聽男友推介bubble dream cafe食物水準唔錯, 終於抽空過尖沙咀一試.

首先地點唔算起眼(對我來講), 位於商場地面, 但非面向大街,唔刻意找都未必會路過. 餐廳環境尚算寬,氣氛浪漫, 有我最愛既絲絨sofa, 襯上浪漫"海膽"形波波吊燈, 唔錯

食物都係西餐為主, 當晚有二人餐menu都只係$2XX, 選擇豐富,頭盤,湯,主菜及甜品都包哂, 不作他想了.

二人餐包括: 蕃茄忌廉湯(是日餐湯), 煙三文魚salad,2份主菜分別係羊架及黑椒海鮮意粉. 蕃茄忌廉湯都係第一次飲, 一般人會用蕃茄於羅宋湯/雜菜湯上, 因為帶酸,原來用於忌廉湯上一樣美味,仲少左份油膩感,幾好! 沙律好少會出錯, 在此讚一下三文魚份量唔少, 夠大方. 主菜之一:羊架, 肉質比想像中淋,亦冇幾成熟之分, 有感overcook左了, 各人口味問題, 唔習慣太淋既羊架, 但調味係合格既. 另一主菜-黑椒海鮮炒扁意粉就非常讚! 意粉有咬口, 黑椒粒令意粉帶些少辣, 增添惹味;海鮮亦滿意, 蝦很爽口,配料亦算多, 令我食完一柱又一柱

甜品選左綠茶芝士餅及cream puff,但已經太飽了, 只食左幾口就食唔落了, 男友代為食, 見佢食得滋味,應該感到滿意.

合理既價格+美味既食物+老闆熱情既招待+舒適既環境, 下次或會帶三五知己再來!

一向喜愛日本食物，拉麵係其一，食過好多係日本打嚮名氣再來港開店既日本拉麵，各有所長，而這間無敵家不止拉麵，忍唔住要評一評！

２人於７點左右入座，立即有位了，我們由餐前小食至雪糕都唔放過。以下係所點食物：　

芥末磯貝漬－即係ｗａｓａｂｉ醬配螺肉薄片，個ｗａｓａｂｉ醬完全冇攻鼻感，只有香味，螺肉片有哎口，好清新好特別既前菜，唔太好辣既我非常欣賞

溏心蛋－蛋黃大隻，流心蛋黃入口濃郁，正！

牛油果軟殼蟹沙津卷－軟殼蟹好脆，比想像中大隻，正呀！牛油果份量都唔少，個菜好ｆｒｅｓｈ，如果個汁係芝麻汁會更開心，哩個係醋汁。

雞肉軟骨棒－支棒肉幾厚，冇好大粒骨碎，雞肉有鮮味。最緊要係個汁，已加左蛋黃，自己拌勻後汁變得杰左，點上雞肉棒後，滋味大大提升！個汁似保ｘ爾差唔多杰，唔止鹹味，甜味，仲有雞味，食哂串雞棒都唔捨得放棄個汁。

雞皮蝦卷－雞皮燒得香脆乾身，蝦肉好爽，一咬之下，雙重口感，這個是經理推介既，因為雞皮有限，要有雞皮才可做，日日新鮮拆下雞皮，果然。。。。個蝦有雞皮既香，食後戀戀不捨，ａｆｔｅｒ　ｔａｓｔｅ悠長！

由於仲有個正既汁，我們點一客燒飯團來點埋佢。燒飯團偏細，圓古碌，外圍有紫菜包邊，一咬就甩。個飯團外脆內軟，有少少木魚香及芝麻，加埋個有雞味既汁，食到嘴ｌａｍ　ｌａｍ

拉麵係店既主角，一人叫一碗試下：全麥粒粉掛麵係推介，掛面係有個汁俾你，麵係一注一注浸一浸個汁後食既，所以汁好濃。講下個麵，麵身好粗似烏冬，麥粒就係分佈係麵身上，有少少麥香，口感煙靭，個汁食到係有ｄ魚餚既，鹹左ｄｄ，但冇口渴感。另一款ｂａｓｉｃ既豬骨湯拉麵平ｄ，湯既色係奶白色，麵條直身，立即先飲個湯，ｕｍｍｍｍｍ～～～好清甜，唔止有豬骨既味，仲有ｄｄ蔬菜既甜味，最最低讚既係個湯唔油膩，好怕油膩感重既湯，絕大部份拉麵店既湯都有此問題，有油係香，但太多就唔能夠多飲了，此店既湯我飲左大半碗，好滿足。叉燒係拉麵既主角，一碗兩片，幾大片，一圈肉一圈肥膏，以為係一般既味道，　食落只有啖啖肉，油脂唔多，真係有食燒肉既口感。不過這因人而異，女士怕肥會喜歡這個質感，男士可能愛肥叉吧。

