花花信用咭午餐買一送一優惠 (星期一至五) , 一星期前訂了窗口位.入口像後門, 餐廳名字唔多覺眼. 午市套餐由$118-$328, 包括湯或沙律, 主菜和甜品, 咖啡或茶另加$20.

麵包 :配有牛油、烤蒜粒& 東南亞味的醬, 蒜粒又軟又香, 塗麵包一流, 必吃!天氣寒冷, 當然係飲熱水（免費）.

蕃茄湯-色澤鮮紅奪目，酸酸地，中間倍襯的節瓜增加纖維素，頗有益的!主菜
我選擇了香煎鴨胸. 萍果香檳汁: 鴨胸有點韌.他選擇了香煎石斑 帶子 蜜糖豆: ok
是日甜品是酒煮梨: 甜道適中, 好食!Cappucinno : 泡沬綿密, 感覺幸福的!服務員常常加水, 主動為遊客拍照, 態度良好.
多年後拿出相片時, 大家或己忘掉食物味道, 但卻留下了美好回憶!

雜誌介紹這裡的任點任食十分吸引, 趁年尾清假, 一星期前訂座來吃午餐: 星期一至五 $168+10%, 星期六, 日 $198 +10% (奉送茗茶)

餐廳裝修古雅懷舊,地方寛敞不吵鬧, 頗舒服的.

貴價餐廰, 通常都有不同種類的茗茶, 所以我問吓服務員,結果我哋叫咗一壺金嗓子和一壺水,金嗓子茶味淡雅, 甘甜感覺悠長, 它能解喉嚨腫痛和聲沙, 值得推介. 我們希望在不浪費的前題下, 把無盡的食物放到有限的肚皮之中. 我倆最喜歡吃蒸點和甜品, 所以第一輪點菜把這類別 x 2 , 其餘的腸粉, 香脆美點, 湯和 主食 x 1.看過之前的食評, 對於香檳蝦餃, 石榴球, 上素腸, 金絲燒鵝酥… 等, 是充滿待的, 事實卻是平平無奇, 沒有什麼大不了 反而親民的乾燒伊麵和楊州炒飯雖然普通, 但用料足,前者有草菇和 韮王, 後者有叉燒粒和蔥花, 炒得實在分明,唔會一pat, 又不油膩!杞子桂花糕唔太甜, 除了密密痳痳的杞子和桂花, 仲有雪耳增加口感, 值得推介.食得好飽, 酥炸奶皇包是唯一encore的點心, 包炸得香脆內軟, 奶皇流心, 很好吃.

整體來說,點心熱辣辣, 味道不太油, 太咸或太甜, 質素中規中矩.服務員每次收碟的時候, 也會 ”順手” 為客人加茶, 十分貼心.

拍拖來食吓氣氛幾好, 食飽仲可以周圍逛逛拍拍照,; 但純粹為食而來, 或會感到失望.

一個人的時候, 我喜歡到這裡吃晚餐.

水餃河+可樂是我的至愛水餃河有3粒水餃, 皮薄, 大大粒, 約1寸x3寸, 有蝦, 豬肉, 木耳, 紅蘿蔔絲及筍絲, 樣樣新鮮, 真材實料, 河粉爽口滑溜, 有口感.有時候, 我也會轉轉口味, 食吓云吞河和鯪魚球河.

天氣涷, 外賣雲吞和水餃等返屋企打邊爐, 也很美味啊

傳統小店雖然沒有連鎖店咁光鮮, 店員説話也較粗獷, 但味道和食材質量絶不是連鎖店可取代的.
當好食的傳統小店執吓一間, 執吓一間, 我覺得很可惜.

作為一個沒有力量的蟻民, 我能夠做的, 就只有為你寫一個食評.

