係元朗鳳琴街個頭join個朋友，未夠鐘就於是去揾間餐室食啲野啦。嘩 我行完四周，竟然係一間老麥、大字兄弟同比較大啲嘅餐室都無。全部細細間坐唔耐的，我好辛苦先揾到間大而無乜人嘅好開心 。

揾到當時我真係好開心，因為我起碼要坐成9個字 點左個我至愛之一 : 凍啡 & 奶醬多

凍啡麻麻地，尚可
奶醬多，okay，唔差吖

可以坐咁耐，有冷氣、睇電視，價錢唔貴，good 。

之前實在太忙了，呢篇食評係補番成個月前暢遊大澳而品嘗到嘅咸魚雞粒炒飯嘅 。那日天氣實在太熱了，我們一班朋友們又遊得太累了，好不容易才揾到間有位嘅地方食個lunch。呢間餐廳無乜decoration，普普通通kam，但估唔到個咸魚雞粒炒飯炒得這麽香，絕不油腻，仲好有穫氣tim。啲雞粒竟然無雪藏味而是有雞味的，飯中有咸魚肉而絕無揸流用咸魚醬，正斗。

哈哈，每枱仲arrange有一jar冰水任飲，非常唔錯！

Overall Service 都無乜架啦，Price 都 reasonable，值得推介。

襯住假日入來大澳行下，同試下哩度聞名嘅車站豆腐花。舖頭唔算太大，我同朋友成7個人等左幾分鐘先有位坐。 因為天口太熱喇，so我點左個凍太極（其實係豆花加芝麻糊) ，唔太甜，芝麻糊同豆花一樣香滑，價錢好似10蚊到，唔錯可以一試。

Today午飯去左自家烏冬揾食，叫了一個 Set Lunch

落咗Order等左15分鐘到卒之有嘢食喇

豬頸肉蝦湯烏冬 w/ Hazelnut 珍珠奶茶 蝦湯味道幾可口，其它地方好少有蝦湯底；但... 喝了幾口就開始口乾喇！
烏冬算係幾彈牙煙韌，口感唔錯bor
豬頸肉就太薄了，完全吃不到什麽出來
湯烏冬份量okay 啦

Hazelnut 珍珠奶茶味道亦唔錯

整體上服務okay、食物quality okay； 但價格定得偏貴了，兩樣東西連加一要成$52蚊呢

6:30 lai 到都要等位，入面的枱已經滿了，估唔到真係咁旺場吖

係味真係咁好食?? 但伙計服務真的一般，但上菜尚算快。

葱花炒滑蛋 - 好好味，蛋炒得滑，有蛋汁，送飯一流 咸魚茸煎肉餅 - 尚算香口可以，一碟有成8塊都幾多 生炒骨 - 無甚特別，唔夠熱 & 普通而矣欖角肉碎 - 呢個非常惹味，不太油膩，值得試

付乳扒茄子 - 賣相okay，茄子都唔錯，但Why無付乳味嘅?菠菜蚊魚付 - 都係無甚特別，味道普通而矣，菠菜仲有小小un總括嚟講，評分合格，味道okay。 但唔夠獲氣吖 我覺得深水埗另外兩間同類食肆 "小X王" 同 "萬X" 會出色d

又到星期五晚，我哋幾個朋友約埋一齊食餐飯開心吓，大家約喺尖咀，行行吓見到寶勒巷有間日本放題餐廳，個餐牌寫住星期五$218，價錢ok，所以好快就入左去。

入到去座低，個侍應好客氣招呼我哋，見到數張List over成百幾款野食任選，樣樣都想試，真開心!! 呢度環境都算舒適，幾有氣氛。

大概等左十分鐘左右就來左一碟不種類的魚生刺身 (吞拿魚、三文、八爪魚、北寄貝、甜蝦同帶子等)，賣相不俗呢。味道尤以三文同北寄貝比較okay，其它一般。 跟住送上有壽司、串燒、炸物、手卷、關東煮、燒物、汁燒牛肉粒、沙律前菜等等。 我哋感覺好似做左皇帝咁，成枱野食 我哋一口氣就食左好多野，好飽好豐富呀!! 我連麵飯同豚肉料埋、卷物都食唔落

總括來講，呢間料理嘅食物選擇真係多，服務又好有效率，落單上菜同收碟都好快手，環境唔錯，吹水嘅好地方。價錢方面okay，不過食物的質素就真係普通，合格啦。 但呢幾樣就比較差 : 壽司飯弄得唔實；燒魷魚淡口而UN；鹽燒雞翼無味；汁燒牛肉粒好UN ，希望有改善啦...