最後留肚食雪糕，此店有售日本來貨既鹽雪糕及柚子ｓｏｒｂｅｔ，鹽雪糕個色淡藍似海水色，好幼滑，但鹽味未見出色，奶味反而多。柚子ｓｏｒｂｅｔ好ｆｒｅｓｈ，水份極多，柚子味像真度好高，亦唔會好酸，我鍾意！為這個拉麵晚餐畫上完美句號

店子裝潢好有味道，抬頭一望見到有日式紙搖。廚房係半開放式，廚師們忙着整燒物，但冇酒煙攻出來，抽風系統做得好，食多幾串都樂意！

早前多食放題，食物小家，限時限刻，侍應態度也欠佳，我明白太忙了，客人狂加單真係做唔切，但食野係享受，食到似快餐咁有咩意思呢，質素都難保持。以後會選質素好既日本餐廳慢慢食，貴少少都ｏｋ。

二人消費約６百幾，值得既，而且地址近我，食過番尋味！

6月之星生日, 相約一班女友人共同慶祝, 由於我們人多勢眾, 餐廳安排左張大臺於中間, 未能近距離欣賞港島區既美景.

high tea tower送上, 每款有2件, cakes/scones/macoron/sandwich/puff 等等.

先講鹹點: honey roast ham w whole grain mustard and pickles on rye bread- 火腿冇蜜味喎,冇咩好講

smoke salmon roll and horseradish lemon creme fraiche- 三文魚籽鹹鮮味突出, 個卷軟熟, 但冇檸檬味.

bacon leek quiche and mini mushroom flatbread -哩個幾香菇味, ok.

chocolate walnuts scone, cotted cream and seasonal jam -scone可以啦, 但唔夠鬆,有dd硬. jam & cottrf cream都正常.

之後食甜點: blueberry meringues-白色棉花糖狀既野,一口咬下太過甜了, 似硬左再凝固既糖霜, dislike.

strawberry and chestnut puff-賣相討好, puff一般都係配cream 或雪糕,佢配上chestnut 醬, 口感特別

home made mable cheese cake -芝士味濃,cake好軟身, 太細件了,想多食幾口.

passion fruit mousse -酸酸地,初時以為係mango mousse,好在唔係.食過多款甜點後,這個balance番個味雷,幾開胃.

chocolate cognac truffles-對太heavy既朱古力短一向怕怕,這個係甜,但冇乜層次, 唔識欣賞.

mini sponge-太細件,食左都留唔住個味.

daily macaron-脆脆地, 我食既應該係杏仁味, 甜度僅次那個白色棉花糖.

茶方面揀左洋金菊花茶,茶味唔夠,但飲落都舒服既.

以每人百幾既價錢可有咁舒服既環境high tea係值得既, 又可以訂座(最討厭要企係大堂等位又收費唔平既酒店), 只係服務態度一般, 唔太主動加水,笑容都麻麻. 當日整天大雨露台關閉, 室內都有好多吉臺,既然唔太忙就好招呼d啦.我們一行8人冇放飛機之餘仲有留credit card no.作deposit架.

甚少搵食搵到九龍城, 去到一定要食泰國菜,夠集中又有名吖嘛 ,有朋友力讚另一間既, 但門外等位人數太多了, 肚子餓等唔切轉往對面睇睇,見到泰農都甚多飲食雜誌介紹過, 又只需等一張臺,就決定試哩間先!

兩個人至少安排張4人臺吧, 只俾張細臺我們?!!! 即係想點多幾樣都唔使啦? 可惡.結果菜上臺時真係逼到爆. 點:既菜有: 冬蔭功湯, 鐵板煎蠔餅, 柚子沙津,海鮮粥.

