2點幾去到,已經排長龍,有意料之外。原來係個包未出爐.......
個包一欏到手, 已經係凍既.....返到公司放左一陣先食,
以為佢係硬身d同乾D, 估唔到佢好軟, d cream chesee 好多好濕. 其實係甜甜地,香奶味.
不過食一舊都好漏下......兩個人食一舊可能差不多...買其他包係唔使排的。

今日又去飲茶, 要食埋其他未食過的!一籠八戒: 就係叉燒包! 個樣十分可愛, 不過冇見住流奶咁突出....呢個就用樣貌取勝皮蛋豆腐豆腐好滑, 不過好淡口, 一定要夾住d皮蛋一起食.....清清淡淡都幾好橙棍冬瓜:呢個應該係甜品.....因為佢係橙汁味既冬瓜, 入口清甜爽口.....鹽水泡鴨:開頭以為真係得鹽水, 原來仲有花椒八角等, 口味好重,但鴨內嫩口鮮美....唔錯污糟撈面:味道都幾好,不過上台唔係太熱...

之前去過荃灣的荳子, 感覺不錯, 沒想要連將軍澳也有一間,馬上排隊。可能午餐時間, 人流比荃灣那間少人。等了2張台就有位。點了個午餐和一個all day breakfast. 餐飲的那杯姜茶十分淡......早知加錢飲其他All day breakfast: 那個貌似bagel的, 是甜的。感覺似waffle那種質地,幾香口。再額外加$25加個蛋糕,點知好失望。那$25只能係當買佢既賣相。質地好似放左好多,水份都有點乾掉的感覺。

美心旗下的M18, 估唔到d包咁好食。可惜冇一間近我。All day breakfast: 個包好好食, 好香軟,少少甜....好想買返屋企食。其他d食物都幾好味.餐湯:唔夠熱, 不過就正常餐飲:好一般.....咖哩雞配農夫包: 咖哩好香, 雞肉就鞋d.....不過個農夫包好好食....流心芝士撻:好好食~~~雖然好邪惡....全個撻都係忌廉士, 香甜又奶味重......個皮又夠脆

以消防局做主題，環境氣氛十分好。

而家做緊半價的鐵板芝士雞，$68好大碟，都幾抵！

我地叫左幾樣都唔錯。

鐵板芝士雞:微辣，芝士好多，味濃，所以好香口。

芥茉蜜糖炸雞:芥茉同蜜糖味唔出，不過炸雞啖啖肉，啲肉仲好滑！ 飯卷:就普通貨，覺得有啲甜！

生菜包牛肋肉: 原來係要自己燒，燒完有啲淋有啲就靱，不過味道幾好。

牛肉海鮮鍋:忘記左個名，有大量菜，食食下有啲辣。普通。不過牛肉好淋，不過好少。

佢話送的韓版童星點心麵，都係童星好食啲！

總體黎講都幾好食，下次再黎吧！

呢間店好少要等位，所以想食點心又唔想去茶樓就會諗起呢度。

呢度既點心比普通茶樓精緻，所以價錢都會高少少。

今日叫左幾款賣相吸引既點心。 水母蝦餃: 外型係橙色小水母，係加左南瓜汁落個皮度，不落食落完全冇味。蝦肉就好爽口。 雪影叉燒包: 食個時諗起菠蘿叉燒包，不過呢個皮係脆啲同少小咸味，我喜歡菠蘿叉燒包多啲。 蛋包糯米飯:呢個普通，只係個名特別啲。糯米飯比較濕，所以冇左咬口。 小龍包:比頂太豐好食。汁香皮薄。包皮的顏色完全食唔到有特別味。

春風得意腸: 其實忘記左個名，但同出面做法一樣，又香脆蝦大又爽！

總體黎講坐得舒服，食得開心。

朋友生日飯, 選擇左係呢間餐廳食。見團購價幾吸引, 評價又不太差，好彩冇中伏。

餐湯同包就普通野, 粟米湯好甜下。

主菜叫左西冷扒同三文魚扒同蘑菇意大意飯。

西冷扒雖然無咩牛脂味, 不過做到幾嫩口。

三文魚扒煎得幾香, OK.

蘑菇意大意飯就得唔到大家既歡心, 因為比賽硬身同漏。

另加左$28轉左心太軟, 不過太甜。

其實全部野普普通通, 回頭率比較低......

黎呢度，應該係環境因素，因為呢度既環境確實係有用心的。
環境比想像中大，到處用了舊舊的桌椅和裝潢。
我們兩個人都相當肚餓，諗好食咩就馬上出去排隊俾錢。呢度係自助形式，俾錢後就俾個震震器你等佢震。
最先上台係三杯雞飯，同藥膳排骨湯飯，上台賣相十分吸引。
由於我唔食蒜頭，所以三杯雞飯我只能食雞肉粒。雞肉比較乾身，而且份量好少，飯底全部係油。
好彩有啲配菜，菜甫同豆芽，唔係就dry死了。
藥膳排骨湯飯個湯比較啖口，同肉骨茶就差天共地既分別。而且排骨有啲鞋。
飲品叫左冬瓜檸檬茶，朋友話ok。
我個杯杞子桂圓紅棗茶食完飯先黎，等到我以為漏單。呢杯好足料，不過要$40又好似貴左啲。
仲有一個香辣炸雞，都幾香脆，只係少少辣，幾惹味。⼀

星期五下午，黎到個時得幾台人，隊都唔使排幾好！
叫左個二人tea set:
個tea set一共三層，有甜有咸。我地好肚餓，馬上食左啲咸點先。
上層既鬆餅以有提子乾個款好食啲，比較乾身，一切開會馬上碎曬。佢都好香牛油味，不過我喜歡食朗庭酒店個種。
幾款咸點其實都幾好食，唔係一般好行個種，精緻而細小，通常一啖食曬。
有款點松露墶仔幾好食。
甜點個幾個蛋糕仔反而失色啲，有個紫色食唔出咩味，其實個個都好甜下，朱古力係香滑，但太甜又食唔落。
咖啡好一般，下次叫茶好啲。
整體感覺其實都幾好，價錢可以接受同服務都幾好。

突然好食日本野, 於是黎到食評不錯既小平津。
叫左野, 突然係台放低碟前菜, 由於我地唔食牛利, 所以叫佢拿走,好彩最後冇計我地錢。
叫左幾樣比較多人點既食物, 其實都唔錯, 不過冇咩新鮮感。
個人比較鐘意食軟殼蟹牛油果卷,個味岩岩好
另外個豚肉烏東上台時豚肉係生的, 要靠個鍋既熱力先會熟,可惜個唔係想像中咁熱,要放好耐先會熟
荔枝煙肉串燒冇想像中咁特別, 只能說試一次就夠
燒雞翼都幾好, 不過雞丸串比較特別,一定要叫