小朋友生日，訂左一家四口食自助餐
當日準時六時先可以入坐
先講優點
- 服務人員親切有禮
- 坐位算舒適
跟住講不足
- 食物選擇少
- 主題的鮑魚亦唔覺有幾主題，印象中得湯，炒鮑魚同每人一客的蠔油鮑魚，唯一覺得個湯係好飲嘅
- 海鮮同刺身選擇亦少
- 甜品係我見過選擇最少的酒店，味道亦唔好味（好少會覺得甜品會咁唔好味）
最後講疑惑
- 小朋友生日，有落remark, 食完返尼先見到人地食評有送蛋糕
- 去到先知原來openrice個全單75折，只計大人，唔計小朋友 （咁何來全單呢？）睇返terms其實有寫，所以大家記住都要睇清楚，唔好自己誤會了

Overall, 自助餐有太多其他選擇了

今日放假去又一城 Waitor古怪！ 食物勁難食！ 入左呢間，同老公分別叫一個英式一個美式早餐 未講完個waitor阿姐話：係咪要咖啡 我地都無話飲，個餐本身都包一杯是日特飲的 跟手佢自己又講飲咖啡要加錢 我就問佢特飲係乜，如是者叫左特飲兩杯 等左一陣，尼左一杯特飲，一杯咖啡 同佢講落錯，又再等啦 跟手尼嘢食，佢放低一個餐，口講英式 再放低另一個餐，口講美式，但一睇就知兩個餐係一樣的 我同佢講錯左，美式係有窩夫的 佢竟然話「可能無窩夫，所以俾左牛角包」 我「但依家兩個餐係一樣架喎」 佢先拎走 返轉頭先話錯左再整 結果尼到個餐，個樣係正常嘅 但d 窩夫竟然係酸嘅 勁難食 無下次

今日路經呢度，所以走左入muji 呢間cafe 試下～

其實餐牌都已經無乜好揀～一係就三餸，四餸，無乜好食0既下午茶同埋好似有個咖哩飯～

好啦～唸住叫一個三餸食下先～

加每人一杯沖繩紅茶飲下～

點知就出事喇～

首先～其實無乜餸好揀～～老公揀左雞翼，黑醋豬肉同埋炸薯餅～

飯可以揀白飯或者十穀飯～ 成為 78大元～

雞翼又硬又凍冰冰，得兩隻～

豬肉係正常的～三舊，但係都係勁凍～

薯餅係勁粉勁難食～！

最經典係個飯～勁爛～未試過日式餐廳個飯會咁難食～！仲未話佢凍tim wor~

好喇～沖繩紅茶係不能跟餐的～但其實只不過係比個茶包你加熱水～！

食完堅係嬲左～！

好彩唔係一人一個三餸飯～如果唔係仲嬲～

唔好話有下次～！食左今次都覺得蝕左～！

好耐無寫食評～今日食完呢間嘢真係不吐不快～

話說之前經過呢間嘢～見都有人排隊～今日就去試下啦～

等左五分鐘就有位入座～

其實入面好細，D位好迫～

睇餐牌其實都覺得只係普通西餐廳～但估唔到真係咁難食～

我叫左一個白汁龍脷柳意粉＋白湯＋熱朱古力

老公叫左蜆肉溫泉蛋意粉＋紅湯＋熱咖啡～

先尼0既係老公叫既紅湯＋蒜蓉包～佢話淡而無味～！waitor 上菜時個包仲係掉落枱的～

個包就只係包～一D都食唔出有蒜蓉0既～

跟住等左陣先再上我個白湯～ 所謂既白湯係忌廉湯～但竟然一D味都無～似係麵粉溝水咁～杰撻撻～

放棄無飲～

跟住個意粉仲過份～

個龍脷柳個汁同個白湯係一樣樣的～食落仲一樣味tim~

結果成個意粉都無味～！

老公個意粉就正常的～！

成餐個感覺勁似中學時候食0既快餐碟頭飯～！味道仲差十皮～

最後結論係個蜆肉意粉同兩杯飲品係正常的～！真係食一次都浪費左個胃既空間～好後悔～

今年老公book 左呢度同我celebrate 生日~

一早book 左, 十二點半到達係第一台客~

一入去已經覺得環境好舒服好靚~ 仲有無敵海景~~一開始叫左杯香檳飲下先~ 好味~跟住就上個暖笠笠0既麵包籃~ 當中牛油軟包真係超好味~
仲配埋兩種牛油: 淡牛油 & 紫茶牛油~ 味道上紫菜牛油比較咸~跟住就送左一個小食~~ 左邊似係鴨肉~ 右邊係三文魚~ 都幾好味~Weekend lunch set 有4-course...每個course 都有幾個choice~

首先starter我地揀左蝦沙津+鴨肝~

蝦沙津個蝦感覺普通~ 但個salad dressing 就好好味~ D 菜好清新~而鴨肝就配埋一塊包~ 老公話都幾好味~ 唔算好咸~下道菜我地各自揀左意大利飯+意大利鴨肝雲吞~

意大利飯0既面係mushroom foam~ 好重mushroom味~ 飯係勁意大利感覺的偏較~好好味!老公叫0既鴨肝意大利雲吞~ 我覺得好咸~ 麻麻地~　：Ｐ食到中途waitor哥哥自動refill 左麵包, 正!!

