今日，朋友為我慶生，帶我黎到呢間樓上cafe玩貓貓。呢度同荃灣間貓之茶坊比雖然地方細好多，不過食物味道比較有質素。
一入到門口就有一陣味，好彩過一陣就適應左。
我地點左玫瑰花醉雞亦同咖哩烏東。玫瑰花醉雞亦賣相好靚，味道不錯，有淡淡的玫瑰花香同酒味，不過肉質有點硬。咖哩烏東係日本甜烏東，味道香濃小小甜，裡面有少量薯仔同紅蘿蔔都十分不錯。有兩大塊豚肉，不過有點韌。另外各點左杯綠茶牛奶，話係用小圓山既綠茶粉，又真係幾好飲，又香又順，不過都幾貴。

最愛搵新餐廳，一來有新鮮感，二來通常唔使排隊。位於厚福街既呢間草民十分啱我心水。一入到去環境十分討好，十分啱女仔。有白木屋仔小草地，好似野餐咁十分厄like!
食物質素都喜出望外，兩個女仔最後叫左:海鮮意大利飯: 意粉軟硬度十分好，而蝦爽口青口不錯。味道很好。煙三文魚牛角包: 好大個牛角包！松脆好香牛油味，煙三文魚都唔太咸，啱啱好。草地滾球:呢個甜品十分吸睛，用個(除)仔扑爤個朱古力球就會見到內裡既美味。草地係綠茶朱古力爆炸糖脆脆。個蝴蝶好似食得，好靚，不過冇食。另外叫左個玫瑰花茶，味道正常。放左草地上十分靚。

由於還未到3點多士出爐時間，唯有食住麵包頂下癮先。呢度環境幾悠閒, 人少少的話, 聽住音樂飯杯咖啡都幾享受。

麵包既種類唔算多, 但賣相都好吸引。叫左杯Latte,  估唔到賣相唔錯之餘, 都幾好飲。咖啡幾順口, 配埋飽點一流。我點左一個牛角包同薄荷忌廉包。

牛角包超好食~上面佈滿杏仁片, 而且有d芝士忌廉係個面，夾埋一齊口感好豐富。

反而薄荷忌廉包個質地比例硬身, 加上雪過佢凍凍地, 口感一般, 沒咩薄荷味, 只係點綴而已。雖然賣相十分靚~下次有時間再食下個多士先!!!!!

在元朗覓食，黎到呢間睇起黎食評幾好既西餐廳。入到黎環境尚算不錯, 昏暗的情調加上音樂, 令人覺得舒服。
我地點左煎魚同埋韓式安格斯牛柳粒意大利飯。

煎魚已忘記左菜名, 上面有粒帶子下面有薯蓉。整體味道不錯, 就係魚面太咸, 魚肉算幾爽口彈牙。韓式安格斯牛柳粒意大利飯比想像中遜色，因為飯既質感太似湯飯。牛柳粒就不過不失。加$1 有多個煙三色文魚, 就加左。比想像中又好喎! 唔會太咸, 味道唔腥。餐湯係南瓜湯, 幾清甜, 不錯。再加左錢轉餐飲, 又係忘記左個名(失憶), 不過都唔錯, 唔會太甜。

K11又有新餐廳, 聽個名都覺得好詩意。以花為主題，門外係花店，一齊黎做一回文青慢慢細味當中的氛圍吧。

原本以為相機先食的餐廳，食物水準應該好一般，可惜我錯了。

就以和式all day breakfast 為例(店員的介紹XD)，關東煮或玉子卷都十分有誠意! 
豚肉生姜燒香口，有肉汁十分好食，可惜配菜好少，如果加多少少蔬菜會更健康。

梅子梳打都十分好飲。

好似身處後花園裡食野咁, 唔趕時間的話慢慢品嘗也不錯!

又係相機先食既high tea set!

甜點十分精緻，味道都相當不錯。真係靚到唔捨得食! 花花點綴

青瓜蟹肉沙律:一啖放曬入口, 清新好味!

同吞拿魚:好好食，口感豐富。

朱古力: 有幾隻味, 綠茶味唔錯

烤南瓜蓉: 呢個好特別.....

其他都唔錯, 不過馬卡龍就甜左D.
花茶方面, 賣相不錯, 但味道一般般, 玫瑰蒿麥茶玫瑰味比較下，另一杯反而好D.

呢度係閨蜜共聚，慶生的好地點。餐廳仲有其他主食，賣相同味道都相當特別，下次要再食其他!

元朗出名多美食，不過有時都要撞下彩。

今次聽朋友介紹，黎到呢間餐廳。

食飯時間唔算多人，得兩條友食中菜比較難叫送。

紙火鍋蟹粉小籠包($78)：香濃魚湯底 浸住蟹粉小籠包, 賣相都十分唔錯, 食落十分香口。小籠包皮薄多汁，餡料肉質鬆軟，蟹粉味道鹹香濃郁，只係覺得整體偏鹹。石鍋鮮蟹粉蛋炒飯 ($88)：呢個份量細細, 只有兩小碗, 蟹粉香濃, 配上飯焦十分香口。醉雞: 呢個好失望, 雞肉不多, 肉又唔嫩, 只係酒味香濃敗到肉質。呢間人多先可叫多幾樣, 下次叫多d人再食過。

係紅磡火車站附近，想飲咖啡除左pacific coffce，其實仲可以選擇下小店。
呢間coffce shop店面簡潔，咖啡冲調十分講究。
開頭還以為只有咖啡出色，原來他們對食物也很講究。
午餐時間，通常都坐滿人，價錢由$68起，有意粉同三文治可供選擇。加左$6叫左杯latte, 十分順口，拉花也很用心。不錯。我叫左個德國腸香蒜意粉，有沙律供前菜。意粉十分香口，餐飽都十分好食，原來係出自某大酒店的面包供應商。
去得多連鎖食店，不仿品嚐下其他小店既獨特風味。

聽聞呢間係韓國出名既雪糕店，雖然去韓國個時冇食過，反而而家係屯門可以食到。雖然叫tiramisu ,不過似雪糕多啲。店員叫我地食左上面啲雪糕，然後再攪拌下面黎食，開頭都唔太明白，上面係香軟既牛奶雪糕，十分好食，唔太甜，反而食到下面，有更香濃既牛奶cream，可惜太甜，我一直以為下面會有會有tiramisu 蛋糕底，咖啡酒，原來都冇。所以店員叫我地攪拌，否則真係太甜太膩。索價$43其實都幾貴，不過個高腳杯又幾靚，食一次又何妨。

黎到老夫子餐館，兒時回憶一下子回來了。餐館係有用心設計的，等候區除有座位同水供應外，還有多個招牌老夫子，大蕃薯像俾大家隨意影相以打發時間，因為隨時等半個鐘以上。是日中秋，我同朋友5點多到，差不多6點就有位，不過要搭台。我相信要好運先可以坐卡位吧。個餐版好靚，菜名全部都像老夫子式招牌題目。兩個女仔點左黑椒豬扒鐵板飯:比想像中出色，豬扒又香又嫩，鐵板熱辣辣，好好食！金枝玉葉:即係芝士焗薯皮，都好香口，芝士味香濃。蕃茄芝士濃湯:果然香濃，酸酸甜甜十分開胃。香橙梳乎厘:好大個，多4個人食。賣相十分吸引，有香橙味，可惜甜過頭，減甜再點淡奶應該會好食啲。雜味水果茶: 香甜，冇茶苦味，賣相都十分靚！
原本以為賣主題既餐廳食物味道就會打折扣，原來都有例外既！