悅華餐廳 (元朗)

叫左幾個小菜後, 家人決定叫多份燒鵝食
不過, 上黎真係嚇親,HKD 88 先係得11舊好薄好乾無味的燒鵝
馬上叫侍應黎睇係咪俾錯左呀? 1/4 都無wor!
侍應見到都窒左一窒拎去同燒味師傅講係咪俾錯呀?
點知燒味師傅勁大聲咁講: 係咁架喇!再上一碟, 泰式豬頸肉,
見識少,請指教!
未食過泰式係包粉炸豬頸肉再加一埋泰國醬其餘生炒排骨, 粟米斑腩都正常

翔龍拉麵小籠包 (觀塘)

位置處於APM 旁的One Pacific Centre, 原來都有很多的新餐廳。
如果APM 沒有選擇時,可以走兩,三步到OPC。

環顧翔龍比較多人讚, 所以於此開餐。
一行6大2小, 一去到就可入座, 環境都幾舒適。
伙計更奉上兩套可愛的青蛙兒童餐具

食物方面:
好吃的有- 
小籠包 : 可以的,不錯
韭黃鱔片 : 好
孜然羊肉 :好好食好香!!!!!
還有其他普通就不提了

不好吃的有 - 
西湖牛肉羹 :牛肉6片 及一大碗榨菜+生粉水
奶油津白: 淡而無味份量少

其實食物方面, 認真是不過不失的。
只不過, 服務方面確實需要大大提升。
******************************
首先, 每次上菜都有說"唔好意思, XXXXXX"
但, 每次都一野放落枱邊, 完全沒有意欲幫客人放好食物, 一放低就轉身走。
******************************
餐廳有一個推廣是, 只要UPLOAD相片到FB 就可以獲得甜品一件。
先問一位男伙計, 他說是送饅頭。之後便UPLOAD 相片上FB給下單女伙計, 她說OK, 會立即送上 (9PM)。
等到10:30PM, 追了2-3次, 得到的答案:"咩饅頭呀, 桂花糕呀!"
一件桂花糕足足等了1.5HOURS, 到埋單, 到離開餐廳的時候都未送上.....
而且, 其中2-3次追單, 伙計的態度真是令人....我不知是否欠了他
雖然是免費的, 但推廣活動弄到如斯田地...不做也罷
******************************

服務方面確實需要大大提升, 否則, 食物多好吃也沒有用。

銀座梅林 (尖沙咀)

之前都試左幾間炸豬扒店
真係差銀座梅林無食過,因為以前比較既時候
都覺得梅林係比較貴, 定食選擇都係比較少
點知, NIC提意話食梅林wor! 好啦! 一於去試下!

都真係幾難搵, 簡單D黎講,

行到去K11霞飛,左邊行過去,有條扶手電梯,上面就係喇
門面都幾冷冷清清, 同其他炸豬店好多人門口等位, 簡直是兩回事呀
門口亦都無人企係度介紹或者帶你入去
同NIC兩個都係自己捐左入去

入到去個經理就遞左個MENU俾我地睇問我地飲乜野
我地拒絕左佢, 立即睇下MENU先,
其實目標都係定左豬柳同埋豬扒, 只係未決定邊隻係白豚邊隻係黑豚珍豚美人, 你會美嗎?
到最後揀左: 黑豚豬柳定食(HKD 168), 白豚豬扒定食(HKD148)枱面有3罐汁: 芝麻沙律汁, 青芥辣沙律汁,梅林豬扒汁
芝麻沙律汁: 同普通芝麻醬差唔多, 都幾香, 所以成愛都主攻佢! 至愛
青芥辣沙律汁: 水狀的, 但係無乜青芥辣味, 試左少少就無再食lu
梅林豬扒汁: 點豬扒的, 普通酸酸甜甜咁....

一直都發覺, 點解無黑芝麻磨既? 唔通之後連到豬扒先上?
同埋li 間餐廳d 服務有待商確, 坐左一排都無人俾熱水上
當你去問佢拎茶既時候, 竟然問: 一杯? ........
係咪收一半服務費??

餐廳環境, 因為坐唔係入到好入,
所以我睇返座位附近既距離都幾近,
大家都聽到對方講乜野

等等等左大概20分鐘度啦, 第一碟黑豚豬柳定食就上枱喇!
黑豚豬柳定食到主角喇..........4粒黑豚豬柳, 每粒有拳頭咁大啦肉色比較肉肉的....

只加了一次菜絲 同埋 一碗白飯
白飯: 好大飯, 但感覺不似珍珠米飯~ (任添~)
麵豉湯: 都幾好味架, 又有肥豬肉片,非常熱, yum yum~~~~

咬一口
望落油份唔算好高, 唔會有一層油...
肉肉係林既, 顏色係肉色既
不過......不過..... 點解無豬肉味既??? 同埋 好似唔Juicy咁
唔開心...

at the meantime, 白豚豬扒定食上場
白豚豬扒定食

 

定食包含既野基本上一模一樣,
近鏡睇下塊豬扒先切開了有6小塊豬扒分層樣子

肉色真係白色的, 左面邊邊有肥肥位
同豬柳一樣麵包糠皮都不太厚 : )
豬扒比豬柳軔都係正常既......
但一樣都無豬味 : ( 食食下D炸皮重要成塊甩出黎 :'(

最後, 因為唔係特別太好食, 又食得唔係太開心
所以, 都快快手食哂, 埋單喇。

我都NIC都認為最好食都係丼吉 都好味
野食好味, 套餐又多, 服務又好~
我都想快D再食多次呀!!!!!!

