星期六黃昏, 人在深圳玩過買過唱埋k,又係醫肚既時候了. 朋友食過四海一家覺得唔錯,今次帶我覆卓,就立刻趕去試~

入座後, 已急不及待巡場,首輪先攻刺身啦,不過除左三文魚外,都冇咩選擇.好在仲有新鮮生蠔同中蝦,

食過生冷野, 想飲碗熱湯,食前菜.湯有老火中湯(冇飲忘了), 西湯約3款,最愛洋蔥湯. 忌廉磨菇湯又香又滑, 再多d菇仲正!冬陰功都好飲,足料但酸左d,飲一半就放棄.沙津好多選擇, 除左常見既菜,凍肉拼盤,意粉,仲有泰式木瓜蝦涉津,希臘沙津等, ,放滿一個長臺,第二輪食少少好了, 生果唔食住.

熱盤了, 最最最重要係炭燒生蠔,這店以大大隻生蠔招來, 蠔身長幾可比美NOTE II,而且唔使等添呀,因為有個超大既燒烤板密密燒,每轉幾廿隻咁上,每人每次可取2隻,基本上唔使等,秩序良好.蠔本身幾肥,夠新鮮就算略為調味已經好好食.我跟友人攞左4-5輪, 好誇張

熱食方面有點心, 但放耐左會淋, 如蝦餃就係其一了,一夾皮已穿, 蝦餃肉細左d. 包點反而幾吸引, 但自知胃口細唔敢食,友人食過小籠包,汁多皮薄有水準, 流沙包同燸米雞都好香, 仲有雙皮奶, 我喜歡奶類,一整碗自己食哂.仲有好多鹵水野, 愛潮州鹵味既友人夾左一大碟鴨翼,豬耳, 腎同金錢肚等等, 我唔好, 好在有海蜇及燒味同佢拼過, 海蜇食左半碟,又香又爽.

其他熱食真係好多, 食過黑椒牛仔骨, 咖哩羊肉, 西班牙海鮮炒飯, 炸蔬菜天婦羅,韓式粉絲,樣樣試下,印象中味濃既菜都煮得OK, 友人食埋日式拉麵, 鮑汁豬手, 麻辣湯, 好大胃口! 拉麵就唔太得了, 友人話湯底淡, 麵又煮太耐, 2 柱已放棄,其他都食到8899.

甜品嘛.........已經食唔到了, 友人食左3杯haagen dazs, 我只能淺嗜一口綠茶味雪糕, 所有西式cake同雪糕都冇得食, 怪只怪自己胃細, 冇計. 係大陸除左[大魚]外,食到咁肚滿腸肥,哩間係第2間, 價錢又差唔多, 再返深圳時, 一定想起這家店~

隨着[放題]之質素及服務每況越下,已經少食了,上星期經唔起朋友再三邀請, 經一輪比較下揀左哩間[大和燒].

簡而精地講講意見:

1)刺身大大片, 唔小家,味夠鮮
2)沙津好大碗, 其中一款有大大粒蘆薈肉, 好健康!
3)壽司選擇都幾多,迷你花之戀，玻璃蝦，大北寄貝等等， 最正竟然有劍魚群邊,好滑好多油花, 食下滿嘴油香, encore左1次。特別一提，壽司全部由師傅手握，飯煙韌，跟魚肉比例適中，要讚！
4)燒生蠔不得不提，上卓時香氣撲鼻，芝士微焦，蒜汁香濃,正呀～～～食左２－３轉都咁好味！
5)第一次於日本放題有港式食物如:辣酒花螺, 煎蠔餅, 老水鴨胸等, 花螺夠辣(朋友食得辣我冇食),煎蠔餅少左份油膩，仲食得出日本麵粉所整; 鴨胸肉大大片,老水汁味適中, 再濃d更好.
6)燒牛肉/蒜片牛柳粒都唔錯,牛肉味濃冇筋,唔會有渣,燒 雞翼皮脆肉嫩,又再encore；仲有燒菠蘿，燒玉米，唔會太乾身，食到水份，只係玉米唔夠甜。
７）甜品我只食北海道３。６牛乳奶凍及木爆布甸，牛乳濃滑，仲係大廚自家製貸色，只係唔夠凍，似唔夠時間雪；木糠布甸合格啦，太飽了只食左幾啖。雪糕都食唔落，明知有dreyers都被迫放棄

鍋物冇點，因為已經好飽，心有不甘，一定會再來，想挑戰麻辣鍋

昨晚天公造美, 上山頂前已停雨, 可如期上山頂遊玩,但另往別處晚飯 原因以為山頂冇咩好食. 在等纜車期間, 望到太平山餐廳的大廣告, 向身邊人問:[你有食過嗎? 好唔好食呢?] 對方說:[唔失預算之下,可以一試],那就易辨事了

未食晚飯前, 因太餓已買左個burger頂肚再遊玩, 到真正晚飯時已將近10點, 肚子亦飽左一半, 決定食少d. 睇過2版menu後, 挑選2樣最想食既main course已足夠.

