聖誕節晚，尖沙咀到處是人潮。好在這間可以網上預約，十分方便。 7點幾到了，人不多，店內播着音樂十分relax. 兩個女仔點了個雞亦同意粉，還有特色迷你漢堡包。 漢堡包是最好食的，面包皮十分脆口，醬汁配合得十分不錯。黑豚肉漢堡扒也十分香口，肉汁配上芝士，一流。 再來是香辣蒜味意粉。食了一啖，真的十分味濃和咸！連朋友都食不了，唯有向店員提出𩓙問。店員十分友善，馬上處理，叫我們換一個意粉。 換了這個蟹肉意粉。其實意粉口感尚算彈牙，可惜都係偏咸。我們意識到可能是這裡食物的特點，店員也再次詢問口味是否合適，可惜都係偏咸。可能我們不食得太咸吧，也就算了。 這個雞亦十分不錯，推薦！香口惹味！ 再點了兩杯特飲，味道不過不失。

一直回味緊台灣的台式火鍋，101的評價好像不錯，所以終於來了。 環境十分不錯，服務也十分好，我們點了個台式香辣三杯卜卜蜆涮涮鍋。 一上鍋已經十分吸引，店員説太辣加湯就不辣了，真的很貼心。 上台再有前菜，無限添加，味道十分不錯。 最後上了一台的食物。魚皮十分香口，牛肉一點也不韌，沾上濃湯很好吃。另外的特色肉丸也不錯，其實吃完已很飽。 飲品方面值得一讚，好大杯，不是行貨，朱古力香濃。

呢間食過幾次唔同的分店，食物水準都保持得不錯。 點左個柚子沙律，味道酸酸甜甜，十分適合做開胃菜。但又不是我食過最好食的味道。因為佢汁比較少，上面的柚子係冇調味過。 再點左甜咖哩薄餅，有兩種薄餅配食，好好食，看似細份，但足以飽肚。 最後點左個西貢撈米粉，個汁十分出色，酸酸甜甜，入面又有好幾粒魚蛋肉丸同大蝦，十分好食。

呢間成日排長龍既美式餐廳，排左兩次，終於唔算等太耐就入到座。 是夜星期一的6點幾排隊攞籌，未攞到已被通知要等45分鐘。於是攞左個提示器就行下街先。 入座後我地有卡位座十分開心。服務都不錯，可能人多服務員都忙不過來吧，會落錯攞錯埋錯單。原來佢地仲有午餐！ 首先上左餐包，有黑糖飽同法包。味道不錯，當然冇outback的黑糖飽咁好食。 叫左個蛋餅包牛油果卷，不過冇相。非常大舊，味道點個汁會有咸咸甜甜的味道，甜口不過好快飽。 呢名點左個蒜香雞肉蝴蝶粉。味道好香濃，不過又係分量好大，加上個汁好漏，食唔到太多。 最後為朋友慶生，點左個士多啤梨chesse cake. 三位服務員會為生日者唱生日歌，呢點非常好，蛋糕好香滑，味道好豐富，值得再黎。 呢間餐廳適合人多黎食先得，分量太多，人少會食唔曬。

呢間餐廳個位之前係食韓國野，之前黎過幾次，而家再黎已經轉左。 以為以八哥為主題，上到黎其實冇乜特別 。 今次係openrice訂座，入座時同職員提過并確認有9折，點知埋單都係冇俾折我，呢度扣分不少。 食物方面，我地叫左隻燒春雞同卡邦尼意大利飯，加$35成為套餐。 餐湯係雜菜湯，味道偏淡，另外個沙律新鮮好味。 燒春雞賣相非常好，雞腿部分肉嫩多汁，味道香口皮脆，雞胸位就比較冇味同鞋。 卡邦尼飯有隻溫泉蛋，味道同飯既質地都唔錯，不過份量不多，男士一個食有機會唔飽。 再外加$10叫左八哥青檸特飲，冇咩特別。

