譚點 (長沙灣)

見到屋企附近新開左呢間點心店...見佢個門面幾大...入去試下~

門口個服務員都幾熱情咁叫左我地入去坐~

坐低其實見到都幾full~ 我估大家都唸住試新野卦~

茶有得揀, 叫左水仙....但好古怪...係無味的~ 茶具仲有茶漬...

點心其實唔多選擇~~ 多左D飯呀同其他外圍野~ 主要想試點心...所以好似無乜好揀~

肚餓~ 一共叫左八個點心~ 唔知係咪即蒸...都等幾耐~ (隔望枱阿婆不斷催tim..)

講好食0既先～

我覺得個鵪鶉蛋燒賣唔錯～～好有細個食０既感覺～

另外個菇浸牛肉都可以～

跟住講唔好食０既～

個馬拉糕硬０既。。。似蛋糕孖寶多Ｄ～

個牛柏葉得少少。。。最攪笑係用Ｄ烏冬托住個底。。。

蝦腸粉。。。好攪笑咁切成６舊。。。怪。。。味道可以～

帶子魚翅餃。。。Ｄ魚翅我要吐返出尼。。。硬０既。。。

服務未得。。。可以原諒係因為新～～　討

但最攪笑係有個阿姐不斷屈我地要個燒賣。。我地話無叫普通燒賣。。。佢行開左又返尼問多次～

食完百四蚊有找～

但咁０既quality~ 我會去同區其他點心店同酒樓食囉~ 希望佢慢慢可以改善下~

大吃一番 (長沙灣)

今日放工...同老公尼左呢度食野~

想食好耐..不過好似次次都好多人~

七點鐘去到...已經有好多枱客~~

因為鋪頭本身都好細...所以都幾full~

好彩0岩0岩有人走~ 有位坐~

坐低就叫左出名0既流心芝士豬扒烏冬...我要南瓜湯底...老公要豬骨湯底~

waitress姐姐話加十二蚊可以轉餐...包飲品同埋前菜~

前菜係白汁粟米薯蓉, 飲品可以揀唔同0既罐裝汽水~

薯蓉都幾好味喎~~ 細細地~

等左一陣, 烏冬先到~ 原來佢係用熱辣辣0既石窩上架~ 正~

烏冬都算滑同彈牙~ 加埋我個南瓜湯底...就更加滑~~ 南瓜味好清, 甜甜地~ 我覺得好好味!

老公個豬骨湯就好普通...味道可以...但唔夠濃味...似清湯多D~

跟住尼埋個流心芝士豬扒~ 呢個算好好味喎~

豬扒外面炸得好脆~ 味道有小小似大家樂0個D炸豬扒~

但佢裏面就有芝士~~ D 芝士味好香...唔算咸~ 可以拉得出絲0個種~~

食完成個餐真係飽到上心口~ 無位食小食 tim~

鋪仔細...無乜服務可言~ 但做街坊生意~ 都有份人情味0既~

潮館 (荃灣)

今次係屋企人話尼呢度食, 慶祝母親節~

一到步, 屋企人話要食個母親節餐~

七個大人兩個細路...剛好可以叫半席~

睇下個menu同一般酒樓都係差唔多~ 都係D雞呀魚呀咁~

好啦~無意見~~點知就出事～首先尼個拼盤~~ 心唸~咁細0既?! 得兩粒蛋(即係半隻蛋)...D 鵝片得D皮同肥膏~ 好~

跟住尼個單叫0既蠔餅~ 都係好細~~ 味道都可以~

跟住尼埋個飽魚鵝掌~ 呢個我唔食0既~ 見個賣相唔差...又係細D囉~

哈~ 跟住就乜都唔尼~

真係燥左~~ 等左四個字都乜都無尼~

問左部長~~ 話整緊~

好...過一陣又真係上個翅~~ 味道唔差~ 但俾個黑醋你囉~~ 姐夫無睇清楚...中左~

跟住又係等~ 一等就半個鐘~ 真係人都顛~~　問佢地。。。就不停話條魚蒸緊～咁其他野呢～

隻雞先經典。。。得四份一隻～　等於半隻雞脾加兩件雞胸～

個海鮮卷裏面得一粒芒果同一隻蝦毛～～！！！

等左十世０既魚我無心機食～～　ｓｉｚｅ就唔使講啦～

仲有個菜苗先勁～～我唔講喇～～大家睇相～　食左大半餐我真係見到個菜苗先忍唔住要影相～之後０個Ｄ包呀飯呀～　都係要三催四請先到～

埋單千五蚊～　真係想去麥記食返個包無咁嬲～　難食＋無服務～一定唔會有下次～

La Tache French Cuisine (九龍灣)

