剛剛見雜誌介紹這間新餐廳，顧問正是米芝蓮三星8 1/2 Otto e Mezzo 的大廚，Otto e Mezzo食唔到（次次都fully booked)，一於試下。

Sunday 12nn walk-in，竟然fully booked或1pm前還枱，當然選擇後者。環境舒服，雖則不是豪華裝修，但感覺modern。被安排坐左'food market' 側的table，感覺唔錯。餐前麵包：無特別，微暖，反而個olive oil好得，好smooth又香。後面food market 有得賣。Clam pasta: 蜆雖然細細，但量多，而且好鮮甜。意粉充滿鮮味又Al dente，好得！Parma ham cheese pizza: 芝士超香，餅底似意大利食過的，有麵粉香但唔太薄或太厚。食完一件已想食第二件，正！

提議下次要book枱慢慢食，同試多幾款美食。

之前在尖沙咀食過數次新羅寶午餐，最愛炆牛肋骨。今次試下利舞台新裝修的。

環境：光線充足，枱與枱之間有足夠距離，感覺又新又舒服

午餐選擇約有二十款，價錢約＄78起前菜：韓國前菜特點夠多，其實本人唔食kimchi，魚仔花生好好食

炆牛肋骨：太肚餓所以忘記影相。一如以往牛肉夠腍，不過好似比以前淡味，但可接受。韓式燒烤肉：有齊豬、牛、雞，味道普通，但份量頗多

個人覺得退步了，有少許失望，或者下次試下其他菜式看看。

去跑馬地，見食評推介此餐廳，又想食小炒，於是去試下。

茶餐廳格局，於卡位坐下來。服務員即過來推介食物，蒸鮮魚、羊腩煲等，但我話我地想食簡單小炒同多菜，於是即推介咕嚕肉，是招牌菜。

咕嚕肉：頗大碟，比一般餐廳/小炒多咕嚕肉。嘩...外脆（有少少似拔絲感覺）內嫩，仲要無骨，平時唔太食咕嚕肉的我都立即想再食。不過我喜歡食咕嚕肉旁的菠蘿，點解唔見？

枝竹豆腐班腩煲：班腩唔得，魚本身唔靚。豆腐都平平，唔夠滑又無豆味。枝竹最好食，其實似面根，不過味道OK。

蒜蓉炒油麥菜：夠鑊氣，幾好幾好

咕嚕肉真的好回味，一定會為它再回來！

每次經過citysuper, 都會買綠茶puff cake或者軟雪榚食下。今次見有新產品（冬日限定），即買。

見服務員先預備綠茶，用茶粉加熱水煮，用另一個杯裝綠茶軟雪榚，然後加入剛煮好熱綠茶。

最後愛一凍一熱的食物，一啖半溶雪榚配一啖暖暖綠茶，好好味呀！如果奶味輕少少，茶味多少少就更好。
一定encore!!

去開灣仔，又唔太肚餓，一於試下新餐廳。

去到一枱客都無，有D驚驚... 服務員示意我地坐近門口table枱，其實我比較想坐bar枱，不過算了。

餐牌上食物選擇唔多，但有tasting menu，不過唔肚餓，最後都係散叫。撈麵（辣/唔辣）：服務員送麵時先加麻油mousse，interesting! 味道似平時雲吞麵舖食撈麵，麵質幾好，隻冬菇有酒味，加上少少麻油香，成個組合又幾夾梅子鴨脾：酸酸甜甜幾好味48小時牛仔骨：似牛仔肉配柱候醬多D，肉質軟腍腍，又有肉味，幾好食Warm chocolate mousse: 第一次食熱chocolate mousse，有D似creamy版疏乎厘，好虛幻，唔錯

見到評價都話佢貴，但我欣賞佢哋嘅創意，下次要試埋其他菜式！

九龍城有很多泰國餐廳，小曼谷為最常去之一，因為我覺得佢哋芝士炸蝦丸係最好食。泰式椰菜仔炒豬頸肉：很喜歡椰菜仔，有菜味又有口感，加上泰式煮法（即蒜蓉＋魚露＋辣椒...），超級惹味。但豬頸肉及食到尾聲好咸泰式雞肉炒飯：standard 泰式炒飯，夠乾身，幾好食炸芝士蝦丸（$65/3）：見加左價，有D唔高興，但原來大粒左。蝦肉依舊彈牙，有好多蝦肉，芝士半溶，正！可惜第三粒D芝士唔見咗，有D失望。

因明天有試考，今晚特登去丼丼屋食廣告嘅「勝丼」（即滑蛋炸豬扒飯）。

6：15pm到，以為好早，點知已經有十多人在門口，取票後得知還有10張2人枱，最後等到7點先有得入。滑蛋炸豬扒飯：一打開仲見到好多生蛋白，唔記得落order 時要熟D。炸豬扒普通，醬汁夠惹味滑蛋牛肉烏冬：普普通通，下次可以食其他綠茶新地：雪榚奶味夠香滑，綠茶味唔夠，但已經比坊間好食好多

每次想食蔥吞拿魚飯，都會想起壽司德，但有時又唔想去尖沙咀，今次有機會啦。

今次無訂檯，好彩有兩個吧枱位。自選壽司八件（$200）：師傅手勢唔錯，飯唔會太鬆亦都唔會硬，海膽、toro都幾新鮮蔥吞拿魚飯 （$180）：吞拿魚夠肥美又有魚味，連少少醬油、washabi、芝麻、日本米，真係人間極品。

晚飯食完熱氣串燒，要食糖水補補。

東大街開多咗好食肆，甜品舖都唔少，我個人最鍾意老媽，尤其佢嘅蛋白杏仁茶。

芋圓＋蛋白杏仁茶：有得加芋圓，之前台灣九份食過覺得好好味。芋圓有芋頭同南瓜，有淡淡芋頭味，但南瓜味就唔太出，但普通粉圓。蛋白杏仁茶如常有好多蛋白，唔太甜，杏仁香又滑，感覺好養顔。

今晚想食串燒，見此店評價唔錯，去試一試。6：20到達，一個客人都無，有D擔心。
服務員立刻上前熱情招待，話隨便坐，今日返咗好多海鮮...
另一位疑似老闆再過黎推介食物，包括蠔烏冬、忌廉海鮮烏冬、豬骨拉麵（佢話D客話好食過一蘭，真的嗎？！）、串燒羊、蠔、鱔...桃味特飲：幾好，桃味唔太假又唔太甜蕃茄沙律：佢話係自家制醬料，酸酸甜甜，開胃好味蠔烏冬：蠔都幾大隻，湯底自淡淡蠔味加上豬肉味，唔錯。烏冬都算彈牙，好快已經食晒。

牛舌：厚切，有口感

豬肉：超正，有豬肉味又juicy

雞軟骨：個人覺得咸咗少少，老闆即過黎話下次可以叫佢地輕手D，仲問未到嘅串燒要唔淡D（好細心呀！）

茄子：又係厚切，外脆內juicy，正

雞翼：夠惹味

煙肉蕃茄：一啖食，蕃茄於口內爆汁，好熱不過好好玩

白鱔：老闆話今日返兩條大白鱔，一定要試下。真係好鮮味，好食過好多高級串燒店。其實食海鮮，最緊要係材料新鮮，烹調技術的其次。

食食吓都已經八成滿，老闆熱情得來又唔hard sell，不過地方就細D，下次我都要早D至得。