同朋友慶生，原本開開心心，叫左咖哩野菜烏東、芝士蛋捲、豚肉炒野菜、藕片夾豚肉。另外仲叫左熱既日本酒。點知..... 先講咖哩野菜烏東，比想像中要逊色，烏東可能放得耐左，可能過左5-10分鐘，已經好難分開，沾上湯汁都唔係覺得特別好食，加上佢係幼身既麵質，冇想像中軟韌。 返而芝士蛋捲比較好食，少少甜，蛋卷香口，芝士流出。 豚肉炒野菜用鐵板上，豚肉肥瘦合適，香口惹味，算係最好食的一樣。 藕片夾豚肉的豚肉好少，幾乎食唔到，只有厚厚的炸粉，我地食剩好多。 最後叫的日本酒真係一肚氣，埋單先發現多收每人20的佐酒小食，而小食只係最先上菜既薯仔沙律！我開頭還以為係其中一樣食物既配菜。 之後問返職員，職員先講叫酒要加收小食錢。酒水牌度有寫，我叫佢攞返黎睇，我點既酒係第一頁，個句加收錢既句子係第5,6頁最底一行細字。 我問返佢地個句唔同一頁，每頁酒水種類又唔同，你覺得啲人知道係呢個意思？ 之後個女職員解釋話日本傳統酒水係有呢類小食，佢地跟返咁做。我話你地預計人地第一次黎，會咁了解你間鋪咁樣收費？加上我點既時候你地又冇提過要加小食錢。 之後女職員無聲出，講左句唔好意思就走開左。 我覺得係我知情既情況下要我俾錢無問題，但而家咁樣係明屈既感覺！再加上處理態度係覺得佢冇問題先最嬲！ 以後我都唔會再黎，各位小心隱藏收費。

是夜同朋友坐係室外既地方，望住香港夜景真係錦上添花。 室外不提供火鍋，所以我隨意點左一啲比較特別既野食。 豚肉卷飯團--三味盛盒 有原味，芝士味同辣味。都幾特別，好飽肚。 海老牛油果美人卷 味道清新，紙米卷的做法同越南做法一樣，好睇又好食。 鰻魚梳乎厘玉子燒 比想像中啖口，並不是如梳乎厘pancake既軟滑，而係有少少空氣感既熟蛋。少少焦啡，蛋香撲鼻。 炸粟米塔 開頭以為係咸食，原來係甜品，上面係雲呢拿雪糕下面係炸栗米，好食爆谷同炸米通中間既口感，都幾漏下，好飽肚。

我同朋友都愛韓燒，奈何我地燒野技巧有限，次次都覺得燒得麻麻好食。 今次呢間新開，人少少就試下。 叫左個牛肉拼盤。賣相相當不錯，價錢也合理。 拼盤內有牛舌，牛肩肉，牛小排等牛肉，兩個人食份量啱啱好。 雖然店員已解釋燒肉程序，可惜我地燒得太論盡，靚女waitress 過黎幫我地燒。 專業的果然係唔同，燒得好快又好食！(我偷偷地望個佢個名，好似叫Miu) 唔知係靚女waitress燒得好定呢度啲肉真係好食，牛舌燒到好似薯片咁脆口，牛小排嫩滑多汁，大部分都牛味十足。 最後係燒正方最大的牛肉，由於靚女waitress 因為人多而俾返我地燒，我地果然燒得冇咁好食。 而鐵板三邊的蛋醬，我地加左20蚊既芝士粟米，都唔錯，蛋就都係冇乜味。食完就勁飽。 最後食埋個甜品雪糕窩夫完結晚餐！估唔到窩夫都做得唔錯，外脆內軟，十分香口！ 多謝是夜靚女waitress 的招呼，下次再幫襯！

同朋友在沒有訂座, 沒有期望既情況下, 選擇了這間餐廳。
由於時間不多, 叫了三個食物, 沒想到竟先送來餐包。
係我最愛既黑糖包~ 水準比outback只差少少, 不過都香甜軟熟, 十分好食。另外個支麵包條就覺得硬左少少。 芝士蘑菇釀雞亦: 芝士十分香口! 夾埋蘑菇既問題真係一流,啖啖肉! 泰式豬頸肉: 有肉汁, 一點都唔乾! 又香口又美味, 加上特別調製既辣醬,真係十分好食! 鹽 焗盧魚配芝士焗蔬菜: 侍應小姐會係你面前敲碎個鹽殼, 之後就可以自己拆魚肉黎食。不過呢兩樣都一般, 魚肉唔算鞋, 不過無咩鮮味, 反而味道似泰式明爐盧魚, 不過鹽 焗冇汁冇湯, 一d都唔入味。 中午佢有個semi-lunch,下次一於黎食下先!

沒想到我家附近的清涼法苑內, 有一間如此文青味重的小店。一進入門口, 以為應該人很少吧! 沒想到有一家大小, 有少女結伴同遊的, 也有帶狗狗一起嚐茶的也有, 室內基本坐滿人, 好不熱鬧。門口玩味重的鐵凳, 十分好玩。台上擺設也是用室外的紅花綠草來點綴。由於來的時候有些食物和飲品已賣光, 所以點了一壺法國玫瑰花茶, 朋友點了青檸旺來冰。

玫瑰花茶就正常,青檸旺來冰朋友就說像飲雜果冰。點了一個黑糖甘荀困果仁蛋糕，味道十分不錯, 每一口都充滿了果仁的味道, 不太甜, 剛剛好, 口感豐富。室內還有不同類型的書買。下次再來吧, 寧靜的時光真令人嚮往,而且這裡的食物質素也比想像中好~