山長水遠來到呢間farm to table嘅餐廳，果然食材都新鮮美味！午餐時間，人頭湧湧。 午餐叫了兩個set，一個雞扒，一個pizza。 餐湯係西蘭花青豆湯，正常。 加了錢點了一凍一熱的Mocha，朱古力味比較苦，本人喜歡香滑奶味重的，所以這個一般。 雞扒皮脆肉嫩，又有雞味！配菜新鮮，味道滿分。 Pizza 惹味香口，餅皮外脆內軟，保有水份。 十分好食！完全不可以跟Pizza HXX那些比較。難怪很多人叫Pizza!

這間餐廳位於小巷中，晚上更昏暗，如果不特別走入去，很難發現。 平日晚上6點幾去到，室外吸煙台坐滿人，室內只有一台客人。 室內環境不錯，也算整潔。我們叫了一個安格斯牛柳粒配日式泡菜芝士撈烏東，荔枝梳打及燒鵝肝。 安格斯牛柳粒配日式泡菜芝士撈烏東: 牛肉不錯，肉質軟多汁，烏東彈牙，可惜芝士汁原全是韓國芝士麵個隻味。感覺似將包湯粉煮呢個烏東，即時感覺廉價咗。而且非常漏，食幾啖已唔想食。 荔枝梳打:唔算太甜，清新又有原粒荔枝肉，好飲 手打和牛漢堡: 漢堡扒多汁，香口，中間有份芝士脆片，十分好食。薯條有落調味料，好食！ 燒鵝肝:好食但忘記影相

呢間小店由厨師一人一手包辦，所以食物款色不多，主要係日式的料理為主。 因為店內座位有限，很多時會客滿，以及留意彈性的開店時間。今日是1230開。 店內環境佈置，明顯是厨師的愛好和收藏，充滿懷舊的童趣氣氛。 我哋叫咗一個牛肉烏東同一個炙燒豚肉丼。另外再叫咗一支山形的樽仔奶茶。 牛肉烏東湯底比較淡味，牛肉肉質正常，烏東Q彈，充滿蔥花的香氣。 炙燒豚肉丼比較香口，充滿蔥及麻油味，豚肉十分爽口好食，正！ 樽仔奶茶選了現代口味，不甜，但本人喜歡奶味重，這個味道不及茶餐廳的味道。

波士頓是一間老牌港式牛扒店，新裝修過，價錢也不同了。 我哋叫咗兩個火焰牛柳套餐，一個黑椒汁，一個蒜蓉汁。包餐湯和包，仲有一杯飲品。 餐湯和包:叫咗紅湯，比較濃味同咸過頭，餐包只係微溫，口感一般。 火焰牛柳:賣相十分驚艷！店員先把牛放在一邊，倒上酒精再點火，在熊熊烈火時放在你台面。眼睛先吃！店員會提你先準備好餐紙遮擋濺出的汁，也算貼心。 甚本上幾個牛扒餐的牛柳都係一樣，只係煮法不同。建議叫這個比較特別。 肉質方面，比想像中軟滑，有肉汁，可以叫三成五成生一點，鐵板會令牛肉再熟點。不過黑椒汁都係比較咸，可能厨師比較重口味。 整體來講，用餐過程十分愉快，整潔程度中規中矩。

第一次食呢間餐廳，我哋係附近想快食走人，見有位就入去。 入到去位置都幾逼，由於我哋唔算肚餓，叫咗個小菜同兩個飯，諗住快啲食完就走。 上菜完大約30分鐘我哋已經走人。食物味道其實唔錯，但冇諗過過程中會因為叫得錢少俾人白鴿眼。埋單時更加十問九唔應，又大大聲講要300先可以碌卡之類，大家心情頓時不好。 原來食餐飯，要叫夠錢都好去食。我哋都禮貌相待，亦都快啲交台俾佢接其他客，都要睇面色。 咁樣呢服務態度真的不能苟同，沒下次。😤

