這天跟朋友黎到旺角區，心中已有兩個心水餐廳，一係西門町、.一係就十勝豚丼，呢兩間都末試過呢。 西門町永遠都要等位，於是立刻過去對面十勝。7:00pm 十勝只係6成滿，好容易就找到卡位坐 Our order : -燒豬肩脥肉飯 set & 十勝烤薄豬扒飯 set ( 連 白蜆麵鼓湯及豆腐 )
賣相吸引，印象中兩味道差不多，豬肩脥同豬扒好滑，煮得夠入味，味道幾好。白蜆麵鼓湯及豆腐未有嚐試，no comment。
吉列豬扒湯麵
吉列豬扒，內軟外脆，唔會太乾，正路水準。麵條嚥嚥韌韌，有口感；湯底味道尚算不錯。
汁燒墨魚嘴
墨魚嘴一般，又淡又硬，不吃也罷
青蘋果Soda
超青色的Soda，味道比較假，order 左唯有盡飲啦

整體上okay，一試無妨，係得主打燒豬肩脥及烤薄豬扒比較可取！

從團購得知 The ONE 地庫開左間 酥皇餅店，以 1/2 price 可以 enjoy 到德國製品，一於試下

這兒人流不算太多，買餅的人亦少，可能係 Lunch Hour 時間呱

如以原價$120有多還要補錢的價錢，只買得4件Cake係偏貴了。我們一家6人飯後分甘同味，細嚐『酥皇』，Tiramisu 係4件之中最好味的一個，蛋糕層次分明，有朱古力和咖啡香味，lum 洒係安排係中間夾層，有別於一般放底的做法，味道濃郁，好食。黑森林上面充滿濃濃朱古力，中間的忌廉層，增加整體的幼滑度，蛋糕軟綿綿，正。朱古力蛋糕食落朱古力味唔重，口感似 Muffin ，但無 Muffin 咁油膩，好淡，普普通通。最後試埋芝士蛋糕，以質感及味道來說沒什麼特別，印象一般。整體味道可以，正價價錢如果下調少許會合理啲

金百利係大角咀算係坐得舒服而大的一間餐廳，之不過我甚少去，因為 ... 係水準謹合格而己，唔算得好食。 之前和同事無意間再去幫襯，試完個午餐，發覺進步咗，碟頭飯光鮮不少，so 今次番試吧。

身為食肉怪的我，order 左個 牛扒紅腸煎旦飯

未上碟頭飯前先來杯熱Lemon Tea & 南瓜湯，南瓜湯味道普通，合格only

牛扒紅腸煎旦飯 - 賣相相當Good，濃汁係甜Soy Sauce，非常惹味；牛扒係厚切，生熟剛好，淋。紅腸、煎旦、牛扒 和 藍色碟合成為色彩色繽紛的一個午飯呢

哈哈，今次其實係基於係團購website買回來嘅優惠券，再次品味呢間出色嘅多倫多口味Sandwich Shop。 $29 有飽有薯條 + $3轉 Movenpick Hot Coffee，豐富非常！ 質素味道依然咁正 ！

上次試左其它口味，寫左Comment；今次我揀了燒猪扒三文治 ，睇下又點先 猪扒好淋有肉味，三文治裡還有紫洋葱、生菜同蕃蓉，超好味！豬仔飽外皮好脆，食落卜卜聲，飽內搽了牛油，更覺香口。
而薯條亦都 keep 得出色，外脆而內軟；唔知係咪調味粉轉左，依家的係帶有 "珍珍"薯片的味道呢！
Movenpick 的蒸餾Coffee 係我第一次試，感覺係偏苦及帶有少許酒精味道，唔係唔好飲，但我會比較愛UCC或White Coffee那種味道。

起初入舖時得2成人到，以為Hero開始無咁受歡迎 ( ... 無理由架，咁有Heart去做Sandwich都無Fans? )。 原來唔係，13:30 人客陸續到達， 舖已9成半滿了。