印式烤海鱸魚+印度簿餅
意式海鮮紅花意大利飯

上餐時間好快, 數分鐘而已, 熱騰騰的印度烤鱸魚以鐵板上卓,配印度簿餅. 單睇賣相以為好乾身, 但當魚肉送進嘴裡時, 魚肉鮮嫩, 啖啖肉既魚扒係我至愛, 最討厭要挑骨的魚!配上印度汁香味濃, 帶少許酸, 很多橙色的調味料蓋魚扒上,但絕非辣椒, 正! 配料還有洋怱絲及雜菜,好食都停不了. 意式risotto都上卓了, 海鮮配料足,有中蝦, 魷魚圈, 魚塊,帶子, 大蜆等等, 用料新鮮, 未有交行貨. 只係汁略嫌唔夠濃, 意大利飯口感煙韌, ok !

論服務, 用餐環境,食物水準都非常好, 侍應有禮及有耐性, 室內環境及氣氛皆浪漫寫意, 10點過後有live band表演, 後座有客人生日, 餐廳會配合播出[生日快樂]歌,侍廳會企到你身邊唱歌助慶, 但又唔會太嘈至騷擾食客, 係加分既地方. 可惜當晚既非生日/週年記念或求婚, 只隨意抱着一試既心態, 感覺有些少浪費. 希望不久將來可再來一次, 坐室內花園位, 或挑個可飽覽無敵夜景既位好好享受多一次.

大角咀係物價指數偏低既local地區,食肆選擇多又平, 主要做街坊生意,大部份食店11點或之前就收工. 離家不遠有一泰菜小店,晚上經過時總是擠得滿滿的, 有機會一定要試試.

我既晚飯時間一向較遲, 約9點鐘去到就立即有位 肚子餓了,點下大堆美食:
-泰式柚子沙津
-椰汁雞湯
-半隻海南雞
-乾煎咖哩蝦

柚子沙津唔太酸,水份充足,柚子亦多, 配花生碎,生菜及泰式醬汁,開胃惹味, good!椰汁雞湯反而比較酸,湯也離不開傳統泰式香料,還有少許橙色既辣油浮面, 幸好酸多於辣, 而且湯內雞件嫩滑,都可以.海南雞上卓了, 半隻都太多了,雞皮鮮黃有光澤, 雞味非常突出,人說[雞有雞味]就該如此吧,而且脂肪唔多,讚!最後係乾煎咖哩蝦, 個汁好濃,油一點, 蝦好貼心地已去蝦殼,不用食客弄污雙手. 蝦只用中蝦,但鮮味夠, 未有被濃汁搶去蝦味,應該用新鮮蝦造這菜的,感動!

廚房屬開放式, 見到泰籍大廚忙碌着, 侍應都是皮膚黑黑的,似識廣東話的泰國人.服務未算4星,但尚算有禮及又有笑容. 鄰座客人還有外籍人士, 估不到街坊小店都能吸引外來食客(可能住在附近豪宅的). 2人食4道菜的確有點過份,最終半隻雞要打包回家.埋單只需$201,超值啦~~~我會再來, 下次可能點一條魚吧, 幾乎8成客人卓上都有一盤魚?!

食過晚飯不久又口啖啖, 最好奠過食碗甜品滋潤下味雷.

貴族甜品習傳統與創意於一身, 是日肚子不適只想食熱既甜品,男友點冰類解暑. 我點左[即撞木桶豆腐花], 他點了人氣[宇治金時]棉花冰.木桶豆花需時較耐,上卓後還要待計時器倒數完畢才可享用.男友既宇治金時先上卓, 有大大球綠茶雪糕, 好多紅豆圍邊,低下就是淡綠色的棉花冰. 綠茶雪糕奶味濃,正! 紅豆漲卜卜, 食得出係日本靚紅豆,又香又甜. 棉花冰夠棉,冇大大粒冰碎, 綠茶味適中, 少甜,加埋雪糕同食剛剛好.(冇影這個,因為自己冇食)

貴族甜品應是該區較舒適之甜品店之一, 可與之一較高下的,可能只有black & white!