友人提意呢度幾好吃, 所以來這裡吃午餐.包: 牛油包很香, 合桃麵包材料豐富, 很有嚼勁, 不只是一般西餐廳的水準餐前小吃: 蕃茄黑橄欖薯片, 絶配!頭盤
Gralax of Salmon Wasabi Emulsion with Green Salad三文魚嫩滑, 沙律菜也很新鮮, 加埋泡泡汁, 好食!主菜:
我選擇了羊扒: ok, 友人的牛扒 (roast beef onion sauce with sarlat potatoes) 和比目魚(Halibut a la phancha dice of zucchini pumpkin sauce) 似乎味道更好甜品: 有驚喜
友人是Dessert Symphony: 有opera, 水果撻, 士多啤梨奶凍, 一次過完成三個願望.我選擇了French Chocolate Pudding with Custard Cream, 唔太甜, 朱古力味道濃郁, 也不錯.Tea or Coffee: 飲埋cuppuccino, 好飽! 朱古力帶回家, 物輕情意重啊

食完晚飯, 他想吃甜品, 我提議到時代廣場後面的翠苑甜品專家.

舖頭裝修簡單, 座位唔多.

叫咗兩個芝麻糊燉奶: 攪一攪, 芝麻糊在燉奶之中滲出來, 黑白分明, 質地幼滑, 不會好漏, 芝麻和奶味也很平衡,十分美味.最近學武+舞的我一面食, 一面手舞足蹈, 講講我上堂雞手鴨腳的模樣, 他覺得很有趣, 就連買甜品的婆婆聽到也發笑了.

兩星期前和友人來吃午餐, 味道新鮮, 今天跟他一起來.

趁新張期全日九折優惠, 當然要選擇最貴的十件自選壽司($200).是日前菜是蓮藕: 爽脆，少少辣, 我吃到索索聲鼓勵不吃蓮藕的他試吃一片，最後他竟然成碟食晒! 他一向有好多嘢唔食, 由完全唔掂到少少試吓, 呢幾年不斷轉變, 我覺得很開心!沙律：正常

茶碗蒸：有青豆，冬菇，白果，質感滑溜。

麵豉湯：加咗大量蜆肉，湯也很甜，味道不俗．自選壽司：我較喜歡白身魚, 不要腥, 聽聽服務員的意見，又掦又塗選擇了十件. 壽司色澤一般，但味道十分鮮甜，握得緊緻，令人滿足．雪糕或咖啡：我選擇紅豆雪糕, 奶味很重, 紅豆很多．俾心機啊, 我會繼續支持你的

買一送一贈券快到期, 拿拿林食咗佢.

外形高貴雅緻, 很吸引, 兩個人叫咗6件:

Valerie 粟子海棉旦糕 Chloe 樽子朱古力海棉旦糕 Ophelie 檸檬旦白枇 Florence 咖啡杏仁軟芝士旦糕 Patricia 啤梨幕絲旦糕 和 Jasmine 茉莉雲尼拿海棉旦糕

我哋很喜歡 Patricia 啤梨幕絲旦糕, 有清新的啤梨香味, 食落去有一粒粒的啤梨, 幼滑得來又有咬口!整體來說, 用料新鮮, 口感細滑, 但偏甜, 味道層次不太特出, 也欠缺香味 (例如: 苿莉), 正價未必會再來吃.

趁信用咭有優惠, 選擇了珀翠餐廳去慶祝結婚紀念日.

女士需穿優雅便服 (smart causal)，但男士要穿長袖衫和長褲．

環境華麗, 座位寛敞; 除了小朋友間中的叫嚷, 環境頗寧靜.

2 course = $408, 3 course =$468, 奉送紅酒或白酒或果汁一杯, 所以我哋叫咗３course= 頭盤＋主菜＋甜品.

服務員首先奉上餐前麵包, 但最吸引的是紫菜牛油, 連平日不吃牛油的我也被吸引, 塗完又塗!頭盤 :
我選擇了Blue crab meat, pink grapefruit jelly and chutney清新的蟹肉上面放了橙紅色的西柚，白色的魷魚粒和草青色的葉，顏色配合得很美，味道也很相襯.他是Cold crusted duck pie, raw and pickled fruits and vegetables鴨肝甘香油潤, 份量充足的, 加埋萍果片和惹味的醬汁, 好豐富啊!