下道菜係main course, 有魚有牛有羊~

我同老公都揀左魚~ king salmon + Cod

我0既Cod fish, 面頭有一件魚仔脆片, 好得意~ 魚本身好滑~ 上面仲有個酸酸地0既柚子jelly~好fresh~老公0既king salmon, 慢煮0既salmon 都好軟身~ 好味!最後甜品我地揀左朱古力+雪糕 &無花果＋grapefruit sorbet

朱古力~ 勁好味~老公叫的甜品比較清新~ 最後餐廳送的生日蛋糕~!! 係超好味~ 食唔晒拎左返屋企~總括尼講食物好味, 服務勁好, 環境又靚~!!

今年食左個100分的生日飯~ ^__^

今日同老公屋企人book 左呢度做節～！點知非常失望～！

首先講食物～！

選擇非常非常之少～！應該係近年食咁多buffet 中食物最少既一間～！

冷盤－ 海鮮有生蠔，開邊龍蝦，蝦，蟹，蟹腳，青口～！生蠔開定晒～唔太新鮮～

龍蝦中等啦～ 蟹腳非常腥～ 反而D 蟹ok~

另一邊唔知識點解有好幾款煙三文魚～可惜全部唔好味～！

見佢仲有一D西班牙火腿～～ 好可惜都係唔得～！好笠口又唔好味～！

熱盤先係最大獲～唔知識係咪因為要就遊客～竟然係D 雞，燒肉，蒸魚咁～ 另外就係唔知乜嘢炒乜嘢咁～

同埋樣樣都係好細盤～ 真係兩張長枱就放晒～

仲有D點心。。。味道係～真係算數啦～ 最慘係唔會有人幫你拎～

其實仲有D平時都唔會揀既食物例如係 即煮麵，燒牛肉等～ ：（

咁算啦～！去食甜品～

見佢都幾多甜品～！可惜試晒都無乜邊度好好味～！

個brownie 同個麵包布甸係ok 的～！！仲有係一杯杯既haagen diaz 囉～

我真係第一次去食buffet 慘到要去食壽司同埋麵包～！因為其他完全唔想食～

講完嘢食講service...

