Pier Lounge and Pier Bar (黃竹坑)

價錢偏貴，但食物質素高，是常常想再食的午市buffet，價錢雖是市區晚市buffet的價錢但食物確實優質

有户外炭火烤龍蝦，蝦，牛扒 ( 牛扒高質，龍蝦有水準)，片皮鴨

刺身款式多，仲有海膽，款款新鮮鮮甜

有多款沙律，芝士，ham ，熱食及中式點心甜品，鮮榨橙汁及西瓜汁

雖然食品未必及大型buffet 選擇多，但因質素高，其中不停encore, 已心滿意足

竹壽司 (銅鑼灣)

難得長假的最後一天，外出去吃個lunch, 最很選了竹壽司。

一踏進餐廳，給兩邊竹林吸引，這真是突出了餐廳名

由於未能安排壽司吧枱，所以無叫壽司餐，一來是壽司吧枱食才有置身日本的感覺，一件一件慢慢吃; 二來什錦魚生飯平成一佰元。

是日吃了什錦魚生飯，兩隻甜蝦好鮮甜，最緊要是蝦頭的膏望落潔淨，食落清甜

其他魚生也新鮮無比，其中兩片切片魚生最令我疑惑的是兩片白色的東東，吃落是帶子味，但質感不像向來其他地方食到的帶子，真是爽脆到不得了，是否真的是帶子？

前菜有小點，沙律，超好味的蒸蛋，有湯及甜品

二佰幾元食到的質素，真是值得一到再到

泰皇屋 (大埔)

打完麻雀，一行幾人揾食，想食泰菜，見open rice 的comment 幾好，一於試吓，其位置相當容易略過，只因避完一大堆大排檔桌椅，就見到首爾的人潮，原來這舖是夾在中間，眼力細都不易察覺😳

是日點了幾道菜

柚子沙律: 新鮮鮮甜的柚子，甜甜的柚子，份外清新

小食拼盤：有蝦餅魚餅春卷葉包雞蒜蓉包，份量很多，蒜蓉包很香蒜味，蝦餅彈牙😝

魚餅：不知是否好難整，所以不是間間泰國菜館有魚餅吃，既然這間有，一定要散叫一份，只因我們個個都特別喜歡魚餅的泰式香料味，最後當然一吃而空👍

青木瓜絲沙律：好新鮮，好辣🔥

炭燒豬頸肉: 薄薄的豬頸肉沾上特色醬汁，味道一流，唯獨是好像少了炭火香氣😔

生蝦刺生，一向鍾意食生蝦刺生的我，今天竟然為了生蝦刺生的炸蝦頭，encore 多一碟，以前從未試過。蝦肉鮮甜加上特色辣蝦汁，食完舌頭充滿辣的感覺，再即食一件炸蝦頭，香脆無比。👍👍👍

海南雞: 肉好滑，雞味比一般餐廳重味，而且雞皮有新鮮雞的口感，如醬汁能用薑蓉加辣椒蓉加雞豉油就完美。⼀一問之下，原來是用新鮮雞，嘩嘩嘩，怎能錯過😍😍😍

沙嗲串燒: 沙嗲汁好好味，拼上剛熟成的肉，肉有肉汁，好好味👍

咖哩炒蟹：一上枱已經聞到D香味，隻蟹都相當大隻，肉質實，一食便知是新鮮蟹，咖喱汁勁香，超正👍在用薄餅沾D咖哩，再三回味😜

下次竹戰完，一定會再來

Passion (灣仔)

食飽午飯，honey 想到灣仔Passion飲咖啡，點了

Mocha- 朱固力味好香，甜度適中，最正是完全沒有苦味
Latte- 口感幼滑，啡味突出
Cake- 排櫃內七彩的cake, Tart 實在令我眼花撩亂，最後選了粟子cake-先講粟子muse , 充滿粟子甜香，配上滑一滑的cream, 真是perfect match. 最估不到是食到中心，原來有芒果粒粒，芒果得嚟又無搶到粟子味

如不是之前已食飽飽，真是想食多幾件

臨別，門口的包包飄來的香氣，令我買多幾款包多帶......下回分解包包

Cafe Je T'aime (上水)

係上水住左好多年...都冇間有質素的Cafe，終於等到上水有間有水準的Cafe

成間cafe都帶著愛的感覺，播住柔和既音樂..有種歐陸小鎮既cafe既風味，而且好配合我愛你cafe的名字

室內空氣好，樓底好高，擺設好有心機，最特別之處是牆上的手作畫，好有美感，好特別

比起starbucks同pacific coffee又暗又焗，我比較喜歡這裏，係到忙裡偷閒...靜靜地傾下計食吓cake飲咖啡，也可借看書架上的書再飲杯花茶，真喺唔錯

Cafe主打新鮮既handmade cake同coffee，價錢雖然是市區價，但質數是超越市區的一式一樣大集團無情感的咖啡店，所以錢是使得值得的，市區有幾多間coffee shop有如此情調，如此有人情味

老闆話只會量產cake...每個時段有唔同既cake，今日的推介是brownie配雪糕，朱固力味濃郁配配上nuts, 嘅甜蜜又有口感😍

今天沒有點平常點開的龍眼latte,講起這杯咖啡，既有咖啡味，有龍眼蜜的甜再加上桂花的香，真喺一流。

不過今天mood 到，想飲Mocha, 朱固力味加上咖啡的香，配合得天依無逢

Honey 點了杯latte , 咖啡同奶的比例好平均，以奶為主的咖啡又不失咖啡的味道👍

一入cafe, 好彩已預先留起自家制無花果蛋糕，捚單時已見蛋糕架清空，真喺手快有手慢無😁