星期日嚟咗裕滿人家食晚飯，7點未夠，仲有大把位，有好幾枱都係打邊爐，而我哋就主要食小菜。今次係第二次叫呢個做緊優惠價嘅叉燒，水準似乎失色咗，冇上次咁靚，可能今次係廚房放得太耐嘅關係，食落有少少霉嘅感覺，但份量都算多，以咁嘅價錢嚟講總算好食過一般燒臘店出品呢個鮮竹卷亦係第二次叫，保持到水準個蠔油汁唔會太咸，腐皮卷冇硬身包得好貼，冬菇炆得夠淋，菜食落仲係帶有少少爽脆感，唔錯！第一次叫，原先以為係有肉碎嘅，上抬一睇原來係用雞蛋同蝦米炒，仲有韮菜、椰菜、姜葱、紅黄椒。粉絲炒得半乾，冇黏身，唔會好油膩，整体味道還可以酸菜$8碟，我比較鍾意呢款多過花生，比一般市面買嘅甜少少，唔鍾意泡菜可以要求更換花生，服務員亦很樂意配合

食到七七八八，服務員送上紅豆沙作總結，夜咗沽清就冇。

朋友話想食呢間台灣野，我揀咗朗豪坊分店，晚飯時間7：15朋友到咗，門口攞飛等住先，等三個字可以入得，店員安排佢入座，我隨后到達，坐張2人枱同旁邊張枱之間嘅空間好細，有咩秘密就唔好咁大聲喇
乜水都冇俾架唔緊要，叫野食啦，叫個<香菇水餃麵>同<石板街朱古力蜜糖磚>先，個蜜糖磚侍應提醒要等20分鐘，我哋都冇問題照等，結果係連個麵都要等好耐先上喎，食兩啖連蜜糖磚都上埋lu，想食埋個麵先食甜品，搞到d雪糕開始溶溶地先食佢麵嘅湯底夠濃，個麵有彈力亦有咬口，比平常食嘅台灣麵要粗，冬菇夠厚身亦入味水餃正常但份量偏少，正体黎講個賣相比照片見到略為遜色，應該放返多些葱花增添口味及賣相較佳。乜原來蜜糖磚只係用叉同刀食，定還是俾少咗匙呢？！雪糕始終用匙食比較好，不過而家都溶咗啦，用叉就用叉，講真最出色都係下面三塊吐司佢唔會整到好硬而難切，啱啱好，配埋d醬食就最好，同朋友一齊食最啱啦，1個人食就太豐富喇！

       我在5月27日買了團購，它上面的條款說明要最少兩天前訂座，於是我便打電話訂29日去食，成功訂座。
       我當晚準時到達後，給他們看電子優惠券時問題就出現了竟口口聲聲說要列印本才行，否則無法向團購公司收錢，但條款上清楚寫明是出示電子優惠券而不是列印本。既然和條款有別，那為什麼不在訂座時提提客人？卻在現場說收$10一張列印費？是存心欺騙還是條款出錯？他們叫我有什麼問題可直接問團購公司。他們之間怎樣溝通難道要消費者去處理？他們是否應好好了解一下事情以免混亂情況再發生？現在給人的感覺是推卸責任而已。

晚上9:00來到場內見只有一枱人非常冷清，約10:00才開始有兩枱客人，期間有一段時間只剩下我們，感覺有點怪！可能還早吧！這裡很清靜，播放的音樂很細聲，電視有兩部，一邊播足球；一邊播新聞。由於安排的座位是靠窗，離電視有些距離，個人認為這很適合聊天！
百威$62、long island$88、sex on the beach$88~價錢在酒店來說算合理！餐牌還有其他酒精飲料如紅白酒、普通飲料如咖啡、果汁、汽水、疏打水等。唯一没有小食餐牌，但有nuts供應(以為要收費原來是送的)，匯豐咭有9折，沒有加一，都算幾便宜！