我地早左到，門口個姐姐話咁早未必得～ok我地坐0係出面等～！

但見夠鐘好多班人入左都無人叫返我地入～可能唔記得左啦～！無事～好心情入去食嘢～

我地一行五人，三個男人兩個女士～佢竟然俾張四人枱我地～（注： 當時得幾枱人入左去）

咁可能佢地攪錯啦～！！咁等左佢地一陣～佢竟然話四人枱幫我加個位！！！！！

我即時嬲左～！點呀～！！我地book 時都講明左五個人～！邊可以咁？

佢見我地嬲先加多張二人枱俾我地！

其他時候收碟同禮貌係ok 的～！！但first impression 己經非常之差！

加上食物選擇＋質素如此 （唔見點解有人可以講得出貴精不貴多，個"精"字邊度出尼？）

又收咁0既價錢！！！總括尼講我非常之失望！！！

應該會永遠blacklist佢！！講完～！（好耐無試過食完即刻返屋企打食評）

話說第一次through XX club book 左呢度食high tea...俾晒錢～ 淨係拎張receipt 去食～

係by terry cross-over 0既～ 本住未試過食呢間餐廳咁去食～

準時三點鐘去到～ 等左五分鐘度就入到去～ 被安排向住窗嘅位～

望住個靚景期望十分之大～

跟住陸陸續續都有好多人尼左食一樣0既嘢～ 但等左差唔多十分鐘先有個人尼問我地飲乜～

呢個係玫瑰主題high tea...當然係飲rose tea...叫完飲嘢又要等多十分鐘先有嘢食～

眼見D遲過我地入尼0既人都食緊～～都有小小無奈～但ok...心情好等一陣～

嘢食尼到係份量少D...但都可以試下～

點知一食～～真係好難食～！！由個 scone，咸點 到甜品都好難食～～

scone 真係好難食～！！救命～～又笠口～ 

原以為佢會因為玫瑰主題...D jam會係rose strawberry jam...點知都係好普通0既strawberry jam，仲要係唔好味0既～

當中有兩樣係杯裝0既嘢食～～但枱面只係得刀同叉～ spoon 都無隻～

杯rose tea 只係得一杯～～見到人地有一pot 我懷疑緊係佢地飲其他嘢定係佢地無晒D pot~

隻杯仲要有茶漬～ 唔知係唔洗唔乾淨定係倒茶先倒瀉～

anyway...杯rose tea 都好難飲～ ：（ 但問題係我地連水都無杯架～

食完想快D走～去食D好嘢安慰自己～～又費事就咁走左去～咪叫waitor 埋單囉～～

點知佢真係拎張單尼叫我俾錢～～ ＠＿＠

過左陣先另一個waitor 拎埋份by terry gift 係我地～～ 真係失望到即時走，連開份gift 睇下都唔想～

第一次食high tea 會咁樣趕住走去食返D正常嘢～

話說老公睇雜誌見到呢間話係laksa 專門店

所以放工專登去試下

星期四晚大概七點到～ 入到去我地係第一枱客

入到去見裝修無乜特別，一般餐廳feel

坐低叫左阿姐推介0既海鮮喇沙 ＄138

呢個咁貴0既喇沙，得少少辣，無乜味～ 裹面有兩隻蝦，兩隻帶子，兩隻青口，幾粒螄蚶～

一D唔好味～ 阿姐推介時仲話夠兩個人食，根本上就係一人份量～

另外叫左沙爹半打 ＄68 

三支牛，三支雞，味道可以～但唔知點解個沙爹醬好杰～份量亦好小～

馬拉盞芥蘭 ＄68

呢個最堅，一D馬拉盞都見唔到～食落仲有D燶燶地味～最勁係食到D菜係未熟加埋有幾件係凍0既～

同一杯凍青檸梅子汁 ＄22

呢杯無乜問題～只係唔好飲～

服務方面～其實只得一個阿姐同一個似老細0既阿叔

阿姐好有禮貌，但係有小小混亂，唔係好知自己做緊乜咁～
阿叔就好好笑～係咁嗌入廚房 "個雞湯好多油呀"
另外有枱客都話D菜燶燶地，佢又嗌 "D菜有燶味呀，你睇下隻獲啦" 

成餐就不停聽住個阿叔係度嗌～

結論係咁0既價錢，食到呢D連個菜都炒得唔正常0既餐廳～

一定唔會再去～亦非常唔建議大家去試～ 講完

七點鐘要0係新都會搵位食飯都唔易~

咁0岩老公想食steak 就去左呢間喇~

七點鐘無乜人...唔使等就有位喇~

入到去先知原來呢間同朗豪坊間sky bar 係有關係的~

我本身自己成日去sky bar 的~ 所以一開始就覺得算ok¬

餐牌都好似sky bar...價位低d...但選擇反而多d~

一個main course 包一個start 或兩個 appetizer 加甜品~ 大概二百幾蚊~ 都算幾好~

老公揀左一個西冷~~ 好大件...算係燒得幾香~ 

我揀左個三文魚+蠔意大利飯~ 三文魚又係勁大舊, 味道可以, 個意大利飯就太過濕身, 但味道可以~

Starter 我地揀左一個caesar salad 同埋一個南瓜蟹肉湯~

salad 正常係好少~ 湯好浠同埋無蟹肉~

夜晚happy hour 有買一送一, 我地叫左一杯凍朱古力, 一杯熱朱古力~ ($38)

skybar 會限你兩杯要一樣的~ 所以覺得呢度俾你揀都幾好~ 朱古力都好好味~

最後飽到顛仲有甜品~

有四款揀, 我地揀左ice cream...可惜得朱古力味~ 又係朱古力~ 攪到唔想食~

總括野食係可以的~ 但係太多細路仔~~ 侍應扭波俾d細路又扭爆幾次~~次次都嚇親其他客人~

下次可以考慮送其他嘢嗎?

每次去長洲都會去天然， 因為好鍾意飲佢0既雪糕西瓜冰～

今次中秋有幾日holiday..就走左入長洲行下啦～

去到天然見到七八個人0係度等，相信係排隊， 就企0係後面等下啦～

老闆完全無理我地0係出面等乜， 又無派飛～

跟住又有D 兩個三個人尼～ 差D就打左尖～ 老闆仲想話我地打尖～ 勁嬲～

人流多又唔去控制～ 

算喇～ 入到去想叫雪糕西瓜冰～

下晏五點竟然話無晒冰～ 叫我地叫過第二樣～

最後老公夾硬叫左杯可以叫0既雪糕綠豆冰～ 仲要唔好味0既～

其實假日人流多就預左， 但感覺天然真係越做越差。

我地呢D香港客人相信都好難會再去， 去麥記買杯沙冰十蚊唔使都無咁嬲～