這裡食物比其他酒樓棒，廚師功力好，服務員像家人一樣，非常nice，坐得又舒服，有靚景欣賞，比較闊落舒服。常來吃，好過出面中高檔酒樓多多聲，食物的色香味都恰到好處，落足料。廚師很用心，無論是下午茶或者晚餐都是水準好好。服務員同我地好熟，，，，成日都會聊天，，，有歸屬感。 我們常吃又覺得一流的美食： 籠等魚二食（魚肉多又爽），口水雞（雞肉新鮮），醉雞鍋（藥材足，味道香），水煮牛肉（足料大滿足），其他例如雪山叉燒包，腐乳炸豬扒，平貴都正。

一直想試下Mad For Garlic 九龍塘分店，但係最後同我朋友嚟咗銅鑼灣分店一試。一入到去有就感覺到係比較高級嘅意大利餐店feel，但係裏面嘅食物除咗意大利美食海鮮等，亦加插韓國美食嘅元素。 我哋最欣賞佢哋嘅pizza——食咗南瓜pizza，佢裏面有好鮮嘅芝士同鮮牛豬肉碎topping。意大利係唔會點樣用豬肉碎喺pizza上面，呢個好明顯係韓國元素。好好味好脆好薄。 配合埋意大利DOC級別既Rivera II Falcone，感覺良好，呢隻酒香濃郁有深度，唔系平時d 加好多sulphite飲到腎有事味道假既超市酒，必reorder。 個Dancing salsa 牛肉飯好似正常乾炒牛河既終極咸味版，加上非常非常非常辣嘅莎莎莎醬，可能一時整差左d。 我哋睇到呢一間餐廳其他嘢食都好正，尤其是海鮮platter一流，小心揀嘅話就唔會有問題。個格調好唔錯。

同媽媽去呢間滴滴色色既餐廳食晚餐，擔擔面對我嚟講好唔錯。擔擔麵啲湯都幾有味，冇乜花生，夾埋大大份花雕醉雞髀一set，味道都ok嘅，70幾蚊。 雪菜大湯黃魚都大大份，只係98蚊。有啲似住家飯啲湯，好飲但可能有啲啲味精（我媽講嘅）。 一人套餐，98蚊，入面有回鍋肉，發揮正常。送雲吞四隻，大大隻，發揮ok。 整體嚟講，雖然呢一度麻雀雖小，但整得幾靚，坐得都算舒服，好鍾意呢一度嘅掛畫，灰調上海灘油畫非常有品味。

淨係去過尖沙咀分店，今次去銅鑼灣分店一試，前身係裝橫好浪漫好法式既agnes b黎，而家變左倫敦東部style既Brick Lane。 我對呢度特別有好感嘅原因係因為間餐廳嘅名叫Brick Lane，係我喺倫敦住嘅時候最鍾意嘅步行街。街道裏面有好多特色嘅古董/復古衣服同埋手衫店咁。 另外，坐得都係幾舒服，情況就係現時西式中高級連鎖餐店咁樣，洗手間有英國牌子馬莎嘅香水同埋lotion畀你用。 不得不提嘅係呢度嘅服務生服務態度好好，見到佢哋都好開心同埋有有耐性。 前菜叫咗帶子藜麥沙律，158蚊，輕輕嘅橙香味，賣相好靚好靚。 Dinner set 德國咸豬手皮冇其他地方咁厚同埋脆，亦都冇咁硬，有好濃厚嘅黑椒味，不錯。288蚊有嘢飲，加三十蚊會有甜品。叫咗88蚊嘅士多啤梨班戟。 呢度啲甜品種類其實啱我胃口，但係非常細size ，亦都比較貴，不過有佢地嘅特色。我最鍾意嘅就係今次冇影相嘅甜品:焗棉花糖配Nutella同餅乾，其他地方一定無咁好食，跟足英國人要求係用濃厚既Nutella而唔係薄薄既朱古力醬，一百五十八蚊，大約4吋。

香港人開的海鮮丼，有誠意，小店開在銅鑼灣街頭，門口挺小，不小心就會直行直過，留意不到。 當晚8點多鐘有一些人訂了臺，可是還有一些空位。不一定要訂臺。吃了海之幸丼（$338），精緻漂亮，不是很大碗，新鮮豐富，個人最愛左口魚刺身已經融入飯中，最驚喜是他們的吞拿魚腩是最新鮮肥美的 —— 早知我就order吞拿魚腩丼啦，還便宜一點呀，，，真的很好吃。 小食品嚐了鰻玉子燒（$38），都不錯看。 係會想返黎再吃吞拿魚腩丼，200幾蚊埋單！

好味，醬料自己落幾多都得，辣椒醬夠味有鹹勁，配合炸兩好正....... 有健康營養無肉粥，而且有飯同公仔面選擇，不是一般粥店......全部都整得唔錯......

