Macau濠食之旅 : dinner buffet @ 自助山 The Grand Buffet

朋友 介紹 自助山 的 dinner buffet 抵食, 好多野食! 扒, 羊架, 魚生, 蝦.....等等 各式各樣都齊全!
Book 了 7:30 pm dinner buffet, 餐廳很大, 真是 環境 如其名~ 自助山~ 食物好似
堆積如山
放食物既枱真係好長, 款式十分之多, 大多數的大路既食物都有, 好 多好多~ 睇相la~~
有 oyster 都算 好新鮮, 魚生…….三文魚肥美新鮮
燒味,成隻燒豬係咁斬,又香又脆
羊扒非常juicy,,煮得岩岩好,
鐵板長腳蟹腳
一般點心有蝦餃,燒買, 菜肉餃,炸雲吞, 义燒飽,等
有唔同國家既美食: 印度薄餅都有...
呢度甜品款式非常多,每一樣都唔錯,所以樣樣都食左件
野飲唔洗+$,所以普通檸茶檸水都係任意order

食物的確係好多選擇，質素一般，最好既係甜品， 滿足 一下 食 buffet 的慾望.

晚餐.buffet好抵食, mop $268 + 10% service charge~ , 依個價錢, 有咁多野揀, 可以接受, 唔會好似香港咁, 要配給 或 等好耐先有, 全晚個食物盆都滿載refill 都快

Macau濠食之旅 : breakfast buffet @ 御廚

御廚 ( 英皇娛樂酒店9樓 )

原價 mop150 breakfast buffet, 種類很多, 食物 quality 一般la. 算係 平平 地 滿足 一下 食 buffet 的慾望.

點心, 飽類, 以 蝦餃 為出色 (但是 想食到 新鮮熱的, 要到皇廷閣 中菜廳 飲茶了, opening at 11am-3pm)

日本 冷麵 小食,

中/ 西 美食,

粥粉麵飯,

水果

應有盡有.

我試了英皇娛樂酒店 的 breakfast buffet 同 dinner buffet ~~~~食物 quality 差吾多~~~REALLY 種類很多~~~~平平 地 滿足 一下 食 buffet 的慾望!

不過, 住客食 dinner buffet 有 7 折 coupon, 十份抵食 ~ mop 120+ ~

晚上 仲有 life band, 雖然 我吾識欣賞…… dinner buffet 仲 有 Häagen-Dazs 雪糕 任食~ so happy.

Macau濠食之旅 : 風味小吃 @ 鳳城珠記麵食專家

蔗汁 (mop7): 清甜 好飲, 帶少少草青味的蔗汁, 很 fresh.
淨魚角(mop16) : 魚角層皮係魚肉, 少少厚, 外形肥啫啫,漲卜卜,
咬落煙韌, 尚算滑口, 餡料同雲吞的差不多,
不過就帶冬菇香及木耳絲的爽脆; 很少店舖 有得賣魚角, 很特別.

另外, 店舖 有賣 鴨紅菜 , 朋友 好奇, 鴨紅菜是什麼 菜? 一問之下, 原來只喺鴨紅+菜心,wahaha…….

Macau濠食之旅 :平食碗仔翅 @ 添發碗仔翅美食

由於添發一點先開, 去之前要有心理準備要排隊 假日一點半去到門口已經有條龍。不過, 平日7-8pm, 晚餐時候就吾難搵位, 可能 遊客 多數 來 吃碗仔翅 for lunch /tea

我們 試了 一個$20碗仔翅 同一個$35豪華碗仔翅
湯底 味道 同 普通碗仔翅味道分別不大, 可能很多味精, 食完好口喝, 翅都算足, mop$20-35 可以吃 到 真 翅 既 碗仔翅, 價錢平, 都抵食.
我覺得 $20碗仔翅 同$35豪華碗仔翅, 份量差不多.

mop$20/35 同 mop $50/80 既分別係一個用碗上,另一個係用煲上而且多左魚肚海參,兩個用既翅係一樣,還有一些肉絲。老細話唔同價錢係翅大小既分別, 唔關份量。

店舖小小,位就迫d。 不過個老細態度麻麻, 好似吾休做…… 每人至少吃一碗碗仔翅, 吾比人share, 即 最低消費 mop$20 la~

店舖以最低消費 的運作 好似吾夠 flexible, 來澳門吃東西的人都想 share, 侍間吃少少, 可以 試多d 種類.

