在3號風球的晚上來到官塘的麻辣小聚,  官塘店位置因素加上打風關係吧 ! 全晚只有3 枱客; 全程坐得好舒服, 所以今次再沒有迫夾感  先來個麻辣小龍蝦, 真心講句麻辣小聚的小龍蝦真的很好吃 麻香辣鮮味道足又熱辣辣, 每次都點食3次或以上今次點吃了烤魚和水煮魚, 麻辣小聚的4個鍋我都先後吃過了, 最對我口味的還是水煮魚 魚片鮮嫩夠麻香, 再多點辣勁就更加好了, 雖然我已選了大辣 還有一讚這店的香辣炒蟹, 蟹須不算大但炸得脆卜卜之餘食入口還是梳梳蟹肉帶鮮甜味的, 一食就知新鮮 老實說不明白為何食評對這店的評語咁2 極化 ? 我就真係覺得唔錯了店員們有禮貌又好招呼

路經深水埗來汝洲街這間新香園 (店内水吧位另有招牌是南香園 ) 行得有點攰和有點餓就進店內吃吃坐坐
汝洲街店要比桂林街的店坐得舒服也整潔光猛得多
來個鎮店之寶蛋牛治- 老實說真係一般水準幾失望蛋沒蛋香又炒得過熟入口有嚡的感覺牛肉就是普通的罐頭咸牛肉沒特別, 要是蛋不是炒到變老蛋, 我想這個有名氣的蛋牛治會比較好味卦 ! 只可說名過其實. 牛筋腩飯 - 正常發揮, 牛筋腩夠淋又夠入味, 飯有飯香 叫了凍檸茶和涷鴛鴦 - 茶味濃入口順滑, 舊有茶記的水準

 差不多3 年無來阿純了, 食物水準依然保持, 難怪可以攞到咁多年車胎人推介
山東燒雞 - 雖然是冰鮮雞, 但雞肉非常嫩滑肉汁豐富又夠味 茴香豬肉餃 - 我來阿純一定要食他們搓皮的餃子, 自家搓皮才是正宗的北方餃子, 配上每張枱都有一盒的蒜泥大口大口吃夠哂風味 豬皮凍 - 這是一道花功夫的小吃已經不是太多店肯做了,  入口爽凍酸酸甜甜又不膩, 開胃又好食 涼拌土豆絲 - 土豆絲爽脆微酸, 再帶點點花椒的麻辣, 會不停的夾入口呀 韮菜豬肉饀餅 - 外表煎得稍微燶了點, 但入口熱辣辣又爆汁, 又係一個好出色的北方特色餅食 滷排骨麵- 麵條煙韌不錯, 但湯頭比較淡, 排骨滷得很淋, 反而食落似煲湯排骨.

