呢幾年叫外賣.. 但原來屋企樓下嘅外賣一直被我忽略。最近經過金龍堡..係外面望下menu有咩早餐食，然後該店的一位年長的姨姨好熱情好親切咁同我介紹。我問佢50蚊埋唔埋到單（因當時身上只有50蚊）佢話邊洗50蚊咁貴呀。入嚟食啦😆我問完都覺得自己傻左lol...反正住左係度咁多年都未係度食過野..而我都承認我都幾睇門面同裝修...不過而家人大左就無咁膚淺..好吧，就比個機會大家啦。

入到去睇下個早餐牌..d配搭和食物款式都幾特別。不過由於最近愛上食沙dad牛肉麵就叫左A餐轉出前一丁。沙嗲湯底幾濃牛肉都幾好，茶左牛油嘅三文字一睇都知軟熟（雖然賣相一般），因為我怕熱氣所以唔烘底我都ok..奄列都ok丫。最後埋單當然50蚊有找係食野嘅時候我不忘留意店家嘅動態..感受到一般市區餐廳感受不到的街坊情和人情味。




自從食過佢嘅早餐，就不期然會想試埋佢嘅午餐好耐無試過打電話叫外賣了。。然後不到15分鐘門鈴就嚮了..快到嚇了我一跳。我仲話咁快手嘅送外賣的是白頭髮的伯伯，當時我要花時間拎錢，佢好好人咁叫我慢慢唔洗急..當然我是不敢怠慢要他等。今次我叫了乾炒牛河和豆腐班腩炒麵，盛惠103蚊。好抵呀！如果叫外賣平台都唔止呢個價錢，而且仲要係即整。送到來都十分熱的。乾炒牛河好有鑊氣。係好食的不過就油左d...豆腐斑腩係我嘅最愛，好好味！個炒麵更係令人百吃不厭。。因為我之後都有再encore😆個炒麵係炸過的..雖然佢唔係全部都脆卜卜...有d更係被汁沾濕了，但都好好食..咁咪仲無咁熱氣囉🤣

之後幾次再叫外賣時已由膠盒轉左做發泡膠盒。感覺好似再大份d🤔同埋幾時都係咁足料，份量好多㗎！我絕對係豆腐班腩嘅fans..食極都唔厭😂涼瓜牛肉係我嘅第2最愛，涼瓜甘得來又有口感。佢嘅鼓汁整得好好味配炒麵都好夾。


然後呢個係落去自取的。粟米班腩飯係特價餐40蚊咋。雖然個汁唔算係好出色但對得起呢個價錢。

呢幾次嘅飲食經驗令我反思平時嘅我經常被美觀嘅包裝迷惑，未試過就覺得佢一定唔好食。而且老店可以係村內生存咁耐一定有佢嘅意義同原因。下次我會再試下佢炒麵和班腩以外嘅美食，龍門居嘅街坊都試下啦😊（好耐無試過打咁長嘅食評，因為我想呢間餐廳被世人看見😜)或者可能我係井底之蛙，大家都試過哂😂

星期日去食, 有成10個人係外面等緊位, 我3個人, 唔洗等位就入到@@ 出乎意料的快~我地坐入面, 環境幾舒服, 座位寬敞, 都算靜~ 傾到計, 幾好!原以為呢度只有甜食, 原來仲有正餐食~ 選擇都頗多不過今次打算食甜品, 所以下次先試正餐啦!

我地叫左個朱古力 + 柚子既芭菲各一，另外仲叫左個matcha cream cheese~先說這個matcha cream cheese, 有點中伏的感覺, 唔喜歡食cream既你唔好試~佢上面係一大pat cream +抹茶粉, 畢到落底就係用抹茶整既cream cheese~都幾芝士架~成哂成個真係會好濟....所以佢配埋個綠茶比你飲~  不過最好4-5個人share會易d KO佢~至於個芭菲, 其實以50幾蚊黎講真係不太抵, 雪糕份量太少了, 而且配料真在太.....有點令人失望，　以我的柚子為例, 忌廉佔了整個杯的1/3, 然後就是穀麥般的脆片, 三粒白玉, 柚子醬一pat, 再加jelly 狀的東西...完全是不值50多元的東西, 我吃完後沒有物超所值的感覺!  真的有點失望哩....不過綠茶雪糕是好的食。