冬蔭功湯係食泰菜必叫既,湯上臺了,唔係好大碗,2個人都飲到2碗多dd. 聞落好香,辣椒油薄薄一層, 一舀下大大隻蝦, 見到都流口水, 仲有好多菇同香炓等, 酸辣度balance, 幾好!

鐵板煎蠔餅大大件, 不過好厚粉漿, 而且係炸唔係煎, 咬下都係粉漿, 蠔就細細粒, 好在鮮味搭夠. 個人好怕油膩既食物了, 食到3份一已停口. 朋友似乎幾欣賞,落力地清埋佢.

海鮮粥已冇咩印象了, 相片意外delete左. 記得個粥係一粒粒米可見既, 有咬口, 似湯飯.味唔太鹹, 有咩料都忘記了.

叫左埋單後,侍應送左2碗糖水黎,應該係椰汁西米露. 肚子再飽都食左幾啖, 椰汁香滑啦, 我滿意.埋單$29X, 又唔貴喎, 仲有7拆折coupon送,一個月內再返兜就低喇~(可惜最終都冇時間)

食物既份量,味道都係ok既, 可以再來, 但會叫多三五知己, 食多幾款及俾張大d既臺我們會好d囉!

有感好耐冇入過赤柱行了, 平日夜晚同男友興起就入去食個飯浪漫一下.

到步已經接近9pm, 廣場落車, 即箭步走向美利樓搵食. 未收既餐廳仍有4間左右, 又要坐得舒服又唔想太貴又唔想食西餐就只有saigon了.侍應見我地眼望望,就好有禮地邀請我地入內.餐廳有分室內室外, 當晚都比較熱, 揀左室內卡座.坐下不久即有一籃麵包送上, 另有一兜炸蝦片,正呀 menu好快就到手, 商量後點左以下食物:

越式柚子沙津, 火車頭湯檬, 咖哩海鮮窩

柚子沙津好fresh,係泰國街頭好易買到既橙肉柚子,好多水份, 唔會好酸,份量都幾多,加埋生菜同個汁, 香,酸,甜味都有, 食個不停!

越式火車頭湯檬即係牛既幾個部位都有, 如: 牛肉,牛胃,牛筋腩,仲有扎肉. 檬粉最緊要係個湯, 嚐一口~~~~um,香,鮮,甘, 幾好, 個湯算幾清,油份唔多, 多食都唔怕. 如果肉味再濃一d會更好!牛肉只屬正常, 冇驚喜亦冇出錯, 配料可加多點蔥花或香葉之類吊味,一定更香!

咖哩海鮮唔夠大兜, 海鮮都係蝦,魚, 青口之類及薯仔,但有部份薯仔仲生生地既 個咖啡哩汁少少杰, 唔會好辣, 只係汁多料少, 用來點麵包食可以食好多片了.這個dish我們唔太滿意.

另外,炸蝦片大大片唔油, 好好食, 仲有臺上籃麵包唔錯, 包幾軟熟, 有方,圓及長條形,食哂籃麵包後都無需加單了.

2人埋單4百幾,合理既. 可能我們冇點貴價海鮮/牛/羊扒之類, 因人而異.

同好友補祝生日飯, 鎖定西餐或日本餐, 於是上來睇吓有咩開飯熱店, 最後揀左熟食多既日本餐廳[井井屋].

得2個人又唔係大胃王, 只點一碗烏冬,一個井及一個前菜:
牛油果三文魚沙津/ 限定北海道忌廉海鮮烏冬/ 滑蛋雞肉井

三文魚唔係煙既, 係新鮮三文魚, 數量都算多,亦大片 牛油果都切得大片, 可惜少左d,菜同汁都好, 好成功地打開我們個胃!

限定北海道海鮮忌廉鳥冬上臺時驚見個汁係非常"杰"既, 米白色忌廉跟烏冬撻成一注, 有些少難夾起既感覺. 味道當然好creamy啦, 因為似冇溝過水一樣,比西餐既白湯更要杰4-5倍.烏冬食唔到有幾滑,因已俾個汁漿住哂, 但口感chewy既.海鮮配料有蝦,蜆,墨魚等,蝦同蜆都合格啦, 肉起碼有鮮味, 墨魚爽口帶嚼勁, 好味!

滑蛋雞井賣相吸引, 蛋真正又滑又甜, 雞件也多, 飯亦係珍珠米, 非常好食, 只係放涼左, 蛋一涼就冇咁香.由於雞井係最後上臺,大家都飽左7成, 食到一半咋, 食哂d雞就算.

