上星期日相約好友到APM lunch，11:00am左右好多Shops都仲末開，so嘆完杯Coffee到12:00pm到再覓食。我地2人行行下到左4樓見到呢間係新開嘅日本居酒屋，見到門面很美，2話不說就冲入去啦。

依家好少地方食飯唔洗等位，入去時食客只有7、8枱吧。這兒環境舒適，確實係個吹水慢進午餐嘅好地方。場中係一個鐵板燒枱，師父已ready幫客人弄餐 ...我地主要叫左2個set 再加 2款燒肉串

壽司定食 plus 湯蕎麥麵Whole set 有壽司10件，壽司水準不差，魚生新鮮，飯唔鬆散，good！湯蕎麥麵我就無試過，不作comment

燒牛內粒定食牛內粒豐香，肉味濃郁，火喉適中，唔un唔太淋，極讚 哈哈，麵豉湯我亦無試過，不作comment 但應係水準之作，滿佈材料的！

串燒牛舌 & 明太子雞肉賣相、份量相當吸引，牛舌好淋，味道唔差，可惜口感怪怪，淋得黎無左o趙頭 ； 而一啖明太子雞肉後，感覺好heavy，有立時重左10幾磅之感，是因明太子沙律醬太厚喇 ，減量的話會更易入口。雞肉亦油多，食左半支飽到上心口！

總括而言呢餐okay啦，可以試多試。

聽左同事的介紹，佢話長沙灣有間叫秘密花園嘅餐廳d野食唔錯還很便宜，so我梗係相約d好朋友去試下係咪咁掂先。

其實間鋪都唔係好秘密啫，方便易去，出左MTR行3、4Mins就到。而舖面裝潢得咁靚，想秘密都難，compare with 同區其它食肆真的與眾不同！ 在同區想揾間坐得好好的，相信呢間係好選擇

7:00pm 內面己8成人客，好彩我預早book定5人位子，一入去就有位座了。服務員多為2、30歲左右年青人，service quite good ！唔錯

單看Set Menu，其實價錢不太貴。先黎一張大合照未上Main Course前同Salad拍照先雜果沙律味道剛好唔會太酸，醬又唔會落得過多，生果新鮮好爽

小食拼盤 ($90)好rich，當中包括有咖喱角、脆皮肉圓、Chicken Wing、炸魚、French Fries、雞肉串燒、春卷、炸魚旦、雞件。
味道Overall Okay，但當中咖喱角、春卷好像公仔點心似的，有d失望。

忌廉汁司華力腸煙肉長通粉 ($46)較硬適中的長通粉， 夠汁而味道不會太濃，司華力腸外皮脆卜卜，尚算不錯 不過印象中煙肉好似欠奉！

意式蕃茄蓉豬扒濶條麵 ($46)豬扒實實的，麻麻地，濶條麵撈上番茄蓉算幾開胃，麵條就一般貨仔。

咖喱汁吉列魚扒紅米飯 ($47)咖喱汁味道很好，紅米飯軟硬適中，讚！ 吉列魚新鮮炸出黎脆面的，大大塊好好味

焗粟米忌廉汁火腿雞柳三色螺絲粉 ($47)賣相豐富，but 試完之後我發覺呢道螺絲粉好普通，唔可以話好唔好食。分量係幾夠多，不過無乜味道，失望少少！呢餐如果10分滿分，我會比8分。環境、心思、服務都有，我都會再黎幫襯！