呢間餐廳以為只係普通西餐，冇諗到原來有驚喜。 為了同朋友慶生而選呢度，餐廳有兩種set dinner,大部分人都係選擇set。 我哋叫咗個封門牛柳同燒羊扒。 另外再加錢叫咗牛肉他他同香煎法國鵝肝，朋友説味道很好。 然後餐包都好食，牛角包🥐又香又趣，另外忌廉包也很不錯。 頭盤燒八爪魚配粟米芯，八爪魚有少少韌，味道新鮮開胃。 刺身也很新鮮好吃 粟米湯香甜，龍蝦湯香濃 美國頂級封門柳，5成熟。有牛味軟淋可口 澳洲羊BB架，3成熟。朋友說好食，本人覺得太生 兩款甜品不過不失，甜品一般，又可能我哋已食得太飽。 服務非常好，下次轉餐牌，會再去食

睇咗介紹，睇了食評，又提早好多book台先食到的餐廳。原來只能夠係相機先食的水平。 先講環境，餐廳係兩層高的高樓底建築，以木系傢俬為主，花草為襯托，加上恐龍🦕牆繪，有啲森林又有啲玩味特色。 食物方面，叫咗兩款腐皮壽司🍣，如果係呢間餐廳招牌菜的話，可以話無乜特別。 魚子玉子腐皮壽司和蟹膏魚子腐皮壽司，味道只能講不過不失，無論係飯團嘅質感同食物味道，都沒有特色。 炸物拼盤看起來份量很大，外皮炸得算脆口，但安格斯牛柳炸到全熟，很韌很乾，浪費了食材，只好食係炸糖心蛋，其他炸蘋果，炸薯仔，炸鰻魚等，也是物非所值。 最好食可能係個魚子溫泉蛋烏東，是creamy的，可惜用了最平便的烏東來做，一點都不彈牙，可惜。 總體而言，我不會再去，影幾張相打個卡，真係一次就夠。

見到有特別的panger，又平，值得一試。 雖然主要做外賣，不過都有3位位俾人速食。 服務態度幾好，有禮貌。 $48有杯野飲，有薯條🍟，有奶茶，真係幾抵。 奶茶當然比不上茶餐廳，不過餐飲選擇唔會得汽水。 豬柳蛋班堡，份量好大，個包係pancake咁，香甜鬆軟，幾好食。個蛋份量好多，雖然稱不上滑蛋，但呢個價錢，同麥記個個冇得比。 薯條熱辣辣，香脆可口，一定比麥記好。 見其他店薯條仲有其他選擇，希望佢遲啲都會有。下次想食經典漢堡！

ion是位於翻新後的中環街市內，環境比較舒服的餐廳。我們坐在窗邊，可以望到樓下人來人往的情景。 侍應推介了我們一個小食拼盤，在8個小食內點四樣，每款兩件。 每樣都好食，不過味道比較濃。當中和牛粒好好吃，又嫩又香，值得一讚。 香辣蝦醬海鮮意大利麵 一開始怕蝦醬味太奇怪，沒想到也很特別，海鮮都做得出色，不錯。 避風塘炸魚薯條 很香口，不過炸魚很咸，但很惹味。 當時發生一件小插曲，侍應小食拼盤落錯單，沒有上炸魚薯條，而是上了我們都不吃的牛脷。由於第一次來，吃完才發現上錯了一樣。另一侍應說會幫忙跟進，後來再補上。但埋單發現所謂的跟進原來是幫我們點多一碟炸魚薯條，是要付一碟的價錢，也沒跟我們溝通。不過最後溝通完又幫我們取消了收費，算是圓滿解決。 COT 檸檬茶加酒，調得不錯，清新 除了落錯單，食物方面其實不錯，下次會再來吃。

始創於1975年的峇里餐廳，今日換個新形象易名峇里堂再開始。雖然以前我未食過，估唔到新店咁有驚喜。呢度環境十分文青，打卡影相一流。 午餐有得加少少錢配餐飲。我哋叫咗個甚摩汁牛仔骨金貝飯，個汁同金貝飯幾特別，少少甜幾濃郁，可惜牛仔骨啲肉比較鞋身。另一個峇理堂海鮮煎都幾特別，個汁似係加多個醬，甜甜咸咸咁，海鮮煎餅有少少似蠔仔餅，重蛋香。 另外跟餐杯鮮奶咖啡幾唔錯，朋友點的飲品都十分滿意。 係呢度打影相打卡一流，有街景，同陽光大窗。