每年一期一會，又到食大閘蟹嫁季節。對於食開肉蟹啖啖肉嫁我黎講，大閘蟹興趣不大。但今年鑑於冇咩野做，身邊朋友又熱烈討論去邊食大閘蟹好，於是兩星期食左3次共6隻，真心食到怕怕。BTW其中一次係鴻星食，冇他，$388，3隻蟹，8點半後仲有8折，平到咁，點都要TRY TRY!花雕鴿: 不得了，好食到我食左3/4。點用酒調味嫁菜時，最怕係酒味太濃郁，聞落已經好攻鼻，由其是我係滴酒不沾，更加頂唔緊，都唔知係食緊餸定飲緊酒。但呢個係好清好香，淡淡嫁花雕酒味。鴿件細細，好的骰，肉就唔係好多，但勝在夠嫩口，層皮又爽。如果收起果個樣衰嫁鴿頭，就真係攞足100分。
經過一碟有驚喜嫁前菜，對黎緊嫁菜色突然提高左期望!!蟹粉小籠包: 除左個汁係橙色外，唔覺得邊忽似蟹粉小籠包=.=而且2個小籠包明明就放係個蒸籠裡面，仲有個蓋笠住保溫。但唔知點解個待應硬要挾落我地個碗度，BTW，我地果時食緊蟹，到食小籠包果時，個皮已經干哂，個餡凍冰冰...個SET每位有3隻蟹，分3輪上，食完1隻上1隻，可以趁熱食。
好快就上左第1輪大閘蟹: 公，膏偏少，流質，色澤一般，冇好香大閘蟹味。第2隻: 乸，多膏，又較香，呈橙紅色。比起公蟹正得多，佢有大多係實身嫁膏，又有D滑身軟D嫁膏，食落好香!第3隻: 公，同上，冇特別...蟹肉蝦羹: 唔錯呀，真材實料，幾多蟹肉絲，又有花膠絲，仲有一隻蝦!

上面果碟: 9唔搭8，炒埋一埋就算。帶子好唔鮮，明顯係急凍急凍再急凍，冇味!菜，冇味!個汁十足鼻涕同漿糊嫁合體，怪!!!荷葉飯: 由於食左3隻蟹，好滯，所以冇食到...

每人一杯橙汁/花雕，加好夠薑薑茶，加稀到冇紅豆紅豆沙!!
但呢個價，都叫算係咁。

 

門口大大架招牌粉紅Mini Cooper，真係幾Eye Catching。原先以為只係賣Cake，點知仲有地下一層係Cafe，點婚禮服務都有埋，真係玩哂。全店好多角落都有女孩子影相，直頭係TST新景點!!叫得Full House都真係幾Full，要坐好高好高嫁吧枱。頭盤黎個沙律打底，聽聞可減肥。
招牌沙律($8X): 個樣幾吸引，但好大陣洋蔥味。4片鴨胸，沙律菜同比較多洋蔥，例牌野。而最Surprise係仲有風干左嫁Cranberry粒粒呀，小小酸，似提子干，絕佳健康零食!!!!!

主菜叫左一個肉，一個飯，太肚餓了><特色醬燒豬仔骨($15X): 咁深嫁色水加咁杰嫁汁，我直覺覺得會好咸呀。點知，味道真係對我黎講有一些濃。5件大大件嫁Rib，分量夠，侍枝亦算多肉，易拆肉，最怕D Rib骨肉唔分離!下面頭角全清哂，好味WO，真係冇心插柳柳成蔭。BTW，覺得Ruby Tuseday好食D。蟹肉芒果炒飯($11X): 睇落好似幾得，但得個樣囉。唔明點解會咁，好難唔好食嫁WO。成個飯冇味，只係將所有野炒做一碟，飯係暖，但芒果係凍嫁，怪怪的...

仲叫左2杯野，凍奶茶,Berry Smoothie，各$50!

其實咁嫁價都真係食個裝修姐，有人覺得值，但我就冇下次啦~

厚福街靚靚大廈，全食店!!除左運氣話黎就黎，我都係話食就食。突然想食韓國燒烤，就阿利水啦。先黎例牌8小碟:辣嫁唔講，最好食就係豆芽同隔黎嫁菜菜;竟然仲有個食落先知係咩嫁蘋果沙律，幾新穎喎;有一碟不得不提，青青地色嫁'舉若'，完全係豬油膏，不彈牙，冇味，油淋淋，唔知想點。皇牌燒牛肋排:GOOD!專人燒，時間掌握恰到好處，啱啱熟，保留哂肉汁，腌得夠味，唔洗點醬都一流!雞肉: 一獲熟，哈哈。當然味道不及牛肉，又冇咁嫩滑，但都OK啦。海鮮豆腐湯: 我唔係好食得辣，但我飲哂呢個湯。已經就超出我可接受辛辣範圍，不過真係好野味，愈飲愈想飲，又多料，全部KO哂!!石頭鍋飯: 係食過最hea嫁石頭鍋飯，平平冇奇，但單叫要$100。而且飯好硬，飯焦太多太黑-.-同韓雅琳差9皮...

