由於平日好少到深圳, 而我和老公都幸運地抽中參加試食會, 趁訂房的價錢十分優惠, 食完可以住一晚, 唔駛咁舟車勞動, 我哋訂咗一間房

星期六的早上1130便過咗關, 本來打算把行李放在CONCIERGE, 然後在附近行吓, 剛好已經有房,咁我哋就先安頓一會, 1900 到360 餐廳參加試食會.

餐廳在31 樓, 設有專用電梯, 居高臨下, 氣勢相當.霓紅燈的夜景, 晚餐比較怡人.

燈光柔和昏暗, 環境安靜, 坐椅舒適, 當然, 我覺得, 還是食物的味道最實際.

幾星期前, 餐廳給我們3個餐牌選擇, 餐牌C雖然價錢最貴, 但欠缺了頭盤和甜品, 只押注在一個主菜, 風險太高, 所以我和老公選擇了A 和B. 我發現當晚有兩杯酒是不同的, 而套餐的價錢也提高了 (見照片內的三角形和括號).







　熱辣辣的麵包, 配上三款醬料, 南瓜, 肉醬 和牛油, 好食!

我選擇了葡萄酒套餐A(人民幣388)

Pan Seared Sea Bream with Orange Segment, Beetroot Coriander and Lemon Mango Puree 香煎海鲷魚配鮮橙片，芫荽甜菜頭和檸檬芒果醬
配酒：Zonin, Pinot Grigrio, Friuli Aquileia, Italy卓林灰比諾

鮮嫩的魚,加上芫荽, 甜菜頭粒, 橙片, 紅橙黃綠, 活潑的顏色, 賣相十分吸引. 享用時加埋上檸檬芒果醬 , 少少酸甜, 味道清新. 白葡萄酒味帶微酸果香, 口感輕柔, 和海鮮很配合.

Grilled Beef Tenderloin with Creamed Sweet Corn, Wild Mushroom and Mild Hot Chocolate Sauce 扒牛柳配奶油粟米，野蘑菇和微辣朱古力汁
配酒：Concha y Toro Casillero Del Diablo, Cabernet Sauvignon, Maipo Valley, Chile 干露紅魔鬼卡本妮蘇維翁紅葡萄酒

　Medium rare 的牛柳厚薄適中, 一切開見到嫩紅色的肉,入口有淡淡的芳香, 有牛味,更重要的是脂肪唔多, 感覺不肥腻, 口感細緻有彈性, 簡單加少少芥茉已經好好食. 搭配著天然味濃的野菌, 奶油粟米和朱古力汁(唔辣喎!) 十分美味!
紅酒口感醇厚, 圓潤, 別有一番韻味.

Seasonal Fruit Platter with Vodka Pineapple Sherbet 時令水果盤配伏特加菠蘿雪葩
配酒：Concha y Toro Sauvignon Blanc Late Harvest, Chile 干露晚收蘇維翁白葡萄酒

　生果盤有西瓜, 火龍果, 蜜瓜, 和芒果, 分層次的堆砌, 很有立體感. 自家製的菠蘿雪葩, 冰凍感覺之間, 是一粒粒的菠蘿蓉, 十分精彩! 甜酒果味濃郁, 口感甜, 易入口, 可是這樣郤掩蓋了雪葩的酒味.　

老公選擇了葡萄酒套餐B (人民幣398)

Wild Mushroom Soup with White Truffle Oil野菌湯配白松露油
配酒：Baron Philippe de Rothschild, Chardonnay, Languedoc Roussillon, France羅思柴爾德男爵霞多麗

野菌湯呈泡沬狀, 令人讚嘆! 味道濃而不濁, 和松露油味道配合, 口感滑溜.

Roasted Lamb Rack with Cassoulet of Mix Bean and Capsicum Relish 烤羊扒配燉雜豆及美味圓椒醬

主厨在身邊講解製作方法, 可是我已忘記. 我們只記得那羊扒鬆軟和沒有羶味, 軟嫩又不失嚼勁,令人回味!

Double Bailey’s Crème Brûlée with Coconut Ice Cream 雙份百利奶油焦糖配海南椰子雪糕
配酒：Concha y Toro Sauvignon Blanc Late Harvest, Chile 干露晚收蘇維翁白葡萄酒

　Crème Brûlée口感軟滑, (少)甜而不膩, 入口即溶. 自家製的椰子雪糕, 味道芬芳, 兩者亙相輝映,食到哇哇聲， 把晚餐的氣氛推至高峰 .

　感謝OPENRICE 和香格里拉酒店, 黃經理和鄭小姐和背後默默耕耘的廚師, 特別是行政主厨JEK TAN 和韓小姐的熱情招待, 感受了一個360度全方位的美食享受.

