終於等到機會平日去一蘭碰運氣，下午2點15分到達，經過街口，無人排隊，正。再行入少少，見人龍只有十多人，即排啦。

等了10分鐘，職員請大約十位客人入去。再過10分鐘，到我哋啦。入到去原來仲要排隊等，職員指示我哋排隊位置，再每人派一份點菜紙並叫我哋填好（個人覺得好似見工咁），然後再仲張枱入座。環境唔多講，可參考雜誌及其他食評。大約10分鐘，期待已久一蘭拉麵出場啦。即試湯底，有香濃豬骨味又比豚王light，正！
麵軟硬程度可以自己揀，味道都幾好。
不過叉燒就好似紙咁薄，豚王叉燒好味D。
最後食晒成碗麵，連湯都飲埋，大滿足！

原本想叫可樂，點知無供應...拉麵＋可樂係絕配喎...

不過另要一讚，每個位都有自助水，好方便，而且D水仲要好好飲，唔似有D有檸檬皮味或自來水味。

排20分鐘可以接受，如果多過半個鐘就未必會再食啦。

八點去到無book位話要等30分鐘，20分鐘後返黎就話有位。見門口話憑賽車票尾有贈飲，原來係sangria，果味濃郁，唔錯。葡式檸檬白酒煮蜆：都幾大蝶，蜆都幾新鮮，個汁點麵包仲正焗鴨飯：夠熱辣辣，鴨絲都幾多，加埋個臘腸幾好。但個人覺得唔夠海灣餐廳香同入味。蒜蓉炒椰菜：椰菜有菜味、蒜蓉香，好快食晒成碟

銀河卡有九折，成餐飯只需$260（二人），我覺得幾抵食

有好一段時間無去誠昌，突然掛住水蟹粥，即去。

搭酒店專車到官也街，可能時間尚早（12nn) 唔係好多人，即去誠昌，免得要排隊。

去到門口，姐姐話正店滿咗，帶我地去另一邊，幾步路就到。水蟹粥：細$150 有4碗，大$180有6碗，大抵D，所以揀大。粥底依舊綿綿，蟹膏好似無以前咁多，但味道都幾好。蟹肉就小D，同埋食到尾好多殼碎。炸墨魚丸＋鯪魚球：兩樣都好好食，熱辣辣又彈牙，不過鯪魚球就咸左少少

之前試過幾次都訂唔到，今次早個半月終於成功！原來要填form留credit card information ，到時唔出現要扣deposit。因要睇賽車，所以都幾急，一完賽事即飛奔去新葡京。首先到39/F reception, 然後用專lift 上43/F. 服務員好有禮貌咁帶我地到張枱，由於好多玻璃，光線充足，枱唔枱又有適當距離，modern decoration，感覺好好。

之前上網已經睇左menu（其實已經識背）揀好晒，點知服務員比我份menu有一半唔一樣，又要由頭睇過...落order 之後，服務員送上麵包籃，然後有架牛油餐車，可選有鹽或無鹽，貪心的我就兩樣都要。
比較之下無鹽仲正，香D滑D。

麵包微暖，種類唔多，芝士包最好味。Welcome dish: 粟米湯伴檸檬jelly，粟米湯in foam form, 好有粟米味，檸檬jelly好fresh炸蛋：賣相好靚，炸蛋加埋sauce好夾，口感有層次，正！海鮮湯：湯好濃海鮮味，配上脆炸魚，超正！烤雞伴鵝肝：雞肉外面香脆，雞肉味濃但又嫩，好好食。鵝肝同平時鐵板燒有D唔同，雖然都係外脆，但無咁dry，而內面就好軟，入口即溶，勁正！和牛鵝肝迷你漢堡：另+$90，都好食不過就無乜surprise，有D後悔甜品：可選兩款，最後揀咗拿破倫（服務員推）＆朱古力tart. 拿破倫皮由多塊好薄脆脆組成，vanilla cream 好香又唔heavy，超正！朱古力tart有焦糖，焦糖好香，我至愛！

最後上埋coffee tea，perfect ending. 但由於趕時間，我request 服務員幫我打包petit four，佢地幫我地pack得靚靚，超好service.

成個lunch都非常滿意，不過希望佢地記得update 網上menu！

去大三巴經過見好多人，所以過去睇下。

原來係咖喱魚蛋同串串，見咁多人買，我地又要食...

