露台餐廳 (尖沙咀)

是日同男朋友去左Verandah食小妹的生日飯!
被安排坐左近wall的位置...雖然唔係窗口位..但都可以望到遠處0既太空館...個景唔錯..
呢個係semi-buffet..所以前菜同埋dessert都係自取0既...
另外有soup, main course同埋dessert 就好似跟set咁...
一埋位侍應就問有無恆生白金卡...原來有wine 送...一人一杯餐酒飲住先
首先講前菜...
有好多款色架...最好味一定係長腳蟹同埋D蝦...真係好好味!!! ><
另外仲有魚生,風乾火腿,salad bar仲有好多salad 0既dressing同cheese,
食完好多好好味0既前菜同海鮮
個湯就上喇,
我揀左個紅腰豆湯...味道ok la...好有紅腰豆味!
男朋友揀左個雞湯....味道普通
不過要讚同湯一齊上的法包...好好味!! 如果唔係怕食唔落其他野..我應該會食晒佢...
main course我揀左牛柳...味道真係好一般...
男朋友就揀左鴨胸...呢個反而好好味!! 唔會好咸...
跟住我地就出去揀甜品...有雪皅,雪糕,cake都有幾款...
lemon雪皅...勁refreshing!! 有小小酸!! 但好好味!
mango雪皅...好有mango味..有D甜...
chocolate icecream: 呢個勁勁勁好味!!! 雪糕裏面有D chocolater chips好濃好好味!!
strawberry icecream: 有新鮮strawberry0係裏面架! 正!!
綠茶tiramisu:　呢個出名...不過我地都係鍾意食傳統0既tiramisun多D..所以覺得麻麻..
拎完甜品..返去座位個set0既甜品梳乎厘已經到左...
passion fruit 梳乎厘..唔太甜..熱辣辣..好好味呀!!!! ><
最後一人一杯熱飲...我要0既朱古力好濃好滑...男朋友要左杯咖啡...普通啦!
總括尼講食物好味..service好好!! 值得一試再試~~
埋單先發現原來恆生白金卡有九折...即係一千蚊有找?! 真係勁抵勁滿足!! ^^

Yamm (尖沙咀)

是日男朋友生日...一早訂左枱..
睇左食評就有sofa坐..所以都指明左...

六點去到..無乜人...
侍應禮貌ok...招呼我地入左去坐sofa...sofa都幾好坐..不過張枱太近..好難起到身

夠鐘開始buffet...侍應都好有禮貌咁解釋日式menu...
一開始樣樣試下先啦
刺生:
三文魚:　ok la..幾新鮮
tuna: 可以
蝦：　麻麻
帶子： 都幾好味
海膽:　唔識所賞

天婦羅：
蝦： 好好食..熱呼呼..
軟殼蟹:　都好味

爐端燒:
sweet corn: 好好味!!
chicken wing: 都ok

至於出面拎０既野食，
我覺得種類唔夠多

海鮮得好細隻０既lobster,蝦，生蠔，蟹腳
熟食無乜。。。記憶中攞左小小就無食
甜品就多Ｄ。。有好幾種cake...不過味道就麻麻。。。
生果得西瓜同蜜瓜
有個chocolate fountain...都幾好味!
雪糕得兩隻味：仲要係苺味同士多啤梨味...咁同一樣有乜分別??

最慘係一路食一路有蚊咬...我足足被咬左四粒...男朋友兩粒...
最後忍唔住要求換枱...

呢餐生日飯都覺經典...唉...真係無下次! ：（

三上日本料理 (深水埗)

早幾日同男朋友０係深水土步搵野食。。。
最後入左呢間日本野。。。

一入去其實都已經好多人喇。。。
見到Ｄ　waitor都好忙。。。

係用餐紙點野食０既。。。
我地一尼點左幾種sushi 先

鰻魚：同吉吉島0個D無分別..唔叫都得
jumbo帶子:　好大隻。。好幾好味幾新鮮。。
辛辣三文魚： 好食...
wasabi章魚:勁辣...可以挑戰０既
cheese 蟹子：都ok..

另外叫左個海老天婦羅, 呢個真係勁好味!!!　好想食多個～

跟住就叫左個便當。。唔記得個名。。總之裏面有幾塊魚生，有幾舊sushi,有冷面咁囉
都ok ０既。。。最好味係Ｄ三文魚囉～　hehe

咁０既價錢。。。算係好抵食喇！！　
下次順路會再食～　

南翔饅頭店 (荃灣)

話說同媽咪celebrate母親節..
所以揀左去呢度食...

其實入到去環境都ok...
waitor都有禮貌0既

一開始叫左個四人餐...

其實唔係好記得D食送0既名...
但覺得非常唔得

糖醋魚...好似D茶餐廳0既生炒排骨味...好古怪

有個湯...個湯反而無乜味...

炒年糕...D年糕硬到我食完有小小胃痛...

回X肉:　勁油...雖然上海野可能會有Ｄ油。。但真係油得太過份。。。

唯一好味０既係個小籠包囉。。。仲要係另外叫０既。。。

最慘係。。食飯時候。。。勁熱。。。我已經著背心＋shorts..但都熱到出汗。。。

自問係一個怕凍唔怕熱０既人。。。但都熱到想死。。。

未試過食餐飯食到要問佢地有無開冷氣

雖然價錢好平。。。但都唔會再去lu...

Applegreen (旺角)

已經係第二次尼applegreen食lunch喇..

第一次食set lunch有沙律同埋大蝦意粉
沙律麻麻..因為好多我唔食0既菜
但個蝦意粉就好好味...
面頭仲有塊好好味0既garlic bread

今日一個人再去食...
今次揀左飲湯(有湯就無沙律了)
個湯係green bean with bacon...
好清好好味...仲好大碗...飲完都飽lu...

主菜我叫左西冷配薯仔,釀tomato...
塊西冷ok la...點埋佢俾0既mustard都ok...最欣賞佢有塊香草牛油0係面

但最驚喜係塊釀tomato..熱辣辣...仲好juicy tim...好好味!!!!! ^_^

最後飲埋杯ice tea...飽到傻!! 不過勁滿足!!

不過要彈係D waitor 雖然都幾好禮貌..但係唔係好主動...
好多時D客 叫好耐都無人理...
可能睇唔到啦~!!