今次是第二次用晚餐，對上一次來的感覺只是一般！那天初三正是過年，可能假期吧！店內很冷清，服務非常一般！就連門口貼著的推廣(吃滿$100送$50coupon)也停止但又沒清楚列明，直至埋單發覺没有送才感到有點搵笨 這次是閒日來，晚上八點半到達，有四人卡位不用搭枱。我們兩人分別點了:
牛肉拉麵$46~湯底是奶白色，店內餐牌聲稱是鮟康魚湯。配料有熟蛋半隻可惜不是糖心蛋！牛肉份量頗多值得一讚
帆立貝和鰻魚壽司(大件)$29各一客~飯的size比正常略大，今次明顯無上次大件，是師傅的手勢問題嗎？！坦白說，味道不是很突出！但以這價錢來計，不要太高要求了！
雜錦天婦羅(三蝦四菜)$55~炸得算不錯，雖是不至於很鬆脆，入口有脆的感覺也是合格的！
忌廉蟹肉粟米餅$28~吃時略嫌不夠熱，否則這是一道值得一吃的小食！不過廚房好像很難控制它的溫度？！不是燙口就是涼了點！最佳味道是入口微燙那種！
特價三色刺身$58(日至四晚上九時開始供應)三文魚四片、生蝦四隻、帆立貝四片~以為特價貨色會參差！幸好沒有將貨就價，三文魚和生蝦是足份量，帆立貝只有兩件切成四小件，也不感奇怪！整體上是新鮮和抵吃的。
串燒冬菇$18~有鹽燒得剛剛好，也夠熱，不錯！

是吃團年飯的日子，沒有訂座也立即有位，我估計是過了8點人流開始比較少！我們來到已是8:30了。價錢是貴了點，心想年三十吃得好些也無可口非吧！加上未試過想試一下就選擇了它。
我們一口氣點了涼拌海蜇、油豆腐粉絲湯、回鍋肉、小籠包、韮王鱔糊、糖醋黄魚、妙齡乳鴿一隻、白飯一碗、豆沙鍋餅。先上了碟前菜花生，茶芥每位$13不包小食，花生是另外再收每位$5，我們三個人給一份，是用汁煮過的很入味。上菜的速度其快，未吃完一道第二、三道陸續上來，海蜇來先，有青瓜芝麻在內，還有點蒜頭；回鍋肉的椰菜放了很多，菜多肉少是想像到的，太油膩！黄魚吃落沒有什麼骨，已一早起骨只是很少部份未起清，大致上也可放心地吃，汁帶酸甜很好吃！還有松子仁夾一起更是多了份果仁味道，$150的價錢就是這麼解；鱔糊是這幾道中第二貴$120,又是沒得好挑剔，炒得不咸剛好！鱔的份量不少，不像有些地方會切得很小和碎，它都是每條長度適中的；小籠包一客四件，皮不會一夾就穿，湯汁完全保留在內；粉絲湯的配料有肉絲、豆腐卜、冬菇、白菜，粉絲是比一般粗和彈牙,湯的顏色看是很深色以為很重口味卻不是，雖不是用很多精華去煮但喝下也是一股清清的味道；乳鴿在坊間很少做得出色，這裡反而幾不錯！豆沙鍋餅$48一件切為8份，豆沙很充足，不過放涼了吃可能沒剛上桌熱吃的好，想感受最佳效果還是即叫即吃吧！

經過呢間外賣店已就嚟十點，見店員開始清理就問一問收工未啦？其中一個店員邊整理食材邊用悔氣語氣答"未",期間完全無望過客人 俾人感覺好似好唔友善！我開始問佢野，例如邊d套餐可以加$21轉12吋潛艇，佢答我只有散叫可以，我諗咗一陣就嗌要乜果時咁啱有其他客人問野喎，佢叫我等等……隔咗唔知幾耐我突然聽到另一個店員喺度叫"要咩呀",冇人應佢我先知原來係嗌緊我？我完全feel唔到佢指我，因為當時並唔係得我一個客亦唔係排緊隊，咁佢又冇稱呼又冇走埋嚟嘅情況下，點解會覺得客人係知嗌緊佢？我當時聽到佢叫兩次先問係咪到我，佢話"咪問你要乜囉"，我呢個時候都冇乜野，之后先對佢嘅行為有所不滿！就係當佢拎咗兩個6吋白麵包出嚟準備整果時，我明明話要12吋架喎，以為佢搞錯就再問吓佢啦，佢話"呢個咪12吋囉",我話"乜唔係一條長架咩",佢都係話"係咁樣兩個架，好擺d",我當時都一頭霧水，而我朋友開始有d火火地，話"咁嗌得12吋就梗係要一條過啦，你咁樣我不如買兩個6吋啦",個店員都用高聲調話"你要一條咪俾一條你囉" 呢個時候店長就埋嚟幫手，冇問我哋咩事，只係見佢哋交頭接耳，以為我哋嘈買一送一，之前一直冇店員表示過，亦唔見有宣傳，原來星期二晚有，個店長講起我先知，加多$3.8有汽水&兩塊曲奇。因為遇著個咁無禮貌嘅店員，都冇咩心情慢慢揀配菜喇，加上冇問可以揀幾種就隨便揀咗生菜同青瓜。其實我真係唔明點解當時唔問一問客人先就直接俾切開咗嘅包？仲要咁理直氣壯！而揀配菜時，係咪可以主動d同客人講揀幾多種呀？整體嚟講，呢間分店好趕客，唔係因為想試吓已經一早走咗，下次唔會幫襯佢！

