LE BREAD LAB (尖沙咀)

和友人在尖沙咀逛累了，想找一個不趕人的地方聊天hea下，就來到甜品店LeBread Lab。。。呢間是來自韓國嘅過江龍哦~ 成間舖都係粉紅色，充滿少女心啊！
Le Bread Lab最受歡迎嘅就係奶油捲！
友人想試朱古力味，我們點了四件士多啤梨朱古力奶油捲（因為冇得單件買）
蛋糕係幾鬆軟，啲cream好幼滑唔會好漏，朱古力味都ok香濃，但啲士多啤梨就不是特別甜。
聽說這裡的紫薯牛奶和士多啤梨牛奶也很有名，一場嚟到就順便試埋。
紫薯牛奶：表面用紫薯粉撒上心形，真係好少女；紫薯味很濃，我覺得有驚喜，友人就認為甜左d！
士多啤梨牛奶：飲到有粒粒士多啤梨肉，但士多啤梨味不是好濃，奶味相對較重
2款同樣推薦喔！

木衛二鑄茶所 (荃灣)

和友人在「荃灣南豐紗廠」逛累了也口渴了，

就來到這間台北淡水的過江龍「木衛二鑄茶所」休息一下，試返杯台式茶飲

我點了一杯奶霜觀音（半糖; 走冰），奶蓋非常厚身，入口香滑

店裡面有月球燈，裝橫很有文青Feel，感覺挺休閒的

幸福堂 (旺角)

去補習途中 經過見到新開ge正版台灣幸福堂
唔洗排隊wor，朋友叫我買番杯試下，順便打個卡...

我order jor 杯 - 焰遇幸福 黑糖珍珠真鮮奶 ($30)
等左15mins 就有得拎!
gimmick係睇到現場手炒d黑糖珍珠~
黑糖珍珠配上鲜奶，再在鲜奶上面撒上黑糖炙燒。
珍珠頗為煙韌，有淡淡黑糖香氣，(因為落左好多冰) 味道甜而不膩 。

Morokok (旺角)

朋友話想搵間可以坐耐d既餐廳 傾計聚下...
網上見到呢間餐廳新開，話地方大，有board game 玩，地方又幾靚，決定去試下~
打電話book 左2:30pm，去到都要等15mins 先有得入-0-
餐廳好full，好多人所以比較燥-.-‘

餐廳人手真係唔夠… 要叫幾次 先有人俾水+餐具+落單0.0
我地點左:

蛋包泰式炒金邊粉伴扒大虎蝦 ($128)
勝在賣相幾好，網紋的蛋包IG-able。金邊粉甜甜辣辣，味道幾好


泰式青咖喱意大利飯伴黃金軟殼蟹 ($148)
面層的軟殼蟹係鹹蛋黃炸，係就係酥脆可口，但真係鹹左d
泰式青咖喱x意大利飯crossover，配上泰式肉碎，味道非常唔錯，很推薦! (如果大碟啲會更好)



小食拼盤 ($128)
這個拼盤的確是Share之選，不過質素就好一般…
雞翼 春卷不過不失吧，白色那個汁好似Yogurt溝水，味道很怪☹

***所有食物上桌時係微暖ge，如果可以熱d會更好***



牛油果羽衣甘藍奶昔 ($62)
朋友話想試
呢杯奶昔不甜 (不但唔凍 仲暖ge) 牛油果的香氣突出 很健康的味道



芒果蝶豆花糯米飯 ($88)
一道很IG-able的甜品
蠂豆花糯米飯味道都唔錯，上面少量的脆脆 為糯米飯加添口感，係芒果有d酸，椰汁咸左d…


冇用餐時限的話，食物價錢算係合理ge~

紅葉茶屋 (旺角)

男朋友話想試下嚟間餐廳，話係日本好出名又好多人排隊食 見係無乜人，餐廳裝修又幾靚所以試下囉。男朋友叫左吉列猪扒滑蛋飯，我叫左烏冬。

烏冬份量都ok 有4 件雞，雞就無乜味但係啲汁好難食，有少酸味同好臭嘅cream味。
其實我平時好少話食唔曬嘢但係因為真係有啲似嘔吐物味所以就。。。埋單時諗住同店員講下但係佢就一口咬定嚟隻味係咁仲話可能係我自己接受唔到芝士味😑無言

Tiramisu正正常常 無mascarpone味但係我鐘意食佢放係底嘅蛋糕🍰