見牆身寫住「不設排隊...」，下？要自己執串串放落個盤到，然後比佢計數同煮熟，加秘製醬汁同咖喱。我知點解咁多人... 因為亂到爆。第一，D串串無價錢，一盤餸比姐姐佢就會好快咁講價錢，無得問。第二，D客又迫不得意要行開因為太多人啦，姐姐煮好D串串，會周圍問邊個架邊個架，D客也聽唔到，勁亂。第三，D客會加單，但好多時又加落唔知邊個道，超亂...經過一輪大混戰，終於都有得食啦。様様都幾好食，個汁好香。但由於太混亂，下次會等少D人先再食。

每次去澳門，「食」可以話係重點，今次去三日兩夜多D時間試下其他餐廳。

第一餐就揀間近酒店嘅意大利餐廳（本人超鍾意食意大利菜，之前食開Don Alfonso，不過怕麻煩要出澳門半島，所以都係近近地兼試下新野啦）。Set lunch 只係$140 起包湯／salad bar，主菜，甜品加$40.
最後我地二人叫左一個2 course + 一個3 course。

服務員問我地要有汽水或蒸溜水，我問有無普通水，她答蒸溜水？咁我話sparkling water 啦。事後見格離枱有免費水，唔通我問得唔好？

見格離枱食客著suit，有D似酒店職員，路住見好多人過黎say hi，成間餐廳好似員工返堂咁。Salad bar: 選擇唔多，有自己溝嘅salad、多種蕃茄（dried, roast, fresh, salad & with mozzarella cheese)、油浸茄子、南瓜、露筍等，味道就普通啦麵包：好大個，暖暖地，幾好味（當然同Don Alfonso無得比）Main course: 意粉幾好，有口感又有海鮮味。海鮮都幾豐富。另一個魚就唔得，有D似中式蒸魚，但無䜴油仲要腥腥地...梨tart配雪榚：梨tart超多梨，唔太甜，配埋雪榚幾好

其實整體食物普通，不過以酒店餐廳來講，算ok

去開金鐘，見此泰國餐廳（美心集團）晚飯有折扣（AE card)，所以一試。Mojito: 勁多料，好fresh，鍾意香芧一定like泰式炒菜：好香又惹味，不過食到最後覺得好咸紅咖哩炸豆腐：超正，豆腐脆漿好薄，內裹嫩滑。咖哩香多過辣，仲要有芽菜，口感豐富
薄餅：配咖哩，相對地較普通炒金邊粉：酸甜度適中，又夠香，好食燒鱔：要等30分鐘都值得，夠厚肉，又鮮甜，個皮仲要脆，下次一定要encore

香港有好多出色嘅牛角包，好似urban bakery，simply life. 而迷你版就覺得sogo 超市lee 間最好食。迷你原味牛角包：新鮮（暖暖的），每小時都有出爐。香脆又有少少牛油香，唔太heavy，食完一個仲想食多個。之前食過朱古力味，朱古力味夠香濃，不過就甜咗少少可露麗：即canele，好似係佢地嘅新產品，有朱古力同綠茶味。質感濕濕地，但皮唔脆...

好鐘意食北京烤鴨，最近食過大都烤鴨覺得唔錯，今晚再食過。鐘意食大都嘅烤鴨因為烤鴨出色，配料特別（哈蜜瓜、沙糖）水晶鴨舌：我唔食鴨舌，朋友話係jelly + 鴨舌，好味海鮮湯燴魚：湯好鮮又夠濃味，令魚味更濃水煮白菜：其實唔係水，係上湯，唔理好唔好食，賣相贏晒

另環境都幾舒服，不過建議要訂枱，如果唔係有排等

一班人最好食中菜（round table 放便傾計）又想近近地食海鮮，最後從openrice 揀左lee 間。

一座低服務員就sell我地要最貴食物，好似$688燉湯，感覺不良好

整體食物都唔錯，個人覺得以下最為出色。胡椒浸大蜆：大蜆鮮甜夠多肉，同胡椒味好夾，連下面D粉絲都好正燒雞：皮夠香脆，雞有雞味，好食糯米蒸蟹：好大隻蟹，又多蟹膏，又多肉。糯米有少少蟹味，幾好。

雖然食物好，但環境超嘈（餐廳一半做擺酒），而且價錢貴（糯米蒸蟹要$800），應該都無下次啦！