如題, 魚蛋我好少吃, 本身不太愛好, 反而魚很愛, 什麼水煮, 班球, 清蒸等 我都喜歡 !

早排生果幫此店做過訪問, 今日小弟又專登到此一試, 什麼一回事 !

$10 有七粒, $20 有十六粒 .... 我未試過當然選擇前者 !

實話, D魚蛋表面還很油, 裡面可以, 入口食得到魚味, 絕對不似外間無魚味 !

整體就是一般白魚蛋, 但又無好彈, 魚味是賣點 !

店舖位不顯眼, 一般路過不會入, 門面不算討好, 還是要多靠食物質數 。

今日小弟專誠到此店拜訪, 看看這間是否較附近同類川菜是否有可索性。

中午時份人不多, 連我先得三圍枱, 不過也有讚的地方, 菜式較多元化, 水煮系列也就五十多元而已。

由於早前剛吃過同類菜式, 今日只叫個雞煲試菜, 等十分鐘上枱, 賣相一般, 不過食落味道還可以, 麻辣味都有但不算重, 青椒洋蔥味也很出, 整體味道可以。份量就較細, 不算吃得好飽。

服務一般, 人不多也有遊雲情況出現, 坐位舒適乾淨, 還是可以一去

。星期六下午同位朋友相約到此區食漢堡包, 原先打算試黑白貓果間, 但人太多又不夠時間, 決定放棄去呢間。因為友人是住呢區, 所以行幾個街口就到此店。

去到剛好有張枱可以搭, 我同友人都叫了芝士漢堡, 但我配左沙律, 因為怕太HEAVY, 他正路配了薯條。

呢度汽水是罐裝的, 有黑可樂, 適合我呢D又要食有怕罪惡感的人仕飲用, 加個讚比佢。

講番環境, 都好美國FEEL, 但地方不大。打單身的女子尚有禮貌, 而且坐附近可以見到佢拾沙律菜。

大概十分鐘兩份漢堡包完成, 賣相OK, 包不算大, 我急不及待拍完照就先咬一口, 好多汁流出來, 牛肉味一般, 整體都OK既, $65 呢個價唔可以有太高要求, 菜 Fresh, 我覺得可以番炒, 不過下次要試至尊。

說實話我也是 RICE 的粉絲, 找野食一定上來望望, 九龍區更會無孔不入 .... !
今日呢間可稱得上冷門中的冷門, 地點是街市旁邊, 街邊地下濕淋淋, 晚上條街更黑漆漆。
如果無RICE是找不到的, 對不?!

呢間店晚上聲稱是私房菜, 所有野都要預訂? 可能以新鮮作來頭吧 !
不過講真, 主力還是燒味系列, 什麼雞, 鴿, 鵝, 叉燒為主, 之外就是蒸骨, 豬手,雞腳....

是否發現我講D菜全是肉呢? 係喎!

提前一日訂菜, 老闆只推介蒸老虎班$350條, 竹節蝦$95隻, 不過我無幫趁, 因為人少及不合 bugget !
至於菜呢, 仲攪笑, 老闆只提供通菜一味, 話其他不是時令喎 ....

八點到人不算多, 可能已做了一轉 ~

燒鵝先來半隻(訂), 不熱但脆, 肥肉不多, 可以.... 皮脆還是重點 ! (90分) Around $200
叉燒隨後到, 好入味, 不太咸不太甜, 也出色, 但可以肥一點 ! (80分) Around $80
花生豬手, D汁好味, 豬手不太淋, 有點難咬, 老人家應該食不到, 味道都有 (75分) Around $90
燒鱔, 嘩呢碟.... 十小塊, 買相OK, 但條鱔太瘦, 燒完得薄薄的白肉, 味道還是似叉燒味道 (75分) Around $160
通菜, 賣相好一般, 味道更一般, 只可以說入得口 (55分) ... 價錢不明 !
之後加左釀雞翼 , 即炸好脆, 味說偏淡 (65分) , $38隻

整體味道可以, 燒味由其突出, 但鱔就價錢同質數不成正比, 我不推介, 菜式太少, 以肉燒味為主, 我就覺得談不上私房菜, 因為應該人客做主道, 我想食咩你比咩, 但好明顯係佢想比咩就你食咩! 老闆拿手菜式不多, 也點固步自封, 食後我地比D意見還好像不太受理, 算吧 !

