昨天跟朋友專誠元朗過來試下一直食評不錯的這間食市, 我朋友叫了豬扒及醉雞湯麵, 而我則叫了醉雞撈麵。
大概兩分鐘就來了, 見醉雞分開上賣相不錯, 而且份量可以。於是我第一時間拿起醉雞嘗試試少少醉雞汁, 心一沉都知出事了, 因為D汁偏咸, 又不多酒味, 之後果然咬一口雞肉, 第一感覺就是咸, 沒有帶出醉的味度, 再者碟撈麵也不好吃, 即使有蠔油也不太好吃, 我只能說醉雞同麵都不合格其味度, 唯一就是雞肉還算多而已, 真的不用山長水遠來試這個 .....

真的不知道是食評有問題還是質量變差了, 所以我還是上來評一下分數, 希望下位不要抱太大期望, 或者更應該跟他們說要改善一下, 這個味道真是不行 ~

講真現時自助晚餐以這個價錢$248真是很難找到, 可以說呢個價錢只可以給三星級的要求也不過份。不過食物質量都有三至四星, 款式就只值三星級, 意思是基本食物都有, 但不能強求有多種選擇同高級食物。但我個人經驗所有東西食齊晒/ 各一件都已經夠飽 。至於環境, 服務及客人質數就四星級以上 ~ 所以此價保證公道 !

講番食物, 麵包蟹就一定回本價啦, 基本上得四隻放係度, 但一食得七七八八就 refill , 所以不會遲來的人食不到, 呢個係這間自肋餐做得好的地方。海鮮還有蝦, 翡翠螺, 青口, 刺身有三文魚, 吞拿, 大八八魚, 北寄貝四款, 當然還有多種平民化的壽司及一種手卷。海鮮基本上都一般新鮮啦, 食完回家沒有肚痛問題。燒牛肉是久遺了的東西, 現在很多地方都食不到有質感的厚切牛肉或已轉了豚肉等代替, 所以還真是保留了以前舊式自助餐的風味。其他熱盤有煙肉粒焗元貝, 燴羊扒, 蒸比目魚, 焗薯仔粒, 生炒排骨 (好味) , 蜜汁火腿, 炸子雞, 炸魚柳及還有一兩款其他不記得名字的項目。另類少少有凍切肉, 凍切什豆, 凍切什麼有三款。沙律就最多款項目提供, 菜有三四種, 什麼煙肉粒, 炸麵包粒, 我估計前前後後都有十五種以上搭配 ~ 沙律汁都有六種不同選擇。其他還有煮麵啦, 麵包, 各款芝士, 湯, 蒜泥白肉, 日本冷麵 , 多種水果大厚切 , 及雀巢杯裝雪糕 。不過甜品有一般, 有七八種款式左右啦 ~ 最後飲品是無限飲, 推介橙汁是最正的 ...... 飯後餘興, 8:00 幻彩詠香江, 光線調暗加音樂 !

註: 由於這兒人不多, 同埋少強國人, 所以客人比較守規舉, 不會有爭食嘈吵情況出現, 而且燈光以暗為主, 好有浪漫氣氛及寧靜的環境下享受晚餐 !

其實本人是街坊（上面條村住）, 而且過兩間舖有間平價超市, , 所以很多時都會路過石蔭村。

今早無吃早餐就去運動場跑步, 運動完當然餓極了, 那早上最好的選擇就非這個早餐莫屬了, 因為本人不愛吃湯麵類, 即是西早適合我, 呢個餐絕對滿足晒我既要求。

個餐有吉列豬扒兩塊, 煎雙蛋, 炸薯餅, 牛油方包, 茄汁豆及包熱飲係$24。

呢度D吉豬說實話炸得不錯, 不會太乾但又幾脆, 仲有加$2. 由牛油方包轉塊厚多士通常我都會比佢, 呢個就係我認為最 Perfect 既早餐了, 都係M記價錢已很滿足。

今日唔知仲咩送多左一份牛油方包比我, 我無理照食 (有食唔食罪大惡極, 哈哈!)

今日在元朗食完車仔麵後,話晒一場來到, 當然要食番個甜品先走人, 但如果食B仔又食不下, 於是決定選取了食亞玉豆花, 而我當然早前己知呢間野的位置, 但上次又是同一情況, 因為太飽結果無試到。因為今次人多, 我又不想再錯失機會, 所以決定站著吃, 當然這樣我會扣少少印象分, 因為食市給客人舒適的地方去品嚐食物是他的責任吧。講番豆花, 滑的程度確是在香港數一數二比公X好好多 ..... 但又不及澳門李X記, 不過無法澳門確是太遠, 我只好說句, 阿玉你贏了, 哈哈！

