珀翠餐廳 (金鐘)

今年老公book 左呢度同我celebrate 生日~

一早book 左, 十二點半到達係第一台客~

一入去已經覺得環境好舒服好靚~ 仲有無敵海景~~一開始叫左杯香檳飲下先~ 好味~跟住就上個暖笠笠0既麵包籃~ 當中牛油軟包真係超好味~
仲配埋兩種牛油: 淡牛油 & 紫茶牛油~ 味道上紫菜牛油比較咸~跟住就送左一個小食~~ 左邊似係鴨肉~ 右邊係三文魚~ 都幾好味~Weekend lunch set 有4-course...每個course 都有幾個choice~

首先starter我地揀左蝦沙津+鴨肝~

蝦沙津個蝦感覺普通~ 但個salad dressing 就好好味~ D 菜好清新~而鴨肝就配埋一塊包~ 老公話都幾好味~ 唔算好咸~下道菜我地各自揀左意大利飯+意大利鴨肝雲吞~

意大利飯0既面係mushroom foam~ 好重mushroom味~ 飯係勁意大利感覺的偏較~好好味!老公叫0既鴨肝意大利雲吞~ 我覺得好咸~ 麻麻地~　：Ｐ食到中途waitor哥哥自動refill 左麵包, 正!!

下道菜係main course, 有魚有牛有羊~

我同老公都揀左魚~ king salmon + Cod

我0既Cod fish, 面頭有一件魚仔脆片, 好得意~ 魚本身好滑~ 上面仲有個酸酸地0既柚子jelly~好fresh~老公0既king salmon, 慢煮0既salmon 都好軟身~ 好味!最後甜品我地揀左朱古力+雪糕 &無花果＋grapefruit sorbet

朱古力~ 勁好味~老公叫的甜品比較清新~ 最後餐廳送的生日蛋糕~!! 係超好味~ 食唔晒拎左返屋企~總括尼講食物好味, 服務勁好, 環境又靚~!!

今年食左個100分的生日飯~ ^__^

大吃一番 (長沙灣)

今日放工...同老公尼左呢度食野~

想食好耐..不過好似次次都好多人~

七點鐘去到...已經有好多枱客~~

因為鋪頭本身都好細...所以都幾full~

好彩0岩0岩有人走~ 有位坐~

坐低就叫左出名0既流心芝士豬扒烏冬...我要南瓜湯底...老公要豬骨湯底~

waitress姐姐話加十二蚊可以轉餐...包飲品同埋前菜~

前菜係白汁粟米薯蓉, 飲品可以揀唔同0既罐裝汽水~

薯蓉都幾好味喎~~ 細細地~

等左一陣, 烏冬先到~ 原來佢係用熱辣辣0既石窩上架~ 正~

烏冬都算滑同彈牙~ 加埋我個南瓜湯底...就更加滑~~ 南瓜味好清, 甜甜地~ 我覺得好好味!

老公個豬骨湯就好普通...味道可以...但唔夠濃味...似清湯多D~

跟住尼埋個流心芝士豬扒~ 呢個算好好味喎~

豬扒外面炸得好脆~ 味道有小小似大家樂0個D炸豬扒~

但佢裏面就有芝士~~ D 芝士味好香...唔算咸~ 可以拉得出絲0個種~~

食完成個餐真係飽到上心口~ 無位食小食 tim~

鋪仔細...無乜服務可言~ 但做街坊生意~ 都有份人情味0既~

La Tache French Cuisine (九龍灣)

今日放工...想食好D~所以同老公一齊決定去呢度食野~

五點幾打去唸住博下有無得book枱~點知打極都打唔通佢個電話~

所以六點幾一收工就過去睇下~

去到見個menu D野食都可以...就唸住入去啦~

點知有個叔叔 (後來知應該係老細)...叫我地坐bar 枱...咁我梗係話唔好啦~~最後佢都俾左張四人枱我地坐~

坐低~

叫左兩個set dinner

不過先叫左幾隻生蠔食~~ 叫左兩款唔知乜名的~~40蚊一隻蠔唔算好貴~~就試下啦~

尼到都幾大隻喎~~ 雖然有小小蠔殼~ 但係隻蠔真係好新鮮~

Appetitizer 叫左
1. 菠菜焗蠔 (呢個好好味~!!! 蠔好新鮮~ 正)
2. 焗田螺 (呢個只係普通貨色...但熱辣辣...ok la)

