蓮香樓 (中環)

今日同朋友突登出中環..就係為左去蓮香樓見識下...

行左陣都搵唔到路...最後都係要問人...

裏面無論係裝修同氣氛都好舊式...

唔理三七廿一即刻搵個位坐下先~~

叫左兩個茶盅...一個要香片...一個要普洱...

香片唔知乜事勁"苦"...反而普洱無呢個問題..不過個茶盅幾好玩～：Ｐ

總共食左六碟點心

1)豬肚燒賣:　個個都話要食０既。。。我同朋友都覺得唔好食...個豬肚仲苦架tim

2) 奶皇飽：因為見唔到有其他飽..所以揀左佢...真係好唔似依家0係D流沙奶皇飽...而係十足十以前細個食0個D實實地0既奶皇....可能食慣左出面茶樓0個D...覺得呢個唔好食...食食下仲發現個飽裏面有條頭髮...最後放棄...

3) 鳯爪:呢個唔係依家食０個Ｄ紅色０既鳯爪。。味道ok la

4) 蝦腸：　呢個係全場最好味架喇。。。腸粉夠滑。。。蝦都算彈呀。。。

５）魚肚紮： 呢個都幾好味..似雞紮..但係裏面係魚肚同埋一夠豬肉+蝦毛囉...

6) 馬拉糕:呢個真係勁失望。。。又硬又唔香。。唉...

食完全部。。。真係覺得勁舊式。。好有以前細個０既感覺。。。味道都有Ｄ似。。但真係唔慣。。。最得意就係推車仔囉。。。呢Ｄ細個時先會見到。。。見到Ｄ人一見阿姐推車出尼就衝埋去。。真係幾得意。。。

但講Ｄ０野食真係唔覺得特別好味。。。

埋單一百元正。。算係咁啦。。。如果係去見識下都ok ０既。。。但如果食野。。我覺得屋企樓下間茶樓仲好味Ｄ～

蘭芳園 (中環)

畢業後都無再去過lu..

今日無無聊聊中環遊揀左呢度食0野

兩個人揀左茄蛋豬扒通同0架咉西多食...

一人一杯凍奶茶...

通粉個樣唔錯...好大碗...個湯幾好味...但係D通粉唔知點解會爛晒...
豬扒無乜特別...係有好大舊薯仔囉

個西多都唔見得好味...其實係無乜味...最後都係要攞糖漿食~

奶茶....無特別囉..

哈哈~最後六十蚊唔使走人...算係食飽左咁囉...
真係唔經過都唔會再尼食lu...

香味屋 (尖沙咀)

今日同朋友仔唸住去食個buffet...0係好多choice中最後揀左呢間...
六點半開始...一開始都唔算好多人...
waitor 帶左我地去一個幾近攞野食0既位...
一開始of coz 係揀D冷盤食下先~
凍盤0既海鮮有蝦,crab, 長腳蟹,生蠔, 蜆, 仲有幾隻魚生...
我覺得D海鮮麻麻...我淨係食左D蝦同埋長腳蟹..
D長腳蟹無乜肉食..一咬落去就飛晒D水出尼..
另外魚生我覺得三文魚唔錯...
朋友仔話生蠔都幾好食~~
值得一讚係佢真係refill得好快...一陣間又滿返晒喇~
隔離仲有幾種sushi..不過舊飯好難食~
另外仲有D沙律呀火煺呀咁..我都無食到...
一尼就去左"不"個豆腐花食!! hehe~ 第一個"不" 好開心~~仲幾好味tim~~
熱0既野食都唔少...
唔太記得有D乜..因為唔太好食..
D所謂東南亞野真係一D水準都無...
不過主角和牛就唔錯...
佢係要自己拎個枱號去俾個師傅...再等人拎俾你的
但我地唔明點解只係得四粒囉...拎左三次...即係每人都只係食左六粒...
但又真係幾好味0既~
另外佢仲有D 日本野...
如天富羅 (唔記得點寫)...都唔錯..
另外有D串燒咁囉
甜品方面
有得自製窩夫...好開心好好玩...加埋雪糕勁好味!!!
仲有白古古力fountain...都幾好味~~
生果都有幾種..西瓜同哈蜜瓜幾甜!
但係D cake就令人勁勁勁失望..係超難食...我地每舊只係食左一口..就食唔到!
太難食了~!!未試過去食buffet D cake咁差!!!!
0係門口附近就有朱古力金箔生果同炸雪糕糯米糍...
朱古力幾好味~~ 炸米糍就怪怪地...
總括尼講...D野食不過不失啦~~ 係D甜品勁令人失望囉
用左openrice coupon有七五折...埋單每位二百五...
ok la...都食到好飽0既~~
唔記得讚...D waitor幾有禮貌...添水添得好快好密...收碟都好快~

別緻餐廳 (新蒲崗)

雖然住得勁近~但都係第一次到新蒲崗呢間店~
之前有去過紅磡0個間..都覺得好ok..
所以今日約左朋友去呢間總店~

早兩日已經訂左枱...好容易就訂到...可能因為平日
訂左七點半...準時去到
入到去覺得地方真係幾細...
裝修都無紅磡店咁靚~~但都ok la...

坐低...叫左兩個set dinner

starter我叫左帶子沙律..朋友叫左caesar salad
帶子半生熟..有六隻(定七隻?) 好好味!
caesar斗salad都ok...

湯我叫左什菌濃湯..濃濃0既菌味~~好大碗..飲完都飽左一半lu....配埋熱熱地0既garlic bread..好味!
朋友要左什菜湯..我唔飲0既~佢話ok~

主菜我要左黃芥辣牛腹肉扒...五成熟..
好香好香0既芥辣味..但一D都唔辣~~
牛肉好嫩~~ 勁好味!!!
朋友要左羊架...五成熟..都ok..不過無牛扒咁好食~!

dessert我要左黑朱古力雪糕..之前都食過~一樣咁好味~! 朋友要左焦糖布丁~好香蛋味!

加埋餐飲! 一人一杯coffee..勁滿足都唔使400!!
又咁近!! 一定會再去!

旺角咖喱大皇 (旺角)

第二次到咖哩大皇食飯..

今次一行五人七點幾去到
仲有好多位..唔使點等

今次五個人揀左個3-4人0既C餐
有六支沙dad (都幾香...幾好味...)
另外將個鴨腎換左六隻咖哩角(咖哩角無乜特別..少少辣)

海鮮炒飯(無乜驚喜...但味道可以接受..裏面食得出有帶子,魷魚同魚..
)
特色炒菜(呢個幾好味...即係炒雜菜囉)

唔知乜野咖哩羊(呢個真係好食..D羊好淋..又好入味)

唔知乜野咖哩雞(ok..少少辣)

另外仲有一個印度薄餅(好細塊)
同埋白飯一大碟
仲送一JAR可樂...

總括兩男三女去食一個餐...
個個都食得好飽...
味道可以接受...
價錢都合理0既~