同老友們行完書展，佢地話想去幫襯三六九，我無所謂呀，話哂行左成3、4個鐘，點都要抖抖.... 之前聽就聽得多 " 三六九，食到嘔 " 好似好出名咁

這兒好地道上海菜館格局，感覺一流。 好可惜要搭枱、環境擠迫，但如果唔搭，相信大半個鐘都唔洗旨意有位呀 becoz 真係人山人海呢

酸辣湯開胃食品來了，材料有蛋花、木耳、豬血、肉絲、筍絲、蝦仁等，用料十分豐富。味道適中，不太辣或酸，唔錯！

上海年糕有Ginger絲、肉絲、雪菜同年糕。食起來年糕嚥嚥UnUn，口感不俗，但嫌味不夠濃，不夠正宗

菜肉雲吞材料有豬肉同白菜，大大粒，皮算薄味道okay，但不算突出。我食左3、4粒都飽到上心口了。

小籠包小籠包皮過厚了，有d位未夾上來已穿，可見得師父手工還差少少，而肉圓還可以。肉汁不多但味道亦可以。

炸鮮魷賣相唔錯，食落外皮略脆，穫氣非常。魷魚係新鮮的，味道係唔同o的 ~~ 呢個可以一試呀！

Overall 100分滿分值70分，以]酸辣湯同炸鮮魷為最出色，其它菜味亦可以，合格啦。3 人叫左太多野喇，食剩料飽住大肚離場

難得與老友聚手一堂，黎到深水埗，當然要到聞名的小菜王一試啦。

大約晚上8:15pm抵達，客人亦頗多，要等成15 mins 先有位

環境裝飾不多，只是白光燈、膠地板；地面勝在乾爽唔會濕笠笠；冷氣通風都算OK 唔會好大油煙味

我們一行五人跟左菜牌，點了數個小炒 ....

避風塘腰果排骨一上枱好有睇頭， 大堆炒香咗既蒜粒椒絲舖滿成隻碟，蒜粒之中排骨滿佈，份量足6、7 人食。 排骨唔粗鞋，外面小小炸香而入味，最岩我呢啲鐘意啖啖肉嘅人！ 另一主角腰果亦炒得金黄香脆，食唔停呀！佐酒吹水時佳品

蒜蓉蒸勝瓜嘩，乜蒜蓉咁少架，還記得之前的是滿佈瓜面的。雖然如此，但味道整得幾好，唔會太咸，清清地幾好！

小食拼盤好豐富，賣相同菜牌相片同樣吸引

炸墨魚餅 : 炸墨魚肉保持嫩滑，細趙帶著鮮美，口感唔錯！

燒豬頸肉 : 燒得香脆，咬下去一點都不油膩。

炸大腸 : 非常酥脆的大腸，炸得剛剛好，唔太燶 / 乾，正斗 ！

小棠菜肉餅 : 呢個像似把魚肉同小棠菜混埋一起煎，但出黎 Result 普通 、一般 。

海鮮玉子豆腐用料充足，有蝦、魷魚、菜粒、冬菇 & 玉子豆腐。色澤很美，不過味不夠香，玉子豆腐較淋鬆散，我認為如果先煎或炸好玉子豆腐，口感絕對不同。

整體食物味道及質素滿意，深水埗區小炒來講，小菜王係數一數二了 。

( 首先，點解用手機版出食評會消失得無影無跡嘅，呢篇係用Desktop版再寫，希望唔會又無左啦 )

BTU 豚肉飯專門店其實係多年前已經試過，味道唔錯，咁啱下午又經過 HITEC，決定再品嚐多次！

下晝13:15左右人山人海，要 wait 成 15 mins 先有得食。 今次個主打 must be 汁燒豚肉飯啦 差差 豚肉好 "鞋" 而帶 "Un" ，唔夠入味，感覺很難消化；而賣相還 Keep 到。 吉X家 的牛肉飯比起這個出色得多呀！ 再者，那杯凍咖啡甜得很，我好不容易才飲左半杯呀，甜到 "確" 喉

正所為開業容易，守業難。希望 BTU 遲下能重回昔日嘅質素啦。

襯住今午會去 Kowloon City 度睇睇醫生，去之前己經係 OR 揾揾有咩出食小吃，無謂睇完 Doctor 就走咁徙 。

心儀有2個 Choice，1st 就係上Market 食咖央多、2nd 就係去試下新三陽 ge 黃豆沙糯米糍... 我最后都係揀左新三陽，因為 Lunch 時食得太飽了，咖央多唯有改天先試 。

新三陽係以賣新鮮及乾貨的上海土產，還有酒釀、上海小食及雜貨。如果唔係 OR 食評嘅資料，都唔知雜貨鋪有好野食。

起初來到時只見熟小食得上海月餅，好生失望，以為賣哂，但入去行左個圈卒之俾我發現到類似黃豆沙糯米糍嘅東西。

店員話呢個係紅豆沙糯米糍，黃豆沙無了，actually 有少少失望 ( 聞說黃豆沙糯米糍good D )，but anyway，黎到一定要試 ！$6.0 件 with 咁細的 Size 算貴，但質數搭夠；皮薄煙un、豆沙餡夠幼滑而唔太甜、軟軟熟熟幾得！ 今次無黎錯喎！買個時得番1X 件，遲左唔知仲有無得買呢 。