服務還可以, 整體禮貌, 有效率!

話說一年我剛行過附近, 開始認識海記, 不幸地食過幾次後就關門大吉。而我心中認為香港區最好的燒味是再X , 而九龍區能令我心動的燒味只有此間, 因此我時不時行過都會望一望還有沒有開門 .....

昨天又路過附近, 又順便行後一條街再來望望, 誰知不是眼花吧, 對面馬路望過來, 真是燈火通明, 再看招牌, 還是一樣海記, 真是太好 .... 不過由於昨晚有別的事忙, 不能幫趁 .... 此事而放在心中了

今日係公司決定心日點都要來食下燒味飯, 當然也只會叫我至愛"燒鵝/鴨飯", 不過呢度沒有後者提供, 只是燒鵝 ! 講真$45 大元一個飯不算平, 不過燒鵝不是一般地方吃到, 還可以啦 !

當鵝飯送上來時, 有點失望, 因為我個人經驗, D燒鴨/鵝皮燒得夠黑先脆, 而且一望也知這幾件不算太啖啖肉, 不過無法, 還是要吃啦啦。點知第一口咬落去, 出奇地脆, 而且件件都脆, 不過要先說明一下, 如果太肥的人就要避而遠之, 因為大家都知燒鵝一定是很多肥膏的, 什至我要說, 有一件我一口咬落去, 竟然有油噴射出來, 真是第一次預到此情況。

整體來說, 飯就很一般, 招乎周到, 不夠飯已說明可以添飯, 也沒有硬推銷情況出現, 我最終只吃了一個碟頭飯, 全程無叫我食其他野, 也沒有面黑 .... 非常好的食市 ! 當然燒鵝也出色, 好難得件件皮脆肉滑吧 !

忘了說, 海記已重裝修, 地方更光亮光鮮, 地方很乾淨, 比以前食得放心 !

好老實講, 雖然呢度係深水埗, 作為我成日來此區, 我都要靠GPS才找到。
點解呢? 因為呢條街係絕對不會入, 隔旁簡直似廢墟, 收舊爛銅爛鐵果D, 那是否找死人?

講番入面裝修, 我起初以為是餐記, 點知入去有D懷舊feel,跟荃灣沙樂美的裝修相似 !

食物價錢一般啦, 中計.... 原來焗豬飯套餐只多了一個湯, 貴左$16.- , 即是焗豬本來只是$34.- 而已, 因為阿姐hard sale, 我以為$34 要再另叫飲品, 原來都是有熱飲的。

羅宋湯其實是高水平, 起碼夠濃, 味度更加是正宗羅宋湯的味道, 甜酸得宜, 本人認為非常OK , 唯獨貴左D喎 !

焗豬都要等十五分鐘才到, 首先是炒底飯, 絕對童手無欺, 茄汁味濃, 豬扒不是很多但足夠份量, 而且入味, 基本上好難挑佢的不好, 老實講, 很久未食過甘出色的焗飯, 如果是$34, 我覺得簡直是抵! 抵! 抵 !

阿姐本身都好人, 不是一般餐廳留起D卡位, 我就算一個人都叫我坐卡位, 講明當時只是剛有人走, 基本上無咩吉位, 我覺得呢方面好滿意 !

最後講番杯檸茶, 好濃既茶味, 所以有D苦, 但溝左D茶後OK !

因為我是葵涌人, 見OPENRICE 未有食評, 小弟決定為網站出分力, 哈哈!

果度不是梨木樹住的人根本不會去, 我是一座山後面住的, 不過我都係行過去當運動。當然去之前以找找GPS 地圖先出發啦 !

去到人不多, 時間約九點半左右, 說實話早餐選擇不多, 價錢還可以啦。不過上年紀的阿嬤就聲大大無咩禮貌問食什麼, 不是只是我說的, 後來有個女士進來也被得罪, 總之就係無家教果種。

算啦, 老人家, 其實送野又OK輕手既, 係把聲得罪人囉 !

