星期六晚約９時，攞咗籌，在門口等了十多分鐘便有位了．　

五個人叫咗4 個甜品:

沛公拼盤 ($58) : 有朱古力千層, 紅豆腸粉和胚芽好立克布甸. 朱古力千層忌廉很新鮮, 不甜膩, 加上一粒粒的提子和開心果, 令人回味! 紅豆腸粉也很好吃, 然而紅豆餡的味道太搶, 把腸粉的椰汁味遮蓋了! 胚芽好立克布甸，用料簡單, 滑滑溜, 友人都很喜歡!酒釀桂花果凍 ($18) : 密布糯米和桂花的果凍, 甜味和酒味亙相平衡, 味道不俗!芒果千層班戟($26) : 小店以這個甜品出名, 但味道卻最普通, 也許芒果肉多點會更有口感!菊花清酒燉雪梨 ($38) : 除了主角雪梨外, 糖水用料豐富, 有菊花、蜜棗、杏仁、雪耳和桂花, 絶不欺場! 菊花採用價錢較貴,較少有虫的胎菊, 加上清淡的酒香, 滋潤養顏, 感受到小店的心機!店舖面積較小, 座位較迫, 加上很多人等位, 我們只好匆匆吃完便離開. 留待 下次非繁忙時間，再來吃其他 原盅燉甜品.

相約幾個舊朋友吃晚餐，餐牌和單張的照片十分造作 ，很多無謂裝飾，華而不實, 我們閱讀良久也未能下單；幸好，女經理給予一些實用的意見，5 個人叫咗 :

老火湯 (半煲) :友人話咸咗少少,但我覺得味道不錯, 連湯料- 花生和雞腳也不放過.脆皮燒腩仔：皮很脆龍潭滋味骨：肉排很腍，甜甜酸酸，很開胃！三色旦上湯浸菠菜：菠菜不嚡口又唔油，加上三色旦，很健康！野生桂花魚二食 : 啖啖肉, 又不油膩,很受歡迎.順德大良炒鮮奶 :幾滑，但油咗少少．＋3 個飯

服務員密密加水, 也有換碟, 令人滿意.

友人在FACEBOOK 推介這間新店, 相片幾靚．我不太喜歡那些超甜的羊羹或和菓子甜點，而呢度除咗一些和菓子外，還有其他生果類的甜品，加上她說唔太甜，難得今天提早放工，我拿拿林嚟試吓．

很喜歡門口這張招貼. 除了不時不食外, 我堅持不新鮮不食, 多添加不食.


因為食材遲到, 等咗大半個鐘才開門.

大家安頓之後, 服務員立即送上小杯梅子茶, 是好食果種話梅味道, 甜甜酸酸, 好好飲.


顧客較多, 服務員很忙, 沒有時間介紹餐牌; 然而, 跟據排除定律, 我早已鎖定目標, 兩個人叫咗:
蘋果批 ($38) : 蘋果酥皮包, 不太甜, 亦不油膩, 好味!

皇杮果杯 ($48) : 又一個要耐性等吓的甜品, 皇杮內有果肉和杮味和菓子, 味道樸實自然!

錦玉形 ($33) : 煙煙韌韌, 細細粒, 共五種味道, 我最喜歡梅子味.


其他甜品例如山藥, 豆腐,燉奶等也十分吸引,下次再吃.

因為openrice的食評和照片幾好, 一直想來酒處試吓, 上次想來吃晚餐, 因為找不到入口而放棄了.

今天和友人相約來吃午餐.

我本來打算試吓壽司定食, 成200蚊, 即澳門逸園中心日本餐廳的價錢;相反, 其他定食平均百餘蚊; 所以我決定小試牛刀, 選擇了魚生飯定食, 如果好食的話, 再來吃其他。

友人選擇了照燒牛肉定食.