晚市重開後經多晚報復式大吃大喝今晚決定和2位好友清淡點來個素食 記得樂園初開時有來過下午茶, 尤記得以新派素食店計這店整潔清雅坐得舒適; 食物也很美味故馬上訂位去食素也 晚上7:00 準時到達, 可能是平日關係只約有3 -4 成入座客, 環境和以前一樣整潔舒服, 座位寛敞 坐下不久待應姐姐馬上送來一客冰鎮咕嚕肉和每位一盅燉湯.  冰鎮素咕嚕肉 - 無論賣相/味道和口感真係幾可亂真, 完全做到外脆內軟, 外層酸甜汁比例非常好 忍不住一舊又一舊的放入口 燉湯 - 內裡有圓肉/粟米/姬松茸/腰果/蓮子...... 清甜潤喉 魚生 和 壽司 - 視覺享受一流雖然明知是蒟蒻, 但點上wasabi 和日本豉油一起吃, 也可以暫騙到自己的大腦老實說加州卷直頭和真的沒分別 叉燒 - 超一流好好味 一入口不禁嘩一聲! 實在太似真叉燒了好吃到忘了影相.  串燒 - 我沒見過其他素食自助有串燒, 但串燒反而平平無奇. 可能燒得濃香點會比較好.  熱盤 - 是我吃過多間素色自助餐最多款色的 多到我不可能全部試勻, 酸齋 .乾煸四季豆, 南乳炆蓮藕, 四川回鍋肉全部都好好味豉油皇炒麵配上店家的XO 醬一流, 我吃完一碟再來一碟 炸物 - 又係超多款式, 比較物別少見的有蔗蝦 和 燈影牛肉 (炸紅菜頭薄片)   沙律 / 前菜 - 沙律欄內各菜蔬新鮮又乾淨 涼菜有中華沙律, 手拍青瓜, 涼拌木耳, 韓式芽菜和酸蘿蔔泡菜. 最特別的是有四川口水西瓜片, 甜的西瓜配上口水汁又幾特別喎!  要是口水汁再辣點就更好 甜品又係多款選擇 -  南瓜丸, 煎堆仔, 綠茶餅, 椰汁紅豆糕....連糖水也有木瓜雪耳紅棗和綠豆沙2 款 飲品 - 即磨咖啡, 豆漿, 洛神花茶, 羅漢果茶.....  總托而論樂園素食環境真係相當唔錯濶落又舒服, 各待應服務有禮貌又好笑容 食物補充相當快 , 我留意到經理長期不停檢視自助區的食物, 還淨下一半食物已經通知廚房添加 但全晚入座率都只有4成左右, 隔住口罩也 feel 到老闆有點愁 希望素食樂園在 OPEN RICE 的優惠會給這間我暫時覺得是最好食的素食自助店多點素食愛好者認識 能捱得過咁多波疫情已經好難得, 大家努力呀 !!  

和朋友往黃埔花園的 BEERLINER 午餐, 之前曾路經見午餐是買一送一優惠及靚雪糕任食, 所以全場滿座及多人在門外等位 今天星期六12:30 到達祗有小貓三四枱客好冷清, 原來已取消午餐買一送一及雪糕任食的優惠. 但見午餐 set lunch 餐牌有多款選擇及價錢不貴 和朋友選了德國脆皮豬手 $88 , 和西冷件扒 $88 , 另待應告知當天餐湯是椰菜花忌廉湯, 加餐湯 +$8, 加飲品 +8 所謂 $88 的 set lunch 祗有主菜, 其它甚麼也沒有, 需另外加錢. 在 open rice 內看到這德國餐廳多間店都有很多笑面, 心中還盤算好不好再來客德國腸.....好彩沒叫 ! 椰菜花忌廉湯連一片薄的蒜容包先上 - 人生中所飲過的餐湯這個也自可說是數一數二難喝了, 淡而無味又水稀稀, 我和朋友需加大量的鹽和黑椒來幫這湯加味祗可以說這餐湯是一碗淡白色淡味水. 連我個唔係對食好有要求的朋友也說很難喝就真的很差了 期待的主菜西冷扒先出場, 有點薄的西冷除了做到我們的要求5成熟外, 其他的都乏善足陳, 入口過腍冇肉味, 應該經過鬆肉粉泡一泡吧 ! 德國脆皮豬手 - 菜牌明明寫住製作需時, 請耐心等候.... 但由我落order 到上枱都不用15分鐘喎, 西冷扒上枱後這豬手也跟着上枱了 豬手賣上好靚又大隻, $88 確扺食喎, 但一刀切下實在硬得好緊要, 費了很多氣分才切得開, 但一口硬下豬皮是又靭又硬, 真係咬來咬去也咬不開塊所謂脆皮, 憑這德國豬手皮的超靭度, 好明顯這豬手是一早做好 有客點時再放烤爐番熱的產品, 最後是加錢的咖啡, 我祗可以說是一杯咖色的奶水 2個午餐埋單連加一 $230 不貴, 但咁嘅水準真係絕無下次, 唔怪得知由我入座到我走都係得小貓幾枱客, 証明大家都係精明消費者, 無下次吧!

