chocoyan 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2008-03-14
每次返工前都會經過太子 而每次經過又唸唔到食乜都會去義順~ 但去義順我每次都唔係食奶類 而係為左去食牛肉通粉,奶醬多同埋凍奶茶 雖然牛肉通已經加左價(由二十蚊加到二十一蚊) 貴係貴~但我都堅持要食~~ 因為實在太好味喇~~ 一上枱熱辣辣~~ 牛肉好味~ 最重要係通粉粒粒都大大粒 同埋無紋(至憎食D有紋0既通粉) 仲好彈牙tim!!! 另外,我仲會叫多個奶醬多~~ 當然都係即叫即整~~ 面頭D奶醬多到漏 塊包又好食~ 熱辣辣~!!正~! 凍奶茶都正~ 最後一個人食晒咁多野~!! 次次都有DD飽到想嘔。。但又忍唔住要食晒~ 哈哈~~ 評分: 味道 4 環境 3 服務 3 衛生 3 抵食 3
2008-03-01 MOS Burger (旺角)
今日到朗豪坊睇戲... 又係到左睇戲前要食D0野但又唸唔到食乜0既時間... 最終都係揀返mos burger... 一向好欣賞mos 0既海鮮rice burger 真係超好味~~! 但係又飽飽地... 所以我揀左食一舊炸雞 朋友就揀食cheese burger炸雞餐 炸雞一如以往咁好味...但係奇在唔知點解 次次尼到..都覺得舊雞越尼越火農... 似乎炸得有點過火 朋友最鍾意佢0既cheese burger 因為熱辣辣...D cheese又熔熔地 仲有大大塊tomato... 見到都好想食(可惜我好飽) D 服務員都好好...見我地唔知食乜好都主動俾menu我地....但唯一要彈下真係D枱唔好坐 cashier隔離張"曲曲"枱真係唔知想點... 放多兩張枱好過啦~ 評分: 味道 4 環境 2 服務 4 衛生 3 抵食 3
2008-02-23
今日0係尖吵咀行完街... 所以去左朋友介紹0既呢間鋪食0野.. 我揀左炸雞拉面(豬骨湯底) 湯比我想象中淡...無左豬骨湯應有0個種濃郁0既味道 D面好硬...唔知係咪突登0既 反而D炸雞幾好味... 朋友揀左咖哩拉面 我試左D湯底...幾好味...唔辣... 跟住一人揀左一杯飲品 我揀左益力多士多啤梨梳打 好香士多啤梨味..不過就artifical D... 總括係幾好飲~ 朋友揀左益力多野莓 比起我0個杯仲好飲D...比較重莓味~ 兩個女仔,一人一碗面已經勁飽.. 但我都忍唔住要叫個蛋蛋布丁食... 個布丁好細個...但似模似樣... 但食落就有D失望喇..因為無乜蛋味... 總括尼講係醫肚都ok 0既 算唔上好食囉... 評分: 味道 3 環境 3 服務 3 衛生 3 抵食 2
2008-02-18
今次第一次寫食評,平時都係睇多.. 沉日同朋友第一次去呢間blue cafe試dinner buffet.. 早一日book左枱...今日遲左到又唔識路 打電話去問路...服務員都好仔細咁講點去...(其實好易搵) 上到去覺得地方比較細...都幾多人~ 攞野食0既地方係L 字型0既 分別有熟食,salad+冷盤,海鮮(凍)同埋魚生~ 另一邊就有個細counter係dissert0既 熟食其實無乜特別...試左幾樣都無乜印象 但覺得個羊扒幾好味~ 佢其實有得即煮雲吞面0個D..但我無試 salad同冷盤都幾多野揀... 我覺得個potato salad幾好味... 至於D海鮮...可能我遲到.. 無晒D蟹腳...淨返D蝦同貝類 D蝦無乜特別... 之後有出生蠔..但我係唔食的 另外有原隻凍蟹~都幾好味~ 至於魚生...有三文魚,蟹,甜蝦,八爪魚等 D三文魚同蟹都幾好食... 特別係個有一隻吞拿魚醬幾好味~ 食左兩隻吞拿魚醬手卷~~ 另外佢有D冷面,日式豆腐同埋鰻魚飯~ 甜品就真係唔ok...有DD失望 可以一讚係D人0既服務態度幾好... 一邊食一邊會好有禮貌咁幫你收左D碟... 切魚生0個個哥哥都幾好人..會介紹你乜野好食 因為D生蠔遲左出...間餐廰今日仲打電話俾我朋友 話下次用同一個電話book位俾返個九折我地~~ 雖然D野食麻麻..但服務搭夠啦~
評分: 味道 3 環境 3 服務 5 衛生 3 抵食 3
|