週末去左長洲探朋友，相約 Lunch 係 帆船餐廳 等，呢間餐廳好易揾，一落船轉右見到Baleno再上便是

原居民 (友人) 話呢間係長洲坐得比較舒服，野都唔錯好味 ，試試看。

燒雞扒鮑片拼薯菜、中湯、凍Lemon Tea雞扒煎得好香脆，而肉汁仲保留得到，讚
鮑片仲keep到有少少鮑魚味，軟Un適中。
薯條係有波浪那種，口感一流。香脆、份量足！

食物質數okay呀，但上菜時間比較耐，要等成20mins先有得食

吃完呢頓豐富午餐，又期待晚上嘅燒羊架BBQ啦

Lunch-time 係大角咀難揾食嘅情勢持續，估唔到就咁俾左機會呢間日雅代

進去時都8成滿人，想亦不差，因呢間野都開左一段日子，而唔好食的都相繼結業或改裝了。

Set lunch 得 2 款 : A) 豬頸肉定食 + 飲品 ($31) B) 蕃茄牛肉湯飯 / 烏冬 ($32)

我同另一同事order左個 (A) 餐 加凍奶茶，其它二人分別叫 (B) 餐

一上枱我都O左咀，見圖。很差勁、肉酸

賣相失禮，飯多過餸，好寒酸。 先吃sushi，只得青瓜、蛋同少量蟹子，無乜味，似食緊紫菜Soy飯。 再試一patpat 嘅茄子同沙律，茄子整得過淋，好似烚左好耐呢，味道普通；沙律只是菜絲加芋絲，賣相同口感唔得，好不容易先將它消滅！主打豬頸肉整得算淋，但略為淡口，七味粉都幫佢唔得太多，我最後亦都係要點Soy黎食吖！

Food 嘅質數如此 Poor ，服務亦不徨多樣，叫左杯凍奶茶遲遲未有，話跟亦無跟，最後都無黎 ( 以我所見水吧跟本無Waiter) ....
唯有叫罐Cola算罷了。 此處絕對無下次！

炎炎夏日行到流哂汗，正想嘆返過甜品冰黎解解暑，見到城南道竟有成4、5間甜品屋，我一時間到唔知choice邊間好，唯有揀間近路口的試下得5得

呢間門面其實麻麻地，室內decoration亦唔見得很美，No Problem - 最梗要好食maa ....此刻為4:00pm左右，店內一個客人都無，感覺坐得寬廣，可以慢慢揀 場上和 Menu 都列左好多款 dessert，樣樣都吸引非常，但我最后都要左個宇治金時 ( kekeee ... 貪佢有雪花冰、又有嚥嚥unun嘅白玉、紅豆、Ice-cream & 宇治綠茶 ) Everything is my favourite ！雪花冰份量好足，1人吃剛好，宇治綠茶好重綠茶味、唔苦而甘香 ( 從鋪內嘅貨盒仲見到綠茶係日本原品 tim )。
紅豆大粒而不大甜，感覺 not heavy；白玉有咬口配埋 Yummy 嘅綠茶雪糕真係 perfect！

食完真係好滿足，$28蚊咁嘅質數唔貴，可以番試呢

4:30pm埋單，鋪內已見6成滿了。

當日係舊公司同事嘅生日會，我梗係報個名支持下，目的地 : 銅鑼灣太平館鋪子原來好細，大約得20張4人枱，哈哈 我地都佔左成４成人了！我地成為全晚大客仔啦 ....