兩個字：勁嘈！以前係圓方食既時候，不知幾靜。黎到友愛...簡直仲嘈過酒樓，再好的食物也會被這超高分貝的聲浪所拖累，影響進食的心情。本來打算在這裡好好食番餐母親節飯，一家人閑話家常，最後還是快快吃完快點離開算了。

其實食物方面都唔係差ge, 價錢都公道, 以下是食物的comment~

係荃灣食完飯, 之後緊係食甜品啦~~
去到海壩街~發現有不少甜品店~
平時好少黎荃灣食野~都唔知食邊間好~
於是就去左松記同明師傳等位~~嘩~松記都幾多人, 要等8張枱~
而明師傅就等3張就ok~好快就係明師傅勝出~就食佢啦~
好後悔入到去先search openrice lol...真係唔睇好過睇..
comment唔係好得...再望下menu....d甜品冇咩特別, 真係有d揀唔落手...
原本打算一人食一個, 但都係同朋友share一個算喇~廢事唔好食辛苦個胃...
我地揀左應該冇死既榴槤綿綿冰~另外仲揀左西瓜盅同榴柑歲月~
榴槤綿綿冰睇落個樣ok, 不過榴槤同朱古力漿個味好唔夾, 有點奇怪...綿綿冰食落唔係好綿....榴槤味係有的..但唔知點解食到開始有點溶時, 
d漿會咁"杰"@__@個質感唔係好ok, 我平時好有衣食的, 今次真係食唔落食剩1/3之後到個西瓜盅, 我唔明佢點解要用朱古力雪糕 (waiter冇比我地揀味道)同西瓜既color好唔夾, 食左無幾耐就慢慢溶....溶到...成pat啡色既水...
其實我唔知果d係咩水...因為一開始佢既底部係比生果cover哂睇唔到!
慢慢地,,,當d生果被染成啡色, 錯綜複雜既味道令人唔想再食落去...
最正常既就係西瓜汁, 真係西瓜汁黎的~最後, 到個榴柑歲月~果然榴槤還榴槤, 柑還柑, 西米露還西米露~
其實呢個配搭都好騎呢, 係咪為左個名字而夾硬整出來呢?
榴槤同柑既味道當然好唔夾, 至於西米露....
我朋友一半都食唔哂, 大家都估到吧~

唉~以後去食飯時順便openrice埋食邊間甜品店穩陣d!

生牛肉湯河，40蚊，只有兩大片，比出面少，其實可以再多一兩片，河粉份量足夠，味道都唔錯。 朋友的雞絲扎肉河湯底唔錯，但扎肉今次竟被剪到一條條，之前係一片片的，份量即刻少左，有d變相加價的感覺。 至於蜂蜜金桔露，幾好，唔會好甜，但請問d waiter 可唔可以放低飲品時輕力d呢？一來大力好無禮貌，二來濺瀉左咁點？這是我最不滿意的地方。

