SODAM Chicken 在韓國多達70家分店，它出名炸雞，便決定與細佬一起去試下

蜜糖芥末香蔥炸雞（$188）一碟大概有10-12件炸雞吧，有兩件雞脾、兩件雞全翼、其餘的是雞胸、雞上脾部分。
炸雞外表色澤金黃，表面淋上了蜜糖芥末醬，再鋪上香蔥
炸雞是即點即炸的，新鮮滾熱辣，外皮炸得香口夠脆，不會又厚又硬
肉質食落除左雞胸部位外其他都嫩滑多汁，雞肉有脂肪油脂但不會感到油膩
由韓星李鐘碩和秀智代言的過江龍 - BBQ Premium Chicken出品的炸雞 嫩滑程度都不及Sodam Chucken做得出色。
淋上的蜜糖芥末醬汁未有炸雞變得腍身，而且黏杰度適中，每件炸雞輕易掛上醬汁。深褐色的蜜糖芥末醬汁濃度非常合我心意，日本芥末味微辣但唔會強烈到嗆喉同搶晒d味，又有陣陣的蜜糖香甜味，令炸雞唔會只有單一的雞味，炸雞的味道有d變化令人吃多也不覺悶。加入香蔥絲，帶來多一重清新口感，減少炸雞膩滯。
好食啊!

魚串湯鍋 ($160) 以份量來說 這個魚串湯鍋價錢略高，材料只有韓式魚板串(雖說這在香港是比較難吃到) 配以豚肉片及大量蔬菜，如金菇、黃芽白、大蔥、紅椒、洋蔥等。
身為主角的韓式魚板 入口軟軟的又帶點少許嚼勁，有d鹹香; 沒有料到會出現在湯鍋裹的豚肉片 肉質軟嫩。
至於湯底 是白水底，雖然烚下烚下紅椒微辣及菜甜味跑進湯裡，但沒什麼特別，自然不會當湯喝。
魚串湯鍋較為清淡 可中和炸雞的“熱氣”

我叫左杯菊花蜜特飲 又名Kiss Me Honey ($58) 菊花蜜特飲 其實是菊花蜜和梳打的結合 加上大量冰粒，喝下去味道清甜，滲出淡淡的菊花清香，感覺清爽冰涼，相信有助清熱降火、解辣解渴又消膩。向來 個人認為炸雞配汽水或啤酒先夾，冇諗到呢杯菊花特飲都好夾，客人又可以多一個選擇。不過它的味道遠不及外表出衆，平常的飲品經過一番打扮價錢昇呢 LoL
這杯飲品 超級大杯的，杯面直徑有6吋，非常耐喝。以大大朵的太陽花 代替主角菊花做裝飾，賣相搶眼悅目，岩晒相機食先呃like用 XD

Apple Cider Beer Bomb ($78) 由千頌伊發起的炸雞配啤酒的狂熱令眾人個個有樣學樣，細佬他叫左呢個Apple Cider Beer Bomb 。呢個Beer Bomb 其實即是 另外比多杯清酒你放入Apple Cider度一齊飲，不過細佬就話加左同冇加分別不大，係感覺上特別d咁話。P.S. 店員話韓國人係會成杯清酒放入杯Apple Cider裹面，不過香港人如果唔鐘二又或者接受唔到 可以選擇倒落去。。。

Sodam Chicken 的炸雞水準非常好，值得推薦；飲料賣相出色，不妨一試；但其他料理似乎麻麻。雖然價錢略高，但食物分量十足。

環境方面 餐廳的佈置簡約，播著輕快的K POP給人一種像休閒舒適的感覺。

與好友一起來到此店一起食個dinner 這間餐廳嘅裝修簡樸精緻，周圍綠綠的 有種田園feel，環境俾人感覺好舒適

配合櫻花季節推出的 [期間限定]櫻戀脆香鬆餅 $62 以外形來說 是一流既 Waffle鬆脆 伴上了煉奶，配合玫瑰忌廉芝士來食 更加香甜可口 兩者非常配合
玫瑰忌廉芝士，充滿了濃濃的草莓和淡淡的櫻花香，香味十足
醃漬櫻花帶著少許鹹味，令人就算食多了也不會感到太甜
唯一美中不足的是 Waffle的蛋香味編淡我揀了杯 [期間限定]櫻戀冰雪樂 $56
來試試 粉紅色 挺夢幻的 不令女生們心動才怪
沙冰 入口香甜，帶有櫻花的微酸，令口感更清新，有春日的感覺！