D人又不停好似催你走咁, 其實都只不過係9點10點, 重要係星期5晚
一見到飲完麵豉湯, 就立即收走...
一見到你食哂D豬扒就立即成盤收走....
重見到D 侍應自己搵隻手打開隔離枱D人既麵豉湯,
想收左人地碗湯....
係咁趕人走咁
感覺真係好差....

丼丼屋 (屯門)

約左同學去左屯門丼丼屋度食
都幾多人食, 等左成半個鐘頭以上架!
 忌廉芝士薯餅 HKD 38 /2 PCS
芝士味唔係太香
薯仔蓉好味... 不過38蚊2粒就.......
切開左後的樣子.....咖哩吉列豬飯 HKD 75
其實都幾細份呀, 不過, 豬扒都真係幾好味, 幾林
同梅林一樣, 塊炸皮都甩左出黎
咖哩好杰, 無肉碎, 如果有肉碎就好味好多
總結都幾好食, 不過, 咁樣既配搭一個飯都幾貴....汁燒牛扒丼 HKD 78
因為唔係我食, 唔知好唔好味
但試左一舊都幾林既北海道朱古力白玉子 HKD 35 ( 跟餐25)
跟餐點的北海道雪糕, 其實都幾貴.....
只不過諗, 可能無下次再食丼丼屋, , 所以都點左
都幾大杯架, 雪糕都幾軟, 中間有脆脆片一定要撈埋D 雪糕先好食
最後大杯到我食剩左, 哈哈哈哈哈哈
我果然無一個甜品既胃! 北海道草莓新地 HKD 38 ( 跟餐25)

最後都差唔多成百幾蚊一位, 都唔平架!

入到去, 同普遍港式日本餐廳一樣,勁大聲講日文"歡迎光臨"
其實都幾騷擾架...嘈到講唔到野

坐BAR枱位, 咁ARM 坐正D人放返D杯返去廚房位附近
其實望住咁食都幾唔開胃

Miracle House (旺角)

同大學同學食飯, 揀左幾間樓上cafe
第一間因為太多人去唔到
最後揀左 - Miracle House
真係咁大個女第一次去Cafe
位於地鐵樓上又真係幾方便
不過間舖真係好細間, 一眼望哂
同我想像中Cafe 一樣D 野食逐個餐都真係幾貴
所以就叫左一個叫做8-15人既餐每位99蚊, 每人加多10蚊可以變左任飲 (連加一約120/HEAD)
但係, 變左任飲都係唔太抵, 因為D 野飲實在太甜.....
同埋份沖粉出黎既野飲, 可以問佢拎水飲重好
首先上左麵豉湯同埋中華沙津< 不太特別, 所以無影到和風雞肉沙律 + 凱撒沙律
兩款沙律都幾大份, 唔錯唔錯
但係我只係食包同埋雞肉姐 PPPP脆炸小食
最快俾人掃哂既一碟
炸野食不外乎熱辣辣上菜就好食
如果落多少少鹽會正好多日式鱆魚餅 + 炭燒雞肉串
全部都係交黎既貨式, 所以無乜特別大評語
兩樣相比, 雞肉串比較好味, 汁多...
重有清酒煮蜆<又唔記得左影
主菜揀4款如下 ( 當日無自家制漢堡扒下)溫泉蛋肥牛丼 (3人份)
好食! 好香!可以榮登當晚至好食野食之一
如果肥牛可以唔好煮咁熟會更好
熱辣辣既飯 + 蛋汁 + 牛 = PERFECT MATCH!唐揚炸雞
雞有醃過, 都叫有D味道
不過,份量頗少......唔夠食滑蛋吉列蠔丼
唔食蠔的我無幫襯到
滑蛋加飯都幾好味既
LI 度D 丼都幾好食, 好好!蒲燒鯛魚定食
最遲上, 大家都無乜心機再食
大家對條魚無乜動筷
反而,食哂佢D菜(?)

朱古力PUFF
甜品每人2粒朱古力Puff
好濕好古怪, 不過, 有個甜品做個結尾都幾開心

當晚重玩左UNO層層疊同埋DIXIT

(只限8張相, UP唔哂上黎TIM.....)

當晚其實係第一批上去既客, 一去到就帶左我地入房
因為之前問過:"需要10人以上先可以BOOK房!"
再出去問返D人, 先話帶你入錯房, 要坐返出面

過左無幾耐, 又有一批客上黎, 佢地又指示D人入哂房
點知再DOUBLE CHECK 之下, 原來又帶錯人

到最後全晚D人都不停問: 係咪鄭小姐? 係咪鄭小姐?
最後, 鄭小姐到左先再無誤會事情發生。

當日當值兩位男生可能唔係熟手,
大部分問題都答唔到...

上菜方面比較慢, 有時都唔知玩左先定係食左先
有位小姐態度亦都比較寸: "食完先玩啦好無?"
但係食物上得真係幾慢,好彩係第一批客上黎, 所以先好D
見到其他客坐左好耐, 得少少野食, 野飲要追先有

冷氣比較少, 熱熱地!