大伏⋯ 大伏 餐牌得三樣嘢，以為咁專應該唔會差啦 點知等上菜就半個鐘，黎到之後天婦羅居然唔係好熱，乜唔係剛炸好咩？咁呢半個鐘唔通將D天婦羅炸好擺一邊等呀？ 粉太厚，太油，蝦雪藏味濃⋯ 咪玩啦 點樣得獎呀？飽係好飽，但係食乜都冇味，只係食到油既感覺⋯⋯ 跟餐有個味增湯，普普通通啦，偏鹹，不過好在夠熱，不過講到成餐飯最掂一定係杯茶囉⋯⋯⋯ 幾好飲呀，又冇收茶位錢😂 總之冇下次啦一定，出面排隊係假象，因為店內座位少，同埋出菜慢姐。

新開張不久，去試一試
樓面職員唔算少，但大部分都睇落毫無經驗，客人連茶都冇杯都可以完全察覺唔到
只係一味企... 扣分

出錯菜似乎係家常便飯，已經連續兩組客人叫煎餃但黎錯水餃
出菜速度慢，尤其如果唔係叫招牌而叫其他的話，等待時間會更長，可悲既係職員並無主動告知客人等候需時。
如果厨房處理唔到咁多款菜式，理應減少。

講返招牌既神山沾麵，由餐廳開1100，一直到1145，門前一直貼上神山沾麵已售罄
當然不能理解為何剛開門已售罄，但稍後已將此牌除下，證明本店管理上仍需作一大改善。

神山沾麵由落單到上菜大概為15分鐘，屬於合理
整體都好，就係衰在湯唔熱
而且太咸，望將來會調低咸度

另外一碗黑神山，就大概等了23分鐘 叉燒屬普通貨色，湯一樣唔熱，而且唔夠味 蛋唔夠流心，敗筆

煎餃屬正常水準，未必食
若餐廳可先做好管理，會令食客體驗更佳
可見大部分客人都不滿上菜速度慢，做唔到唔應該夾硬黎
招牌沾麵若減低咸度及湯可以整熱的話，絕對值得再黎

呢間餐廳已變成我的飯堂
全因佢有水準
訂位係難訂既，一係早幾日訂
服務態度真係好壞參半，有幾個真係西口西面咁，有少數係有禮貌好多既

Garlic Bread Tower，好睇唔好食架下，千奇咪中伏

肉眼扒芝士薯，肥瘦適中，肉質好，芝士薯略伏Garlicpeno pasta，最平但最辣！最惹味 Garlic Foryou Steak，個汁太過搶味，有點失敗
藍芝士野菌長通粉，漏！但味道濃鬱，推
Lemon Calamari Cream Risotto，可以一試，中上水準
尚有許多菜式，都可值得一試
如服務水平能達標，此餐廳應得到更高評價。

山度士係就係好出名，食我都食咗好多次 價錢唔係好覺佢有加，但係份量明顯少咗 記得要訂枱，服務有好有唔好 環境50年不變 上菜速度快係優點 有麵包，有牛油 除非叫飯，否則一般都跟薯條 乳豬都算脆皮，肉質鮮嫩，偏鹹 薯條就比較失敗 烤蝦就堅離地，5隻蝦仔就$178 個汁係OK，但係蝦就唔太新鮮 而家呢個價錢x份量，似乎唔值得再返黎 若果真係要食，都係建議返海鮮飯馬介休T骨等，乳豬唔錯但蝦一般。 講味道，我唔否認官也街佢應該係第一 如果唔堅持食呢條街，會有更好的選擇

赤柱係就係多餐廳，但係有水準既真係少之又少
突然想食片皮鴨，但係又唔想食中菜館，就黎試下呢間Fusion菜
環境好，服務態度佳
餐牌大部分都係"鴨“料理
平日就有Set Dinner， 性價比高，餐湯好得，主菜牛柳非常惹味，甜品OK
另外散叫試下冷麵，都OK但不太驚喜
荷葉飯沒有荷葉味，但整體都可以 片皮鴨真係唔洗叫... 首先價錢已經係堅離地
半隻250，一隻500
北京樓都只係賣緊350一隻
至於由個餅到鴨，都係好一般
美中鴨子我都已經覺得個填鴨一般，但係呢個比美中鴨子更差
但係人地美中鴨子個價錢平好多，所以唔會投訴
整體而言，其他Fusion菜式都可以一試，有驚喜有特色
Set Dinner CP值高，如菜式合適絕對應該點
除非現有價錢再打6折，否則填鴨絕對無必要食，價錢同質素/分量不成正比

一早去到唔洗等位，不過入座講明出菜會耐
叫左一個原味一個辛辣味沾麵，兩個都出事
多年黎食過無數間/碗沾麵，呢個湯真係“完。全。冇。味”
辣就得辣椒油既味道，原味就好似水
麵唔掛湯就一定啦，因為個湯根本都冇味
完全唔知發生咩事，就盛惠$93。
唔係話冇野得，件豚肉係好食既，個石鍋保溫能力高
餃子五件不過不失，以$35黎計呢個質素就尚算合理
環境唔錯，服務態度佳。

唔信湯底可以冇味既朋友可以去試下，保證你一試難忘
絕對係一股清泉！

登龍街第三間拉麵店, 不過都算係最無驚喜果間了...
三個選擇, 三個價錢
第一次食就當然試經典
賣相一絕
叉燒有叉燒味，木耳有木耳味，蔥有蔥味，紫菜有紫菜味。
不過麵唔索湯，失敗；
湯底沒有驚喜，缺乏豬骨味，失敗中的失敗。
不過至在環境好，服務質素高，價錢尚算合理。

食過最細最窄最逼既一間拉麵店, 但亦一直都捧佢場。
近期食發覺個湯底比以前淡左, 不過仍然係一絕！
最欣賞佢既麵, 粗得黎夠細, 有咬口得黎夠彈牙, GOOD！

呢間拉麵店"製作需時", 賣相100分, 份量恰到好處
麵有麵味、蛋有蛋味、湯有湯味、紫菜有紫菜味、肉有肉味、蔥有蔥味。
雖然有凍水提供, 不過大熱天時冷氣又唔夠, 認真係一大問題。 

正所謂“吃飽睡，睡飽吃”，睡醒就去食碗沾麵
「貪字得個貧」，100g 200g 300g 要因應個人食量去判斷，無謂浪費食物。
麵條怎麼做好吃？我不知道。不過這裡的麵條實在彈牙，有質感，值得一讚；對於這個蛋，不夠入味，蛋白沒有蛋白味，蛋黃沒有蛋黃味，有點可惜；至於沾麵的湯，醬油味非常濃郁，湯面上厚厚的油閃閃發光；湯裏有腩肉，肉非常入味，是一塊好肉；蔥，好香，為這碗湯加了不少分。總括而言，周月的食物水準及質素，總有保證；麵有麵味、腩肉有腩肉味、湯有湯味、蔥有蔥味、油有油味，就是蛋沒有蛋味。用餐環境滿意，不會太擠逼也不會太鬆動；冷氣開放一般，面對廚房難免有點兒熱；服務態度好，他們認真負責、積極主動、熱情耐心、細緻周到和文明有禮，實屬難得。