朋友那杯是 OREO朱古力冰雪樂 $52
極濃嘅OREO朱古力味 Smoothie個texture好thick又幼滑
杯Smoothie係好飲 但味道 我個人覺得稍甜

P.S. 兩杯Smoothie面層都有一球雲呢拿雪糕喔

新推出的 厚切吉列豬扒鬆餅三文治( 配薯角) $56 賣相吸引
未食就已經聞到吉列豬扒既香氣
吉列豬排吃得出是新鮮炸起，又脆口又保持了肉的juicy, 不會感到乾身
還以外表色澤金黃的窩夫代替麵包夾餡，給人特別的感覺
窩夫外脆內軟，配上蕃茄 生菜和蜜糖芥末醬 增加了清新感，感覺健康d呢個waffle味道不錯， 好友與我都讚不絕口
另外 伴碟的薯角(和茄醬)，加上少許香草，味道提升不少
這個薯角大概是焗出來的，感覺不夠脆
但薯角並不油膩，感覺上比較健康！

香草忌廉三文魚意粉 $72 是我想點的主食個意粉賣相令人垂涎，而且味道不錯
意粉煮得還蠻有咬口的，富有嚼勁，非不淋爛
香草忌廉汁夠香口，味道濃郁，非常稠滑得掛在每條意粉上，加上 有少許黑椒及香草加持，味道提升不少，夠味亦不會膩，好味道

珍珠奶茶班戟 ($48) 是好友想點的甜品，純粹因為配搭新奇有創意才點好友與我倒是第一次吃到這口味的班戟
班戟三層高，表面淋上了奶茶醬，再鋪在一粒粒黑珍珠及椰絲
雖然賣相與Menu上見的差一d，但班戟感口鬆軟，奶茶味濃郁，黑珍珠口感煙韌，整體不太甜

與好友看套電影, 由於剛好是晚餐時間, 決定先去附近外賣點東西進電影陪我們。來到一家賣窩夫的小店, 略略看過餐牌, 點了款鹹嘅窩夫 - Flemish Pork Stew Filling ($62)

當中令人非常欣賞的是 內餡fill係Waffle入面 食的期間d夾餡唔會掉出來 唔會食到整污糟易開的包裝設計亦有創意 方便又貼心

窩夫表面微脆內層吸了醬汁有d軟身 入面夾着滿滿的豬肉饀料

豬肉好淋 個醬就好似燒烤汁個味lol

呢個waffle味道不錯 唔會話鹹中帶甜 又唔會話好膩 給人特別的感覺

值得再去試佢嘅甜窩夫 不過價錢不便宜

紅桑莓戚風蛋糕 $38

蛋糕入口鬆軟若綿有彈性 
蛋糕內混有很多小顆的紅色莓肉 
吃著酸酸甜甜的紅桑莓 開胃也滋味
蛋糕身塗上的忌廉有著濃濃的牛奶味
吃著如泡沫般幼滑輕盈 不會膩
一試難忘

好友要了
沖繩黑糖香蕉戚風蛋糕 $38

香蕉味香濃 小試一口 充斥口腔
黑糖味卻不突出
配上泡沫般幼滑輕盈的忌廉
一如既往的讚

檸檬忌廉班戟卷 $55
班戟煎得很薄 捲著檸檬忌廉 軟滑清新 不太酸 
調上焦糖和雪芭 加上蜜糖脆脆
無得輸的酸甜組合


Kahlua and Baileys Soufflé with Cookie Ice Cream $59
梳乎厘即叫即做 夠高又挺身 口感輕盈
可惜Baileys味唔夠重 有點過淡
第一啖食 個味都可以 第二啖 只食到蛋味
重點係 呢個野三匙食完

來自美國紐約著名精品餅店LadyM終於到香港開業 我們網上睇到推薦 慕名而唻朝聖
星期四下午2點左右到達 加入堂食的隊伍，排隊等咗大約15分鐘左右 便獲安排了入座
看到餅櫃一個個賣相精緻漂亮的蛋糕 好幾款都想試
我們就決定點了




原味千層蛋糕 SIGNATURE MILLE CREPES $68

原味千層蛋糕是Lady M的招牌蛋糕 
手製班戟皮做得像紙一般 非常的薄身 煙軔有彈性
每一層相間夾着的忌廉 奶味十足 輕盈滑溜 甜而不太膩
層層疊疊鋪出鋪出的蛋糕 層次分明 蛋糕面頭還煎成焦糖
咬到嘴 蛋糕的層次感做得很好 點點的焦糖確實整個蛋糕更香