主菜 :
我選擇了Roast lobster and seasonal vegetables, crustacean and chorizo sauce顏色豔麗, 龍蝦肉鮮甜,拌碟的淺色紅菜頭我是第一次吃的，感覺新鮮!他是Oven roast calamari stuffed with rice and herbs, squid ink chick pea fries魷魚煮得很軟腍, 裡面釀滿了飯和菜蓉, 圓鼓鼓的! 拌以火腿, 蜆肉和出色的醬汁, 他說很惹味. 黑色的”薯”條是用墨汁和豆蓉做的, 外脆內軟, 幾得意!甜品 : 結尾的梳乎厘和朱古力球, 我一面吃, 一面想起幸福摩天輪這首歌♫♫♫
我選擇了Chocolate sphere, Mascarpone cream perfumed with orange zest and balsmaico jelly 這朱古力球的外型和天后吃的Rosenna相近, 但就大咗幾個碼, 令人雙眼發亮, 味道也更細緻: 服務員首先替我打開朱古力外層, 我分咗一半俾他, 中間的甜點面頭放上金箔, 下面是質感幼滑的芝士忌廉, 朱古力旦糕, 不同甜度的朱古力和我最欣賞的橙皮,中心仲有一舊啫哩, 層次感大大加強. 此外, 還有一球雲呢拿雪糕,好滿足 .他是Coconut soufflé, lime bite, 服務員說這梳乎厘的旦白較多, 食落去感覺較實在,可惜檸味把椰子味蓋過, 我想, 可能用芝麻, 玫瑰等味道會較平衡. 咖啡或茶 +Petits four: 他說飽到上心口, 所以我們把甜點打包, 晚餐時和友人一同分享.服務員常常加水，態度親切有笑容，說話時不是快速背書, 而是清楚明白地介紹每一度菜, 非常專業．
　
整體來講, 環境舒服, 服務一流, 食物有水準; 甜品項目令人感覺圓滿, 不要錯過!

星期天早上和屋企人飲茶，窗口位是4人枱, 我哋5 個人, 親蜜些都OK, 其實座位很寛敞, 又有枱仔放置包包，依然是舒適寫意！

剛入座果段時間好似無乜服務員，想叫茶都等好耐

$18 一位茶, 所以我哋叫咗兩壼茶, 感覺抵D 一壼香片, 味道較清; 一壼六安, 味道近似普洱茶, 入口略苦而甘.上次吃的蝦餃和腸粉皮厚, 今次唔叫, 點咗 (括號內是原價, 人多可以加多件, 價錢按件計)
鮑魚燒賣皇 ( $４８－４件)：鮑魚，蝦肉和豬肉份量適中，鮮甜美味．ＸＯ醬巴馬火腿蘿蔔糕（$６8) : 賣相和電梯廣告差很遠, 有點東歪西倒! 蘿蔔一絲絲,蝦很鮮甜, 加咗巴馬火腿很惹味.牛蒡崧子三絲素鵝 ($70)：食不出牛蒡和崧子, 味道和普通素鵝差不多, $70 太貴了! 黑松露金腿鮮蝦炒飯: 飯有嚼勁，炒得乾身, 碟底沒有一滴油, 多點配料會更好味鵝肝荔芋角 ($48 – 3 件) : 餡料中加入矜貴的鵝肝, 提昇了芋角的味道,香口好食!原隻鮑魚海鮮酥 ( $96-3件)：鮑魚軟腍, 味道不錯.很懷念上次吃的荔枝蓉燉奶: 荔枝味濃, 不太甜, 很滑, 很滋潤;但太飽, 下次再吃!有些點心幾好, 但有些就麻麻地, 質素不太平均.
我覺得材料矜貴只是鏡花水月, 好看卻不真實, 踏實的基本功才是令顧客忠心的關鍵.

看見夾在書本中的湖舟筷子套, 心血來潮, 提議和友人到很久沒有光顧的湖舟吃午餐.午市的定食有廿多款選擇，但我的最愛仍是壽司定食: 10件壽司+2件卷物, 大小適中,新鮮美味,有水準的!友人叫咗刺身飯定食: 滿碗的飯鋪滿了肥美的刺身, 很豐富! 烏冬賣相雖平庸，拌上蘿蔔絲及蔥花, 味道簡單清爽, 口感不俗!定食有前菜、茶碗蒸、麵豉湯、等, 二百幾蚊的午餐欠缺了甜品, 有點貴, 唯有到附近的日本超市吃個雪糕補數.