試過天后出名既蛋餅，相對下呢個手抓餅口感更加豐厚口味更加多元化自由配搭 醬汁方面有沙律醬 同辣粉 好鬼惹味

不得不讚老闆好主動，見有人睇就直接俾紙我落單珍惜每一個客人。

第一次食就試左穩陣絕配既 芝士雞蛋雞肉配沙律醬同辣粉。

香而酥煎到帶微脆既手抓餅包住半溶芝士搭嫩雞肉一齊食真係好正。

PS.麵團都獨立包好每個即叫即整絕對新鮮熱辣。

好鐘意呢度氣氛，有室外同內揀最正係叫啤酒有花生俾你食完係就咁丢係地下即可。服務生都唔會黑你面。

今次嚟叫左碟雞翼同漢堡

雞翼hot wings 令我有d失望太乾過哂火，個醬得個辣字。

漢堡令我驚喜，配菜有洋蔥圈同薯條新鮮炸起份外好食就算最後凍左味道都唔會差，再嚟漢堡肉好有炭烤香肉汁夠唔over cook好食。

我有時間都會嚟happy hour食晚飯，價錢工道環境舒服令人放鬆。只係行過嚟有d唔太方便。同南華會會員免費入場，唔想申請每次俾$10入場就得。

拍拖搵食今次嚟試左呢間火車聞名既cafe, lunch 時間一到成間餐廳即時9成滿坐好彩我早嚟可以坐較裡面靜少少。

午餐70至90蚊左右，有意粉/焗飯，pizza包餐飲，加10蚊可以轉特飲。

叫左2個set 巴黎牛柳粒扁意粉，牛柳粒煎得啱啱好非常好食意粉亦好入味道底配青紅椒。感覺非常健康。

pizza，新鮮熱騰騰脆餅底加上青紅椒雞粒料非常足。

口痕添左個小食，份量都幾大，有少少食唔落，不過d薯角真係好惹味好食再飽都食多幾舊。

唯一美中不足係咖啡並不出色。所以冇須加錢轉特飲都可以。

公司團年，第一次上嚟試果然冇失望成班同事都好滿意。首先晚市佢會訂立每位人頭$300，再因人數而定叫可以係菜單隨自己喜愛揀菜，有涼盤，湯，主菜等。如果想另外再加菜就$100一道，份量會因人數而定。

招牌涼麵，眼見枱枱都叫，嚟到果然不負所望，秘制辣椒醬係面，香辣帶小麻加埋涼麵真係絶配。

涼拌本耳，涼拌皮蛋，口水雞，木耳比較清新，皮蛋會較重豆豉香，口水雞幾滑美中不足係有碎骨而且量較少唔夠候可能係前菜關係。

水煮牛肉，毛血旺，一大窩上嚟紅當當，但唔會辣到食唔到。

辣子雞，辣子蝦，個人較愛蝦，蝦大大隻炸到脆卜卜連頭食都冇問題隻隻有蝦膏而且啖啖肉鮮甜美味食完仲會有小小麻辣係口腔度。

雞都唔錯唔會炸到冇肉食。

回窩肉，太甜同平時食既分別太大。

糖燥豬里肉，酸甜適中好好食送飯一流。

番茄蛋花湯，簡單一個湯，酸甜味中和左滿口麻辣味，好清新令成餐飯更完滿。

店屬私房菜記得要打電話訂位。

只收現金，冇加一。

睇得多韓劇，不斷見到炸雞，啤酒，泡菜湯，燒五花肉等等等等，真係令我時時有條癮想食韓國野

收工諗食咩自己一個本來想是但食碗粉麵點知行過見到價錢合理又有位咁就入左去。叫完泡菜湯大概6.7分鐘就有得食，熱辣辣又惹味既湯底加上滑豆腐少許豬肉同泡菜煮出嚟既湯酸酸甜甜辣辣再配韓國米煮白飯又暖身又飽肚。