帝苑 Fine Foods 確係一個好味的保證，繼上次品味完 Mango 拿破崙之後，再 lai 一包蝴蝶酥。 起初 online 一睇之下原來要成 $88一包，但持住上次嘅好評再加上之前咁多食家滿意度，於是再 try try 帝苑另一得意之作 蝴蝶酥包裝得好"骨子"、好靚 ，點點數量大約15、6塊，我們一家4口相信有排食 ( 因為大家都知蝴蝶酥糖、卡路里(熱量) 之高 )

無問題，開 lai 試先講，未食已 smell 到牛油 ge 香味，一咬入去脆bobo，甘香味甜，讚！ 同埋你會見到個酥係一層一層做上去，好功夫；actually 我都好耐無食過蝴蝶酥了，以前所試過的只是實心和硬脆，口感度不足。 當然價錢的確係一分$$一分貨呢

再讚 Fine Foods 員工好 Nice，電話 Enquiry 對答時好有禮貌，耐心交代 Operation Hours / 其它 Arrangement 等 ...

蝴蝶酥 & Mango 拿破崙 都試完，等我下次又揾過其它享受吓先 = ]

每次遊遊海港城都話要試下呢間專業嘅 Burger Shop，今次終於有機會試下喇！ 下午2:30，店外都排左4、5人等位，老友等左10分鐘卒之有位了。 而排隊期間見到那個女知客d禮貌就真係唔得，人地問野就全程黑面，好似過份 CooL 了 。

相反，我們2人一坐底後，d Waiters 就好樂意解釋食物種類同為我地落Order 。

COMBO #1 - The Classic Burger, Fat Fries & Diet Coke ($138)
"Canton Road" ($88) plus Fresh Lemon Soda ($38)

Part of Our Lunch 2 個 Burger 黎講以 The Classic Burger 為最好 ，用7oz Black Angus Beef 做主打，肉質好有口感，5成熟啱啱好，塊牛係生烤，好明顯係無添加 (as 唔咸的) ； 其它料有青瓜片、紫椰菜等。 Burger 碟上還配有酸瓜一小條同沙律一小兜；可惜，佢地實在太酸，我吃不宵啦 Or 幫助消化係不錯的食品呢 。 食完呢個 Burger 感覺好滿足呀 。

再說"Canton Road"，個飽據說係Plum Sauce，酸酸甜甜似足M記的將軍漢堡。 肉塊係 Pork 加 Shrimp 混合，口感一粒粒爽爽地，幾特別；但始終講唔上好食。

Fat Fries 呢個我比85分，少15 分係因為外皮唔夠脆，而味道就＋足十，I Like It！ 近呢排試過的 Fries 會以 "Manchester Bar" 第一、"BLT" 第二、最差的是 " Triple O" ....

最后嘆返杯冰凍嘅 Lemon Soda ( 推介呀.. )，真係一頓 rich lunch。

埋單連加一要差不多$290，食飽來講算係貴架啦，不過是可以一試的 。

呢間鋪頭，唔知點解Lunch Time長期都咁多人的等位，我和同事們次次都無乜機會入去品嚐一下。 終於要在落雨天時才真正有機會試到... 當天場內得10多個客人罷 。

鋪內面積不是＋分大，裝修佈置一般，由於地方不大坐得唔係太舒服 。

看看Menu，我order左個青咖喱雞扒 ($35) + 珍珠椰汁冰 (加 $4) 青咖喱雞扒賣相幾得，青咖喱汁味道香濃唔太辣，送飯真係一流！ 而雞扒就切成碎粒，味道同一般平時的煎雞扒差不多，全碟食送acutally只是俾青咖喱汁帶出黎 。 雞肉件頭好少，碟內還伴有青豆角、茄子呢。 如果淨食碟飯好似爭d，幸好加$$換杯珍珠椰汁冰，椰汁冰味道唔錯亦唔太甜，well done ! 服務滿意 & Quality Okay，有機會可以再去的。

估唔到d野食會差咗咁多，想起以前嘅美食，依家的真係比下去了。

午餐時叫左個滑蛋煎雞扒飯配豆漿賣相幾好，主打雞扒就好唔掂了，肉係無味的，偏乾，無落調味去煎 ，只不過係借住滑蛋汁去調下雞扒飯味，講水準真係唔得。

凍豆漿一杯杯酙好放入雪柜而無cover到，好唔衛生呀 。

大角咀已經冇乜好野食了，依家 "豬扒之家" 仲做成咁，祗希望佢可以做番之前嘅質數就好了。