午市套餐包括: 沙律, 蒸蛋、麵豉湯、飯和雪糕/ 咖啡, 份量不少。
蔬菜沙律 : 幾新鮮
蒸蛋 –蒸得細滑，但好咸。
麵豉湯 –偏咸.
我的魚生飯 , 魚生很新鮮, 很足料, 大大碗, 抵食! 喬麥麵也很大碗, 但好咸,
友人的照燒牛肉很大塊, 但汁太多, 越食越咸, 佢不停說"沒有下次!!!慶幸我上次沒有來吃晚餐, 一切都是天意! :
芝麻雪糕 – ok

我喜歡日本菜對美食的執著, 保持食材的原汁原味, 這餐廳菜式調得太咸的 (咸和濃味是兩回事啊!), 不會再來

星期日和亞婆吃個午餐, 慶祝生日.

沙田功德林比尖沙咀和銅鑼灣細, 環境尚算整潔舒適, 不太嘈雜. 套餐價錢經濟, 平過尖沙咀和銅鑼灣的 , 我哋叫咗個4人餐, 包括:

三小拼
三絲魚翅羮

鮮菇露筍炒百合

香芋素雞燜粟子:芋頭, 粟子和雞燜得好入味

乾燒蝦扒西蘭花:西蘭花炒得較爽, 亞婆沒有牙, 只好食素蝦, 少少辣, 幾惹味!

粟米三絲炒飯: 冬菇絲, 素火腿絲, 椰菜絲和粟米炒飯, 唔油, 幾好

芝麻湯丸: 比較細粒

豆漿4 杯 : 唔太甜, 豆味一般

加咗一個上湯素餃

6個人已經食到好飽, 唔駛再加單.

整體來說, 味道清淡, 健康好食.

加上獅子銀行信用咭有九折, 每人唔駛100蚊, 抵食!

星期三的下午, 顧客很多, 全店滿座.

午市套餐好多嘢食:

麵包配蕃茄香草橄欖油, 健康又好食!


Antipasti ( Parma Ham Melon, Warm Asparaus with Hollandaise, Smoke Salmon with Sun Dried Tomato頭盤有三款, 露筍配旦汁, 三文魚配蕃茄乾,食材新鮮, 顏色又靚, 搭配很好!


Daily Soup : 是日餐湯是南瓜甘筍湯, 味道不錯.


Char Grilled Australian Beef Sirloin with Wild Mushroom Sauce ($158) , Grouper Florentine ($148) , Baked Seafood Rice($138) : 我哋一同分享, 牛扒, 魚和焗海鮮飯都好大碟, 好飽. 但味道比較普通, 像不同厨師煮的.




Daily Special Dessert 三三不盡的甜品: 菊花形狀的西瓜, 椰子慕司 和芒果旦糕, 賣相令人開心, 味道唔太甜, 感覺細軟柔滑, 好食!


Coffee or tea 時間過得好快, 傾吓計, 飲埋咖啡又要返工.

服務員密密手, 有笑容, 誠意搭夠.

友人是會員, 有九折.

見到客家爺爺好一段時間上咗OPENRICE的“十大好評升幅”，我不是尋釁滋事，只是不吐不快．

星期五約咗朋友吃午餐, 我先到, 本來服務員指我座在某個位，我見地下有些牙簽和垃圾，行咗坐隔離；以樓上舖來說，不算清潔．

午市套餐：
老火燉湯：友人遲到，我加＄１０叫咗一個湯等佢，是日係青紅蘿蔔湯，湯料很少，青紅蘿蔔的味道很淡，不是老火, 也不是燉湯, 只是例水的質素 ．


主菜我哋選擇了時果咕嚕蝦和鮑汁鮮百合豆炒牛柳
小菜只是比飯碗大少少，很細碟！時果咕嚕蝦是用蕃茄醬炒水蜜桃，蕃茄仔和蝦，沒有技巧可言．鮑汁鮮百合蜜豆炒牛柳：牛柳切得很細，和蜜豆差不多大小,沒有口感.



三色飯：糙米很少，主要是吃白飯．
甜點　：雪耳木瓜糖水
咖啡　：ok


舖頭新開張，送晚市$５０蚊贈券，幾抵，但我沒有用. 因為食物温度是暖/微熱，不是熱辣辣，不符合我對中菜的基本要求, 加上食物味道普通, 以這個素質或價錢，我會選擇去快餐店或其他食肆．

星期六打電話訂咗旦糕, 星期日食完晚餐去攞.