湯叫左
1. 穌皮龍蝦湯 (呢個咸D...但接受到~ 穌皮好普通...我地兩公婆都覺得可能食得大家樂多...所以覺得呢個太薄)
2. 穌皮蠔湯 (第一次飲蠔湯...好得意...好重蠔味~)

Main course叫左
1. 燒豬仔 (其實只係細細件..不過個皮真係好脆, 肉都軟滑...好好味)
2. 燒羊架 (叫左五成...但好明顯over cooked...好彩D 羊肉都算"林"....唔差囉)

甜品叫左:
1. 流心朱古力cake + ice cream (食過最唔知心太軟0既心太軟...呢個堅俾個差佢...個廚唔得...用D差朱古力...)
2. 鮮果拿破崙 (呢個仲攪笑..好似三塊餅夾住D生果咁..完全唔係拿破崙囉...啞晒)

飲品(最攪笑)叫左:
1. 熱咖啡 (超好飲....好濃0既咖啡)
2. 凍咖啡 (勁淡...同熱咖啡完全唔同味...叫左凍咖啡0既我十分後悔..最後搶左老公杯熱咖啡飲)

埋單$680 ...唔算好貴~~ 都食得幾飽~

評下D 服務~~ 可能因為新開張...服務十分亂...好明顯D waitor 唔係好知自己做緊乜~~
知道自己做緊乜0個一兩個就做到傻左~~

枱安排混亂~~ 可能好多都係老細0既朋友...所以更混亂~

地方細...多幾枱客就好嘈~ 真係要做fine dinning 有D難度~

食物水準未達一致0既水平~ 甜品真係要多下苦功~

但overall我覺得仲有好多進步0既空間~ 起碼老細同waitor哥哥都親切有禮~ 加油!!

煒記點心 (長沙灣)

朋友話屋企附近開左間點心店~

今日起身同老公去左試~

鋪仔細細, 我地兩點幾去到, 咁都有幾枱客~~

叫左:

1) 蝦餃 -- 呢個幾好味~蝦好爽～
2) 牛肉球　-- 麻麻地, 牛肉球唔知點解有筋~ 但味道都可以0既~
3) 馬拉糕 -- 呢個有小小驚喜...成個蒸籠咁大....唔係好甜...好味~
4) 煎蘿白糕 -- 蘿白份量多...但無乜其他料...煎得比較多油...普通
5) 花白豬骨粥 -- 呢個值得推介~ 好味!
6) 牛肉腸 -- 腸粉幾滑..但唔知點解有小小笠口...overall幾好味~

茶但阿姐斟俾客人的~ 茶其實無乜味~無comment~

可以讚0既係...D點心真係即叫即蒸...熱辣辣~ 味道可以~ 價錢平~

兩個人食左$79 蚊~ 無加一無茶芥~ 抵!

Lawry's The Prime Rib (銅鑼灣)

好耐無去過Lawry...今次係結婚一個月紀念~ 老公突登book左呢度celebrate~

見citibank有d 餐叫...但唔太吸引...決定自己跟menu叫~

最後叫左一個蟹蓋, 一個大蝦cocktails,一個lawry's cut share...跟住一人一杯cocktails

先上左個salad...一直都只覺得呢個salad係一個gimmick..純粹係俾你睇下佢叫撈...味道無乜特別~

跟住上蟹蓋, 蟹蓋裏面充滿晒蟹肉, 都幾好味, 可惜加左芝士搶走左蟹肉0既鮮味~ 浪費~

大蝦cocktail一直係我0既favorite...大大隻蝦...好清好爽口~

跟住上主菜, lawry's cut兩個人share 0岩0岩好~ 叫五成熟, 正~!

Yorkshire pudding 今次好食過上次~

配菜0既薯蓉都好好味~

最後叫左個warm chocolate fantasy cake 做甜品~

好滿足呀~!!

埋單原來citibank卡有八折~ 兩個人唔使一千蚊~!! ^__^