以上係一個SET，$550，未加1

係屋企隔黎有棟靚靚大廈，好多睇落好正嫁餐廳，當然要試!今次先食二樓日本放題~
旺角放題基本上都試過，真係好多都好求其。尖咀放題希望唔係粗製濫造啦，話哂個價錢都貴D呀!!天氣有D涼，但死都要坐出面，哈哈。好有日本居酒屋FEEL，BTW我未去過蘿蔔國。當晚餐廳冇哂客，條街又冇咩人行，實在係談心嫁好地方。一坐低就先上刺身拼盤，真係好窩心，因為好肚餓。亮點係兩隻大蝦，仲有帶子;但個墨魚好UN，咬極唔斷;玉子都係熱食夾D囉。2條友食完個拼盤就冇再點過刺身啦!蕃茄胡MA醬沙律: 完全係份量取勝!但平時食得多肉，見到成碟綠色真係感覺清新舒暢!汁煮牛脷: 哇，好味!有2件厚切牛脷，又淋又索哂汁;2件清甜冇渣白蘿蔔;個汁正，好似屋企煮清湯腩果個味。絕對係最值得ENCORE嫁一味!如果要挑剔，就係果幾件仲係好生嫁紅蘿蔔...海膽壽司: 好小機會會係放題見到，果然一分$一分貨!味道正常。
火焰壽司系列: 唔覺得有幾火焰，特別係個蝦囉!燒菠蘿: 其他燒物都可以IGNORE，唯有呢個燒菠蘿真係令人印象深刻!試過好多間放題/燒烤店/自己燒嫁菠蘿，都比唔上呢度!第一菠蘿真係好甜好多汁大大件咁，食材已經贏左;第二菠蘿上面揸一層醬汁已經夠新潮，而且個汁小小咸，竟然同菠蘿好夾，更加帶出菠蘿嫁清甜!!!冇得輸!燒茄子: 都係好食，自己BBQ燒茄子從來未成功過，唯有係度食番夠本!

最後埋單218加1

PS: 點解唔見有燒蠔同焗帶子??

想左好耐終於黎試JW啦，好大期望嫁，話哂個BUFFET都好多好評=]但果然真係要提早一個月BOOK囉，同THE MARKET有得揮!第一ROUND當然係食海鮮啦: 龍蝦有D有膏，但我拎親都冇。蝦OK。蟹魽,龍蝦魽都OK。但個面包蟹真係真心難食，又梅，朋友直頭話有怪味...而且冇我中意嫁龍蝦仔同螺=[ 刺身三款都好新鮮，正!
冷盤不多，只係對煙三文魚有興趣。亦係冇我中意嫁巴拿馬火腿。
沙律:食得多CAESAR SALAD，就試下蘋果沙律，FLASH!到左JW最出名嫁中式菜: 花膠好厚肉，好黏好骨膠元，食完好似即刻靚左，自我感覺良好。鮑魚仔，係薄切囉，唔係原隻，除左口感，真係同花膠個味冇咩分別。瑤柱扒菜，菜十分之淋，瑤柱十分之零碎，除左口感，真係同鮑魚仔同花膠個味冇咩分別。班塊，滑，如果呢碟都唔OK，個BUFFET就唔洗幫襯。燒牛肉+薯條+豆角+燒番茄=自制西餐。好多款醬汁呀，但個牛太生了，反而個薯條熱辣好食!!甜品時間:葡TART好味，如果唔係飽一家再食多個。蘋果批，不錯，如果多D果肉就更正。拿破崙，係全場最印象深刻嫁甜品，可惜再出去拎時已冇再REFILL。

總的來說，海鮮一定唔會好得過HYATT;前菜選擇不多;熟食係有幾款貴價野，但除此之外冇特別;
朋友有會員卡，買一送一。下次正價就唔考慮啦!

追月夜，6點半就食飯。一個包廂，得我地一枱，唔嘈，又有電視，一邊食一邊睇關詠荷，SO HAPPY!!椰子雞湯底，個牙姐話冇咁熱氣。哇，個湯好香椰子味，奶白色，又甜又滑又濃郁，似足屋企老火湯。除左椰子、海底椰，紅棗，仲有半邊雞，雞肉好淋，沾醬油食!呢間野嫁湯底果然名不虛傳，飲左好多碗LOL!

牛肉粒: 一啖一粒，好快熟，入口鬆化，一D都唔UN，但唔係好食到牛味。BTW 賣相可愛=]四竇丸: 其實都唔知咩野打咩野，有牛，蝦，豬，墨魚。蝦同墨魚幾脆，但又未至於好正。牛豬更加一般，都係中意最傳統爽口彈牙有牛味嫁牛丸多D。蔬菜籃: $58咋，最抵食呢樣。娃娃菜同生菜又淋又索哂個湯，好似上海菜式最興果D上湯沈菜咁，正!!仲有幾舊南瓜，都好味，甜!鯇魚: 一半薄切，一半厚切，真係好厚LOL。心裹EXPECT係脆，點知唔係，而係好滑，都收貨啦。可能係我嗌錯左啦 =[2人，$6XX埋單，下次再黎食海鮮邊爐!!!!!!!