舖頭在垃圾站隔離, 是日冇風, 沒有怪味; 老實講, 如果我不是訂咗旦糕, 我路過也不會買, 我寧願舖頭搬到崎嶇或偏僻的樓上舖, 感覺會好一點.

個盒好大, 充滿期待咁攞番屋企.

兩個人吃3個旦糕: 8層的朱古力球ROSENNA, 內藏柚子,血橙啫喱的YUZU, 和兩面是楓葉畫的粟子MARRON.

旦糕色彩繽紛, 賣相好靚, 我用不同模式咁影咗好幾張相, 我最喜歡黑白果張, 簡簡單單.

切開旦糕, 顏色層次分明, 食落去唔太甜, 質地很幼滑, 但裡面的柚子, 椰絲, 朱古力碎… 等實在太少, 口感不太豐富, 沒有期望中味道的層次, 沒有再來的衝動!

等咗個幾月, 終於可以一嘗這個 ”品味朱古力”.

我哋訂咗5:00 果場, 4:55大概只有一半人到咗, 主持人續個打電話問; 呢度地處橫街, 唔熟路幾難揾, 遲少少咁大家傾吓計等吓; 但衰在有些人唔到又唔打電話通知, 一點責任感也沒有.

首先, 主持人介紹朱古力的歷史, 生產過程, 不同品牌的比較等. 記得以前去瑞士參觀朱古力廠, 佢哋都有介紹呢d嘢, 但朱古力廠的重點會講製造過程多點, 相反, 呢度會講多點如何去品嘗朱古力.

我哋吃咗8款不同產地的朱古力原粒,每人每款試1-3粒. 作為一個普通人, 我只能分辨甜或苦, 濃或淡, 什麼剛果的藍莓味, 秘魯的雲呢拿味, 香蕉味, 梨子味… 真係品嘗唔到.

跟著試咗幾種製成品, 我特別喜歡橙皮和杏仁朱古力, 唔太甜, 幾好味, 更重要的是香味從喉嚨滲上鼻孔, 好正! 我食咗咁多年朱古力都未試過這種感覺!

上完堂, 大家忙著買嘢. 由於這品牌的朱古力無咩防腐劑 , 只能保存20天, 加上我仲要去買曲奇餅,所以只買了一小包!

翌日早上, 我生飛 滋, 和喉嚨痛, 情況十分嚴重, 這次的人肉測試使我發現朱古力是很熱氣的; 因為 朱古力由可可豆製成，可可豆在製作過程中經過烘焙，所以有些人吃朱古力後會出現熱氣的症狀, 例如, 長出青春痘或喉嚨痛等.

那麼, 這暗示我一向吃的朱古力份量太少, 還是可可濃度太低?

食完朱古力, 又到咗食晚飯的時候. 我哋唔多肚餓, 簡簡單單在附近的茶餐廳睇吓.

我哋站在門口睇緊菜牌時, 服務員走出來説, 入嚟坐低慢慢睇啦!” 佢安排我哋坐在卡位, 好大風, 我問佢冷氣可否調較細d, 佢回答較細咗某個位會好熱, 幫你整"咩" D 個風口啦! 咁樣得唔得呀? ”服務員態度友善, 唔似之前的食評講得咁差喎!

兩個人叫咗兩個飯:
海南雞飯跟冬瓜湯 : 服務員介紹雞脾好食D , 我哋加咗$5試吓. 冬瓜湯有少少冬瓜, 味道一般. 雞脾好滑, 無骨, 雞味ok,個汁少少甜, 少少酸, 少少辣, 好惹味, 如果蕃茄再多幾片, 賣相更靚, 又有益.

菜心炒牛肉+飯+例湯 : 小菜套餐$68, 加杯奶茶又多幾蚊. 都幾貴. 例湯係青紅蘿蔔雪耳湯, 清甜潤喉! 菜心炒得翠綠, 牛肉少少嚼勁, 加上薑和韭黃, 味道不錯!