價錢跟質素成正比, 仲有好多野未試,期待下次多約幾個朋友再來!

久未嚐葡菜,一般都又貴又細份, 終於見到團購出小飛象任食晚餐,即刻買下.

任食包多款前菜/主菜及甜品,仲有自助餐湯及沙津吧. 點菜係剔紙既, 同日本放題做法一樣, 要寫明件數. 湯只係一般紅/白湯,冇驚喜亦唔難飲,唔好湯既可免. 沙津吧得西生菜,青瓜,蓄茄仔,粟米,菠蘿,吞拿魚,O者O里及薯仔等, 太少配料喇, 建議CUT左O者O里,加D凍肉,蟹柳條,麵包糠粒咁會仲好, 醬汁3款, 都係白/橙及青, 冇日式芝麻醬同黑醋汁, 又係掙DD.主菜有點葡式乳豬飯及燒銀雪魚, 先講乳豬. 皮脆脂肪厚, 一口咬下豬皮"索"一聲, 肉也嫩, 骨少, 加埋乳豬醬同食, 甜甜地,提升濃咪,超正! 燒銀雪魚好大份, 仲跟薯蓉, 女仔食分分鐘已經K.O左個胃了. 至於個味呢......可以再香d,加多少少燒汁會更好味, 我覺得略為淡左少少.

其他散點有燒雞翼, 燒牛仔骨,燒豬頸肉, 燒大蝦, 燒牛扒, 燒羊架,燒青口等等好多選擇,蔬菜類我只點左炒雜菜及燒茄子, 全部合格,牛扒同羊都唔錯,肉質鬆化又夠入味, 廚師應該一早醃左.由於個人唔食鹹魚,馬介休即係鬼佬鹹魚, 所以冇點(炒雜菜都意外地有落馬介休碎,唔小心食左,鹹死)當日冇點太多轉,2個人真係好快飽, 最後留肚食雪糕及木糠布甸.雪糕印象中有4-5隻味, 食左士多啤梨及綠茶, 合格但唔係最好食既,木糠布甸甜味恰當,略嫌cream唔夠滑,可能雪得太凍影響左掛!

咁既價錢食到咁多款食物,質素仲唔錯, 算好滿意了. 如果menu內多加蔬菜類就更好啦, 飲食要均衡架,唔係就似BBQ任食了.

店員服務態度良好,頻頻加水, 亦有笑容,客人唔清楚既會主動解釋, 值得讚吓!

去mega box 睇戲o個層,被此雅致餐廳吸引了,之後睇到某magazine都力讚,決約定跟男友一定要一試.

搵食時間已過9點半, 無需等位下, 立即有臺了.
4道菜晚餐有湯/前菜/主菜及甜品, 以下係我地既選擇:

湯: 野菌忌廉湯+ 酥皮龍蝦湯
前者好香,菌茸幾滿, 口感幻滑,後者個湯有一種"怪味",略帶苦, 男友唔喜歡,飲到一半同我交換了, 好彩我接受到,而且龍蝦肉好彈牙, 挽回分數.

前菜: 煙三文魚沙津+ 法式焗田螺
沙津冇驚喜, 略嫌三文魚細片左d; 焗田螺都穩陣, 調味佳, 薯蓉軟滑, ok!

主菜: 燒安格斯肉眼扒+ 燒美國豬扒伴士多啤梨汁
牛扒肉質鬆軟易咬,但個汁又係帶少少苦既, 男友唔太欣賞, 我ok;豬扒係厚身既, 一切開感覺唔算好乾, 食落都尚有些少肉汁, 而士多啤梨汁一d都唔酸, 但比我想像中既有分別, 個汁似溶左既士多啤梨雪糕咁,個人prefer酸度過一點,色要紅一點.

甜品: 心太軟+焦糖燉蛋

心太軟個餅好好食, 朱古力味香濃, 餅結實,外型靚,可怕冇流漿
焦糖燉蛋冇大出錯, 偏甜左d,都好食.

睇開一本品酒月刊, 得知此餐廳有一香檳美食配既佳餚, 所以趕於完結前約朋友一試.

