一行十五人~~~去到坐低,心諗咁迫既==得一間好細既所謂房仔==唉~~~~不過唔緊要~地方雖然就麻麻家喇~但唔緊要~我地全要目的都係一班人聚下~開開心心食一次放題~~哈哈
野食黎喇~本來都覺得OK,點知~佢D炸物==D粉厚到==食一舊炸蝦==D粉仲大舊過個隻蝦,D炸粉真係太厚喇~~食隻蠔又係~如果佢地既炸物既粉小D真係會好好多~另外佢地既食物款式實在過小==食黎食去都係得三樣野咁==燒物,炸物同刺身==唉~~~已經冇其他野食喇~所以比左成200蚊感覺真係好似唔多抵咁~==不過成班人一齊食~又有一間房,個FEEL幾好既~不過真係窄左小小~~~~~太大力向後仲會撞到人地添~~~~另外佢地既燒物都係一般般,到刺身喇~~~~唉我覺得佢地既刺身真係麻麻地~我食左幾舊三文魚==居然會趙唔爛一D唔知咩既野,應該係肉與肉之間一條條個D紋==連吞拿魚都係咁==發生咩事~==我真係估你唔到喇呢鋪~~~~~另外佢D野食黎得真係極慢,前個個半鐘都黎得好慢,搞到我同D FD都話食唔飽,點知去到最後個大約十五分鐘~~~~~~佢終於黎喇~~~哈哈,等到我地頸都長==但係個D野食都係食過~~~~但奈何冇其他野食~再叫既~~~唉~~~搞到成個感覺食到好悶咁==不過有一個女店員既態度就真係幾好~~~值得一讚~~~不過另外個D就麻麻地喇~~~仲要係LAST ORDER個陣就叫你賣單==不過有一點幾好既~~就係我地過左2個鐘之後仲坐左約15分鐘先趕我地走~~~哈~~~~不過如果有得簡,下次我會食第間~~~~~~如果睇到呢篇食評既你真係想食好野~我強烈同你講唔好黎==但如果係一班人冇地方去~~~又想食下日本野~~坐下既~又唔介意食野質數~~咪黎囉~~~哈,不過物冇所值咁解~~~~~

唉,一去到,好似好多人咁,聽人講又話咩有名星黎,諸如此類咁,但其實食完先知都係不外如是,唉,比左二百零蚊,都食唔到D二百零蚊既野,對於我黎講其實二百零蚊已經係算高級既喇應該,但其實琴晚食完先知,佢根本唔值呢個價,唉,不過唯一既係佢真係有好多種食品,乜都有,任君選擇,但可能就係因為咁搞到佢食物既質素唔高,仲要D野食既味一時一野,一時又有味,但有時又淡得制==好似馬拉戔炒通菜咁,第一次叫個時真係冇乜味,但第二次叫,佢居然好食左好多,好濃味
其實依間野D炸物真係好唔掂,炸漿好厚,以海老天婦羅為例,D炸漿仲厚過舊蝦,最緊要你舊蝦又唔夠彈牙,另外庶蝦,個蝦膠個味係幾好食既,但問題係佢又炸到唔知想點咁,太實喇,而且炸得太耐,又硬,咬落去會吉口既==另外佢既炸蠔,如果鍾意食生蠔既人應該幾鍾意食,因為外面炸到極硬身,但入面仲有少少未熟,幾重蠔味.但我本人就麻麻地,另外有一個蝦多士,硬到==個麵包硬到痴線,仲有個蝦,根本薄到食唔到,同炸麵包其實冇咩分別,大家千其唔好叫黎食==另外有炸由魚同炸雞翼,又係炸漿太厚,唉
到壽司,卷物同刺身,D火炙壽司都唔錯,火炙三文魚壽司幾好,但佢D壽司飯真係麻麻地,佢仲要將舊飯整到幾大下,另外有一個火炙壽司佢舊魚==小到睇唔到,但我唔記得左個名==哈,但大家都係叫火炙三文魚壽司算,另外佢D卷物都係中中等等,唔係好多料==不過不失啦,至於翜D刺身都唔係話好好食,除左三文魚之外其實其他都切到幾細下,唉,佢D刺身都係普普通通咁既味,如果D人話好新鮮,咁我真係唔係幾食得出==對呢間野真係冇乜好感,唉
至於佢D中菜,我食既大部份都係OK既==因為佢唔會整到耐食,但唔係食完你又會好想食多次,我食完就只可以話,5,OK,但我唔會再叫,因為要食其他野,但我覺得二百幾蚊淨係食中菜有D唔抵咁
,最後佢有燒雞翼同雞比菇,佢將個雞翼係側邊切開之後打開隻雞翼黎燒,扮晒係雞扒咁,但佢又唔整走D骨,另外係雞翼入面既肉汗本來比D雞皮包住,咁咬落去就好好食,咁佢咁樣劏開,燒個時,D伕汗比佢燒個時流走晒,真係好失敗,究竟係邊個人多舊魚咁搞法,無錯佢咁樣做係可以令到隻雞翼快熟D同埋知到入面熟未,唔會搞到入面未熟而出面隆左==但係你將佢劏開再整開扮雞扒真係好失敗,搞到一舊好地地既雞翼變到又乾身又硬又冇肉汗,唉,雞翼比你劏開之後已經好薄,咁仲攞去燒,唉,真係唔想比佢咁樣浪費食材,另外個燒雞比菇都好D,因為佢寫到明憬牛油,你一食落口,真係好重D牛油味,將D牛油吸晒入去,真係唔錯
另外佢都唔係幾會漏單,你畫左既野一定會黎,但係係時間問題,你同佢追單既話,佢仲會好好咁攞將入左單既紙出黎同你對,所以未黎既野食就等下啦,時間問題,一定會黎