美女廚神選址中環開餅店,近水樓台的我本應一早該試盡其麵包西餅,只是此店之營業時間跟我的工作時間相若,lunch hour行去又遠了一點, 星期三晚提早放工便過IFC潮聖.

7點了, 蛋糕仍有數款可挑,顏色有淡素有鮮豔, 經有禮店員介紹下, 挑了法式李子蛋糕(唔sure倘名了,反正係李子造就是了)作為餐前小甜點. 李子滿滿的蓋在頂層, 水潤光澤, 下一層是蛋白cream,再下層便是海棉蛋糕. 李子肉腍甜,未有太多的糖水浸泡, 甜味天然, 蛋白及海棉蛋糕部份帶出creamy及鬆軟2種口感, 整體感覺係甜得舒服的蛋糕, 為接下來的late dinner撐一撐個胃.

一個好既開始會帶人良好的印象, 我對女神既其他蛋糕都滿有信心,一定會再試其他款式.

暴風剛過的星期二晚上, 一早與女友們約定之飯局未受影響, 開開心心地開餐去.

由於致電訂座時已經額滿, 服務員着我walk-in便可,晚上7點45分我第一個到達, 仍有空座, 幸運地不用罰企輪候

4人點下之美食有: cream mushroom soup, classic ceasar salad, black truffles pizza, classic egg benedict, seafood pasta w tomato sauce, pan fried salmon w mashed potatos, etc.

-個湯好多菇蓉, 好香, mushroom lovers一定愛死!
-沙津一般啦, 冇烤麵包粒及芝士粉令人有d失望
-經典斑尼迪蛋, 其實係all day breakfast, 蛋黃煮得8成熟,未有流出蛋黃,有d失望. 流心蛋才美味呢,為何蛋形不穩似未熟,原來已流不出黃來? 薯粒太腍,脆口的薯仔才是本人最愛,這碟要扣分!
-黑森林薄餅好crispy,芝士唔會太厚,野菌加上淡淡松露香, 好完美既配搭,讚! 不過食開pizza一定要有蓄茄醬既人來講可能若有所失, 個人而言pizza無需太多topping,用料之配搭重要過大堆頭呢~
-鮮茄海鮮燴扁意粉個汁未有如相象般酸,是偏甜的蕃茄醬,怕酸的我非常受落. 海鮮配料有大大隻中蝦, 大青口, 幾隻大蜆等, 1-2人食剛好,4位女士每人分得一少注意粉,略嫌未夠, 最終last order時多叫一個主菜.
-香煎三文魚扒伴菠菜薯蓉, 魚扒大件, 煎得面層微焦,內裡魚肉依然滑,唔錯.此時如有一片檸檬給我更好, 魚扒若添些少酸味,肥膩感大減,更開胃!不消幾分鐘此主菜已被清得乾乾淨淨, 大家都好滿意.

由於當晚是為一朋友補祝生日, 全單$803只除3人, 每人$270, 食物分量,質素,價格都算合理, 若去outback/ fat angel 等等可能更貴, habitu會是另一個意菜好選擇.

聞說已久的wonderland too,終於由朋友提議一試, 我當然一口答應.餐廳有分室內/室外, 當日天氣炎熱,歎冷氣是最好的選擇.

餐牌有個2人套餐,有朋友喜歡的牛扒及我喜歡的risotto,就點套餐吧.
有湯,appetizer,2個main course+coffee or tea, 是日餐湯是白湯, 女士一般都喜愛,但朋友似有點猶豫, 只見我冇異議只有say yes.前菜4選1,當中只有焗蠔係熟食,朋友抗拒生食,只好揀焗蠔. 蠔有4隻,size都算大, 面層有麵包碎粒同焗,仲有淡淡香草/olive oil既味, 幾match.我既主菜係oysters risotto , 上卓時半隻生蠔未見,我跟朋友用匙左舀右翻都找不到原整一隻的蠔, 深感奇怪,再翻閱menu睇清楚是否[生蠔"汁"意大利飯], 的確冇個"汁"字,suppose生蠔意大利飯應該有原隻生蠔吧,批發價一隻生蠔低至$8都有啦,點會只有蠔汁,蠔碎而冇原隻生蠔蹤影???太小家吧,講番個味,蠔未係濃郁既,飯有嚼勁,唔會過生,係食到尾時開始有點膩, 可知油份唔少.朋友愛到此用餐全因牛扒的水準穩定, 佢份牛扒珊珊來遲, 我以超慢速食完個risotto仲要過多最少8分鐘後才上卓. 但賣相及其份量令等候時間變相係值得既! 牛扒用木板上, 面層有明顯交叉網燒紋, 肉香撲鼻.朋友切邊位較熟位置我試(我怕太生既紅肉), 肉味濃而鬆化,脂肪唔太多, 適當的調味己好好食,不愧為餐廳主打,朋友食得滋味,仲連叫幾杯cocktail伴食,應該大感滿足.