$6 一碗這樣質數的豆花真是不可以說不好～

今日小弟有空又聽說呢間野D車仔麵好出名, 所以今早決定來元朗考察一下。
十二點四十分來到, 係附近都找了一會兒, 因為我只知大概位置, 行到路後正想問人時, 回頭一望就見到很多人排隊, 再看招牌就己經不用再問了。前面大概都有十五六人, 但坐位是足夠的, 很多空位。好先想想食什麼, 因為聽說明呢度伙記都幾兇, 果然差不到我時, 我聽到個男人都幾串, 佢講 "問那客仲有無其他, 無就下一個" ......
點知到我時, 佢說下一位, 之後望住我 .... 因為我知佢問我, 我好快回應, 肥腸雙份, 油麵, 豬皮及通菜, 佢聽完說句好,今次好似很滿意我的回應, 感覺上都好似剪得很多給我, 之後我仲叫了中辣。
回到位上我開始吃了, 因為有冷氣感覺都幾舒服。第一口嚐一口湯, 果然係唔錯既, 之後食了幾舊腸, 又真係幾入味同肥瘦剛好, 之後豬皮都勁入味, 平時我是很少要呢個的, 本應我是叫墨丸的, 不過行埋去時見到豬皮好深色, 我估到會好入味就決定轉章了, 又果然無估錯。至於個汁都幾辣但記通菜都幾好味但四個餸連一個麵總共$41, 仲要尊程來吃都幾貴, 但你問我如果行開呢邊又真係值得試下。

呢間野都算係深水埗數一數二好味的米線店, 我大大話話都幫趁了十次有多, 原因是呢度D酸麻辣真是食到人欲罷不能 !
此前的食的中麻辣, 食完後個口會有震動, 感覺非常特別, 仲有D 餸款多質數好, 所以我一想起就會來一下。

今日從長沙灣行到來深水埗頭, 又決定入去一試, 一共叫了三個餸, 肥牛,芝士波腸及韮菜餃, 因為很天氣熱仲加了一支維他麥精, 總數 $44。不過今次食入口米線差了不彈牙, 湯也差了無麻而且辣也不夠, 唯一仲把握得到的還是三個餸。肥牛有牛肉味, 波腸還是脆皮啦, 韮菜餃一般但勝在夠多包肚。整體一般, 希望下次有改善, 否則不再是我心中的 NO. 1.

呢間野正確位置係M記轉入,中華電力對面, 九工後面 (長沙灣果間是第二分店) <-- 小弟未幫趁過！

小弟本身對燒鵝特別有偏愛, 一見到掛係廚窗的燒鵝燒得黑實及大隻就引不著去醫肚 !

話說這天來到深水埗買野, 行過又見到呢間野, 當時不是繁忙時間, 差不多已三點了, 好就入去食個燒鵝飯啦
大概等了二分鐘就到, 因為人不多而且得一個阿姐清潔及侍應工作, 所以坐得很寬鬆, 仲幾好招呼　
放碟飯係枱上一看, 正喎！今日燒鵝肶比我, 外觀未食都流口水　。。。
不過咬落去確是真正燒鵝, 因為肉是偏紅色的, 而且一般情況都是偏咸, 原因是鵝係本身有點蘇, 所以內骨一定是落重醃料, 呢個就係真正原因了。（我都好專業架）

好講番Ｄ燒鵝, 係就係鵝但皮不夠脆（真係比灣仔再記輸條街）, 肉是多同厚, 口感較好, 所以個飯都要成$38, 其他燒味就$35, 不過燒鵝雙併都係$38, 呢個都$值既, 因為一來很少地方有真正鵝, 而鵝一般都貴鴨是正常的, 。整體上我覺得中規中矩啦, 奶茶都ＯＫ無咩特別好與壞甘啦！

因為有茶供應, 所以飯貴少少但係飲品省番錢

最後我發現有一樣好抵食的貴價飯, 就係雙肶飯, 價錢係 $58 咋 (雞鵝肶)

哈哈 ~ 早前我見開飯未有呢個食市的評價, 所以我決定幫佢開個齋

其實今日都係荃灣, 中午肚餓正煩惱緊食什麼的時候, 突然想起呢間野係 .... 而小弟又剛在城市廣場附近,
話不二說就行過去了解下咩價錢, 當然小弟本身對荃灣非常熟悉, 印象中記得呢間野無食評, 所以決定去朝拜一下 !

行入去近門口就是大X樂式的餐牌, 看看價錢都不貴, 平的三十元有找的飯, 小弟叫了個價錢較貴的焗豬扒飯$33 ＋$3.0 凍飲, 價錢尚算合理, 又係連所快餐模式, 等叫號碼。好！話晒第一單食評, 我都要 detail 少少講番所見的情況比大家知道。餐牌主要係飯, 茄通＆包類, 小弟眼見好似都主要係西式飯類啦（不是中式飯炒什麼是沒有的）,　感覺上看來什麼番茄汁類較主力, 裝修上幾鮮艷整齊同乾淨原因是新店吧, 哈哈！收銀呢手腳較慢也因為是新手, 但都有禮貌既至少有問堂食定外賣囉！

好等了二分鐘啦有野食, 吓!!! 幾有新意喎 ~ 用Pizza 般大的盤盛飯, 好象很多但其實很淺, 不過大食的我都夠食既！
嗱~其實等我分析下呢個盤都有一點好處, 就係飯一定夠熱同埋賣相好, 正所謂色香味麻
講番味道都ＯＫ既，本人本身不太刻意愛番茄汁類, 不過味道甜酸適中有鮮味同開胃我比７５分, 但飯不是炒底就正如我所料, 正宗一間不炒野的西式快餐店, 所以飯無炒不夠香扣分 , 奶茶ＯＫ一般啦無特別感覺, 整體呢個價錢同環境都算滿意既, 可以番炒一下其他食物。

係, 因為有芝士所以加番少少分比佢 !