講番食物, D野好薄, 好似叫餐肉+牛扒, 兩塊餐肉是超薄切, 呢個程度我想我果邊任何一間茶記都唔會甘做, 真係搵鬼再幫趁, 牛扒還大件, 不過無肉味, 我指D肉 , 肥膏是有蘇味的~~ 食得出有黑胡椒味而已。呢個都唔重要, 最重要係廚房唔識煎野, D食物好油, 食完成碟都係油, 大佬你慢火煎又不隔油先上碟, 死得啦 ~
好老實講, 呢個廚房不合格, 任何有 sense D 家庭煮婦都煮得好過佢 .... 唉 , 唔好話我抹黑, 有圖為證 !

其他餸菜我唔敢講, 但我試的早餐加抵食程度, 我最多只比3分/ 以10分滿分, 見諒 !

哈哈~ 呢間野開左一段時間, 說實話我也算是隔離邨街坊, 路過幾次都都門面不感興趣, 不過發現原來開飯未有食評, 我就決定幫呢個忙去了解下啦。

中午直入, 小猫二三隻是假日葵涌的特色, 因為一般來說食市靠平日的工商大廈, 假日只能靠街坊維持。

講真快餐 $32 尚算價錢OK , 有六七種選, 我就選了黑椒雞柳炒麵, 不過上枱才發現是油麵, 不是排骨炒麵那種。說實話我有點失望, 因為油麵我都經常炒, 要難食是有點困難, 但好明顯食下發現此店炒得太淋, 可能是麵質問題 或是下得水多炒得淋, 我仲應該是後者, 因為明顯D麵好濕下。如果你係要我評分, 我只能給六至七分, 還好就是雞入味, 黑椒夠香, 補上點不足的地方。

至於服務都還可以既, 因為實在不忙, 地方就乾淨, 不過呢區人流太少, 沒有太多本事/特點好快就消失, 但暫時我未找到他的賣點囉 !

今日星期六, 從網上得知此店。記憶中我是不吃豬潤的, 因為很多時煮得太老不好吃, 而且很難煮得好味, 不過有次係維X食過一次後就愛上了豬潤, 連打邊爐也會叫潤吃。但已是六年前的事了, 現在維X得咸, 而且豬潤很薄無咬口, 所以我都沒有再光顧了。

有天係此網發現漢發, 也是賣類似的東西, 仲大部份人都說比前者好, 所以決定放假來拜訪下。三點多到達無咩人, 由於一人關係, 也可以很多選擇的位置, 當然我也還是叫同一類食物以作比較, 那就是餐肉豬潤麵(呢度得出錢一X), 無其他牌子的公仔麵選擇。大概七分鐘啦, 麵來了, 首先見到D餐肉係面, 看來煎得很脆口, 豬潤呢就很厚, 大約五件左右吧。好第一口咬啖豬潤, 嘩~~~~ 勁彈口, 可能就是厚的口感, 仲有一定係沒有煮過頭才會這樣, 當然感覺件野好嫩口, 一流 ! 我已想以後都不能返轉頭了 ~

至於公仔麵呢, 反而過淋, 不過食到有麻油味, 湯頭就OK, 無維X的湯清, 比較混濁, 但我也喝了七八口。連凍咖啡埋單$42, 都可以啦 ! 下次決定再來食過, 整體偏好, 最重要不用等位 !

補充, 裝修好特別, 又係係牆畫舊香港 !

那天中午路過此地, 見從未幫趁過此間食市, 一般來說我有時都會食下四川野。由於下午三點人不多, 我進去後就坐近門口位置。看過餐牌, 沒有飯類提供, 一就是米線像車仔麵叫幾餸, 另一就是散叫各式餸菜。
因為肚子不餓, 又只想試下四川菜的味道, 因此我叫了涼拌豬肚($25)及口水雞($35)。

大概等有十分鐘就送上來,未食前賣相不錯, 拍了幾張照片給大家參考。

味道跟賣相差不多 ! 我其實叫了中辣, 但都仲可以入口, 不用飲野。基本上兩種食物都入味，呢個值得加分，而且不會辣得太搶而無食物本身的味道，以口水雞較出色 (不過是冷的), 呢方面就見人見志, 但小弟可以接受。整體來說由於份量充足, 味道對版 , 價錢不貴, 我覺得值得推介 ~