for oyster & steak lovers來講,係值得來既,但pasta/risotto就比較遜色, 一間餐廳要做到餐牌內所有食品都達average水平才可例作心水餐廳, wonderland too在某方面仍需努力.

同一位置, 一個月前仍是西式cafe,現已被新開的日本料理取代. 睇過食評後似乎一面倒的讚, 引得我要親臨一試龍與鳳!

1:40分,午餐之人流高峰期減退了, 未有訂座都立即有位,午餐menu唔多選擇, 我跟朋友也喜歡選最好的, 所以點了比較貴既魚生定食及壽司定食.

魚生定食有牡丹蝦,三文魚,鮮帶子,吞拿魚,玉子等等. 魚生件均為厚切, 魚肉鮮.油花適中;吞拿魚是淺粉紅色的, 本人一向唔愛吞拿魚, 尤其是紅丹丹的那種,未食已感覺"鞋口",此吞拿應屬近魚腩位置, 未至於入口即溶,但口感軟滑,油脂較多, 魚味餘韻悠長,讚!
蝦,帶子亦冇失望,食得出的鮮,爽,甜, 再來一口日本珍珠米, 飯跟醋的比例非常恰當, 唔會太酸, 好! 連wasabi都係上等貨, 淺綠色鮮磨的wasabi溶食得出的鮮及微微攻鼻, 聽聞最天然的wasabi就是這樣.

套餐連麵豉湯及雪糕, 湯正常,冇咩特別, 雪糕我選了豆腐味, 豆味濃,甜度適中, 只是未算幼滑.如果再大球些少就perfect了.

日本料理該是這樣吧, 新鮮之食材, 師傅之手藝, 慢慢地享受........日本人的飲食文化該是如此吧, 食厭了放題式之日本餐, 那小家的份量, 欠佳的服務(太忙吧), 大大隻[珍惜食物,切勿浪費]的字報. 日本人絕對唔會是此等店之坐上客.

睇某報紙介紹皇后大道中118號有2間新cafe介紹, 便相約女友人同試其中一間.

晚飯時間人客唔多, 我們walk-in都立即有位. 晚餐menu有十數款選擇, 有湯/沙津/主菜/餐飲及租品. 部份chef special係每日限量供應, 於是朋友點左其中一個chef special,我就點穩陣既雞扒set.

是日餐湯係忌廉湯, 湯好creamy,香且滑,唔錯; 沙津真係冇乜特別,幾塊生菜加2粒車厘茄, 汁亦唔太吸引.
主菜分別係[芝士拿破倫烤雞扒]及[香草烤大西洋鱈鱸魚扒],前者既汁有d杰, 加左芝士後都幾heavy, 而且個汁未夠融合到,有些少一pat pat.雞扒幾大件, 肉厚但烤得剛好, 唔會鞋口,雞皮微脆,忍唔住食左2口, 如果雞皮再烤耐d令油份逼出更多,應該更完美;後者鱈鱸魚扒係chef special, 老闆介紹此魚屬混種魚, 有來自智利及大西洋,此貨屬大西洋較優質的, 魚咪濃,肉質結實, 用欖油香草烤香以保魚肉原本鮮味. 朋友俾左d我試, 魚肉質地似鱸魚, 魚扒亦厚, 汁帶淡淡香草味, 朋友食得滋味, 個人偏愛鱈魚既滑, 所以唔算太喜愛此混種魚.

甜品係奶凍, 大家都揀左朱古力味. 係古力漿蓋於奶凍上, 餐牌寫係homemade dessert,但用上矮身玻璃小瓶,激似milk top既奶凍,味道嗎?朱古力漿比奶凍好, 奶凍雪得唔夠實, 好淋, texture唔係太好.

飲品大家都選花茶, 茶香比茶味出色, 都冇咩好講了.

餐廳環境優雅舒適, 有幾幅畫及牆上疑似手畫既的比薩斜塔點綴,吊橙也色彩繽紛, 可以的話, 下次搵個下晝來hea下.