係第一次嚟呢間，真唔明點解咁多人食？！我食完都自問好難有下次喇！
首先講佢嘅價錢係比荃灣果間貴，平均每樣貴幾蚊啦，可能地區問題卦！但都係食返同一樣嘢，又唔係大碟d喎！咁點解要揀佢？！再講佢出餐嘅速度真係好慢，千其咪趕時間去食！起碼等咗四個字，又唔係叫得多嘢！
厚切豬扒飯(白咖哩汁)$56~話明白咖哩就
梗係唔辣啦，啱d鍾意食咖哩但又怕辣嘅人，呢個汁算特別！豬扒厚就厚喇，似乎炸耐咗少少！外觀不佳，要扣分，味道就普通！
避風塘鮮鱿皇子$55~好少食到真係整得好嘅避風塘，擔粗粗試咗，乜得咁少炸蒜嘅？！呢d先係靈魂喎！成碟嘢已經唔係果樣嘢！鲜鱿更加係冇鲜鱿味，不如食街邊果d鱿魚鬚啦！芝士焗年糕$37~冇韓式果種咁有咬口，係個汁食得吓，面加咗少少煙肉，少到難以察覺
！

開頭以為係食江户前壽司，原來只係用個名咋，都係食一般壽司同麵類、小食，佢同沙嗲王係同一集團，感覺有點相似！未試過呢間所以想試，食完覺得……如果貪平，就可以試佢推介嘅特大三文魚壽司，只需$15.8就有一客。
是次點咗：1.特大三文魚壽司~真係好長，夠新鮮，抵食！2.海鮮蒸旦~d旦入面唔知落咗咩，味道好重，麻麻地好食！3.海胆&粟米手卷~飯好多，海胆味道還可以，$28真係幾抵，粟米都要$9，紫菜就一d都唔脆，裡面冇其他配料如青瓜，感覺上有點兒寡！純飽肚之作。4.赤蝦刺身~原隻上枱一件$15,賣相得但唔夠凍，可能唔新鮮啦！！5.雜錦天婦羅~有蝦、南瓜、茄子、青椒、蓮藕，竟然有魚好奇怪！脆䊢粉落得太少，唔多似天婦羅，味道就可以嘅，佢用咗薑蓉伴蘿蔔蓉反而over咗，唔係好夾！所以個汁都唔多掂！6.牛肉拉麵~聲稱係辛辣血池湯，但其實只係豬骨湯上面加咗d辣椒就算，咁佢應該說明係加辣，而唔係用兩種湯底(豬骨湯或辛辣血池湯)嚟混淆客人！湯底又唔熱！7.蟹籽沙律冷麵~沙律醬好少，以為清成咁，原來仲有d冷麵汁喺麵底，唔知就變咗係開頭冇味但食到底先有味囉！如果個汁係另上會好好多！
雖然預咗兩個人會坐得迫，但真係好貼隔離枱，冇計，所以又係食完即走！

都有好多年冇食過了！突然想食吓咁就嚟咗啦！原來都有唔少人棒場喎，都過晒食飯時間咯(￣∇￣)見咁耐冇食，即管等吓啦……
餐廳推介係有十樣，有白咖哩香茅豬扒飯、沙嗲安格斯肥牛拉麵、香蒜牛油雞翼、椒脆蝦、椒鹽豆腐等，我叫咗前四樣。最好食係沙嗲，以為配湯會好稀，但都好濃郁好夠味，配拉麵好夾！仲可以揀米線、粉絲或檬粉呢！其他食落都唔錯，d蝦雖然細隻咗少少，佢其實係蝦蓉打咗入春卷皮，食落卜卜脆，有沙律醬配埋添。豬扒、肥牛都可以，最唔掂係雞翼，同幅圖有出入，上到枱係炸，但圖片又唔似！炸唔緊要，佢係好乾身，又冇野點吓都幾難入口架！奉勸d唔好乾爭爭野嘅人，點之前要諗吓喇！
我覺得服務幾好！肯主動成日幫客斟水，抵讚！
依家食滿20元送2元coupon,如此類推，下次食可以累積使用，又有藉口嚟多次！