星期六兩點幾先得閒食飯，已經十分肚餓，行過家樂坊下面睇下有咩食啦。MOU MOU竟然仲有午市邊爐!!即食!!

有好多湯底選擇，但我只愛甜豉油，味道不會太重，而且甜甜地，醬油都唔洗點。
飲品有汽水,橙汁,蘋果汁,提子汁。橙汁仲有果肉係面，十足鮮榨，好有誠意呀，飲左兩杯!Lunch Set原來係唔同Dinner Set咁可以任叫肉，每人一碟牛，一睇份量堅少，得果幾片。不過最後我發現我錯了，食到最尾係會食唔哂，因為都幾多配菜!菜蔬方面: 都靚仔嫁，樣子很新鮮，食落又爽。通常都會係一開始，趁個湯底冇咁混濁果時就食菜，咁就冇咁吸油。
粟米心: 好耐冇食過，原來要煮耐D先會熟哂，如果唔係就勁硬。
冬菇: 雖然不厚肉，但索哂甜豉油湯，好味!
包人吞拿魚丸: 青BB又幾得意，可惜好睇唔好食，個皮好淋，入面吞拿魚又好膩，成件事好唔Match!
芝士腸: 太好啦，最怕食到D勁粉嫁平價腸蒟蒻: 係冇味嫁啦，但有口感，真係好QQ卷
半截八爪魚卷: 包住半條八爪魚條，料足，八爪魚條彈牙! 但個皮又係敗筆，唔知食緊咩。
黑色八爪魚丸: 冇任何味道可言。
腐皮魚卷: 好有驚喜，腐皮包住魚旦的東西，好特別嫁配搭，而係Match到。Good
烏冬: 滑滑的，煙UN，比拉麵好，拉麵太太太咸了最後食乳酪，士多啤梨味，夠酸，但如果硬身D就更好。Topping係糯米池，脆脆，棉花糖。飽哂!!

加一後$68，真的太太太抵食!!!!

門面唔太吸引，心諗，係得呢條街應該都冇死啦。點知上到去，全場得一枱，心知不妙...叫個雞煲，唔辣ga，一大煲，好快上菜。飲品任拎，有可樂、沙士、新奇士橙同冒牌雀檸。

雞煲中下質素囉，件件都係大大件，肉多過骨，唔係會令人食唔停，又未至於食唔落咁。相比出面的，配料冇咁多，只有蒜子同莞茜。亦可能因為唔辣，所以冇咁香。打邊爐配料，都係大路野，選擇不多，而且每轉只可叫8樣。不過亦只叫左兩輪。木耳: 健康之選，打邊爐不常見，但唔爽口，有D梅梅地，亦很干身，不新鮮!
蟹子丸,粟米: 好食，必食，一定唔好衰ga
牛柏葉: 一個字"稔"...
龍蝦丸: 不用說什麼彈牙，只是一團粉... 油麥菜: 一見都係黃黃地，謝謝地，一落湯，好快就淋哂 -.-

見到個碟同野食賣相就知Hea Hea地，不過百幾蚊貨仔都係咁上下，一分$一分貨。好在每個伙計都好Nice，好主動!!雖然食物真係一般，但服務好真係Tips都俾多D。

後記:食完第二朝即刻好唔舒服，嘔到7彩，唔知關唔關事，但已怕怕，唔會再去~~

屋企附近有間貓Cafe，同左中意扁口扁面貓(異國短毛)朋友上去玩，順便黎探我隻小狗加菲。

肉燥豬頸肉飯($68連$38飲品):個肉燥賣相有D似嘔吐物，唔似食開果D-.-豬頸肉脆但薄且冇味。有DD雜菜，太好了!左起:蜂蜜綠茶、巨蜂提子乳酸、香蕉梳打
我飲蜂蜜綠茶，覺得太甜;友人飲巨蜂提子乳酸，話有藥水味However，醉翁之意不在酒...
有3隻大貓，好肥呀，巨型過我隻狗!!但唔多同人玩囉，貓就是這樣高竇!!

PS:小狗加菲人生路王熟，依然夠薑偷食人地D貓糧，叻仔!

天氣悶熱，冇咩胃口，日本菜太常食，今晚簡單食個凍撈濛啦!
呢間野係旺角都好耐歷史，又當眼，但作為一個MK人，我都未食過，哈~

香茅豬扒撈濛($45):唔係有咩特別，勝在豬扒都叫大件肉厚同淋，但其實個人又覺得有DD硬身同脆邊Ga會好食D。椰青($25):正呀!!好多水、好大個。超清甜，我雖然飲唔哂，但食哂入面D肉，感覺好抵，真心讚!!香茅雞亦($35):6隻，比預期中多喎。熱騰騰，係唔係好夠味姐。

不錯的Quick Dinner