為食舊同事相約我去官塘碼頭熟食市場來個星馬 lunch 聚一聚, 位置實在吊腳而且這個熟食市場一睇就知是70年代初香港工業起飛時的產物, 當年應也曾風光無限盛極一時吧 ! 但現在真係日久失修又殘又舊, 但好食就在此尋中.... 可能我12:00 就來到熟食市場吧 !  地下一層顯得冷冷清清, 一行進去幾間食店都熱情的招手. 馬上飛快閃身走上二樓, 二樓其中一邊差不多全是吉舖, 另一邊就祗有拿督和另一間賣中式食店.  佔了幾間舖的拿督12:00 點已坐了 7成客,  2位舊同事比我還要早到但都祗獲派坐一張搭了2 個食客的小枱, 5人坐一小枱實在親蜜得好緊要 想點肉骨茶, 但已沽清....12:00 就沽清 後來才知肉骨茶供應有限, 一定要先打電話來留才有的希望下次有機會試試 海鮮喇沙摻摻 (米粉/油麵2 溝), 喇沙湯底調教不錯吃得出多種香料混成所帶來的不同層次,  和我在新加坡吃的8成相似, 初食覺略淡, 但多吃2口又覺得可以, 我真係連喇沙湯底全喝光, 但當然我唔介意湯底可以再濃稠一點 黑醬油鴛鴦腳撈粗 - 好食生麵沒帶鹼水味又爽口, 撈上的黑醬油色濃味甜實在好惹味 反而覺得雞腳和豬腳鹵得太淋缺了咬口. 海南雞飯 - 聽聞拿督的海南雞食是用鮮雞泡制的, 不知是真是錯 ? 但菜牌其中有樣小食是鮮雞雜, 咁可信性就很高了 ! 雞是不錯滑而不肥, 但可惜飯有點生米未熟透 再來2個小食蔥油雞雜和炸魚多士, 雞雜份量不少一入口就知係鮮貨 $20實在好抵食 炸魚多士是炸燶了少少, 但用的鯪魚肉彈口又有鯪魚的獨特香味, $20 二大件又係好抵食又好食 再來一杯薑汁拉茶好耐無飲過咁有複雜茶香濃咁滑口的靚奶茶了, 高水準之作 可能因為位置吊腳關係,  拿督星期六.日.假期全部休息, 星期一至五也在下午 3:00 關門. 目測中午12:00 ~ 2:00 這2 個鐘的時間應該做了3輪客, 所以要食拿督真係要早點去攞位才可以的.

噚晚工作需要又往土瓜灣跑, 差不多 9:00 才完成工作, 肚也餓扁了, 見浙江街有間餃子店 二話不說和同事合共4人馬上碌進去,  小店真的很小, 全店祗有 12個坐位由 2 女將主持大局, 她倆應是北方人吧 ! 掌廚和樓面一腳踢

4人點了:  木耳椰菜肉水餃 15只 ,  白菜豬肉水餃 15只, 韭菜豬肉煎餃 15只 餃子是用心的人手包作, 饀料扎實沒欺場,  需然皮略厚, 但真正的東北方風味餃子就是皮帶點點厚嘛 蒜泥白肉,  充滿蒜香醋白的五花腩片 一人口是溶化的, 4人搶住食 煎餃子夠哂熱辣辣, 脆底焦香, 一咬有少少爆汁效果 饀餅香港已經很少地方可以吃到了, 馬上點了韭菜豬肉和牛肉饀餅, 新鮮即煎入口燙咀好好食, 尤其牛肉饀餅充滿洋蔥的清鮮甜味忍不住再吃一個 蔥油餅相對比饀餅就略嫌失色, 可能是沒有咖喱來相配吧  !  牛肉絲炒麵, 加上蕃茄一起炒比較特別, 炒得不油膩又帶點點蕃茄酸味, 感覺清新 雞絲涼拌麵,賣相樣衰衰, 但一食落就不得了, 那個涼拌汁多味道多層次, 百味紛陳就練成好味道好味道,  食完第一碟即叫第二碟
埋單連 6 杯豆醬才 $235, 真係好抵食, 值得再一讚是2 位女將非常好招呼好笑容 , 小店係值得大家多點支持的

