cho man yee 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2009-09-08
同fd 食定食 doraya, 係早有預謀的事情 因為有好多人讚好 我食鯖魚定食, fd 食三文魚子海膽飯, 鯖魚定食包括鯖魚腩一碟, 白飯一碗, 日式煎蛋一件同矮瓜一小碟鯖魚的肉有點腥, 要唧一些檸檬汁去腥味, 但魚肉很結實, 燒的料理手法去做, 魚皮已經全燶, 但肉的部份完全沒有燶 好勁啊~ 塊鯖魚好好食, 好多肉, 白飯係珍珠米的, 味道跟這尾日本魚好襯, 如果用絲苗可能會有點怪呢 我食壽司好多時都會食甜蛋壽司, 之前食過最好食的係板前的甜蛋, 不過這裡的甜蛋比板前的更勝一籌了, 食這個定食記緊要食埋件蛋 反而矮瓜覺得味道太淡, 這種漬物理應有比較濃的味才好食, 但這前菜相型失色一點 fd 對他的三文魚子海膽飯 讚不絕口, 不過一百六十五一客( 連加一 ), 算是一中上價錢的晚餐 評分: 味道 4 環境 4 服務 3 衛生 4 抵食 3
2009-09-08
今晚睇完戲又去朗豪坊入面的美食廣場食, 十點鐘, 已經開始人少, 比較易搵位了 除了再食上次覺得好食的豬頸肉紅飯之外, 仲買多六件扎肉蒸粉包同個fd 孖份食 紅飯之前介紹過, 今次的豬頸肉感覺上無上次咁好味, 少了蜜糖的香噴噴感覺, 但整體而言都ok 扎肉蒸粉包係今次新發現的美食, 粉包兩件十八蚊, 六件四十八, 橫掂兩個人share, 所以買六件食 粉包的粉皮好滑, 餡有質感同有可口的味道, 內裡的豬肉碎好好味, 黑色的雲耳粒令食的時候有爽的感覺, 個魚露係好味的關鍵, 酸, 甜, 同魚露的比例很準確 但六件蒸粉包只給了一小碗的魚露, 有點孤寒 再問counter 攞雖然都俾, 但要問係唔係幫襯過佢, 有點尷尬 評分: 味道 4 環境 3 服務 3 衛生 3 抵食 3
2009-07-31
今晚去到酒處吃日本菜, 係朋友帶我去的, 佢話都好好食架 上到去都幾多日本人幫襯, 日本人自己都去食的地方, 相信都應該幾地道, 不過, 打開餐牌, 發覺價錢都唔平, 好似一份壽司拚盆要二百八十蚊, 但只有一份手卷同自選八件壽司, 俾個budget朋友, 一人只係食百五蚊, 由佢發板啦, 叫左個鰻魚卷, 一碗月見烏冬, 一碟芝士春卷同一碗咖哩豬扒飯! 個鰻魚卷好好味, 中間係牛油果同芝士, 以壽司飯同紫菜包住食, 一碟有六卷, 盛惠一百蚊, 不過貴係貴, 一咬落去的感覺又真係好好的 月見烏冬即係雞蛋烏冬, 係另一個好食的選擇, 麵豉湯的味道好地道, 有好重的木魚味, 隻雞蛋係生的, 打落湯度, 因為湯夠熱, 撈云之後變成半生熟, 好好食, 因為好滑! 芝士春卷麻麻地, 六十蚊一客但只係炸春卷皮的味道做主導, 無特別的地方! 咖哩豬扒飯唔係唔好食, 不過無咩特別, 豬扒比較肥同多油! 無食魚生, 因為價錢太高, 仲要係糧尾, 哈哈, 或者過兩日出左糧再去啦! 評分: 味道 4 環境 4 服務 3 衛生 4 抵食 2
2009-06-25
朋友介紹新開張的金雞, 就暫且放低金寶一次, 去試一試另一種泰式風味啦 首先係海南雞飯, 做法很正宗, 雞肉係起了骨的, 味道好, 肉質嫩滑, 做得很有水準, 配上厚厚爽口的青瓜片跟蕃茄, 食得過癮, 泰式的點雞醬味道很好, 好開胃! 冬蔭功水準都不錯, 此店的冬蔭功味道不算很甜, 但酸同辣的程度都很足夠, 沒有要"就"香港人的口味而做, 而且湯還讓我感受到蝦肉的鮮美, 只可惜沒有火爐keep住個溫度, 有點美中不足, 但味道不比金寶差 炒菜心出色的是菜心好甜, 買手要記一功, 炒功都唔錯, 菜心入口夠熱又夠爽 味道很好, 不過價錢就高得多, 像雞飯都六十幾蚊一碟, 三樣食物埋單要二百五呢 評分: 味道 5 環境 4 服務 4 衛生 4 抵食 2
|