煲仔飯食得多數係臘腸排骨，雞，白蟮等等。今次朋友帶我嚟試特別既海鮮煲仔今。

我哋一人一個煲套餐連老火湯油菜

抵食。老火湯足料冇味精仲要原盅上。正。

豉汁聖子粉絲，原先擔心粉絲會過硬唔夠味等，但嚟到只係加小許豉油即可。 豉汁配粉絲一流聖子新鮮不過得兩隻，飯都乾身有飯焦。

另外一個煲就金銀蒜粉絲扇貝，有3大粒新鮮扇貝同樣新鮮美味。兩者較喜愛豉汁。

如不喜愛海鮮普通臘腸煲仔飯都有

屋企付近開左一段時間，終於有機會嚟食。

小店形式老闆係日本人，午飯時段都幾多人，因屬小店坐位不多所以想食好野就早小小去攞位。

午市套餐大概7x至9x不等

雞蛋沙拉炸雞件套餐

set好足飯湯小食，雞好好食一貫日本揚物作風唔會乾肉好嫩加埋個雞蛋沙拉汁真係一流。果然嗰侍應姐姐冇介紹錯。

拉麵有兩款，北海道／豬骨，如果唔知有咩分可以問。

我就試左豬骨牛油粟米加多粒玉子 好好好味道。個湯頭好濃郁唔過咸加埋牛油勁香。而粒玉子真係不得了的好吃流心唔講仲要入哂味。

個餃子一定要試，個辣椒加蒜mix埋唔係好覺辣不過就好香口。

兩個加埋連加1 240有找食到呢個質素同量我好滿意

天寒地凍入到屯門係市中心落車，原本想去新虛搵食但太大風所以都係係商場搵食穩陣d。

行到華都見到好多連所食市個人冇咩興趣於是落左下層見到過橋米線諗都唔諗就同男友入左去坐。我哋一人叫左一碗，分別係過橋米小辣+蛟子+豬勁肉+紅腸。 湯底一流飲左大半碗都唔口渴，蛟子好好好好食勁大粒又多料，豬頸肉還好較un較實唔同外面食嗰d口感。

另一碗就紅薯粉撈中辣，真係辣得好過癮d薯粉又好彈牙加埋配菜花生食，正。

小食， 麻辣豬耳，味道好正好爽係凍食既。

蒜泥白肉，肉係同豬頸肉嗰個口感一樣，個人較喜愛傳統白肉口感。

不過一提既係，佢個白色蒜泥汁真係好正令食物加分。

鋪面係小店形式，坐位不多，相對比外面大多連所店我更喜歡小店。撐

食完晚飯理所當言去搵甜食了,早排見到網上有朋友影猫猫窩夫相，今日嚟開付近決定嚟潮聖。 menu款式多，但最吸引我既係窩夫，芒果窩夫@唔係我杯茶太脆冇咩蛋香味芒果唔甜淨食到芒果醬味。畫功有100分。 另外叫左杯菠蘿柚子梳打特飲賣相有80分但係有強烈化學味。個人建議叫新鲜果汁會好好多。一路食嗅到好香好香既味原來係椒鹽魚蛋。有7成枱都有點，想食既我只係冇位置再方魚蛋了。

久違既祥發， 百搭餐親民，美味！
1）最正@大愛瑞士鷄脾，水準依舊，濃而入味，鷄脾又唔un!超得
2）呑拿魚包/豬扒包，前者係包同料分開上自己塗上去既， d兩款都係好正好多人叫既包款！ 包包軟身，醬料簡單味！
3）西多士，即叫即整熱辣辣冇得輸！
4）咖哩飯同天使面都唔錯，牛腩夠淋薯仔入味汁辣辣哋！
天使面，汁話係特濃芝士，男友話爭d,但我就ok啦，食完唔會濟住左囉！同炸魚柳唔錯！
連兩杯凍飲每人$40可以食到咁多野，真係爽皮！一定會再嚟！