星期四, 睇完水舞間, 乘坐穿梭巴士, 行咗一陣, 來到六棉酒家吃晚餐.

約20:00, 坐咗6成, 不太嘈沙, 可惜不設非吸煙區, 只好坐遠少少.好肚餓, 兩個人叫咗

杏汁豬肺湯 (例牌) :奶白色, 杏仁味很香, 加上足料豬肺, 每人足3大碗, 止咳化痰, 滋潤養顏.正! 芒果蜜豆牛肉: 芒果少酸, 蜜豆和牛肉炒得很腍.咸肉蒜蓉莧菜 : 熱辣辣, 又大煲, 幾好, 如果可以走咸肉仲好.送甜品和美點: 紅豆沙唔太甜, 豆煲得很沙, 製作認真, 值得加分.服務員工作勤快, 常常加水和換碟, 態度有禮貎, 很好!

星期四, 我哋行到洪馨椰子, 已是1600, 唔知仲有沒有雪糕呢?

我望吓雪櫃, 仲有好多雪糕, 原來又加咗價, $13一杯!

椰子雪糕: 唔太甜, 但椰子味也很淡, 沒有什麼奶味, 像空氣很多的雪葩.

價錢不便宜, 吃了一大杯, 心裡仍有一個洞.

下次來澳門食嘢, 未必會再來, 肚子留給其他食物好了.

吃過午飯, 沿著椰子雪糕的方向閒逛, 路過這小店, 入去歇一歇.

牆上是一幅幅的黑白照片, 記載了許多生活故事.看餐牌, 麵食才是主打

我哋唔肚餓, 食碗熱豆腐花就夠了.

味道唔太甜, 少少豆味, 很滑溜, 扺食! .

首先要一讚這餐廳的網站，可以網上訂位，又可閱讀中英文的餐牌; 避免我哋一面看餐牌, 一面偷偷地查字典的尷尬場面, 非常貼心！

曾閱讀過好些評論話澳門這餐廳比意大利的環境遜色 , 我未去過, 無從比較; 如果將來有機會拜訪, 再探討吧!

餐廳環境寛闊, 每一張餐枱都有小櫈放置包包, 枱與枱之間距離相當, 加上大家說話斯文, 倍覺靜心!Fｕｌｌ　ｍｅｎｕ　只是４８０，價錢抵吃，但今天澳門美食之旅剛剛起程, 不想爆破肚皮，所以我哋都選擇了３course + dessert (380)

是日天晴乾燥, 飲熱水有益健康 (免費).

麵包: 他說牛油，黑醋橄欖油都很好味，但我喜歡原味，簡簡單單，熱烘烘加鬆軟的感覺，味道已很精彩，１８９０馬鈴薯包、蕃茄軟包、小麵包，．．．．每一件我都沒有放過．頭盤
我選擇了Baby squids with polenta, arugula and 25 years old balsamic vinegar 魷魚配玉米蓉，芝麻菜及25年陳年意大利黑醋: 魷魚軟而口感，黑醋和玉米蓉做的幼滑醬汁把菜式味道提升，感覺豐腴．他選擇了Tuna accented with pink pepper and a red onion sauce from Tropea 吞拿魚配甜椒及紅洋蔥汁湯
Cream of chickling vetch with scallops and spicies 意大利豌豆湯伴帶子及特色香料 : 豆湯味濃, 帶子鮮甜, 味道不俗!主菜
我選擇了Lavender encrusted sole fish served with wild spinach 香煎龍脷魚配薰衣草及菠菜 :我把鼻子嗅過去, 聞到一股清新的薰衣草味，但食落去無乜特別味道; 龍脷肉質鮮嫩, 用料新鮮, 吃完也不覺膩 .他選擇了Veal loin stuffed with buffalo mozzarella, pork cheeks and sage, served with "broccoletti" and red wine reduction 牛仔柳釀水牛芝士伴豬面頰配香草、意大利西蘭花及紅酒汁甜品
我選擇了Almond "frivolezza" with Sicilian oranges and carrot sorbet 杏仁慕士配西西里橙片及甘筍雪芭: 一圈細意的品嚐中,味道美妙誘人!他選擇了Hot dumplings of pears, pinenuts and raisin served with buffalo ricotta sorbet and raspberry sauce 意式雲吞釀香梨、松子、葡萄乾伴水牛芝士雪芭及紅桑子汁咖啡及甜點：如何在目不暇給的甜點中選擇4款? 減肥的我選擇了3粒, 為食的我又選了3粒, 很滿足！我喜歡它的食材簡單,卻又能感受到厨師在選擇料理和演繹時下了不少功夫.