今日放工...想食好D~所以同老公一齊決定去呢度食野~

五點幾打去唸住博下有無得book枱~點知打極都打唔通佢個電話~

所以六點幾一收工就過去睇下~

去到見個menu D野食都可以...就唸住入去啦~

點知有個叔叔 (後來知應該係老細)...叫我地坐bar 枱...咁我梗係話唔好啦~~最後佢都俾左張四人枱我地坐~

坐低~

叫左兩個set dinner

不過先叫左幾隻生蠔食~~ 叫左兩款唔知乜名的~~40蚊一隻蠔唔算好貴~~就試下啦~

尼到都幾大隻喎~~ 雖然有小小蠔殼~ 但係隻蠔真係好新鮮~

Appetitizer 叫左
1. 菠菜焗蠔 (呢個好好味~!!! 蠔好新鮮~ 正)
2. 焗田螺 (呢個只係普通貨色...但熱辣辣...ok la)

湯叫左
1. 穌皮龍蝦湯 (呢個咸D...但接受到~ 穌皮好普通...我地兩公婆都覺得可能食得大家樂多...所以覺得呢個太薄)
2. 穌皮蠔湯 (第一次飲蠔湯...好得意...好重蠔味~)

Main course叫左
1. 燒豬仔 (其實只係細細件..不過個皮真係好脆, 肉都軟滑...好好味)
2. 燒羊架 (叫左五成...但好明顯over cooked...好彩D 羊肉都算"林"....唔差囉)

甜品叫左:
1. 流心朱古力cake + ice cream (食過最唔知心太軟0既心太軟...呢個堅俾個差佢...個廚唔得...用D差朱古力...)
2. 鮮果拿破崙 (呢個仲攪笑..好似三塊餅夾住D生果咁..完全唔係拿破崙囉...啞晒)

飲品(最攪笑)叫左:
1. 熱咖啡 (超好飲....好濃0既咖啡)
2. 凍咖啡 (勁淡...同熱咖啡完全唔同味...叫左凍咖啡0既我十分後悔..最後搶左老公杯熱咖啡飲)

埋單$680 ...唔算好貴~~ 都食得幾飽~

評下D 服務~~ 可能因為新開張...服務十分亂...好明顯D waitor 唔係好知自己做緊乜~~
知道自己做緊乜0個一兩個就做到傻左~~

枱安排混亂~~ 可能好多都係老細0既朋友...所以更混亂~

地方細...多幾枱客就好嘈~ 真係要做fine dinning 有D難度~

食物水準未達一致0既水平~ 甜品真係要多下苦功~

但overall我覺得仲有好多進步0既空間~ 起碼老細同waitor哥哥都親切有禮~ 加油!!

煒記點心 (長沙灣)

朋友話屋企附近開左間點心店~

今日起身同老公去左試~

鋪仔細細, 我地兩點幾去到, 咁都有幾枱客~~

叫左:

1) 蝦餃 -- 呢個幾好味~蝦好爽～
2) 牛肉球　-- 麻麻地, 牛肉球唔知點解有筋~ 但味道都可以0既~
3) 馬拉糕 -- 呢個有小小驚喜...成個蒸籠咁大....唔係好甜...好味~
4) 煎蘿白糕 -- 蘿白份量多...但無乜其他料...煎得比較多油...普通
5) 花白豬骨粥 -- 呢個值得推介~ 好味!
6) 牛肉腸 -- 腸粉幾滑..但唔知點解有小小笠口...overall幾好味~

茶但阿姐斟俾客人的~ 茶其實無乜味~無comment~

可以讚0既係...D點心真係即叫即蒸...熱辣辣~ 味道可以~ 價錢平~

兩個人食左$79 蚊~ 無加一無茶芥~ 抵!