豬豬為食 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2013-04-06
真係估唔到上水都會搵到咁日本既日本風味 !如果唔熟上水既朋友, 真係會搵唔到架 , 佢係新康街既巷仔入面 MENU 上食物唔多, 都係拉麵拉麵同拉麵, 拉麵既精華 , 絕對係個湯底 !!黑蒜豬骨湯味道清新,有鮮豬味 麵質真係日本咁架 ,麵質係會比較硬 ,我就好中意食硬身d拉麵喇。想吃軟的,落order時講就得嫁喇 叉燒,好香的豬味,仲入口即溶👍可惜少咗些😝 半熟蛋,一咬蛋漿流出,嘩!流心嫁😍 估不到上水有如此正的拉麵😁 推介美食: 黑蒜叉燒拉麵
評分: 味道 4 環境 2 服務 5 衛生 3 抵食 3
2013-04-06
係上水住左好多年...都冇間有質素的Cafe,終於等到上水有間有水準的Cafe 成間cafe都帶著愛的感覺,播住柔和既音樂..有種歐陸小鎮既cafe既風味,而且好配合我愛你cafe的名字 室內空氣好,樓底好高,擺設好有心機,最特別之處是牆上的手作畫,好有美感,好特別 比起starbucks同pacific coffee又暗又焗,我比較喜歡這裏,係到忙裡偷閒...靜靜地傾下計食吓cake飲咖啡,也可借看書架上的書再飲杯花茶,真喺唔錯 Cafe主打新鮮既handmade cake同coffee,價錢雖然是市區價,但質數是超越市區的一式一樣大集團無情感的咖啡店,所以錢是使得值得的,市區有幾多間coffee shop有如此情調,如此有人情味 老闆話只會量產cake...每個時段有唔同既cake,今日的推介是brownie配雪糕,朱固力味濃郁配配上nuts, 嘅甜蜜又有口感😍 今天沒有點平常點開的龍眼latte,講起這杯咖啡,既有咖啡味,有龍眼蜜的甜再加上桂花的香,真喺一流。 不過今天mood 到,想飲Mocha, 朱固力味加上咖啡的香,配合得天依無逢 Honey 點了杯latte , 咖啡同奶的比例好平均,以奶為主的咖啡又不失咖啡的味道👍 一入cafe, 好彩已預先留起自家制無花果蛋糕,捚單時已見蛋糕架清空,真喺手快有手慢無😁 推介美食: 無花果 homemake cake,龍眼latte
評分: 味道 4 環境 5 服務 5 衛生 5 抵食 3
2013-04-06
這間老坑火鍋,嘩.....原來係好出名的,連身在外國的朋友都贊,知道我喜愛打邊爐,介紹這間給我,只怪自己太孤陋寡聞,有眼不識老坑,只識到九龍城試完一間又一間 試過幾次,都不能預約即日,難得今天有位,得兩人去食,就兩人啦 先來鴨舌,老得入味 湯底:蕃茄清湯加冬陰公湯,都㡬吊詭嘅喺除左蕃茄、豆腐之外,仲有苦瓜;但又唔搶味而且可以下火 至於冬陰公,足料到不得了,未邊爐先品嚐這湯,辣得陰公 手打四寶:蝦丸、鯪魚球、牛肉同墨魚丸 鯪魚球我唔好的,但都食得出係好新鮮,其餘三款更加係彈牙到呢,唔識形容;最正是墨魚丸,彈牙得來又有咬口,只因在手打丸中加入墨魚肉粒粒 墨魚鬚:.淥左幾分鐘,轉晒色,又爽又有鮮味,真係好味; 聖子: 爽口不過個人認為浪費,因個人喜好是蒜蓉蒸比較美味😝 椰菜餃拼韮菜餃:咁大個人第一次食兼第一次聽椰菜餃,嘩...好有椰菜的爽脆,再夾雜著肉碎,好好味,韮菜餃相對失色,大眾化口味 手砌肥牛:冇根唔痴牙,肥瘦適宜,著好耐都唔會感覺老死,最重要碟仔細細,原來牛肉叠了幾層👍 菇拼盤,算是一大堆肉之中,食番d齋作平衡 難怪係d咁唔就腳的地方都晚晚高朋滿座啦,其實佢價錢唔平,不過食完一次之後,就肯定會再來encore 推介美食: 墨魚鬚,手切肥牛
評分: 味道 5 環境 2 服務 3 衛生 3 抵食 3
2013-04-03
位於中環德己笠街的穴藏,近年來口碑不錯,早已引起興趣,難得朋友邀約,第一時間報名 是晚四位食友,先打頭陣的是刺身盛合,共有吞拿魚、牡丹蝦、帶子及即切不知名的魚一條,幾款常見的刺身肉質新鮮幼嫩,不在話下,帶子爽甜;牡丹蝦鮮味十足;上面的蝦膏更是人回味無窮。 此刻,服務員奉上一盤清酒杯,各有不同的SIZE及造型,充滿玩味的感覺,隨意取過一杯,喝一口冰凍的純米吟釀,讓米酒香氣在口腔內遊走,不亦樂乎。 天婦羅可說是店方的名物,加上師傅在油溫的拿捏準繩,令碟碟都是傑作 而沙槌魚是比較少吃,想不到上漿粉炸過後,肉質香嫩幼細,魚香濃郁,看看置底的吸油紙,沒半點多餘的油份,已經知道師傅的功力。 海膽松葉蟹是店方自創菜色,連加一差不多要一百塊一件,用料當然不馬夫,松葉蟹肉經高溫炸過,肉味更濃,而海膽入口即化,有幸honey 吃了一口不喜歡,便座享漁人之利,食埋落肚😝 南瓜肉已經帶果甜,而炸南瓜片鬆軟柔糯,不俗。 這個炸蛋黃,外層是鬆化脆漿,內面是濃郁的蛋黃,一口吃整個,金黃的蛋黃緩緩流出,香味隨之而來,簡單而邪惡,食完encore 說到雪糕,柚子清新,甜酸適中,可說是近來最愛的雪糕。 看得出店方在用料上剩再加上師傅的功力,相信對日式餐廳有要求的客人,絕對不會失望。 推介美食: 炸海脆,炸蛋黃
評分: 味道 5 環境 3 服務 4 衛生 3 抵食 3
2013-04-02
食飽午飯,honey 想到灣仔Passion飲咖啡,點了 Mocha- 朱固力味好香,甜度適中,最正是完全沒有苦味 Latte- 口感幼滑,啡味突出 Cake- 排櫃內七彩的cake, Tart 實在令我眼花撩亂,最後選了粟子cake-先講粟子muse , 充滿粟子甜香,配上滑一滑的cream, 真是perfect match. 最估不到是食到中心,原來有芒果粒粒,芒果得嚟又無搶到粟子味 如不是之前已食飽飽,真是想食多幾件 臨別,門口的包包飄來的香氣,令我買多幾款包多帶......下回分解包包 推介美食: Mocha
評分: 味道 5 環境 5 服務 3 衛生 4 抵食 4
|