今次又因為同朋友聚下,走左去食放題,於是近近地去左係觀塘既呢間試下,之前見D FD成日都去呢間食,一早心思思想去,之後BOOK左9:00五位,入到去,原來再入再有一到係比人食野既,真係有D神奇,一坐低即刻畫野食,第一道就黎左XX抄"油"魚(唔記得左個名,哈)好似用D韓國既醬炒過咁,有少少辣,唔食辣既人都食到,但略"鹽"小小鑊氣,食一碟就OK,食得太多就會厭,其次就緊係食佢地既刺身啦,一開始心諗食左D咁濃味既野,D三文魚可能食落會冇咁鮮味咁啦,點知,哈佢D三文魚切到好厚身,食落去真係好舒服,即使係壽司,佢一樣切到好厚,但舊飯就好細舊,真係好好,仲有既係,有D放題(比較CHEAP個D)佢地會用機整舊壽司,但呢間你一食就知佢係手整,,我個人幾欣賞,可能因為上一次係一間麻麻地既放題食,搞到我知道其實真正既放題係點既,雖然呢間放題唔係話食完一次就要次次黎食,但好中肯講句,佢唔係衰既,如果有人係觀塘附近,又唔想出到去尖咀呀,旺角咁遠食既,咁咪食下呢間,佢其實咁既價錢,唔係太貴,又唔係平到百零蚊咁,諗唔到食咩真係可以食既,好喇,講番D刺身,到我幾鍾意食既希靈魚,佢都不過不失啦,幾好家,不過有D人就唔鍾意,我就係鍾意個班,哈,到甜蝦,佢居然原隻上,仲幾大隻下,起碼比正常甜蝦大一倍,佢D腳個到仲痴住D左紫D既春,D春就真係冇試到喇,但D甜蝦就真係好OK下,如果D人鍾意食甜蝦,真係可以叫多D,另外,佢D鮑魚片雖然冇咩味,但係幾爽口,真D似象拔蚌刺身,另外有一個炒牛肉粒既東西,半生熟,唔錯,但切得麻麻地,一大一細咁,另外有生蠔,但我地5個都唔好呢味野,有個FD仲搞左個GAG話係"半生豪"上左年幾先食,都幾合適,但佢個炸蠔就唔錯既,另外佢地火炙壽司真係唔錯,誠意推介下,但有關海膽既就麻麻地, 因為真係幾腥,另外個蝦天婦羅,都唔錯既,但D蝦唔太新鮮,因為唔太彈牙,但都OK既,另外有個"隕石XX',大家都係唔好試好, 因為佢表面有D面包粒,唔知食緊乜==伸有,有個魚餅用章魚小丸子都唔太推介,因為加左香矛,感覺上唔似食日本野,小丸子既太多粉,有D失敗,但成間野,整體就係係比200零蚊,間野就比你食番200零蚊既野,就係咁簡單

同幾個知心好友，踏完單車，熱死辣辣，又冇食晏，緊係想揾d好野食，咁又廢事打邊爐啦，咁鬼熱，之後想係附近食下放題，凍凍地幾舒服，點知大水坑沙田附近冇放題食，上op睇下，真係冇乜，諗住去兆萬，話哂多放題食，咁又費事上op逐間睇，諗住去到個到樓下有傳單又淨，驚咩
去到樓下，原來真係好多傳單，睇左好耐，原來扮下田疑，咩優惠都係假，間間都係155全包，唔洗煩，建議各位諗下先，等d人拖下就會155全包，上到去喇終於，緊係即刻叫野食，肚餓到抽筋，咩都叫黎食，有既都叫哂，等左一陣，黎左“碟”牛，笑到我地四個碌地，得一塊類似肥牛咁既野，即刻再畫啦緊係，原來份量小到出奇，咩都普普通通，野食冇咩鮮味，由其係刺身，三文魚都接受到，但冇啦啦有d切到一粒粒既魚，似係切到淨番個d廚餘，之後攞比你食咁，之後牛舌牛肉粒，乜牛味都冇=_=得d調味料既味，基本上係食個口感，想食食物既鮮味都幾難，哈，炸物實在席得一調，因為佢個炸蝦係正，睇得出d油唔係好舊，起碼係金黃唔係黑色，不過不失啦真係，之後漏單個d情況都好嚴重5成冇黎，到最後食羊朳同秋刀魚，真係差到想嘔，羊朳極蘇，蘇到勁遠都聞到，除非你鐘意愈蘇愈好，唔係唔好叫，到秋刀魚，一邊有煎，一邊冇，d魚骨藍色既有冇見過，魚肉鬆散，夾唔起，之後成班冇食過一啖，再睇下無煎個邊既魚眼，紅色既，條魚唔新鮮都算，冇預你係新鮮，但秋刀魚起碼要冰鮮啦，病既魚，壞既魚都比人食，玩野，唉，到飲野喇，d野飲一半冇黎，唉，算，咁食放題就廢事飲汽水，點知咩都冇味，唉，檸檬荼淡到飲水咁，綠茶好似酒樓飲個d再淡d，佢又真係有茶葉係入面，唔知飲咩，到茶蜜，稀到冇茶蜜味咁制，唉，之後走既時間睇下op，原來得2.3分，真係，哈