原本既香檳佳餚配有3款菜式,因已是最後一天, 釀原隻蟹雜菌燴意大利飯已售罄了, 侍應提議我們4人點2款+其他菜式,香檳照結我們各人一杯, 大家都好樂意, 可多點其他菜式品嚐, 以下是所點美食:

香檳醉人晚餐 : A)史特拉斯堡傳統凍鵝肝+ 1 杯香檳 B)法式香檳海鱸+1 杯香檳
其他單點菜式: 薯蓉焗田螺, 蟹肉柚木子沙津, *法式燒春雞意大利隻 ,*香草焗羊架(額外加一只)
* chef recommendation

凍鵝肝唔錯, 好多片少片,每片伴一小片薄荷葉,冇香煎既油膩感但不失幼滑,good!蟹肉柚子沙律好fresh,蟹肉新鮮,柚子開胃,very good!
田螺just so so,冇驚喜,合格啦.焗飯此時上臺,大家都冇為意落錯單,只見到飯上面有一堆草蓋住,未有即時食.之後緊接到上羊架了, 好香,肉嫩而唔會羶, 6成熟剛剛好,食得好滋味之後再食意大利飯,飯好硬,友人甚至覺得未熟透,最失望算此菜了.食至將近清光時,一友人突然問:[點解冇雞既?]大家才記起本來點的是廚師推介那款,難怪只有一大隻菇在飯底.因為我們已食到尾聲,只有同侍應講一聲, 並無要求退或換過,此女侍應笑言大家溝通有誤會, 提議送甜品給大家作補償. 最後法式香檳鱸魚都上臺了, 肉唔夠滑,有些少overcook 汁還可以.

我們飲飽食醉後想叫甜品,侍者替我們落單[2個tiramisu,1個心太軟,1個custard pudding係咪?]大家聽清楚無誤便安心等食. tiramisu中上, 酒味同芝士都well balance,朋友既甜品我冇試,大致上都滿意,到埋單時,侍應送上單據,我睇一睇有冇錯, 嚇然發現甜品只free2個tiramisu???大感不滿,叫回為我們落單的人問過究竟,那人竟然說:[大家既溝通真係有好大誤會喎.....其實開始時都已free多2杯香檳俾你地啦....所以......]我好生氣!

1)香檳已經唔係好飲(偏酸),我們自攜的香檳更佳
2)意大利飯落錯單,又難食, 4個人8隻耳清楚聽到朋友說:[如黑松露意粉不能更改意大利飯便要廚師推介那款],到頭來上臺的是牛肝菌意大利飯(非廚師推介)
3)甜品竟然只送部份,要計錢的未有即時聲明, 大家一致認為此侍應"非常有問題"

帶着開心的心情食飯,最後無奈地離開, 五一假期前夕實在掃盡大家既雅興.如此態度+接連犯錯=趕客,再好的食物又如何? 令客人失去信心到頭來還是餐廳之損失!

我手下留情只為俾面大廚,他有出來跟大家傾談過, 食物亦算用心.

冇相都係因為太生氣而全部deleted !

好耐冇去鯉景灣食飯了, 抽起條根就去探個險,睇下有咩驚喜晚餐.行左2個圈, 有幾間都想試,心大心細,最後停係一西餐廳外, 門外有是晚menu, 5百幾既set乜都有,見行到攰裡面環境唔錯就拍板入內坐.

印象中冇選到門外既set dinner,仲有其他set係main menu內.價錢已忘了, so far都算合理.

頭盤1) 煙鴨胸salad, average,鴨胸都幾大片,但冇驚喜
2) 酒煮青口,味唔錯,少少鹽,酒味吊出青口既鮮甜,青口大大隻, 幾好!

side dish: 唔知咩肉腸- 好鹹 食剩了.

湯 : 一般cream soup, 有少少紅蘿蔔粒,冇咩好提

主菜 1) 香煎三文魚扒 - 煎得皮脆肉嫩, 調味恰當,有香草味, 加少少檸檬汁好開胃, 滿意!
2) 澳洲肉眼扒- 肉要7成熟,上碟好生, 有血水, 男友覺太生要侍應整熟些少, 要扣分! 再上臺時合格啦,如果係一塊靚牛扒, 整2次已浪費了!

甜品 : 蘋果味既卷, 皮煙un,酸甜適中, 幾好.

總評係合格, 一試無妨啦.