上菜時間和服務也恰到好處，吃得很自在, 很開心啊!

大家不訪考慮把這餐廳放入你的澳門餐廳確信名單 (conviction list)，如果他日這餐廳真正入咗澳門米芝蓮星級餐廳，顧客蜂擁而來, 就不是這個價位了!

鉅記是澳門遊的最後一站,必買!

澳門鉅記(杏仁餅和鳳凰卷)大概是香港的八折, 如果有九折咭仲抵.

雖然選擇很多, 但我最喜歡的仍是傳統風味的杏仁餅和鳳凰卷.

星期五的1730 已經見到絡繹不絕的人行上餐廳, 我哋也早點吃晚飯, 四個人叫咗:
什菜湯一碗: 好多料
葡式雜菜: 紅腰豆和椰菜好腍,好入味
蒜蓉焗青口: 蒜蓉很香很濃的,青口很新鮮!
紅酒燴牛脷 - 牛脷成隻青椒咁大, 又煮得好腍, 味道相當不俗, 令偏食的人也突破食嘢界限!
葡式海鮮意粉: 熱辣辣, 凍咗就唔好食.
加上清新的自製甜品 : 木糠布丁, 葡撻, 椰子布丁, 鮮奶球, 很滿足!

我最怕食葡國嘢好濃味, 但呢度食物唔會太甜太咸, 加上大家都食得好開心, 物超所值.

自助早餐吃得很飽, 所以我哋四個人都唔係食好多嘢:
西班牙黑毛豬叉燒伴海蜇頭花:叉燒肉質軟腍, 很鬆化; 海蜇頭花很爽脆.
海鮮菠菜餃:啖啖菠菜, 味道不俗.
燒賣：蝦很大隻, 餡料也要慢慢細味.
鮑魚粒荷葉飯：配料很多, 例如: 燒鴨肉粒、冬菇粒、紅蘿蔔粒, 瑤柱絲… 等, 鮑魚粒很彈牙, 炒飯很乾身, 果然是必食！
帶子韮菜角:材料足, 熱辣辣, 很香脆!

食物好吃, 服務妥貼, 常常加茶, 絕對值得推介！

飲完茶, 仲可以坐穿梭巴士去新濠天地看bubble show, 很方便.

由於是雙人浪漫住宿推廣, $1680 包咗行政客房一晚, 自助早餐和稻菊晚餐, 所以這個稻菊晚餐也不能期望甚麼高級的食材，不過藉此來嚐嚐稻菊的水準也是值得的:

季節前菜: 鰻魚旦, 好滑
柚子沙拉: 找不到一絲柚子?
三色刺身拼盤: 新鮮, 但很細件
天婦羅拼盤 : 粉漿很厚, 不合格.
鐵板帆立貝: 很鮮甜
鹽燒魚頭 : 好大隻, 肉質嫩, 喜歡吃魚的人感到心滿意足.
美國牛肉（薄燒） : 牛肉有肉汁, 又香又好食
野菜炒飯+味噌湯: 雜菜配料很多, 味道不咸不油, 但我講唔出點解,總感覺個炒飯欠咗一點點.
甜品拼盤: 紅荳綠茶慕絲,芝士旦糕, 菠蘿生菓.

我覺得吃法國菜是一件奢侈的事，簡簡單單的幾道菜，閒閒哋過千元，能夠用幾百元吃個米芝蓮三星午餐, 實在要見識吓, 所以我哋一星期前訂咗枱.

我心目中的米芝蓮三星法國菜是每個細節都要完美, 包括食材, 服務和環境, 而客人也是環境的一部份, 所以,大部份的人也會尊重自己, 尊重別人, 遵守dress code, 衣著會得體一點, 然而, 也有衣著隨便, 穿圓領T-shrit 的人,雖然只是一個半個, 但也要扣分.

我哋都選擇了$398的午餐,上菜先後有序, 味道由淡至濃:
麵包:熱熱辣,有咸有甜, 有果仁, 提子… 太好食了, 全部食哂.
pre-appetizer: 唔記得佢的介紹, 好細杯
前菜- 煙鴨肝伴粟米慕思柑桔啫喱 : 配搭好好,味道獨特
主菜- 帶子魷魚, 鮮蝦配海鮮湯底 : 帶子非常厚身,有口感, 薯茸很普通, 蔬菜食材的大小一致, 毫不馬虎, 但海鮮湯底味道太濃郁.
甜品: 賣相精緻浪漫, 味道層層疊疊
咖啡: 凍奶, 令人失望

服務妥貼, 常常加水, 充滿香港特色智慧的法國餐.

總括來說, 正如澳門的旅遊景點一樣, 我也會推薦你慕名前往 "一次”.