本想明天母親節正日去慶祝一下, 但星期初打去訂位說已 full booking ,
好吧 , 改作早一天食吧 !

今日訂了 12:00 中午, 全程仲有空位 , 好啦 ... 第一轉 ..... 係我唔記得講我一行三人 , 老爸媽同小弟
好落單 , 也不是寫了很多 , 都係六七樣野 , 都係刺身 + 手捲 ....
侍應埋來竟然問我 ? 當時我下了三件鰻魚, 三件三文魚手捲 , 佢竟然問我食唔食得晒 , 好大件架喎 ?!

唔係化 , 我話都係一人兩件者 , 第一轉甘都 reject ? 已經覺得有 d 離譜
好啦 , 慶祝為開心 , 唔係父母面前嘈交 , 忍你 !

第一轉 ok 快 , 食物質數真係一般 , 平心而論 , 因為三文魚真的不太甜 , 有少少鮮味既 .....
其他刺身都 .... 麻麻 .... 希靈魚都 .... 好一般不太爽 !

好啦 ~ 六件手捲來了 .... 我爸媽食完 , 問番我 .... 咩野首先話好大件 ?!
我話咪食左果幾件囉 ..... 大家都笑 , 唔係話甘都叫大件 ? 佢地真係先攪清楚講緊咩 !

仲有仲有我爸說唔好再叫 , d 紫菜黏牙 , why ???? 因為唔脆既手捲囉 .... 都係第一次食到
都只好叫番壽司吧 ! 不過款式也不多 ... .要重賽 !

好啦 ~ 老人家唔食甘多生野 , 叫番正常的 .... 鐵板及串燒 .... 牛肉係 OK 既 ! 不論肉質及味道 !
羊胺呢 , 係叫得最多的 , 一來都 ok 好味 , 二來個人喜好 * 我老爸 ! 食了都 7 件 , 不過到尾後等了很久 ,
好怕又唔來 , 幸好都有良心 !

點知話口未完 , 一個算有禮貌的侍應小姐 (一定唔係 stop 我叫手捲果個) , 走過來同我講 ....
所有刺身無貨供應 , 因為我當時都只係想叫三文魚沙律咋 ~~~~
當時大概是 1:30 左右啦 ~ 請問大家你信不信 ? 三文魚, 劍魚 , 希靈魚 , 赤貝 , 螺等都賣晒 ?!?!
叫邊個信 ? 擺明係 cut 單啦 ! 不過人地都係打工 , 我無謂找人家麻煩 , 答了好的 ... ok 明白 !

講真全程都麻麻地 , 食物麻麻 , 種類麻麻 , 服務都麻麻 ....
不過埋單出示了兩張老人咭 , 減總數了$60 , 加番一 , 埋單$455 三位
最後有禮貌的侍應小姐送上甜品一客 / each 位 , 都 ok 既 !

昨天突然從食飯網見到呢間食市的評語幾好, 攪我心心癢癢 ....
小弟雖則不是住葵芳 , 但都是住葵涌的 .... 就坐十五分鐘車食去醫肚吧

其實從食評的提示 , 本人大概已知位置及想到是那一間店了, 去到果然不出我所料 ...

好吧 ~ 就叫軟腳蟹同三文魚 (我的最愛) 手捲吧 !

講真間野 d 人係幾有禮貌既 , 話做三文魚給我先吃喎 , ok .... 小弟正餓得耍死 ...
點知 , 交出來 ... 嘩 .... 比我食開果d size 細件好多喎 .... 怪不知話食到尾都仲有三文魚
而且由頭食到落尾 , 一 d 三文魚味都無 ??????

(講真我成日都有食文三文魚捲係荃灣 , 地鐵站對面企係度食果間 ..... 真係肥美得來有魚味囉)
真係唔得 .... 我唔會比合格 .... 差 !

之後講番件炸好的軟腳蟹手捲 , 味道係可以 , 而且唔係甘多地方有得食 , 不過都係好細件
仲有只見到伸出來的蟹腳 , 好似食唔到蟹身喎 ?!?!?!?
(講番我又係"一"食 , 正好多, 又係輸條街)

我真係真係好懷疑之前的食評係咪 ...............

還有一件事, 就係我食唔到有任何介辣味 .... 得個鼓油 .... 一味咸 !
既係你幫客落埋醬料 , 點解唔問下客人喜好呢 ? 自作主張 .... 又一證明不夠細心囉 !

後話 , 兩件總數 $28. 我之後落左去樓下再食一碗車仔麵 ... 又幾好味 !