如果我自己搵野食, 我應該唔會去呢間餐廳食...
因為...其實我都係一個睇外表多D既人
這間店有點飯堂FEEL, 不過都好乾淨同座位都企理~
我們去食的時間只有小貓3, 4隻
直覺就係呢間店一定麻麻~
因為這店是在朋友公司附近, 就陪她試下佢地既雞煲吧！
(朋友說他們上下午是賣米線的, 晚上才有雞煲)
因為我唔係好食得辣，所以叫左bb辣~~
好了~雞煲來了~~雞上面cover了很多的荽西,睇落好吸引!
其實今次係我第一次食雞煲~估唔到真係咁好食架
雞肉十分嫩滑,又好入味~好喜歡佢既汁~連埋荽西一齊食very good!!
而且微辣很容易入口, 唔係好食得辣既朋友可以試下叫bb辣~
除了雞煲外, 是次套餐仲包左汽水任飲同埋每人5串串燒~
朋友揀左鹽燒秋刀魚, 真係一大條架!! 佢地成條食哂應該好好食啦~haha
我就揀左雞肉, 牛肉同雞翼串燒....~~E, 味道+質感好OK woo!!
因為我平時好怕d串燒燒到好dry~但佢燒得恰到好處, 好juicy, 好好味!!
另外佢仲有自助火鍋bar, 佢d墨魚丸同魚蛋真係好好食呀!!!(仲有好多野揀tim)
好食過街市果d丸 lol!!! 真係對這店另眼相看!!
原來食野都唔可以睇人數同睇外表!
不過可能佢個位置係工廠區, 晚上d人放工番哂屋企所以人流先咁少啦~
anyway, 食完之後已經掛住個雞煲喇!!!
我下次一定會再去!!
btw, 間店個伯伯(唔知waiter定boss) 好nice架~~超好人的哩~~~
咁親切的服務態度+咁經濟的價錢出面好難搵到架喇~

收左工番到屯門，等埋老公去巴倫紐睇戲，lunch就自己搞掂。自己一個，星期六既下午係新墟呢一帶食野一定多人，但我又唔想同人搭枱，又想坐得舒服，價錢又要合理.....哈哈，其實我都幾奄尖架。否決左m記，海皇粥店，上海野，tomato otamot.....最後比我搵到佢—鳥華，唔係因為佢好好食，因為我都係第一次試，70多元食個正宗的日本拉麵都算係咁啦，最重要係佢有適合“單身人士”用餐的位子，就係對住個落地大玻璃，望住一田超市用餐喇。既可以免卻跟陌生人打對面坐的尷尬和拘謹，又可以閒適地用餐，慢慢食都得哩！ 至於食物，我只可說ok啦，個麵同湯底無咩特別，不過隻糖心蛋好好味！义燒都不錯！ 如果下次我都係要自己一個食lunch, 我都會再食呢間，但下次會試佢d飯

這絕對是和朋友聊天的好地方。這兒跟旺角那間明顯不一樣，環境不算很暗，地方闊落，而且侍應和d姐姐態度很好，收野時都很有禮貌，我地食完野之後再傾左好耐計都無間接地趕我地走，令我地感覺很舒服^^ 講番食物方面，我地都揀左西冷牛扒五成熟，朋友碟上，我就鐵板上。五成熟出來的感覺很好哩！唔會好多血，好juicy和有口感，真係好好味！其實我本身食野比較快，我食完朋友仲未食完，其實比多塊我都食得落架XD. BTW, 唔知點解呢，我朋友碟上反而有粟米粒而我就無@@係咪放少左呢？大家下次幫我留意下丫 ：P 今晚105蚊埋單，其實都算抵架喇嘛！我地下次仲會再來的！

朋友叫了常餐，無菠蘿飽，加一蚊轉左多士，但個多士一食已感覺無牛油味，又唔新鮮，林的。牛扒都稱得上好食，不過好多筋...如果有埋炒蛋會合理d ge....28蚊黎講....性價比不太ok 我就食34蚊既生炒牛飯餐，味道還可以，但其實下午茶食個炒飯都係30蚊，而我個34蚊餐好似下午茶餐既份量咁@@下次等我叫個下午茶睇睇先。不過佢地上菜都幾快的。 講完野食，就講下環境啦。我地坐卡位，一埋位已見個位有少少煙灰碎般的粉末，所以我都唔敢放條頸巾係椅子上。環顧四周，集中了不少上了年紀的男士，可能因為舊餐廳的緣故吧！

意粉很有水準，絕對唔係行貨交差，carbonara 味道無得挑剔，意粉中間會見到一絲絲的牽絲！好味！意想不到的大碟，希望可以keep住唔好縮水啦，不過上菜的確係慢左d 朋友的南瓜飯真係好南瓜，不過稍嫌唔夠cream, 今次意粉win