chocoyan 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2012-04-15
話說近年搬到附近~ 都好鍾意去呢度食野~ 覺得又好味又抵食~ 沉晚再去, 非常之失望~ 話說七點幾去到, 預左要等位...都知道越尼越多人~ 等左差唔多二十分鐘...終於都有位~ 叫左次次都會食0既生蝦刺身, 柚子沙律, 咖哩炒大蜆同蒜茸包 加兩杯青檸梳打 柚子沙律都係平時咁好味, 只係份量好似少左~ 生蝦刺身份量不變, 但好明顯差左...笠口0既...一D都唔爽~~ 咖哩炒大蜆 :咖哩無乜味道 (竟然?!)...大蜆仲有沙~ 好失望~ 食晒咁滯都未等到個蒜茸包~ 阿姐話整唔切喎~~再等...終於都尼~~但個包根本都唔熱...仲青青地色~好怪~ 兩杯野飲仲唔使講...得一片仔青檸...仲要無冰0既...一D都唔凍~ 唉...超級勁失望~~ 果然當一時鋪頭出左名多左人去之後...水準真係keep 唔到~ 仲要加價tim....唉....
評分: 味道 3 環境 3 服務 3 衛生 3 抵食 2
2012-04-13
好耐無去過Lawry...今次係結婚一個月紀念~ 老公突登book左呢度celebrate~ 見citibank有d 餐叫...但唔太吸引...決定自己跟menu叫~ 最後叫左一個蟹蓋, 一個大蝦cocktails,一個lawry's cut share...跟住一人一杯cocktails 先上左個salad...一直都只覺得呢個salad係一個gimmick..純粹係俾你睇下佢叫撈...味道無乜特別~ 跟住上蟹蓋, 蟹蓋裏面充滿晒蟹肉, 都幾好味, 可惜加左芝士搶走左蟹肉0既鮮味~ 浪費~ 大蝦cocktail一直係我0既favorite...大大隻蝦...好清好爽口~ 跟住上主菜, lawry's cut兩個人share 0岩0岩好~ 叫五成熟, 正~! Yorkshire pudding 今次好食過上次~ 配菜0既薯蓉都好好味~ 最後叫左個warm chocolate fantasy cake 做甜品~ 好滿足呀~!! 埋單原來citibank卡有八折~ 兩個人唔使一千蚊~!! ^__^ 推介美食: Prime rib,big shrimp cocktail
評分: 味道 5 環境 3 服務 4 衛生 5 抵食 4
2012-03-27
是日同老公放假, 一心去中環試呢間野~ 地點真係有D難搵, 行左一輪先到~ 地方其實好細, 唔好坐~ 侍應要以英文溝通, 但menu都算清楚~ 叫左一個full english 同埋一個egg benedict full english其實真係極其普通, 有包, 蕃汁豆, bacon, eggs, mushroom, 腸仔加一杯好細杯0既juice 另外egg benedict都算幾好味~ 但個人認為有菠菜0既egg benedict好似D... 呢個如果轉set...就有多杯細juice 同兩個side dish, 我揀左apple 同埋potato... 個apple slice反而係成餐裏面最有驚喜0既~ 好似用cinnamon煮淋左咁...幾好味~ 另外potato就無乜特別~~ 總結係....普通過普通....唔值得行咁遠去食~ 我寧願去element食grand central...
評分: 味道 3 環境 2 服務 3 衛生 3 抵食 2
2012-01-29
先要講講...其實0係幾年前已經會去阿拉丁食咖哩~ 覺得好味又唔貴~ 之後最後一兩年都會去, 但好明顯野食水準下降, 人流反而多左~ 可能係openrice效應~ 都唔緊要~~ 我覺得搵到0岩口味0既咖哩都唔係咁容易~ 所以會照去食~ 話說沉晚同男朋友去開銅鑼灣~ 所以再去~ 七點幾接近八點0既時間~ 預左會多人~ 一上到去已經見到人龍(門外大概有七八個人) 咁唯有入去睇下係派飛定點啦~ 點知無人理我喎~~行緊時其實不斷見到老細同埋D侍應行尼行去, 但都唔會理我~ 咁我就傻瓜咁行返去出同男朋友講話:"可能係排隊啦" 跟住換左男朋友入去睇下~ 點知佢一肚氣出返尼~ 同我講話唔食~ 乜野事? 以下係男朋友B同鋪入人物0既對話: B行到入去cashier位置, 原來有個阿姐0係個位度背住佢抹緊叉, B:" 唔該兩位呀" 阿姐無理...照背住佢 B再講:"唔該兩位呀" 跟住阿姐先擰返個頭問幾位, 點稱呼~ 跟住寫低~ 就無理~ 呢個時候, 有另外一個侍應同呢個阿姐講:" 喂...你睇下俾D兩位0既入去先啦, 出面好多兩位呀" 點知個阿姐話:" 你問你老細啦...你知佢唔鍾意招呼兩位架啦" B 即刻啞晒走返出尼... 我覺得食物水準下降...再加上咁樣0既待客態度~ 我搵唔到乜野原因我會再去阿拉丁喇~ Bye Bye~
2012-01-26
年廿七約左男朋友屋企人食團年飯~ 佢地揀左呢間鋪頭食~ 真係第一次聽呢個名~ 同埋唔熟荃灣都有小小難搵~ 去到其實都已經好多人....又見到好多人等位~ 好彩未來奶奶佢地一早到左~ 揀左出名0既鹽焗雞, 炸大腸, 紅燒豆腐, 西芹炒蝦仁, 炸蠔, 豬肚湯 同埋羅漢齋 我覺得鹽焗雞都ok...只係D 雞肉唔算好滑, 個味可以~ 炸大腸就好好味~~ 食送酒一流~ 紅燒豆腐都好得, 有小小肉釀左0係豆腐入面, 所以好入味~ 西芹炒蝦仁~ 個蝦好得~~ 炸蠔~~太油同好多粉, 食一隻已經好"漏"...唔得~ 豬肚湯~~ 呢個豬肚湯好似用腐竹煲咁...白色0既~~ 麻麻地~ 無乜豬肚味~~ 羅漢齋只係普通貨色~ 至於服務, 我覺得無人地講得咁差喎~~阿姐都算即叫即應~ 同埋我地不停話D 啤酒唔夠凍, 佢都有再換俾我地~ 只係平民化小小姐~~ 價錢五個人食左七百幾蚊~ 都算合理呀~!! 推介美食: 紅燒豆腐,炸大腸,鹽焗雞
評分: 味道 2 環境 3 服務 3 衛生 3 抵食 2
|