cho man yee 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2010-08-12
哥哥新婚在即, 婚後即入住上水之新居, 所以我就去到鴨利洲的海怡工貿中心揀精品送俾哥哥賀入伙 二樓的傢私店, 有好多好得意的工藝品, 眼花暸亂, 最後揀了心頭好之後, 就在小食亭食少少野! 除了CHOCOLATE鬆餅之外, 就只有火雞PANINI可揀, 襯一杯CAPPUCINO, 估唔到係... 件PANINI, 好好味 麵包肉軟熟, 皮鬆化, 包肉有少少香草味, 加上冷冷一片火雞肉, 配生菜同意大利式的DRESSING, 達至出奇的美味, 雖然只有一款食物可揀, 但品質卻很高 CAPPUCINO過得去, 只係咖啡味唔夠濃
評分: 味道 4 環境 4 服務 3 衛生 3 抵食 3
2010-08-11
上次經過呢間甜品店的時候因為店內無客, 所以唔敢入, 因為唔知會唔會唔好食 前晚經過見入面都坐左一半客, 所以就大膽入去試! 我呢杯甜品, 名堂係: 綠茶雪糕芭菲, 盛惠$32 雖說是甜品, 但份量都幾多, 有綠茶蛋糕, 雲呢拿CREAM, 士多啤梨, 威化餅同藍莓, 底屠仲有紅豆 一杯甜品有多種食物, 感覺會複雜D, 無咁單調 件綠茶雪糕幾軟熟, 威化餅夠脆, CREAM滑, 只係底層的紅豆同杯芭菲唔算好襯 仲有好多其他選擇, 最利害見有個人一口氣食了二份豆乳布丁, 係唔係真係咁好食架? 下次要試吓先得
評分: 味道 4 環境 3 服務 3 衛生 3 抵食 3
2010-08-11
新港中心由一間殘舊的商場變成都見得吓人, 大食代都可算是功不可沒, 其中一樓的TOAST BOX更是潮流食店的表表者, 有時我都喜歡去BREAD TALK買麵包 是次幫襯了TOAST BOX的傳統多士配牛油加央, 另加一杯美祿! 盛惠$31, 都唔平... 不過件多士好脆, 白麵包好好食, 只係件多士有點迷你, 食完好似唔係好飽 杯美祿好鬼好飲, 因為佢地唔孤寒, 落好多美祿粉, 所以味道比較濃, 所以一杯好飲的美祿要夠"料"先得 價錢係貴D, 但質素搭夠, 要彈的, 係客人食完之後, 枱無人執, 給人骯髒的感覺 扣了少少分 推介美食: 美祿
評分: 味道 4 環境 3 服務 2 衛生 2 抵食 2
2010-08-11
見各大食家對此店讚不絕口, 今晚同衰佬去食 之前有人指此店之價錢貴, 但我去到見餐牌就無呢種感覺, 例如一隻避風塘炒蟹都係二百幾蚊, 而且叫套餐一個人都唔使二百蚊, 已經可以"炒蝦拆蟹", 都OK啦 食左個油鹽水煮蜆, 榨菜味的湯, 夾雜粉絲, 酸尾尾之餘, 有鮮甜的蜆肉食, 好好味啊 湯帶少少辣, 因為落左胡椒粉, 只係呢味菜, 已經讓我送了碗半白飯 炒蟹都係高水準之作, 我食呢隻蟹好新鮮, 蟹鉗內的肉係一排排的, 有彈性之餘仲好甜, 而且隻蟹仲好大隻, 真係好得! 難怪咁多人大讚 推介美食: 油鹽水煮蜆
評分: 味道 4 環境 3 服務 4 衛生 3 抵食 4
|