吃飯前先洗手. 洗手間的自動門外表前衛,但卻令我缺乏安全感. 洗手間最重要是什麼? 洗手. 但洗手盆卻是手動的, 衛生有點本末倒置, 我不太喜歡.

兩個人來吃午市套餐:


餐包: 舖滿芝麻, 熱辣辣, 好食!

Tubino Salad 意大利沙律 : 菜很新鮮


Strascinati with scallop帶子貓耳朵粉 : 帶子十分軟腍嫩滑, 蕃茄汁煮得好食, 貓耳朵粉很有嚼勁.


Black ink risotto with prawn 友人叫咗大蝦伴墨汁飯,佢話幾好食, 但咸左少少.


Coffee or tea : cappuccino很濃, 原來是自家品牌! 佢話這餐廳在意大利開咗幾十年, 而這舖頭是香港的第一間.


新店開張, 送甜品, 朱古力果件好好食, 味道很有層次, 我很喜歡中間的果仁.


服務勤快, 食物味道不俗，餐牌間中改變吓 ( 這個月我吃過兩次, 主菜和甜品都不一樣) 只要不胡亂加價（上一手的致命傷!
）我會常常來吃.

妹記在旺角的粥店排名很高，一直想到此一遊．

今天到來，叫咗廚師推介：

魚片及第粥　（＄２５）: 好足料，生菜絲和薑絲好新鮮，鯇魚片鮮甜，豬潤爽滑，粥底綿，如果淡少少仲好．

腸粉（＄８）: 齋腸加甜醬，麻油和豉油，但芝麻唔多.

粥熱辣辣，街市好似沒有冷氣，食到我不停流汗．

這餐廳在新時代中心，即銅鑼灣消防局過少少，ｈｉｍ記火鍋對面，唔難揾．

我哋訂咗窗口位，景觀很開揚，望到半山，會展，成個九龍至銅鑼灣, 整個維多利亞港盡在眼簾；我影了好幾張照片都不滿意，才發現玻璃窗窗很大塵和黑黝黝，真是大煞風景！

我哋叫午市套餐:

是日餐包是蒜蓉包配香草蕃茄橄欖油，十分好吃, 佢吃了三片！

Caesar salad with Parma Ham: 凱撒沙律幾新鮮，但ｄ巴馬火腿 比較乾身和咸．

Mixed vegetable consomme雜菜清湯，上枱時一縷縷輕煙，湯料種類多，味道不俗．

主菜
Roasted dust breast spaghetti with tomato sauce我選擇了鴨胸茄汁意粉：鴨胸煮得有點韌, 加上比較大片和厚身（半個手機咁大），自己像史力加吃東西; 咀嚼時而低頭，時而望窗, 避免別人看到這難看的樣子．
Grilled US Prime Beef Tenderloin topped with mustard seed 佢選擇了牛扒，說這有點韌, 有ｄ渣，很懷念紀念日吃的一塊!

Strawberry panna cotta with ice cream :賣相討好 =薄荷葉+士多啤梨粒+奶凍 & dreyers 雲妮拿雪糕. 我覺得奶凍奶味唔濃, ,但佢覺得幾好食.

cappunccino 　－　ok

咁多道菜，我哋差不多吃了兩小時．

顧客吃完食物佢哋會第一時間收碟，但水杯沒有水就不會理會．

服務員的素質偏差很大，有些滿面笑容，有些黑口黑面；有些自動自覺，有些少做少錯．

如果你想在週末睇吓海景，吃個悠長午餐，可以試吓; 但如果你對食物有少少要求 (請閱餐廳概要內的開飯介紹), 這餐廳有點不對板.

_

睇吓openrice 呢度的食評幾好, 所以來這裡試吓，約一星期前訂位.

鐘錶舖果個閘好隱閉, 加上樓下沒有指示, 最後都要打電話問路.

環境是私房菜的樣子,佈置簡單, 比較平實; 面積唔係好大, 最多只能坐廿幾個人.

老板娘首先講一次我哋兩個人之前上網選擇咗菜單:

包: 熱辣辣, 很好.

頭盤
他選擇了Smoke Salmon with Capers, Gherkin, Red Onion Dice & Mango Purée: 新鮮嫩滑的煙三文魚配埋洋蔥絲, 伴上帶甜帶酸的芒果汁, 好好食!
我是Seared Scallop with Fresh Fennel & Pernod Sauce: 烤帶子象棋咁大粒, 配上幼滑茴香白汁, 好有口感, 美中不足是少少過火.

是日餐湯:
鮮蝦南瓜湯: 蝦肉細細, 但好鮮甜, 南瓜湯味道不錯; 但我會提議蕃茄湯或菜湯, 或會令顧客更有驚喜!

