，而最吸引到我的便是粉紅色的Lady Peach 白桃淑女 ( 嘩 個名同個Cake嘅造形好襯wor ) d sales 好熱誠給我詳悉蛋糕介紹和試食，印象中試了3個味道 - Moongo 芒果慕絲、Ruby Kiss 紅寶之吻、Lady Peach 白桃淑女。

Actually 3個味道都好出色好味，但我都係揀左白桃淑女，因為外型高貴、造形真靚

整件蛋糕分了3 層次， 上面小波2個係白chocolate，海綿蛋糕鬆軟，酸酸的 peach mousse 軟滑同清爽， peach champagne coulis 桃味好出，味道絕對創新吖 Finally 妹妹 & 家人試完都話滿意，我都放心啲，哈哈

竟然係尖沙咀咁旺嘅地區有一間咁舒適、可以靜靜地用饍的地方，so surpise ！

番看OR嘅資料先知麼地道有間千福大少，昨午14:30左右人客不算多，舖子分兩邊，近大街那邊似係以飲野為主，另外的以吃飯用途為主。裝潢係偏簡潔沉色，感覺好relaxxxxx ~~ 食客們大多一邊吃飯一邊 Web Surfing、看看書或聊天等，寫意非常 。

一行三人點了三個拿手美食

海南雞飯 師父用上雞脾做菜，雞肉鮮滑，正！賣相本應不錯，但敗筆在於脆肉瓜同紅蘿蔔放得亂成一團。黃油飯有雞油香，但亦略為硬身，淋番些少會更好。随飯還付上清湯一壺，用料其實就係脆肉瓜同紅蘿蔔，一物二用

咖喱牛腩跟烏冬咖喱汁香而不辣，牛腩同薯仔淋而入味，讚。烏冬亦都好彈牙，正！

千福大少炒飯好香，呢個係三個之中最高分，師父用左XO醬去炒，辣辣地好野味。飯炒得乾身金黄，配料有肉碎、鮮蝦、菜粒等，好豐富呢。

Last order 番杯 Iced Cholocate口感真的似 Vita Chocolate Milk，飲完為這餐晝上美好的句號呢

講真，伴碟賣相欠奉，價幾亦唔係平 (平均要$90一人)，但勝在食得舒服、relax；可以再試呀！

响太子幫襯過永興茶餐廳幾次了， 評語一定係唔錯，事關佢啲野食對板、好味。

小炒講賣相不及洒家，但質量味道也不錯 咸魚肉餅
肉餅內好多豬肉，感覺 Heavy ；但肉餅新鮮好夠味，咸魚超香，正！送飯一流。

芥蘭炒肉片
肉片超乎想像的新鮮同入味，芥蘭爽口，交足貨！真係要試！

支竹炆班塊
份量十足唔講得笑，配料有支竹、雜菇、洋葱同大大件嘅班塊。汁稀杰度剛剛好，班塊又係熱辣辣好正，係先炸香再落汁煮，一樣交足貨，支竹及雜菇亦都好味。

火煵炆豆腐
這味弄得太油膩了，因為火煵比較多肥糕關係，而部份肉質亦比較鞋。豆腐比較好，新鮮大大件，味可以。

今次火煵炆豆腐、咸魚肉餅比較油膩了，要扣分呀！