星期六下午放工後同事話想食九記車仔麵, 約3:00 到達還是一條人龍在排隊, 大家分工共2人去排隊1人去霸枱. 不太肚餓祗選了三餸豬腸 / 牛腩 / 鯪魚餅撈麵 豬腸是我必選的至愛車仔餸, 九記豬腸是新鮮貨, 洗得乾淨又略帶肥肓, 唯一缺點是味淡. 食車仔麵牛腩我比較喜歡腩碎, 九記是用比較貴的坑腩, 有牛筋也有牛腩, 牛筋炆得淋滑入口溶化, 反而牛腩比較瘦, 黐牙 鯪魚餅最好食, 彈牙之餘也充滿鯪魚肉獨有的香味, 一食就知是真係用鯪魚肉打成所製的煎魚餅, 不是坊間的雜魚肉充鯪魚肉 三餸麵祗需 $28 好抵食, 但同事們和我都一至認為九記的車仔餸比較偏向淡味, 有點點不合我們幾個麻甩的口味

10月2日假期我日上三竿也不願起床, 朋友知我不能早起就來電約我下午茶,  我的損友們竟約我食齋…… 大家約在上環地鐵站A1 出口等, 各人準時2:30 到達, 齋店就在A1出口隔鄰大廈, 真的很方便, 但說也奇怪, 這齋店沒有招牌, 商廈內外也沒有任何顯示, 不是朋友帶我來我也不知這裡有間齋店 店不算大,有別一般齋舖, 這店走簡約風格, 也有露天位置可選坐, 感覺比較像間西餐店. 像甚麼也不打緊, 最緊要好食才是最真的. 5人點了: 齋鹵味 – 4款鹵味除了齋鴨腎夠味道外, 其餘酸.咖哩.蠔油麵筋全部唔夠味道, 真係唔酸唔鹹唔咖哩, 而且麵筋入口不油滑, 係鞋口的. 心想食齋也不用清淡到咁嘅地步嘛 ! 乾扁四季豆 - 四季豆炸得乾身, 內裡扮演欖菜肉鬆的齋粒粒也咸香有緻, 唔錯唔錯. 鮮果咕嚕肉 – 一上枱像真度 95% 以上, 入口更加令我真假難份, 入口外脆內軟我真係以為自己食緊豬肉呀 酸甜汁微酸中帶果香甜, 這個素咕嚕肉實在比很多食肆的真貨還要好味 脆皮炸大腸 - 層層腐皮卷成的素大腸吃入口真係有點像大腸的質感喎 酥炸芋絲餅 - 芋頭魚的新潮變奏版, 芋頭酥香軟糯人口粉嫩 招牌叉燒飽 – 真不枉係鎮店招牌菜, 看到差不多枱枱都點, 無論外觀和口感又令我陷入真假難分了, 我完全有食緊好味嘅肥燶叉燒之感夾住鬆軟自家白飽一起食, 真係好好食 心花怒放 – 賣相好靚, 但炸條條/素蝦和豆腐都祗靠清淡的南瓜汁提味, 味道真的太淡了. 香芒沙律大蝦 – 那隻炸了的素大蝦入口完全是炸蝦天婦羅的味道又夠大隻 比心花怒放那隻無味小蝦強得多了, 如果放面的香芒沙律多點會更好, 而家祗感到係食緊隻炸大蝦. 即磨腰果露 – 腰果磨得細滑味濃而香, 一個美味的結尾甜品 埋單時竟然係下午茶時段餐牌食物全部半價, 倉咗咁多嘢連5位茶錢和加一才 $380, 實在好味又好抵食囉 真係要多謝損友好介紹

平常路經過小店都見門外堆滿等位人, 今天路過竟然有位, 就算不肚餓也二話不說馬上內進嚐嚐牛肉麵 店內數埋祗有6個座位.  因為不肚餓祗點了牛肉麵 (細麵), 麵可選寬.粗.幼 看到師父即拉麵條即煮, 麵不消一刻就在眼前, 單看外貎也覺相當不錯 先喝一口牛湯....好味, 清甜中帶點牛顫味也微帶胡椒香 未吃麵就先飲了半碗牛麵湯 拉麵入口柔順中帶點煙靱嚼勁牛肉不是平常見的一片片, 應是用牛肋條炆製, 入口稔滑充滿牛香 牛肉需沒有濃濃的醬香, 但我卻比較喜歡這種偏向清湯腩的製法$30 一大碗實在好食又非常抵食