「勝丼」= 必勝！

最愛蔥吞拿魚飯

2013-12-06

壽司德 (尖沙咀)

類別 :

日本菜、壽司/刺身

每次想食蔥吞拿魚飯，都會想起壽司德，但有時又唔想去尖沙咀，今次有機會啦。

今次無訂檯，好彩有兩個吧枱位。

自選壽司八件（$200）：師傅手勢唔錯，飯唔會太鬆亦都唔會硬，海膽、toro都幾新鮮

蔥吞拿魚飯（$180）：吞拿魚夠肥美又有魚味，連少少醬油、washabi、芝麻、日本米，真係人間極品。

推介此食評

0個

你覺得這篇食評:

鼓勵

期待

有趣

感動

羨慕

靚相

芋圓＋蛋白杏仁茶？！

2013-12-05

甜品老媽 (筲箕灣)

類別 :

港式、甜品/糖水

晚飯食完熱氣串燒，要食糖水補補。

東大街開多咗好食肆，甜品舖都唔少，我個人最鍾意老媽，尤其佢嘅蛋白杏仁茶。

芋圓＋蛋白杏仁茶：有得加芋圓，之前台灣九份食過覺得好好味。芋圓有芋頭同南瓜，有淡淡芋頭味，但南瓜味就唔太出，但普通粉圓。蛋白杏仁茶如常有好多蛋白，唔太甜，杏仁香又滑，感覺好養顔。

推介此食評

0個

你覺得這篇食評:

鼓勵

期待

有趣

感動

羨慕

靚相

熱情串燒小店

2013-12-04

八沢 (筲箕灣)

類別 :

日本菜、串燒店、拉麵、烏冬、串燒

今晚想食串燒，見此店評價唔錯，去試一試。6：20到達，一個客人都無，有D擔心。
服務員立刻上前熱情招待，話隨便坐，今日返咗好多海鮮...
另一位疑似老闆再過黎推介食物，包括蠔烏冬、忌廉海鮮烏冬、豬骨拉麵（佢話D客話好食過一蘭，真的嗎？！）、串燒羊、蠔、鱔...

桃味特飲：幾好，桃味唔太假又唔太甜

蕃茄沙律：佢話係自家制醬料，酸酸甜甜，開胃好味

蠔烏冬：蠔都幾大隻，湯底自淡淡蠔味加上豬肉味，唔錯。烏冬都算彈牙，好快已經食晒。

牛舌：厚切，有口感

豬肉：超正，有豬肉味又juicy

雞軟骨：個人覺得咸咗少少，老闆即過黎話下次可以叫佢地輕手D，仲問未到嘅串燒要唔淡D（好細心呀！）

茄子：又係厚切，外脆內juicy，正

雞翼：夠惹味

煙肉蕃茄：一啖食，蕃茄於口內爆汁，好熱不過好好玩

白鱔：老闆話今日返兩條大白鱔，一定要試下。真係好鮮味，好食過好多高級串燒店。其實食海鮮，最緊要係材料新鮮，烹調技術的其次。

食食吓都已經八成滿，老闆熱情得來又唔hard sell，不過地方就細D，下次我都要早D至得。

推介此食評

1個

你覺得這篇食評:

鼓勵

期待

有趣

感動

羨慕

靚相

終於食到啦！

2013-11-25

天然豚骨拉麵專門店一蘭 (銅鑼灣)

類別 :

日本菜、拉麵

終於等到機會平日去一蘭碰運氣，下午2點15分到達，經過街口，無人排隊，正。再行入少少，見人龍只有十多人，即排啦。

等了10分鐘，職員請大約十位客人入去。再過10分鐘，到我哋啦。

入到去原來仲要排隊等，職員指示我哋排隊位置，再每人派一份點菜紙並叫我哋填好（個人覺得好似見工咁），然後再仲張枱入座。

環境唔多講，可參考雜誌及其他食評。

木耳+$10

大約10分鐘，期待已久一蘭拉麵出場啦。即試湯底，有香濃豬骨味又比豚王light，正！
麵軟硬程度可以自己揀，味道都幾好。
不過叉燒就好似紙咁薄，豚王叉燒好味D。
最後食晒成碗麵，連湯都飲埋，大滿足！

原本想叫可樂，點知無供應...拉麵＋可樂係絕配喎...

不過另要一讚，每個位都有自助水，好方便，而且D水仲要好好飲，唔似有D有檸檬皮味或自來水味。

排20分鐘可以接受，如果多過半個鐘就未必會再食啦。

推介此食評

0個

你覺得這篇食評:

鼓勵

期待

有趣

感動

羨慕

靚相