抹茶千層蛋糕 GREEN TEA MILLE CREPES $75

抹茶千層蛋糕 結合了和風元素 
把日本京都入口的頂級抹茶粉混合鮮忌廉 配上多層薄薄的班戟皮 味道淡雅 
雖說蛋糕面頭上鋪有厚重的綠茶粉 不過蛋糕抹茶的味道不濃郁 也沒有一般日本抹茶蛋糕的淡淡苦澀味 反而忌廉帶有的奶味較突出 甜味較重
同樣是千層蛋糕 口味上 我個人還是比較鍾意原味忌廉千層蛋糕

士多啤梨海綿蛋糕 STRAWBERRY STORTCAKE $58


簡單點來說 就是呍呢嗱海綿蛋糕 配士多啤梨果肉及忌廉
酸酸甜甜的士多啤梨果肉混合甜美細滑的忌廉 果肉才不致於太酸澀 
蛋糕很鬆軟 跟士多啤梨忌廉一起吃 甜度恰到好處
不過還是千層蛋糕更出色

檸檬千層蛋糕 CITRON MILLE CREPES $75 


檸檬千層蛋糕是期間限定的
同樣是千層蛋糕 忌廉入口依舊香滑綿密 
但檸檬那款的味道不如原味款那麽奶味
分別之處在於那箇中的清新滋味
蛋糕帶有淡淡的檸檬香 卻沒有一般檸檬蛋糕的明顯酸味 以甜味為主要

加上一杯French Rose Tea Latte $68

這杯Rose Tea Latte奶泡綿密 入口順滑 奶香很重 玫瑰花香味則太淡
但杯面上以十多片玫瑰花瓣點綴的Rose Tea Latte賣相好靚 即使沒有拉花亦成功擄獲許多少女的心
然而要$68 太誇張了 價錢略貴


朋友那杯是香茅姜茶 GINGER LEMONGRASS $48

茶的味道不濃 我試飲後覺得只有淡淡香草味 薑味是冇的
若覺味道太寡 可以再根據自己的喜好加入適當的蜜糖當作提味
茶可以稍稍緩和甜膩的忌廉

LadyM千層蛋糕的價位或許偏貴 但實在是高水準的之作
大概因店舖設喺商場內開揚嘅位置 人多嘈雜
堂食地方有絲絨梳化及高雅瑰麗時尚的場地佈置 但完全沒有休閒舒適嘅空間靜靜品嚐

總而言之 愛甜的朋友不妨一試 但要輪候1小時的話 就不值一試了

個個都話蜜瓜牛奶雪花冰好食，就食你la🍈🍈🍈
蜜瓜牛奶雪花冰 $150
呢個甜品 底下是半個挖空的蜜瓜 蜜瓜皮內裝滿牛奶味雪花冰
上面再鋪上一粒粒蜜瓜球 堆砌成一個塔狀的形狀
頂端再加埋一支倒轉插著的韓國超人氣的蜜瓜味雪條 賣相好靚好宏偉
主打的蜜瓜牛奶雪花冰 真的很不錯
蜜瓜很清甜 雪花冰刨得細 所以食落好輕盈 入口即融
不過雪花冰得淡淡的奶味 只單吃冰實在單調 連同蜜瓜味雪條一齊食 味道會更好
(其實呢個份量都真係幾大 4個人食嘅話都飽咗一半 唔洗點食其他野)


韓式紫菜飯卷 KIMBAB $42
12件顏色鮮艷的飯卷 賣相吸引
飯卷餡料非常豐富 主要由蔬菜組成 
有非常爽口醃製的蘿蔔、鮮脆的青瓜甘筍等 加上鹹香的韓式火腿 面頭更撒了些芝麻
可能沒有加入麻油 味道是比較清新健康 非常適合熱愛健康的女孩子


炸醬麵 JAJANGMYEON $58
其實呢個都幾精緻
不過麵煮得較軟身 
炸醬份量雖然是多但很稀 而且偏甜 
撈麵變湯麵了


泡菜炒飯 KIMCHI FRIED RICE $48
可見份量之少
炒飯有好多泡菜和少量午餐肉粒作配料 配上太陽奄春蛋 及加了紫菜
炒飯濕濕黏黏的 微辣 幾開胃
味道上可以 就是泡菜汁炒飯吧