中意印度食物的我又一再探索重慶大廈，看看有沒有未去過的印度餐廳。找到了這印度+土耳其特色兼具的地方，比較方便不用上樓，食物也不錯，老闆成日笑笑口同你聊天，係土生土長既巴基斯坦女孩。 一入到去我就已經好鍾意他們寶藍色的瓷磚裝橫，因為這類受到穆斯林教的影響，他們的設計都是以寶藍色的幾何圖案為主，很漂亮。 食物方面，我們吃了chicken tandoori(78HKD)， 熱辣辣紅上來的時候全是噴煙。 Sheek kebab羊肉燒烤串(78HKD)挺juicy ，肉裏面混和著香草，有濃重香草味。 最喜愛的masala tea瑪莎拉奶茶(25HKD),印巴式奶茶黎，好飲，有比較濃厚的肉桂味。 值得一提的是這裏用一餸一飯一set過，同行黎講算係底食，可以選biriyani印度炒飯或者白飯(呢度biriyani比白飯好好多，白飯有點水汽)。

HeSheEat has been one of my favourite dessert places in HK. They have amazing foods at great price with their dishes slightly adjusted to cater to the taste buds of HK people. Love their simple French style decor. Their foods are pretty much well-executed with good seasoning. The chefs cook with heart. Apart from their well-known desserts (their caremel hot cakes and lava cakes are heavenly), their starters & main dishes are beautiful and yum. They change their menu once a month --- I hate I missed the chance dof trying out their steak from last menu Tonight we had beef salad as starter (95HKD), the medium well done beef slices are rich in flavour and a bit of its own gravy, plentiful of creamy mushrooms and sour turnips covered at the bottom. The crab & avocado salad tower (95HKD), as I call it myself, should be heaven to crabmeat lovers. My friend and I love the squid spaghetti (108HKD) the most (beware of the ink staining yiur mouth all black), while the avocado smoothie and oatmeal milkshake (42HKD each) are pretty thick and rich.

成日經過L'attitude但從來沒有入過去，一直想試試他們的羽衣甘藍帶子意大利粉，加上原來呢度有那麼可愛的卡通棉花甜品，很有特色，所以終於一來光顧，個人覺得男女朋友黎拍拖係唔錯。 這裡主要是白灰色仿大理石的飯台，夾著幾隻大公仔比人拍照打卡，半歐陸半港式的感覺，。試了熊貓棉花糖配朱古力雪糕($62)，很可愛，有一點oreo餅碎，雪糕和朱古力一般，但整體外表實在太吸引。 羽衣甘藍帶子意大利粉($128)挺好吃，香香蒜蓉味，點點橄欖油味，意大利粉幾好，帶子就一般。 Los Angeles($48)這杯飲料超漂亮，有發光冰同發光底座反映顏色漸變的美，好浪漫，女仔會中意。可惜沒有熱版，冬天有熱的會好點。 我們倒瀉了杯Los Angeles,他們很快換了新的給我們，服務挺好。

我朋友的餐廳Spice of India Club,已經是他們老顧客了，他們的印度/巴基斯坦菜水準非比一般，更可說是我印巴菜的啟蒙老師，透過他們的美食學習不同咖喱的名稱，複雜的香料配搭，ghee油的應用，還讓我親手調製過瑪莎拉奶茶。所有印巴餐廳都有此茶，但令人著迷的是每間餐廳的茶味道都不同，皆因香料紅茶來處，比例和師傅手工都不同。Spice of India Club是瑪莎拉奶茶香是我最為喜愛的。 帶朋友來這裡一試Bhindi Masala,是用秋葵煮的香料菜，想不到輕盈的秋葵配搭印巴香料和ghee油煮出來竟然那麼香，那麼配合，現在我終於多了一個選擇了，以前總是只吃saag paneer(saag是菠菜，paneer是芝士)。 我朋友跟我說，我們去過那麼多次印度餐廳，這裡的食物水準是暫時最好的。他們的正面回饋自然是我意料之內。 這裡的印度薄餅外微脆內軟，也是風味非常。 一般每人100港幣就吃得夠飽的了。不習慣印度香料而容易肚子不舒服的朋友記得點一杯印度奶昔lassi來喝，印度/巴基斯坦人就是靠這杯印巴式的奶酪飲料提高腸胃的消化功能，平息對香油香料的不適感。 自從從重慶大廈的block b搬去比較偏僻的block c四樓，名字也更改後，源源不絕的客源變得越來越少，可是食物還是一樣好，人事從來沒有改變。如果想支持一下重慶大廈這印巴菜的hidden gem，感受香港難有的異國風味，這裡是不錯選擇。來過這裡一次會令你覺得自己離港作短線旅遊一樣。 不過還是要提醒這裡不是中环街角的posh dining,而是印度強烈當地風味的casual dining。 最後想說，其實開這餐廳的人是巴基斯坦人來的，香港很多好吃的所謂印度餐廳都是巴基斯坦人開的，可是因為香港人比較熟悉“印度”這國家，覺得係咖喱都一定是印度來的，for marketing convenience,巴基斯坦人就一直把自己開的餐廳用印度兩個自去推廣和取名。畢竟，巴基斯坦以前就是印度的一部分，食的文化其實很似。