是晚全場爆滿，聽聞銅鑼灣白沙道店係最好味，希望係啦，因為之前係佐敦茂林街的那間係普通貨色罷。

我們分開幾圍枱坐，各 Team 各自叫野食

餐包 & 牛尾湯餐包係比較差，皮 Un 又乾身，唔知係味反叮好耐。而牛尾湯就精彩得多，可惜得一碗，香濃肉嫩，咸味適中，Like ！

鹹牛脷4塊大牛脷，煮得淋而不失牛脷質感，厚身有o趙頭。煮法係用鹽水去煲，無用其它 Sauce，都幾好味。

咖喱肉片跟飯咖喱係印式偏辣，出色味美。肉片份量多亦入味，用汁來送飯就最好不過！

瑞士牛河主打菜出色，深黑色Swiss 汁均分每條河粉，甜甜的，好味。肉片好淋味濃，炒完出來嘅河粉唔會一舊舊，亦無油汪汪，一流水準！

瑞士雞翼瑞士雞翼只得4只，仲係無左雞槌部份，份量偏少。味道用上牛河的Swiss 汁，taste 差不多，我會覺得裡面比較淡，可能醃製時間唔多；可有進步空間。

燒豬脾跟飯呢個賣相及份量唔錯，豬脾係薄片上，豬脾肉偏"鞋"，可能係冇乜肥糕關係，呢個味道一般了。

煙肉雜菜So common 的一個家常炒菜，用料、賣相、美味欠奉 。

SOUFFLE餐後 dessert 係 Souffle ，末食已經好開心，焗得大大，經烘培後而蓬鬆。食落內裡鬆軟，外皮金香唔太甜，超正！

Overall 價錢係偏貴，但食到呢d Old Style 嘅菜，又可以一大班 Friend 吹水聚聚，都值得一試的。

又到午飯時間了，係大角咀做野2年多從末試過 樂華餐廳，皆因同事門口碑麻麻，但... 無計，今天周圍都爆棚

4個同事被 arrange 坐係卡位，" 今日係Menu B "(said by 待應 )，原來呢間餐廳有 Set A - D，每週不同，咁又好 wor ，咁多 Choice，唔洗 day day 一樣。 每個餐有湯、飯、熱飲都係$33，算抵啦！我叫左個馬來咖喱雞球飯、羅宋湯、熱檸茶馬來咖喱汁做得淡而稀，一般，無椰香。雞塊肉都okay，但如果煎香o的再煮會好d。 整體值60分。
羅宋湯亦都偏稀，但勝在材料足夠。 整體值70分。
熱檸茶 okay 啦。 整體值75分。

普普通通一餐可以接受的

Father Birthday Dinner 係麗港軒度食，我地一行12人，其實大部份人都試過架2、3次喇，因為好味所以番試

這兒座落屋苑內，相信街外人唔多會知 le 度有間味美的潮菜！我都係由親戚引領先識黎咋 我地 Order 左呢度嘅招牌菜 :

胡椒豬肚湯重胡椒味，豬肚亦好淋，冬天飲仲正，飲完暖粒粒的！

炸蝦丸外皮金黄，內裡肉丸彈牙，點埋酸醬仲正！

凍蟹色澤賣相先聲奪人，新鮮、肉質鮮甜，一流必食！

滷水拼盤好味有水準，鵝片、豆腐等入味，大堆頭，我地一圍人先攪得掂。

涷烏頭魚烏頭幾大條兼帶黃油，點豆醬食仲正！好在影快一步，如唔係魚頭魚尾都俾家人們食哂喇

煎蝦碌呢個算合格，略覺蝦身唔夠爽，亦帶腥，而味可以；APM 潮X 好食d。

燒雞肉質好滑，雞味濃，另一必食呀！

炸雙麵皇鬆脆麵餅出色，潮式食去落上糖、醋；甜甜酸酸而脆口，＋分好味！

炸芋頭春卷 & 上湯浸時蔬呢2味我已經無試了as 好飽好飽了，no comment

水瓜烙
味道如煎旦角，印象普通。Upload 相有 Limitation，呢味唔 Up lar

Last 上埋壽飽、綠荳爽 & 自備 Birthday Cake壽飽是whole night 差的一樣，反叮的，片厚而Un；綠荳爽 quite good，清甜、爽。

豐富的一晚，下次有機會再來！