屋企人生日，打算食自助餐／放題放縱下。

這間日式放題分2時段：6-8:30pm& 8:30pm~

打電話訂位時話得6點，如果8點半要waiting. 點知上到去話打唔到比我confirm 於是排落waiting list? What??? 我電話無響過，再加上只留枱15分鐘，如果客人無出現你地都會比張枱人地，之前電話訂位時都無話要confirm, 好明顯佢地搞錯左但竟然怪個客？！

Anyway, 最後等到6：10pm 又話有枱比我地。

6人一入座，要坐張好似4人卡枱，不過見鄰枱6人卡枱要坐9人（7大2細），都係算了

選擇超多，8張紙有刺身、壽司、串燒、鍋物、天㷌羅、沙律、飲品、雪榚...刺身：帶子、甜蝦、象拔蚌幾好，三文魚好大件大膽試創作壽司，太古怪，全枱人都唔鐘意

串燒：雞軟骨、牛舌、翠肉瓜部要encore炸芝麻雞翼：juicy 又野味，必食

蟹粥：少少蟹膏，無乜特別，不過食咁多生冷野有碗熱辣辣粥落肚都幾好

食完N round 之後，雪榚：雲呢拿、朱古力、芝麻味嘅雀巢雪榚，可以不食

食物唔錯（特別熟食），不過座位真的很擠迫，跟本唔夠位放食物，有待改善。

一直覺得美心集團做得幾好，尤其餐廳，例如北京樓、lawry、rice paper. 當然仲要因為有AE card 有折啦。今次就食潮庭（即以前潮江春高級版）。花膠螺頭蟲草花燉湯：材料勁豐富，湯亦夠濃味，飲完食埋材料已半飽香煎筍殼魚：時令菜色，煎得夠香脆，肉質嫩滑，不過無乜魚味木桶炒飯：有雞粒、冬菇再加鮑汁炒飯，好好味紅棗榚：太軟，都食到紅棗味芋泥：好似啖啖甜芋頭，正

成日都好掛住函館食過嘅一款芝士蛋糕，見Luna 又有函館芝士蛋糕，於是買返去試下。

一盒四件$128，都幾貴。

要從雪格解凍先食得，有足夠芝士味，質感鬆軟，唔錯唔錯，不過都係之前去函館食嗰款好味D，可能回憶永遠都是美好...

美心集團餐廳食過好多次，小菜幾好，又坐得舒服。不過今次想講下啲翠園甜品。

平日本人食完飯一定要甜品，感覺先圓滿，尤其欣賞美心集團八月x甜品，款式多之餘賣相又靚，味道都好好。

今次食完飯其實都8分飽，但都要睇下甜品menu ，選擇唔多，最後叫咗個樣子可愛奶黃鴨仔同黑糯米番薯榚。奶黃鴨仔：黎到走樣，外型似無殼蝸牛多D。味道唔太甜，少少奶黃味，都OK黑糯米番薯榚：D黑糯米超硬，估計無煮過就咁蒸，味道唔甜，不過真係好飽，仲要用力咬，所以食唔晒。

下次都係食糖水好D...

之前食過尖沙咀al Dente 晚飯覺得幾好，今日約人食lunch，試下灣仔得唔得。
12nn去到，得一個客（其實間餐廳得唔夠三十個位），朋友12：30到，餐廳都差唔多滿座。Pasta of the day: 白酒汁蘑菇意粉
Pizza: margerita
最後order 2 set share

沙律：都幾大碟，幾多菜

椰菜花湯：味道一般

Pizza：薄餅底，味道可以，但芝士偏少Chicken saltimbacco:雞肉煎得香而內裏juicy甜品（Apple crumble， with vanilla ice cream): 正，Apple crumble仲要暖暖地。不過真的太飽，食唔晒以office area黎講，$108 算OK，仲要可以慢慢坐唔會催人埋單！

曾幾何時，王家沙是我上海菜餐廳list之一，但最近覺得越來越差，尤其今次。

環境：之前裝修過，坐得尚算舒服，但枱與枱距離太近，樓底又唔高，感覺好嘈吵

小籠包：普普通通啦蟹粉豆腐：蟹粉好少，無乜蟹粉味，但一定係真材實料，因為有蟹殼松子魚：好細條，肉少，汁太濃味又杰...牛肉餅：熱辣辣，都有肉汁，不過覺得之前好食D

薑汁芥蘭：最好食，不過份量少得過份應該無下次啦...

沙田新城市廣場有很多食肆，但很多都是連所店，於是揀這間市面上少見嘅餐廳。

這間餐廳主要食烏冬、鍋物、天婦羅、壽司及定食，選擇都幾多，但無set lunch.昆布烏冬＋天婦羅＋五目飯定食：
老實說，烏冬很普通，無口感，無麵粉味，不過未至於難食。昆布比餐牌圖片少好多（雖然我明白圖片只供參考...）。天婦羅油較多，材料普通。我最喜歡五目飯，其實冇乜味道，不過有牛蒡丶冬菇等有口感的材料，我鍾意！牛肉鍋烏冬：普普通通

雖然食物真係好普通，但以呢個價錢，坐得舒服，食物又唔太差，叫做OK啦。

之前去大坑食過，原來天后都開咗分店。

咖喱豬扒撈出前一丁：咖喱幾香，撈丁都唔錯，但豬扒好普通菠蘿冰：超大杯，菠蘿係新鮮菠蘿，好甜，但太多冰，好凍食物都OK，但成個餐要成$80（撈丁＋$10，菠蘿冰＋$15），太貴啦。以前食冰室就係貪平，而家貴過去coffee shop...

天氣稍涼，就想起魚鍋打邊爐，因為魚鍋如果時常都要坐出邊。
原來當日出邊唔開，坐入邊有冷氣舒服好多。

秘製豬骨煲：材料豐富，大量豬骨丶蘿蔔丶粟米，湯底有濃厚嘅豬骨同胡椒味，超正！手切肥牛：雖然唔係好肥，但都好有牛肉味白鱔片：大大片，師傅刀工好，冇乜骨，又夠新鮮布包豆腐、油麥菜：新鮮好味
見有好多人都食雞煲，好似都好正，下次可以試吓。

天氣唔錯，於是試下這間望海日本餐廳。這楝大厦好似是新建的，有唔少餐廳，下次要試下其他。
由於沒有訂枱，服務生說只有bar 枱，冇所謂啦都係對住個窗，雖然唔係全海景但都夠開揚。前菜：麻麻哋，尤其個蒸蛋怪怪地自選壽司定食（8件+1卷物連烏東)：
由於坐吧臺，師傅係你面前即製即上。由白身魚開始，師傅話有啲仲有特製醬油，唔使點壽司豉油，幾細心。海鮮都幾好，師傅整壽司手勢都唔錯，鬆散適中。刺身、天婦羅、燒物定食：百零蚊就滿足三個願望，最適合貪心嘅我。燒物係有油香嘅銀鱈魚，仲有件日式炆豬肉，樣樣都幾好食！除咗我覺得「飯」有改善空間，以高級日本料理而言，飯唔夠米香及質感可以更好。最後仲有雪糕添，我去洗手間時，服務員等我返來先送雪糕，服務細心，讚！