前幾天拿住團購返來嘅券去換杯乳酪，去到 Cherry On Top 時一個客人都無，可以慢慢挑選

好奇怪，點解唔係自已o即乳酪嘅 就咁由個Staff去落，都唔知重量，容乜易食左好貴架

我order左乳酪底 : 朱古力味 加 藍莓味 ... 生果料 : 藍莓 加 西柚珠 加 士多啤梨一接過杯乳酪就己見開始melting...失望，食落仲好水唔得實 朱古力味都幾好而藍莓味的就好酸，唔好味！

藍莓同士多啤梨算新鮮，最驚喜就係西柚珠，幾得意，透明一粒粒內有酸味味的西柚汁，唔錯 But 應該無下次試了，因乳酪雪糕無理由咁易0水的，口感唔得呢。

睇黎我又要俾個 呢間財記茶餐廳喇...

9:00am 人山人海，一場黎到無理由走人架，於是望一望四周，一有吉位即刻坐啦

我點左個金牌早餐，有餐肉通、火腿奄烈 w/ 餐包一塊、凍奶茶。

餐肉通有三塊餐肉，煎得香口但略嫌唔夠硬身；火腿奄烈足料好味；奶茶香滑唔鞋口。整體滿意，＋分full mark有九分

可以再試 ！

首先真係要多謝OR送給小弟ge 2張 Lunch Buffet Gift Voucher

已好耐無食過Buffet喇，今天專程請天假同爸爸lai享受一下

一入到去感覺好Grand，好大好舒服，仲好多野食tim...

我地book左12:30pm，其時只得5、6枱人，感覺冷清，不過冷清有度好就係唔洗同人爭野食ma... kakaaa...

侍應Service幾好又有禮貌，Good !! 食物種類非常多，大致有日式棘身、凍Crab Leg、生蠔青囗、多種芝士、Ham、Bread、切牛扒、泰式食物、印度野、中式熱葷、生果、蛋糕、格仔餅、朱古力 Fountain 同 Movenpick 雪糕等。

食物種類需然多，但唔係樣樣好食呢...
可口的順序有: 蛋糕、格仔餅、芝士、日式棘身、Ham 同 印度野。

而其它的普通而已，當中尤以中式熱葷是最差呢...

Movenpick Ice-cream 係任叫架，成＋多種，不過個肚已經裝唔得多了 我只叫左2個咋

Overall 今餐總評 : OK !

之前上課前已試過呢間4次有多，順序分別試過 咸魚肉餅飯、窩旦牛飯、北菇滑雞飯、鳳爪排骨飯。

今次無理由唔試下其它野架，於是乎擇左過皮旦瘦肉粥...

先講之前d蒸飯，第一次食咸魚肉餅飯真係幾正，咸魚有咸香 (可惜太細舊)，肉餅亦蒸得可口，碟頭亦足，飯亦軟熟呢。
第二次食的窩旦牛飯，味道亦都好 第三次食的北菇滑雞飯，雞肉好滑多汁，加埋冬菇，口感豐富 ! 第四次食的鳳爪排骨飯，此個甚差矣 首先飯好硬，其次係鳳爪好乾身，一o的豉汁都無 ，o的排骨無肉o架，食完好似無乜野落到肚呢

好，講o下今次碗皮旦瘦肉粥先，好快有得食 碗粥唔係太熱，d料真係好少，睇相可知，粥底同味道勉強接受，但比起海X粥店和洒樓等的都略有不及。Overall感覺呢間鋪水準唔stable and 只不過某幾樣東西好o的吧了。以 飯($17) 、粥 (好似$13) 加 茶錢 ($2) lai 講是算合理的。