是日與朋友一起來到此雪糕店一起食個tea 我們點了一份大窩夫加兩球雪糕share 我們每人各自選擇一款雪糕 點了朱古力及摩卡朱古力碎口味


一份大窩夫($42)，小的則是$32。
小的是一條長型的，大的當然比較划算。
配雪糕的話 第一球是$18，第二球是$10，加醬的話另加$8。

近期有很多店的窩夫是以賣相出眾的 不過澳洲Geláre雪糕店的窩夫沒有什麼賣相可言
窩夫即叫即做 熱呼呼的上枱 邊位香脆 可是餅身不夠脆身有點腍
大窩夫厚厚的 富香濃的蛋香 內鬆軟
冰涼的雪糕填進大大的格子是整碟的亮點 冷暖口感 讓人傾心 簡直是一流的配搭
窩夫還點綴了一些cream 整體更甜美
Geláre的雪糕是標榜天然材料製造、不含人造色素及防腐劑 
雪糕滑溜 奶味幾重 黏度甚高 夠凍又不會太膩
我點的摩卡朱古力碎 咖啡味都幾重 中間摻雜朱古力碎平衡 我是挺喜歡的

42蚊份waffle 唔包icecream 都幾貴
推介在星期二的半價優惠 走來吃

餐廳室內的地方環境舒適又光猛 下午來relax一下 都是不錯的事情

常在網上看到大圍嘅屋子咖啡的大名 一直也很想去 今日終於有機會嚐嚐
這小店的地點真的不容易找 中午一點到達 店內人不多 唔洗等候
這是一間結合了台式和日式風格的cafe 屋子嘅裝修簡樸精緻 俾人感覺 環境好舒適  
這裡有漫畫裡見到的食物:八爪魚香腸﹑貓丼 感覺很有趣

我同朋友揀左飯團餐嘅 鹽味鮭魚飯團及日替飯團($56)

餐含沙律, 涼伴豆腐, 一品小吃, 配飲品一杯
飯糰兩款 選用左珍珠米
鹽味鮭魚飯團是鋪上紫菜 咸味適中
日替的是放了木魚絲加上粟米同芝麻握成
沙律係一片蕃茄同清一式的生菜 伴以麻醬 跟在家裏弄沒兩樣的
涼伴豆腐 味道一般
一品小吃係牛蒡絲? 爽爽的口感 沒有什麼味道 不喜歡
整體份量雖小(份量對女生而言還可以) 但清淡而健康 味道尚可
五十多元一客, 感覺略貴 

飲品 我杯叫左凍抹綠奶茶 ($26)

抺茶味不夠濃 但甜度適中 奶綠口感亦順滑 還可接受
友人揀左凍蘋果茶 (跟餐的) 凍飲加$3
朋友認為茶味唔濃 蘋果味也很淡

清酒香梨窩夫 ($42)

這裡的甜品賣相精美小巧 外型好靚 看得出裝飾上是有花心思的 女生見到一定喜歡
水泡型的窩夫 厚身不脆 內層鬆軟 質感像蛋糕 
窩夫上放了數粒淡淡酒香味的梨肉 和原粒荔枝, 面層灑上青提子乾, 旁邊圍着軟滑富奶香的甜忌廉 另配焦糖醬作點綴 很有創意的配搭  
生果香甜美味 感覺輕巧清新 不會太甜
這裡的窩夫味道很不錯 但份量少 價錢也不便宜

約了朋友食晚飯 話一齊去尖沙咀食日本菜

闊4吋重一公斤之作 特級火山卷 ($56/ 2件)

真係好大件 平時3件加州卷疊埋既份量
紫菜入面係包住青瓜 甜玉子 蟹柳 黃蘿蔔 豬肉鬆
米飯上面有一塊薄薄三文魚 加大量沙律醬同蟹籽 好滋味
味道同加州卷無異 噱頭成份居多 都係貪得意試下

巨大炸軟殼蟹手卷 ($38)

真係King Size 長度大概有一支筷子甘上下 比普通大足一倍
入面材料(青瓜 蟹柳 蟹籽 炸軟殼蟹)都係跟番比例 軟殼蟹很脆也很大件 
不同材料混得非常恰到 很豐富的一個手卷  大滿足 
但係紫菜就林晒
呢個巨大版手卷食一個已經好飽肚

三文魚刺身 ($82/ 8片)
肉超厚 好新鮮 相當肥美 係唔錯

這間小店 食物款式多 而且質素幾好 
整體令我滿意 還是可以再來這裡