Baked Portabello with Tomato, Bacon & Cheese：蕃茄煙肉芝士焗菇熱辣辣, 夾d火箭菜, 好食！

主菜:
他選擇了Oriental Marinated Australian Lambrack, 我是USA Prime Ribeye: 羊扒和牛扒都外脆內軟, 肉味濃, 有嚼勁 (唔係筋喎!), 簡簡單單, 加少少芥茉已經好好食; 尤其是medium rare的牛扒, 好有肉汁(唔係血水!), 又大件, 我食唔完, 分咗一半俾佢, 絶對是誠意推介.

咖啡或茶 (可添飲):
唔想咁多咖啡因, 佢叫咗個柚子茶, 我是雪梨茶.

甜品:
心太軟加雲尼拿雪糕: 係黑朱古力心太軟, 我幾鍾意, 但他覺得唔夠甜.
薑糖panna cotta : 佢唔鍾意薑味，本來話唔食；我話呢個奶凍甜品“好natural , 好有奶味，唔係果ｄ用粉溝出來的化學味，好香滑, 好好味, 試吓啦！”跟著, 佢食咗大半個．
甜酒釀士多啤梨加雪糕（老板娘送的，多謝！）：他很喜歡．

服務員清楚解釋每道菜，又常常加水, 態度良好.　

我哋食吓嘢, 影吓相, 和老板娘傾吓計, 分享吓喜歡的中菜和素食 … 臨走時，大廚和我哋握手, 恭喜我哋結婚周年紀念, …過咗好開心的一晚, 好想把這一刻的心情記下…更希望和你走埋前面的路.

古巨基-一刻永恆(高清版)
http://www.youtube.com/watch?v=hVVnukWcNtw
這一世　即使見聞沿路一直變
一刻永恆　懷念永不厭　
風景性情人物會改變 即使故意再做一遍　
情懷事後便難再現 回憶可珍藏當冠冕

星期六約12點, 看完早場, 近近哋來這裡飲茶.

皇室堡商場像雪櫃一般, 唔環保, 又浪費電, 咁多年都沒有改善.

兩個人叫咗：

chopstick:
燒賣：蝦大粒,也爽口, 味道不錯。
麻蓉包 : 唔太甜, ＯＫ
香荽陳皮牛肉腸：普通的牛肉腸。
鹹薄罉：放涼咗，有點硬
生煎黑豚肉包：入面有磨菇和黑豚肉，熱辣辣，好食。
椰皇燉鮮奶：雖然有少少豆皮，但只是１２蚊，有點椰香，又唔太甜，收貨！

油菜三十幾蚊碟，太貴，沒有叫。

食物質素ＯＫ，服務員主動換碟和加水，地點寛敞，可以再來．

星期日上完瑜伽堂, 消耗了大量體力, 未夠6點便去吃晚餐.

時間尚早, 我哋沒有訂位也OK.

座位和座位之間無乜空間，但也算是簡潔乾淨.

兩個人叫咗:
是日老火例湯- 冬瓜雞腳湯: 有湯料,味道不錯
香芒炒雞柳: 雞柳炒得嫩滑, 芒果也很鮮甜.
西蘭花炒帶子: 帶子厚身, 西蘭花爽脆, 好食.
白飯、白粥: 白飯熱辣辣，白粥軟綿綿.

水準不錯, 每碟小菜份量不大 ( 請留意小菜碟和飯碗的比例), 一片青椒也沒有浪費.

食客陸續埋位, 7點差不多坐滿人, 我哋飲多杯茶便結賬離去.

星期五的1245來吃午餐, 差不多全滿.

午市套餐 $78 +10%:

菠菜忌廉湯：菠菜味唔濃，但勝在大大碗．

主菜三選一, 牛配咖哩汁/ 魚配薯條/意粉配辣椒蕃茄汁, 樣樣都好熱氣, 最後我選擇了第二個:炸魚唔食炸粉,薯條食幾條…

是日甜品是朱古力旦糕: 質感較實

凍咖啡 :一般糖水另上, 呢度己經溝埋俾你, 我唔飲甜咖啡, 佢立即換返俾我,加返d分.

今天, 我和識於微 時的朋友吃午餐, 很久不見,仍然是什麼也可以談, 無需顧忌. 但這裡木造的裝修把聲音反彈再反彈, 嘈音比酒樓或大街更吵, 大家叫破喉嚨咁說話, 也只能勉強聽到對方說話, 很不暢快.

價錢唔貴, 但食物唔啱口味, 傾唔到計, 一次夠了.

看完 "大廚出馬”和openrice的食評, 十分吸引, 所以和屋企人來吃飯 ．　

想試吓得獎菜, 又唔知例牌夠唔夠九個人吃, 所以我俾個預算和心目中想吃的菜單, 問吓明閣的意見, 商量咗一個餐單.