Macau濠食之旅 : 寫意細味午餐@ 我的意大利廚房

來到 美食之都 濠江 遊玩, 除了品嚐地道葡菜小食外, 更喜歡 它的 葡色建築物.

從 威尼斯人酒店 步行 15mins 到 氹仔的官也街, 中途 經過 我的意大利廚房餐廳正位於 一間三層的獨立屋內，雅致的環境 , 環境輕鬆之餘，也有情調。

中午 時 客人不多, 客人都是 外國人，我選了坐在window邊的一張六人桌，非常的寬敞。

1)贈送的 餐前小吃: 一片 小法包 配 鮮茄粒 , 很開胃. 另外的數片法包 配 餐廳 自製 的 olive oil很香口 . 很喜歡這個sauce配上小法包. 我把所有小法包 都吃光了.

2)orange juice, 新鮮甜美.

3)白汁三文魚天使麵, 白汁十分creamy 香滑, 配上三文魚粒 滑滑天使麵, yummy, 份量ok, 一個人都可以吃光了.

4)法色奶凍~ 吃得非常的飽足，還要一試 sweet sweet的甜品，法色奶凍 很香滑& milky. 喜歡牛奶的人會love it.

埋單 mop200，貴就貴d, 試到正宗意大利餐, 及享受 雅致的環境, 間中 豪一次也不錯 的。 Lunch 感覺這麼輕鬆，這麼滿意的一餐了.

我的意大利廚房是一間富有情調的意大利 餐廳，交通不是很方便，但是可以暫離澳門街的煩擾，情侶約會, 可以 靜靜的吃一餐, relax & romantic.

去到鉅記 買手送，最愛 它的 迷你 杏仁餅, 杏仁香脆可口, 細細粒, 一口一個,
食極都吾夠喉 .

另外, 花生糖都整得好香口，好美味.

哈哈~ 鉅記 的 員工好熱情, 比 我地試食，好開心可以試食 唔同口味道 既杏仁餅,
我最愛 還是 原味 杏仁餅!!!　

新好利 的葡撻, 香鬆 甜脆, 蛋味夠濃, 不過甜;
葡撻皮底不會過油, 值得一試.

燕窩蛋撻 (mop 10) 幾特別, 似是蛋白撻 般 夠滑, 但不及原味葡撻好味.

PS: 新好利 是在氹仔 的 咀香園 對面, 好易 找到.

新鮮出爐的大利來的豬扒包好好味
~ 豬仔包外脆內軟, 而 豬扒好大件, 相反 豬仔包細細個, 好得意

豬扒和 包包 好香脆, 咬落又唔太韌, 食得 好開心!
加一支 可樂/ 維他奶, 更開心.

Ps: 由威尼斯人步行到 大利來 只需 15分鐘左右, 好方便.

莫義記 的 甜品, 有許多 款式和 味道 的 大菜糕 和 雪榚. 當中以榴槤 味 大菜糕 和雪榚 最特出. 喜歡食榴槤 的 朋友 一定 不可以 錯過, 必定令你 一試難忘!

香滑 的 榴槤雪榚 有 粒粒 榴槤 果肉, 又涼浸浸, 好似食榴槤咁~ so yummy!

另外, 木糠布丁, 有 好多木糠碎, 好creamy, 又 好似食雪糕咁, 甜甜地,好好味.


PS: 可 順道 參觀 埋 附近的 澳門名勝: 嘉模聖母教堂 & 龍環葡韻.

到澳門玩一定要試這間食水蟹粥, 因為真係好好味.

金黃色的水蟹粥 賣相都相當吸引 ~水蟹粥的粥底好味，又綿又滑, 味道真的不錯^^!
窩中的水蟹又大又肥美, 蟹鉗又大又好味道, 蟹黃溶入粥底 成金黃色, 使蟹粥富有濃郁的蟹膏味~ yummy

大窩水蟹粥MOP 125; 細窩水蟹粥 MOP 95. 價廉物美!