是日四小碟 : 包括乳豬，醉鴿 ，海蜇 ，和肉鬆豆腐皮蛋，全部都很好食，特別是乳豬，皮很鬆化, 入口即溶．
是日老火湯: 菜乾豬肺湯: 湯咸咗少少, 反而d湯渣好豐富, 豬肺和菜乾好腍，我吃個不停．
柚子蜜蝦球配翡翠帶子：蝦球和帶子好大隻，露筍好粗，加上紅椒, 青椒, 七彩繽紛．蝦球甜甜酸酸，姐夫很喜歡．帶子和露筍較咸，我食唔到鮮味．
龍皇披金甲：釀上蝦膠的龍躉肉, 很名貴．
珊瑚素心燕 : 炒紅白蘿蔔絲和旦白, 配西蘭花, 清清哋, 味道不俗.
朗豪炸子雞 ：皮炸得佷香脆，雞肉嫩滑，薄薄的炸蓮藕片也很好吃.
欖菜石斑薑旦炒飯 ：服務員R見我哋喜歡拍照，俾我哋影吓個蒸籠和荷葉和炒飯，才攞去分, 很友善．這小菜外型唔錯，但個飯無咩薑旦，又比較咸，更不要問有沒有荷葉香味．我的爸爸是一個傳統的中國人，唔浪費食物，佢食嘢唔淡, 平日食嘢鍾意加豉油，成日俾我敦促要小心注意身體；佢一面吃這炒飯，一面話咸，最後食剩半碗飯！
是日甜品：薏米腐竹糖水，唔太甜, ok.

小菜賣相設計很有心思, 但味道偏咸, 把食材的鮮味遮蓋了．

座位闊落, 無奈顧客很多, 十分嘈吵.

草民這張單可能太普通, 寫菜單時有D 嘢要我問來問去, 又沒有跟我reconfirm booking, 攪到我折騰咗幾日…幸好服務員R的服務不錯, 換茶，加水，換碟，也做足了, 為這米芝蓮2星服務挽回一些分數 .

如果諗住一家人吃吓飯影吓相，試吓明閣無妨; 但如果以期待的心情，諗住試吓好有層次或米芝蓮的味道，或會失望.

約三星期前訂位.

我們坐在窗前, 望吓維港, 景色怡人.

座位安排是梅花間竹的, 很有心思, 令人感覺寛敞, 也很寧靜.

我哋叫咗3道菜假日午市套餐, 每位450蚊 +10%, 奉送紅酒或白酒一杯.

唔想飲酒的我, 叫咗一杯西柚甘荀汁, 含豐富維他命, 有益健康.

由紅酒, 麵包, 到甜品等食材, 服務員都一一介紹, 只是草民天資平庸, 未能緊記. (如果多來幾次温習,必定能好好掌握, 哈哈!)

麵包: 熱辣辣,有幾種味道的, 我不知不覺地吃咗3款.

頭盤 :
Japanese Scallops a la Plancha, Crispy Pastry and Marinated Vegetables香煎日本帶子伴薄脆皮配醃雜菜粒: 他說好吃.
Tomato Gaspacho, Alaskan King Crab and Guacamole 鮮茄凍湯伴亞拉斯蟹配牛油果醬 : 在炎熱的日子裡, 我欣賞吓艷紅明亮的湯色, 聞吓清新的香味, 食吓啖啖鮮甜的蟹肉和牛油果醬, 感覺消暑開胃!

主菜 :
Wagyu Beef Rump, Crushed Paysanne Potatoes and Fondant Spinach in Pepper Jus煎和牛冧肉伴法國碎薯,莧菜配黑椒汁 : 他說好吃.
Scottish Salmon Paillard, Vegetable Tempura and Wasabi Bearnaise暖煮蘇格蘭三文魚薄片伴雜菜天婦羅配日本芥末旦黃醬: 平凡的三文魚緊密的排烈著, 我切少少 然後沾上芥末旦黃醬, 味道感覺柔潤豐腴; 這暖煮三文魚的演繹手法令人感動, 我一邊吃, 一邊不停地和身邊的他驚歎 : 好食, ….. 好食x n … 可惜是這些雜菜天婦羅的粉漿很厚, 我不愛吃, 我只好把粉漿切走, 只吃蔬菜

甜品 :
我選擇了3 件, 有細腻的, 有層次的, 有精緻的, 賣相令人賞心悅目. 尤其是覆盆子大粒有光澤, 味道很好.

咖啡或茶 :
飲埋cappuccino, 肚子’圓’滿結束．

有些米芝蓮餐廳給我的感覺普通, 名不符實; 在環境優雅的Caprice, 我哋感受到專業勤快的服務, 卓越的食物搭配和烹調技巧. 我覺得三粒星不是僥倖的事, 而是努力, 用心的結果.

謝謝你 (和親愛的) 給我一個愉快的體驗.